လံာ်စီၤပီလူးကွဲးန့ၢ်ပှၤဖံလံးပံၤဖိ.
1
1 ယ့ၣ်ရှူးခရံာ်အကုၢ်အပှၤစီၤပီလူးဒီးစီၤတံၤမသ့း, စံး ဘၣ်ကယဲၢ်ပှၤစီဆှံ, လၢယ့ၣ်ရှူးခရံာ်အပူၤအိၣ်လၢဖံလံး ပံၤခဲလၢာ်, အိၣ်ဒီးပှၤကွၢ်တၢ်ဒီးတၢ်အခ့အပှၤသ့ၣ်တ ဖၣ်န့ၣ်,
2 မ်တၢ်ဘျုးတၢ်ဖှိၣ်ဒီး တၢ်ဃူတၢ်ဖိးလၢပပၢ် ယွၤ,ဒီးကစၢ်ယ့ၣ်ရှူးခရံာ်န့ၣ်ဘၣ်သုတက့ၢ်.
3 ဖဲဒၣ်ယသ့ၣ်နီၣ်ထီၣ်က့ၤသုကိးစုဒဲးန့ၣ်, ယစံးထီၣ်ပ တြၢၤယကစၢ်အဘျုးအဖှိၣ်,
4 လၢကယဲၢ်ယဘါထုက ဖၣ်တၢ်အပူၤလၢသုဂီၢ်ခဲလၢာ်, ဒီးယဃ့ကညးတၢ်အိၣ် ဒီးတၢ်သးခုတထံၣ်ဃီ,
5 လၢသုဂုာ်မၤဃုာ်လၢတၢ်သး ခုအကစီၣ်အဂီၢ် လၢမုၢ်နံၤခီၣ်ထံးတုၤခဲကနံၣ်အံၤအဃိ လီၤ.
6 ယနာ်တၢ်အံၤဒၣ်လဲာ်လၢပှၤလၢအမၤထီၣ်သီ တၢ်မၤအဂ့ၤတမံၤလၢသုပူၤတဂၤ, ကမၤလၢထီၣ်ပှဲၤ ထီၣ်ဝဲတုၤလီၤလၢယ့ၣ်ရှူးခရံာ်အမုၢ်နံၤန့ၣ်လီၤ.
7 ဒ်န့ၣ် အသိးယဂ့ၤဆိကမိၣ်တၢ်လၢသုဂ့ၢ်ခဲလၢာ်လီၤ. အဂ့ၢ်ဒ် အံၤ,သုအိၣ်လၢယသးကံၢ်ပူၤ, အဂ့ၢ်ဒ်အံၤ, လၢယဘၣ် တၢ်စၢဃာ်, ဒီးလၢယကတိၤပူၤဖျဲးတၢ်, ဒီးမၤဂၢၢ်မၤ ကျၢၤတၢ်သးခုအကစီၣ်အပူၤန့ၣ်, သုဝဲခဲလၢာ်မ့ၢ်ပှၤဘၣ် ဃုာ်တၢ်ဘျုးတၢ်ဖှိၣ်အံၤဒီးယၤလီၤ.
8 အဂ့ၢ်ဒ်အံၤ,ယသး သယုၢ်ဘၣ်သုခဲလၢာ် လၢယ့ၣ်ရှူးခရံာ်အတၢ်သးကညီၤ အပူၤဆံးအါဆံးအါန့ၣ်, ယွၤမ့ၢ်တၢ်အုၣ်အသးလၢယ ဂီၢ်လီၤ.
9 ဒီးယဘါထုကဖၣ်တၢ်ဒ်အံၤ, လၢသုတၢ်အဲၣ်တၢ်ကွံ ကအါထီၣ်ဒိၣ်ထီၣ်လၢတၢ်သ့ၣ်ညါအပူၤ, ဒီးလၢကယဲၢ် တၢ်နၢ်ပၢၢ်အပူၤ,
10 ဒ်သိးသုကနီၤဖးတၢ်လီၤဆီတဖၣ်အ ဆၢ, ဒ်သိးသုကစီကဆှံ,ဒီးသုတၢ်ကမၣ်တအိၣ်ဘၣ်ဖဲ ခရံာ်အမုၢ်နံၤဒီး,
11 သုကလၢထီၣ်ပှဲၤထီၣ်ဒီးတၢ်တီတၢ် လိၤအတၤသၣ်လၢယ့ၣ်ရှူးခရံာ်အဃိ, လၢယွၤအလၤ အကပီၤဒီးအတၢ်စံးထီၣ်ပတြၢၤအဂီၢ်လီၤ.
12 ဒီးပုၢ်သ့ၣ်ဝဲၢ်သ့ၣ်ဧၢ, ယသးအိၣ်လၢသုကသ့ၣ်ညါ လၢတၢ်မၤအသးလၢယၤအံၤ, ကဲထီၣ်ကဒါက့ၤလံလၢ တၢ်မၤစၢၤတၢ်သးခုကစီၣ်လံ,
13 တုၤဒၣ်လဲာ်ယဘၣ် တၢ်စၢဃာ်လၢခရံာ်အဃိန့ၣ် အိၣ်ဖျါထီၣ်လၢစီၤပၤသုး ဖိအလီၢ်ခဲလၢာ်,ဒီးလၢအလီၢ်သကုၤဆးဒးလီၤ.
14 ဒီးဒီ ပုၢ်ဝဲၢ်အါတက့ၢ်လၢကစၢ်အပူၤ, အတၢ်နာ်ဆူၣ်ထီၣ်လၢ ယတၢ်စၢဃာ်အဃိသတးဒီး, တပျံၤဘၣ်တၢ်ဘၣ်ဒီး, စံၣ်တဲၤတဲလီၤ တၢ်အကလုၢ်အကထါလၢအသးခူတ လ့ၢ်အါဒၣ်တၢ်တက့ၢ်လီၤ.
15 တနီၤနီၤမ့ၢ်အသးက့ၣ်, ဒီးအ့ၣ်လိာ်ဆိးက့လိာ်အသး ဒီး, စံၣ်တဲၤတဲလီၤခရံာ်အဂ့ၢ်အကျိၤ,ဒီးတနီၤနီၤလၢသး ဂ့ၤလီၤ.
16 ဒီးပှၤတနီၤနီၤသ့ၣ်ညါလၢတၢ်ပာ်ယၤလၢတၢ် မၤတဒီဃာ်တၢ်သးခုအကစီၣ်ဒီး, စံၣ်တဲၤတဲလီၤဝဲလၢ တၢ်အဲၣ်တၢ်ကွံလီၤ.
17 ပှၤတနီၤနီၤအသးတကဆှီဘၣ်, ဒီးဆိကမိၣ်လၢ အကပာ်ဖှိၣ်တၢ်နးတၢ်ဖှီၣ်ဒီးယတၢ်စၢ ဃာ်ဒီး,စံၣ်တဲၤတဲလီၤခရံာ်လၢတၢ်အ့ၣ်လိာ်ဆိးက့လိာ် လီၤ.
18 မ့မ့ၢ်ဒ်န့ၣ်ဒီး, မ့ၢ်မနုၤလဲၣ်.ကယဲၢ်အစံၣ်တဲၤတဲ လီၤတၢ်ဒ်အံၤဒ်နုၤန့ၣ်, လၢတၢ်လီတၢ်ဝ့ၤမ့ၢ်ဂ့ၤ,လၢတၢ် တီတၢ်လိၤမ့ၢ်ဂ့ၤ, မ့ၢ်ပှၤစံၣ်တဲၤတဲလီၤခရံာ်ဒီး,ယသးခု ဒီးမ့ၢ်မးယကသးခုလီၤ.
19 အဂ့ၢ်ဒ်အံၤ,ယသ့ၣ်ညါလၢသု ဘါထုကဖၣ်တၢ်, ဒီးယ့ၣ်ရှူးခရံာ်အသးမၤစၢၤတၢ်သ တးဒီး,တၢ်မၤအသးအံၤကကဲထီၣ်က့ၤလၢတၢ်အုၣ်က့ၤ ခီၣ်က့ၤယၤအဂီၢ်,
20 ဒ်ယကွၢ်လၢ်တၢ်,ဒီးယတၢ်မုၢ်လၢ် အသိး, လၢယမဲာ်တဆှးဘၣ်လၢတၢ်နီတမံၤဘၣ်,မ့မ့ၢ် လၢယအိၣ်ဒီးယသးခူတလ့ၢ်လၢတၢ်ခဲလၢာ်အပူၤဒ်ကိး ဘျီကိးဘျီအသိးန့ၣ်, ခဲကနံၣ်အံၤစ့ၢ်ကီး,ယမူမ့ၢ်ဂ့ၤ,ယ သံမ့ၢ်ဂ့ၤ, ခရံာ်ကဘၣ်တၢ်ပာ်ဒိၣ်အီၤလၢယနီၢ်ခိအပူၤ လီၤ.
21 အဂ့ၢ်ဒ်အံၤ, လၢယဂီၢ်,ယမူန့ၣ်မ့ၢ်ခရံာ်,ဒီးယသံန့ၣ် မ့ၢ်တၢ်ဘျုးလီၤ.
22 ဒီးယမ့ၢ်မူလၢတၢ်ဖံးတၢ်ညၣ်အပူၤဒီး, တၢ်န့ၣ်မ့ၢ်ယမၤတၢ်အတၤသၣ်, ဒီးယကဃုထၢဖဲလဲၣ် တမံၤလဲၣ်န့ၣ်,ယတသ့ၣ်ညါဘၣ်.
23 အဂ့ၢ်ဒ်အံၤ,တၢ်သ နံးထီၣ်ယၤလၢတၢ်ခံမံၤအဘၢၣ်စၢၤလီၤ. တၢ်မိၣ်က့ၤယ သးဒီးအိၣ်ဒီးခရံာ်လီၤ. အန့ၣ်မ့ၢ်အဂ့ၤဒၣ်တၢ်ဒိၣ်ဒိၣ်က လဲာ်လီၤ.
24 ဘၣ်ဆၣ်ဒီးယအိၣ်လၢတၢ်ဖံးတၢ်ညၣ်အပူၤ န့ၣ်,မ့ၢ်အဂ့ၤဒၣ်တၢ်လၢသုဂီၢ်လီၤ.
25 ဒီးယနာ်တၢ်န့ၣ်သ တးဒီး,ယသ့ၣ်ညါလၢယကအိၣ်ဒံး, ဒီးအိၣ်စ့ၢ်ကီးဒီးသု ခဲလၢာ်လၢသုကထီၣ်ကထီ ဒီးသးခုတၢ်လၢတၢ်နာ်အ ပူၤအဂီၢ်,
26 ဒ်သိးယမ့ၢ်ဟဲအိၣ်ကဒီးဒီးသုဒီး,သုတၢ်စံး ထီၣ်ပတြၢၤကအါထီၣ်လၢယဃိလၢယ့ၣ်ရှူးခရံာ်အပူၤ လီၤ.
27 ထဲတၢ်အံၤ, မ်သုမၤတၢ်လၢအကြၢးဒီးခရံာ်အတၢ်သး ခုအကစီၣ်တက့ၢ်, ဒ်သိးယမ့ၢ်ဟဲထံၣ်သုမ့ၢ်ဂ့ၤ, ယမ့ၢ် အိၣ်လီၤဖးမ့ၢ်ဂ့ၤ, ယကနၢ်ဟူတၢ်ဘၣ်ဃးဒီးသုလၢသု ဆၢထၢၣ်လၢသုသးတဖျၢၣ်ဃီ, ဒီးလၢသုအိၣ်ဒီးသးတ ဖျၢၣ်ဃီဒီး, ဂုာ်မၤဃုာ်တၢ်လၢတၢ်နာ် ဘၣ်ဃးဒီးတၢ် သးခုအကစီၣ်,
28 ဒီးလၢသုတပျံၤတဖုးဘၣ်သုဒုၣ်ဒုဒါနီ တမံၤဘၣ်လီၤ. တၢ်န့ၣ်မ့ၢ်အဝဲသ့ၣ်အတၢ်ဟးဂီၤအပနီၣ်, ဘၣ်ဆၣ်ဒီး မ့ၢ်သုတၢ်အုၣ်က့ၤခီၣ်က့ၤအပနီၣ်, ဒီးအဝဲ န့ၣ်မ့ၢ်တၢ်ဟဲဝဲလၢယွၤလီၤ.
29 အဂ့ၢ်ဒ်အံၤ, တၢ်ဟ့ၣ်သု လၢခရံာ်အဂီၢ် ထဲလၢ သုကစူၢ်က့ၤနာ်က့ၤအီၤတမ့ၢ် ဘၣ်, မ့ၢ်လၢသုကဘၣ်တၢ်နးတၢ်ဖှီၣ်လၢအဂီၢ်စ့ၢ်ကီး လီၤ.
30 အဂ့ၢ်ဒ်အံၤ,သုအိၣ်ဒီးတၢ်ဒုးတၢ်ယၤတမံၤဃီလၢ သုထံၣ်လၢယလိၤ, ဒီးခဲကနံၣ်အံၤသုနၢ်ဟူလၢအအိၣ် လၢယလိၤလီၤ.