2
1 မၤသးဒ်န့ၣ်ဒီး, တၢ်သဆၣ်ထီၣ်ပခံမ့ၢ်အိၣ်လၢခရံာ် အပူၤ, တၢ်အမုာ်ဘၣ်ဃးဒီးတၢ်အဲၣ်တၢ်ကွံမ့ၢ်အိၣ်,သး အတၢ်ရ့လိာ်မ့ၢ်အိၣ်,
2 တၢ်သးအိၣ်တၢ်,ဒီးတၢ်သးက ညီၤတၢ်မ့ၢ်အိၣ်သတးဒီး, လၢသုဆိကမိၣ်တၢ်ဒ်သိးသိး, အိၣ်ဒီးတၢ်အဲၣ်တၢ်ကွံဒ်သိးသိး, အိၣ်ဒီးသုသးတဖျၢၣ် ဃီ, ဒီးဆိကမိၣ်တၢ်တမံၤဃီအဃိဒီး, မၤလၢထီၣ်ပှဲၤ ထီၣ်ယတၢ်သးခုတက့ၢ်.
3 လၢတၢ်အ့ၣ်လိာ်ဆိးက့ဒီး တၢ်ဟူထီသါလီၤကလီကလီန့ၣ်, မၤတၢ်နီတမံၤတဂ့ၤ. မ့မ့ၢ်လၢတၢ်ဆီၣ်လီၤသုသးသတးဒီး, မ်ပှၤပာ်ပှၤဂၤဂ့ၤ န့ၢ်အကစၢ်ဒၣ်ဝဲတက့ၢ်.
4 သုတကွၢ်တဂၤလၢအတၢ် ဒၣ်ဝဲ,တဂၤလၢအတၢ်ဒၣ်ဝဲတဂ့ၤ. မ်အကွၢ်တဂၤလၢပှၤ ဂၤအတၢ်,တဂၤလၢပှၤဂၤအတၢ်စ့ၢ်ကီးတက့ၢ်.
5 သးတ မံၤလၢအအိၣ်လၢယ့ၣ်ရှူးခရံာ်အပူၤန့ၣ်,မ်အအိၣ်စ့ၢ်ကီး လၢသုပူၤတက့ၢ်.
6 အဝဲဒၣ်န့ၣ်အိၣ်ဒီးယွၤအက့ၢ်အဂီၤ ဒီးပာ်အသးထဲသိးဒီးယွၤဒီး, တဆိကမိၣ်လၢအဂုာ်န့ၢ် ပှၤဂၤအတၢ်ဘၣ်.
7 ဘၣ်ဆၣ်ဒီးညိကွံာ်အလၤအကပီၤ, ဒီးလိၣ်ထီၣ်အသးလၢပှၤကညီ, ဒီးဒိးန့ၢ်ကုၢ်အက့ၢ်အ ဂီၤလီၤ.
8 ဒီးဘၣ်တၢ်ထံၣ်န့ၢ်အီၤလၢအက့ၢ်အဂီၤဒ်ပှၤက ညီအသိးသတးဒီး, ဆီၣ်လီၤအသးဒီးစူၢ်ဝဲတုၤအဒိးသံ အသး,အခိၣ်တလိာ်, တုၤအဒိးသံအသးလၢထူၣ်စုညါ အလိၤလီၤ.
9 မၤသးဒ်န့ၣ်ဒီးယွၤပာ်ထီၣ်ထီအီၤ,ဒီးဟ့ၣ် အမံၤဒိၣ်န့ၢ်ကယဲၢ်တၢ်အမံၤခဲလၢာ်,
10 ဒ်သိးကယဲၢ်တၢ် အိၣ်လၢမူခိၣ်, ဒီးတၢ်အိၣ်လၢဟီၣ်ခိၣ်,ဒီးတၢ်အိၣ်လၢ ဟီၣ်ခိၣ်လာ်ခဲလၢာ်, ကချံးလီၤအခီၣ်လၢ ယ့ၣ်ရှူးအ မံၤ,
11 ဒီးကယဲၢ်ပှၤအပျ့ၤကအၢၣ်လီၤအီလီၤလၢယ့ၣ်ရှူး ခရံာ်မ့ၢ်ကစၢ်,လၢပၢ်ယွၤအလၤအကပီၤအဂီၢ်လီၤ.
12 မ်ဒ်န့ၣ်ဒီး, ယပှၤသးဘိသ့ၣ်ဧၢ,ဒ်သုစူၢ်တၢ်တဘိယူၢ် ဃီ,တမ့ၢ်ဘၣ်ထဲလၢယမဲာ်ညါဧိၤဘၣ်,မ့ၢ်လၢယလီၤဖး ဒီးသုခဲကနံၣ်အံၤအါတက့ၢ်သတးဒီး, မၤသုတၢ်အုၣ် က့ၤခီၣ်က့ၤဒၣ်သုဝဲလၢတၢ်ပျံၤဒီးတၢ်ကနိးတက့ၢ်.
13 အဂ့ၢ်ဒ်အံၤ,ပှၤလၢအမၤဝဲဖဲဒၣ်အသးဂ့ၤလၢသုပူၤ, ဒ်သိးသု သးကအိၣ်,ဒီးဒ်သိးသုကမၤတၢ်န့ၣ်,မ့ၢ်ယွၤလီၤ.
14 တၢ်ကဒူးကဒ့ၣ်တၢ်ဒီး တၢ်ဂ့ၢ်လိာ်ဘှီလိာ် တအိၣ် ဘၣ်ဒီး,မၤသုတၢ်ခဲလၢာ်,
15 ဒ်သိးသုကကဲထီၣ်ပှၤလၢ တၢ်ပာ်တၢ်ကမၣ်လၢအလိၤအလီၢ်တအိၣ်ဘၣ်, ဒီးပှၤ တမၤအၢဘၣ်တၢ်ဘၣ်, ယွၤအဖိလၢအတၢ်ကမၣ်တ အိၣ်ဘၣ်, လၢပှၤသူၣ်က့ၣ်သးက့ၣ်,သူၣ်ကီသးကီတစိၤ အကျါန့ၣ်တက့ၢ်.
16 သုယူာ်ထီၣ်တၢ်မူအကလုၢ်အက ထါလၢအဝဲသ့ၣ်အကျါသတးဒီး, သုအိၣ်ဖျါထီၣ်ဒ်တၢ် ကပီၤတဖၣ်လၢဟီၣ်ခိၣ်ချၢအသိးန့ၣ်လီၤ. အန့ၣ်ဒီးသု ကကဲထီၣ်လၢ ယသူၣ်ကခုယသးကခုအလီၢ်လၢခရံာ် အမုၢ်နံၤ, လၢယတဃ့ၢ်ကလီကလီဘၣ်,ဒီးလၢယတမၤ ဘၣ်တၢ်ကလီကလီဘၣ်အဂ့ၢ်လီၤ.
17 မ့ၢ်လံ, တၢ်မ့ၢ်ဂၢ်လီၤယၤလၢတၢ်လုၢ်ဒီးတၢ်မၤဘၣ် ဃးဒီးသုတၢ်နာ်အဖီခိၣ်ဒီး, ယသးခုဒီးယသးခုဃုာ်ဒီး သုခဲလၢာ်လီၤ.
18 ဒ်န့ၣ်အသိးသုသးခုစ့ၢ်ကီး,ဒီးသုသးခု ဃုာ်ဒီးယၤလီၤ.
19 ဒီးယမုၢ်လၢ်တၢ်လၢ ကစၢ်ယ့ၣ်ရှူးအပူၤလၢယကမၢ လီၤစီၤတံၤမသ့းဆူသုအိၣ်ချ့သဒံး, ဒ်သိးယကသ့ၣ်ညါ စ့ၢ်ကီးတၢ် ဘၣ်ဃးဒီးသုသတးဒီး ယသးကမုာ်ထီၣ် လီၤ.
20 အဂ့ၢ်ဒ်အံၤ, ပှၤလၢအသးဒ်သိးဒီးအီၤ,လၢအက အံးကကွၢ်သုဒ်အဝဲဒၣ်အသိးန့ၣ် တအိၣ်ဘၣ်ဒီးယၤနီတ ဂၤဘၣ်.
21 အဂ့ၢ်ဒ်အံၤ,ပှၤခဲလၢာ်ဃုအတၢ်ဒၣ်ဝဲဒီးတမ့ၢ် ဘၣ်ယ့ၣ်ရှူးခရံာ်အတၢ်ဘၣ်.
22 မ့မ့ၢ်အဝဲတဂၤန့ၣ်,သု သ့ၣ်ညါတၢ်မၤကွၢ်အီၤလၢ အမၤဝဲဒီးယၤလၢတၢ်သးခု အကစီၣ်အဂီၢ်,ဒ်ဖိဒီးပၢ်အသိးန့ၣ်လီၤ.
23 မၤသးဒ်န့ၣ်ဒီး, တၢ်ဘၣ်ဃးဒီးယၤ ကမၤအသးဒ်လဲၣ်ဒ်လဲၣ်န့ၣ်တုၤယ သ့ၣ်ညါဒီး, ယမုၢ်လၢ်လၢယကမၢလီၤအဝဲဒၣ်ဆူသု အိၣ်တကီၢ်ခါလီၤ.
24 ဒီးယနာ်လၢကစၢ်အပူၤလၢယက ဟဲယကစၢ်ဒၣ်ယဲဆူသုအိၣ်ချ့ချ့စ့ၢ်ကီးလီၤ.
25 မ့ၢ်နာ်သ က့ဒ်န့ၣ်ဒီးပှၤလၢအမၤဃုာ်တၢ်ဒီးယၤ, ပှၤသုးဖိသကိး ဒီးယၤ, သုပှၤလၢအအံးက့ၤကွၢ်က့ၤယၤ,ယဒီပုၢ်ဝဲၢ်,သု ကလူးစီၤအ့းပၤဖရီးဒံတူးတဂၤန့ၣ်, ယဆိကမိၣ်လၢယ ဂ့ၤမၢအလဲၤဆူသုအိၣ်လီၤ.
26 အဂ့ၢ်ဒ်အံၤ,အသးသယုၢ် ဘၣ်သုခဲလၢာ်, ဒီးအသးအုးဝဲလၢသုနၢ်ဟူလၢအဘၣ် တၢ်ဆါအဃိလီၤ.
27 အဂ့ၢ်ဒ်အံၤ,ဘၣ်မးတၢ်ဆါဘူးဒီး အကသံလီၤ.ဘၣ်ဆၣ်ဒီးယွၤသးကညီၤအီၤ, ဒီးတမ့ၢ် ဘၣ်ထဲအဝဲဒၣ်ဧိၤဘၣ်. မ့ၢ်ယၤစ့ၢ်ကီး ဒ်သိးယသုတ ဘၣ်တၢ်သးအုးလၢတၢ်သးအုးအဖီခိၣ်တဂ့ၤလီၤ.
28 မၤ သးဒ်န့ၣ်ဒီး,ယမၢလီၤအီၤချ့ဒၣ်တၢ်တက့ၢ်,ဒ်သိးတုၤသု ထံၣ်အီၤကဒီးဒီး,သုသးကခုဒီး ယတၢ်သးအုးကစၢ်လီၤ လီၤ.
29 မၤသးဒ်န့ၣ်ဒီး, တူၢ်လိာ်အီၤလၢကစၢ်အပူၤလၢ ကယဲၢ်တၢ်သးခု, ဒီးဒုးအိၣ်ပှၤဒ်န့ၣ်သိးတဖၣ်ဒီးတၢ်ယူး ယီၣ်အီၤတက့ၢ်.
30 အဂ့ၢ်ဒ်အံၤ,လၢခရံာ်အတၢ်မၤအဃိ န့ၣ်,မ့ၢ်အအိၣ်ဘူးဒီးတၢ်သံ, ဒီးသုတၢ်မၤလၢယဂီၢ်အိၣ် စှၤသတးဒီး, ဒ်သိးအကမၤပှဲၤထီၣ်ဝဲဒီးတသးလီဘၣ်အ သးဘၣ်လီၤ.