တၢ်ကတိၤဒိ
1
1 အံၣ်စရ့လး အစီၤပၤ, စီၤဒၤဝံးအဖိခွါ စီၤၡလိၤမိၤ အတၢ်ကတိၤဒိ,
2 ဒ်သိးပှၤကသ့ၣ်ညါတၢ်ကူၣ်သ့ဒီး တၢ်သိၣ်လိ, ဒ်သိးအနၢ်ကပၢၢ်ပှၤသူၣ်ဆးသးဆးအတၢ် ကတိၤ,
3 ဒ်သိးအကဒိးန့ၢ်တၢ်ကူၣ်ဘၣ်ကူၣ်သ့, တၢ်တီ တၢ်လိၤ, ဒီးတၢ်စံၣ်ညီၣ်, ဒီးတၢ်အသးစၢၢ်ဆၢတဖၣ် အတၢ်သိၣ်လိ,
4 ဒ်သိးအကဒုးကူၣ်သ့ပှၤလၢ အတမၤ လိဘၣ်တၢ်ဘၣ်, ဒီးဟ့ၣ်တၢ်သ့ၣ်ညါ, ဒီးတၢ်ဒုးပလီၢ် အသးလၢပှၤဖိၣ်သၣ်ခွါတဖၣ်လီၤ.
5 မ်ပှၤကူၣ်သ့ ကနၣ်တက့ၢ်. ဒီးအမၤလိတၢ်ကအါ ထီၣ်, ဒီးပှၤလၢအသူၣ်ဆးသးဆးကန့ၢ်ဘၣ်တၢ်ဒုးကူၣ် တၢ်လီၤ.
6 အန့ၣ်ဒီးအနၢ်ကပၢၢ် တၢ်ကတိၤအဒီၣ်အ ယိာ်, ပှၤကူၣ်တၢ်သ့အကလုၢ်အကထါ, ဒီးအပှိၤ ပှီၢ်တၢ်လီၤ.
7 တၢ်ပျံၤယွၤန့ၣ် မ့ၢ်တၢ်သ့ၣ်ညါအခီၣ်ထံးလီၤ. တၢ်ကူၣ်သ့ဒီးတၢ်သိၣ်လိန့ၣ်ပှၤဟးဂီၤဖိတပးကဲဘၣ်လီၤ.
8 ယဖိခွါဧၢ, ကနၣ်နပၢ်အသိၣ်တၢ်တက့ၢ်, ဒီးလဲၤ သဒၣ်နမိၢ်အသိၣ်က့ၤသီက့ၤတၢ်တဂ့ၤ.
9 အဂ့ၢ်ဒ်အံၤ, ကကဲထီၣ် တၢ်အဃံအလၤအခိၣ်ကျီၤလၢနခိၣ်အလိၤ, ဒီးဖဲတဝီလၢနကိာ်လိၤလီၤ.
10 ယဖိခွါဧၢ, ပှၤတၢ်ဒဲးဘးဖိမ့ၢ်ကလံာ်နၤဒီး, အၢၣ်လီၤ အီလီၤတဂ့ၤ.
11 မ့ၢ်စံးဟဲဒီးပှၤ, မ်ပကခိးခူသူၣ်လၢတၢ် သွံၣ်အဂီၢ်, မ်ပကခိးတဒၢတၢ်လၢပှၤအတၢ်ဒဲးဘးတ အိၣ်ဘၣ်ကလီကလီအကျဲအဂီၢ်တက့ၢ်.
12 မ်ပကယူၢ် လီၤကွံာ်မူဒံးအီၤ ဒ်ပျုၤပူၤအသိးန့ၣ်, ဒီးလၢအနီၢ်ဒီဂၤ ညါဒ်ပှၤလၢအလဲၤလီၤဆူ တၢ်အပူၤအသိးန့ၣ်တက့ၢ်.-
13 ပကထံၣ်န့ၢ်တၢ်လုၢ်ဒိၣ်ပှ့ၤဒိၣ်အကလုာ်ကလုာ်, ပက မၤပှဲၤပဟံၣ်ဒီး တၢ်ဂုာ်န့ၢ်လီၤ.
14 နဂီၢ်ကလီၤဘၣ်လၢ ပကျါ, ပကအိၣ်ဒီးထၢၣ်တဖျၢၣ်ဃီလီၤ.
15 ယဖိခွါဧၢ, ပိာ်ကျဲဒီးအီၤတဂ့ၤ, တြီနခီၣ်လၢအကျဲ ပူၤတက့ၢ်.
16 အဂ့ၢ်ဒ်အံၤ, အခီၣ်ဃ့ၢ်ဝဲဆူတၢ်အၢ, ဒီးမၤ ချ့ချ့ဒ်သိးအကလူလီၤတၢ်သွံၣ်လီၤ.
17 အဂ့ၢ်ဒ်အံၤ, ပှၤ ဒါလီၤပှာ်ဧိၤစၤဧိၤလၢ ထိၣ်ကိးဘ့ၣ်ဒဲးအမဲာ်ညါကလီ ကလီလီၤ.
18 ဒီးအဝဲသ့ၣ်ခိးခူသူၣ်လၢအသွံၣ်ဒၣ်ဝဲအဂီၢ်, ခိးတဒၢတၢ်လၢအသးသမူဒၣ်ဝဲအဂီၢ်န့ၣ်လီၤ.
19 ပှၤလၢ အသးကွံလုၣ်ကိတၢ်အါထီၣ်တဂၤလၢ်လၢ် အကျဲမ့ၢ်ဒ် န့ၣ်သိးလီၤ.ဟံးထီၣ်ကွံာ်ဝဲ အကစၢ်တဖၣ်အသးသမူ လီၤ.
20 တၢ်ကူၣ်သ့ကိးထီၣ်တၢ်လၢခိ, ထုထီၣ်အကလုၢ်လၢ ကျဲပူၤ,
21 ကိးထီၣ်ဝဲလၢတၢ်အိၣ်ဖှိၣ်အလီၢ်, လၢကျဲစၢၤ အခီၣ်ထံး, လၢခူဧိၤဝ့ၢ်ဧိၤအပူၤန့ၣ်ဒုးထီၣ်ဖျဲး အတၢ်က တိၤ,
22 ဒီးစံးဝဲဒၣ်, ပှၤတမၤလိဘၣ်တၢ်သ့ၣ်ဧၢ, သုက အဲၣ်ဒိးတၢ်တမၤလိဘၣ်, ဒီးပှၤမၤတရီတပါန့ၣ်ကမုာ် လၤလၢတၢ်တရီတပါအပူၤ, ဒီးပှၤဟးဂီၤဖိကသးဟ့ တၢ်သ့ၣ်ညါန့ၣ်ဆံးယံာ်လဲၣ်.
23 ဃၣ်သုသးလၢ ယသိၣ်ဃီၣ်တၢ်အဃိတက့ၢ်. ကွၢ် ကွၢ်, ယကလူလီၤယသးလၢသုလိၤ, ယကဘိးဘၣ်သ့ၣ် ညါသုလၢယကလုၢ်ကထါလီၤ.
24 မ့ၢ်ယကိး, ဒီသုဂ့ၢ်လိာ်ဝဲ, မ့ၢ်ယယူာ်ထီၣ်ယစု, ဒီး ပှၤတဒိကနၣ်ဘၣ်ဝဲ,
25 မ့မ့ၢ်သုပာ်ယတၢ်ဟ့ၣ်ကူၣ်လၢ တၢ်ကလီကလီ, ဒီးတဘၣ်ဘၣ်သုသးလၢ ယတၢ်သိၣ် ဃီၣ်န့ၣ်သတးဒီး,
26 ယဲဒၣ်ယကနံၤဘၣ်ဖၣ်လဲသုတၢ် နးတၢ်ဖှီၣ်, တုၤတၢ်မၤပျံၤသုဟဲ, ဒီးယကကတိၤဒိးတၢ် လီၤ.
27 တုၤတၢ်မၤပျံၤသုဟဲ ဒ်ကလံၤမုၢ်တွၤအသိး, ဒီး တၢ်မၤဟးဂီၤချုးန့ၢ်သု ဒ်ကလံၤသဝံးအသိးန့ၣ်, တုၤ တၢ်မၤနးမၤဖှီၣ်, ဒီးတၢ်ကိၢ်တၢ်ဂီၤဟဲဘၣ်သုဒီး,
28 တုၤ နုၤတစု ပှၤကကိးထီၣ်ယၤ, ဒီးယတစံးဆၢဘၣ်တၢ် ဘၣ်. ကဃုယၤသပှၢ်ပှၢ်, ဒီးတထံၣ်န့ၢ်ဘၣ်ယၤဘၣ်.
29 အဂ့ၢ်ဒ်အံၤ, အဝဲသ့ၣ်သးဟ့တၢ်သ့ၣ်ညါ, ဒီးတဃု ထၢဘၣ်တၢ်ပျံၤယွၤဘၣ်.
30 တဘၣ်ဘၣ်အသးလၢ ယ တၢ်ဟ့ၣ်ကူၣ်ဘၣ်, ဒီးမၤတရီတပါယတၢ်သိၣ်ဃီၣ်ခဲ လၢာ်လီၤ.
31 မၤသးဒ်န့ၣ်ဒီး ကအီၣ်အကျဲဒၣ်ဝဲအတၤသၣ်, ဒီးက ဘျဲးအီၣ်ဝဲလၢအတၢ်ကူၣ်တၢ်ဖးဒၣ်ဝဲန့ၣ်လီၤ.
32 မ့ၢ်မးပှၤ ပှၤတမၤလိဘၣ်တၢ်ဘၣ်အဃၣ်ကွံာ်အသးန့ၣ် ကမၤ သံအီၤ, ဒီးပှၤဟးဂီၤဖိအတၢ်တပလီၢ်ဘၣ်အသးန့ၣ် ကမၤဟးဂီၤအီၤလီၤ.
33 မ့မ့ၢ်ပှၤလၢအဒိကနၣ် ယကလုၢ်န့ၣ် ကအိၣ်မံသူၣ် မံသး, ဒီးကပူၤဖျဲးဒီးတၢ်အၢတၢ်သီအတၢ်ပျံၤန့ၣ်လီၤ.