3
တၢ်ကတိၤလၢခံကတၢၢ်အံၤ, ယပုၢ်သ့ၣ်ဝဲၢ်သ့ၣ်ဧၢ, သူၣ်ခုသးခုလၢကစၢ်အပူၤတက့ၢ်. ယကွဲးန့ၢ်သုလၢတၢ် ဒ်သိးသိးန့ၣ်တမၤဘှံးဘၣ်ယသးဘၣ်. ဒီးမ့ၢ်တၢ်ဂ့ၤလၢ သုဂီၢ်လီၤ.
ပလီၢ်သုသးလၢထွံၣ်တဖၣ်တက့ၢ်. ပလီၢ်သုသးလၢ ပှၤမၤတၢ်အၢတဖၣ်တက့ၢ်. ပလီၢ်သုသးလၢပှၤကူးတဲာ် ဖိတဖၣ်တက့ၢ်. အဂ့ၢ်ဒ်အံၤ,ပမ့ၢ်ပှၤကူးတရံးဖိလၢအ မၤယွၤအတၢ်လၢသး, ဒီးပပာ်ပသးကဖၢလၢလၢယ့ၣ်ရှူး ခရံာ်အပူၤ, ဒီးတသန့ၤဘၣ်ပသးလၢတၢ်ဖံးတၢ်ညၣ်အ ပူၤဘၣ်. ဘၣ်ဆၣ်ဒီး ယသန့ၤယသးလၢတၢ်ဖံးတၢ် ညၣ်အပူၤအလီၢ်အိၣ်ဝဲလီၤ. ပှၤဂၤမ့ၢ်ဆိကမိၣ်လၢအသ န့ၤအသးလၢတၢ်ဖံးတၢ်ညၣ်အပူၤအလီၢ်အိၣ်ဝဲဒီး, ယဲ ဒၣ်အံၤအိၣ်အါန့ၢ်အန့ၣ်တက့ၢ်လီၤ. လၢဃိးနံၤတနံၤ အပူၤန့ၣ်ယဒိးတၢ်ကူးတရံး, ယဘၣ်ဃးဒီးပှၤအံၣ်စရ့ လးဖိတကလုာ်, စီၤဘံၣ်ယၤမံၣ်အဒူၣ်,ပှၤဧ့ၤဘြံၤဖိလီၤ စၢၤလီၤသွဲၣ်လၢပှၤဧ့ၤဘြံၤဖိ, လၢတၢ်သိၣ်တၢ်သီအဂ့ၢ် ပှၤဖၤရံၤၡဲ, လၢတၢ်ဂဲၤလိာ်အဂ့ၢ်, ယမၤအၢမၤသီတၢ် အိၣ်ဖှိၣ်, လၢတၢ်တီတၢ်လိၤဘၣ်ဃးဒီးတၢ်သိၣ်တၢ်သီ တမံၤအဂ့ၢ်, တၢ်ပာ်တၢ်ကမၣ်လၢယလိၤအလီၢ်တအိၣ် ဘၣ်.
ဘၣ်ဆၣ်ဒီးတၢ်လၢအမၤအါထီၣ်န့ၣ် ယပာ်အီၤလၢ တၢ်မၤဟါမၢ်ယတၢ်လၢခရံာ်အဃိန့ၣ်လီၤ. အခိၣ်တ လိာ်ယပာ်တၢ်ခဲလၢာ်လၢ တၢ်မၤဟါမၢ်ယတၢ်လၢတၢ် ဂ့ၤဒၣ်တၢ်ဘၣ်ဃးဒီးတၢ်သ့ၣ်ညါ ယကစၢ်ယ့ၣ်ရှူးခရံာ် အဃိလီၤ. လၢအဝဲဒၣ်အဃိယဒိးတၢ်မၤဟါမၢ်ယတၢ် ခဲလၢာ်, ဒီးယပာ်အီၤဒ် တၢ်အ့ၣ်အသိးဒ်သိးယကန့ၢ် ဘၣ်ခရံာ်, ဒီးတၢ်ကထံၣ်န့ၢ်ယၤလၢအပူၤလၢယတ အိၣ်ဘၣ်ဒီး ယတၢ်တီတၢ်လိၤဘၣ်ဃးဒီးတၢ်သိၣ်တၢ် သီဘၣ်. မ့ၢ်ယအိၣ်ဒီးတၢ်တီတၢ်လိၤဘၣ်ဃးဒီးတၢ်နာ် ခရံာ်, ယွၤအတၢ်တီတၢ်လိၤဘၣ်ဃးဒီးတၢ်နာ်, 10 ဒ်သိး ယကသ့ၣ်ညါအီၤ, ဒီးအတၢ်ဂဲၤဆၢထၢၣ်က့ၤန့ၣ်အစိအ ကမီၤ, ဒီးဒ်သိးယဘၣ်တၢ်လီၤဂာ်လၢအတၢ်သံသတး ဒီးယကသ့ၣ်ညါတၢ်ရ့လိာ်ဒီးအတၢ်နးတၢ်ဖှီၣ်, 11 ဒ်သိး မ့ၢ်သ့ဒီး ယကတုၤလၢတၢ်ဂဲၤဆၢထၢၣ်က့ၤလၢတၢ်သံ လီၤ.
12 ယန့ၢ်ဘၣ်လံန့ၢ်မ့ၢ်ဂ့ၤ, ဒီးယလၢထီၣ်ပှဲၤထီၣ်လံန့ၣ် မ့ၢ်ဂ့ၤ, တမ့ၢ်ဘၣ်.မ့ၢ်ယလူၤတၢ်ဒ်သိးယကမၤန့ၢ်တၢ်တ မံၤလၢခရံာ်မၤန့ၢ်ယၤလၢအဃိတမံၤန့ၣ်လီၤ. 13 ပုၢ်သ့ၣ် ဝဲၢ်သ့ၣ်ဧၢ,ယပာ်ယသးလၢယမၤန့ၢ်လံတၢ်လံန့ၣ်တမ့ၢ် ဘၣ်.မ့မ့ၢ်တၢ်တမံၤဧိၤယမၤ, ယပာ်သးပ့ၤနီၣ်ယသးလၢ တၢ်အိၣ်လၢယလီၢ်ခံ, ဒီးယယူာ်ဃီၤယသးဆူတၢ်အိၣ် လၢယမဲာ်ညါ, 14 ဒီးယဃ့ၢ်သဘျိၣ်ဆူတၢ်ပနီၣ်အအိၣ်, ဒ်သိးယကန့ၢ်ဘၣ် တၢ်ဘျုး ဘၣ်ဃးဒီးယွၤအတၢ်ကိး ထီၣ်ထီလၢယ့ၣ်ရှူးခရံာ်အပူၤန့ၣ်လီၤ.
15 မၤသးဒ်န့ၣ်ဒီး ဖဲဒၣ်ပမ့ၢ် ပှၤလၢထီၣ်ပှဲၤထီၣ်တဖၣ် န့ၣ်, မ်ပဆိကမိၣ်တၢ်အံၤတက့ၢ်.ဒီးပှၤမ့ၢ်ဆိကမိၣ်တၢ် လီၤဆီတမံၤမံၤဒီး, ယွၤကဒုးနဲၣ်အီၤလၢတၢ်န့ၣ်တမံၤ လီၤ. 16 ဘၣ်ဆၣ်ဒီးဖဲဒၣ်ပန့ၢ်ဘၣ်တၢ်လံန့ၣ်,မ်ပလဲၤတၢ် လၢတၢ်ဘျၢတမံၤဃီတက့ၢ်.
17 ပုၢ်သ့ၣ်ဝဲၢ်သ့ၣ်ဧၢ, ကွၢ်လိသကိးယၤတက့ၢ်. ဒီးတိၢ် နီၣ်ပှၤလၢအလဲၤဝဲဒ်သုန့ၢ်ဘၣ် အဒိအတဲာ်လၢပဝဲဒၣ် အသိးန့ၣ်တက့ၢ်. 18 အဂ့ၢ်ဒ်အံၤ,ပှၤအါဂၤလဲၤတၢ်ဒ်ယစံး ဘၣ်သုအါဘျီအသိး, ဒီးယမဲာ်ထံလီၤ,ဒီးယစံးဘၣ်သု ခဲကနံၣ်အံၤစ့ၢ်ကီး, လၢအမ့ၢ်ခရံာ်အထူၣ်စုညါအဒုၣ်အ ဒါလီၤ. 19 အဝဲသ့ၣ်အကတၢၢ်န့ၣ်မ့ၢ်တၢ်ဟးဂီၤ,အကစၢ် န့ၣ်မ့ၢ်အဟၢဖၢ, ဒီးတၢ်လၢအဂ့ၤမဲာ်ဆှးဝဲန့ၣ်ပာ်ဝဲလၢ အလၤကပီၤ, အသးအိၣ်ဟီၣ်ခိၣ်အတၢ်လီၤ. 20 အဂ့ၢ်ဒ် အံၤ, ပတၢ်ဝ့ၢ်ဖိအလီၢ်ဘၣ်ဃးဒီးမူခိၣ်,လၢအပူၤန့ၣ်ပ ကွၢ်လၢ်ပှၤအုၣ်က့ၤခီၣ်က့ၤတၢ်,ကစၢ်ယ့ၣ်ရှူးခရံာ်အကျဲ စ့ၢ်ကီးလီၤ. 21 အဝဲဒၣ်န့ၣ်ကလဲက့ၤပနီၢ်ခိလၢအဘၣ်ဃး ဒီးပဘၣ်တၢ်ဆီၣ်လီၤအံၤ ဒ်သိးအကလီၤဂာ်ဒီးအနီၢ်ဒၣ် ဝဲဘၣ်ဃးဒီးတၢ်လၤကပီၤ, ဒ်တၢ်မၤလၢအဝဲဒၣ်မၤနၢၤ တၢ်ခဲလၢာ်လၢအကစၢ်ဒၣ်ဝဲအဖီလာ်သ့, အသိးန့ၣ် လီၤ.