4
1 မၤသးဒ်န့ၣ်ဒီး, မ့ၢ်ခရံာ်ဒိးတၢ်လၢတၢ်ဖံးတၢ်ညၣ်အ ပူၤလၢပဂီၢ်သတးဒီး, သိးထီၣ်သုဝဲသးတမံၤဃီန့ၣ်အစု ကဝဲၤတက့ၢ်. အဂ့ၢ်ဒ်အံၤ,အဝဲဒၣ်ဒိးတၢ်လၢတၢ်ဖံးတၢ် ညၣ်,ဒီးဆိတ့ၢ်လံလၢတၢ်ဒဲးဘးလံ.
2 ဒ်သိးတၢ်အဆၢ အကတီၢ်အိၣ်လီၤတဲာ်လၢတၢ်ဖံးတၢ်ညၣ်အပူၤ, သုသု တမူလၢၤလၢပှၤကညီအသးကွံတၢ်အပူၤတဂ့ၤ, မ့ၢ်လၢ တၢ်ဘၣ်ယွၤအသးအပူၤန့ၣ်တက့ၢ်.
3 အဂ့ၢ်ဒ်အံၤ,ပသး သမူအဆၢအကတီၢ်လၢအပူၤကွံာ်န့ၣ်, အါလံလၢပမၤ ဘၣ်ပှၤကလုာ်တဖၣ်အသးအဂီၢ်, ဖဲပလဲၤလၢတၢ်လုၣ် ကိလုၣ်ကပာ်, တၢ်သးကွံတၢ်, တၢ်အီလုၣ်ကိစပံးထံ, တၢ်အီၣ်ဖှိၣ်အီဖှိၣ်, ဒီးတၢ်ဘါတၢ်သးဘၣ်အၢတၢ်ဂီၤတ ဖၣ်,အဖၢမုၢ်န့ၣ်လံ.
4 မ့ၢ်သုတဃ့ၢ်ဃုာ်ဒီးအီၤလၢတၢ် ကလုာ်ကလိၤအတၢ်လုၣ်ကိအပူၤဒီး,အဝဲသ့ၣ်ကမၢက မၣ်ဝဲ, ဒီးဒုၣ်ဒွဲၣ်တၢ်လီၤ.
5 အဝဲသ့ၣ်တဖၣ်န့ၣ်ကဘၣ် ဟ့ၣ်တၢ်စံးဆၢလၢ ပှၤလၢအအိၣ်ကတဲာ်ကတီၤအသး ဒ်သိးအကစံၣ်ညီၣ်ပှၤမူဒီးပှၤသံတဂၤန့ၣ်လီၤ.
6 အဂ့ၢ်ဒ် အံၤ, လၢတၢ်န့ၣ်အဃိစ့ၢ်ကီး, တၢ်သးခုအကစီၣ်ဘၣ် တၢ်စံၣ်တဲၤတဲလီၤလၢပှၤသံတဖၣ်, ဒ်သိးအဝဲသ့ၣ်က ဘၣ်တၢ်စံၣ်ညီၣ်ဘၣ်ဃးဒီးပှၤကညီလၢတၢ်ဖံးတၢ်ညၣ် အပူၤ,ဒီးမူဝဲဘၣ်ဃးဒီးယွၤ,လၢသးန့ၣ်အပူၤလီၤ.
7 ဒီးတၢ်ခဲလၢာ်အကတၢၢ်န့ၣ်ဘူးထီၣ်လံ. မၤသးဒ်န့ၣ် ဒီး, ပာ်သုသးသပှၢ်ပှၢ်,ဒီးဆိးသီလၢတၢ်ဘါထုကဖၣ်အ ဂီၢ်တက့ၢ်.
8 ဒီးလၢတၢ်ခဲလၢာ်အမဲာ်ညါ, မ်တၢ်အဲၣ်တၢ် ကွံဒိၣ်မးအိၣ်လၢသုကျါတက့ၢ်. အဂ့ၢ်ဒ်အံၤ, တၢ်အဲၣ် တၢ်ကွံန့ၣ်ကျၢၢ်ဘၢတၢ်ဒဲးဘးအါမးလီၤ.Ref 4.8 ကတိၤ.၁၀း ၁၂.
9 တၢ်ကဒူးကဒ့ၣ်တအိၣ်ဘၣ်ဒီး,တူၢ်ထံၣ်တူၢ်တ မှံၤလိာ်သုသးတက့ၢ်.
10 ဒ်ပှၤဂ့ၤကွၢ်ယွၤအဘျုးအဖှိၣ်အ ကလုာ်ကလုာ်အသိးန့ၣ်, အံးက့ၤကွၢ်က့ၤလိာ်သုသး, ဒ်သုန့ၢ်တၢ်ဘျုးတၢ်ဖှိၣ်တဂၤဒီးတဂၤအသိးန့ၣ်တက့ၢ်.
11 ပှၤတဂၤဂၤမ့ၢ်ကတိၤတၢ်ဒီး, မ်အကတိၤတၢ်ဒ်ယွၤအက လုၢ်အသိးန့ၣ်တက့ၢ်. ပှၤတဂၤဂၤမ့ၢ်အံးက့ၤကွၢ်က့ၤတၢ် ဒီး, မ်အမၤဒ်ယွၤဟ့ၣ်လီၤအဂံၢ်အဘါအသိး, ဒ်သိးယွၤ ကဘၣ်တၢ်လၤကပီၤလၢတၢ်ခဲလၢာ်အပူၤ လၢယ့ၣ်ရှူး ခရံာ်အဃိတက့ၢ်. တၢ်လၤကပီၤဒီးတၢ်စိတၢ်ကမီၤန့ၣ် မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.
12 ပှၤလၢတၢ်အဲၣ်အီၤသ့ၣ်ဧၢ, တၢ်လ့ပစီမ့ၣ်အူအိၣ်လၢသုကျါလၢအဟဲဝဲဒ်သိးအကမၤကွၢ်သုန့ၣ်, သုတကမၢကမၣ်လၢအဃိ, ဒ်တၢ်လီၤဆီဘၣ်သုအသိးန့ၣ်တဂ့ၤ.-
13 မ့မ့ၢ်ဒ်သုမ့ၢ်ပှၤဘၣ်ဃုာ်ခရံာ် အတၢ်နးတၢ်ဖှီၣ်အသိး, သးခု, ဒ်သိးသုကသးခုစ့ၢ်ကီးဒိၣ်ဒိၣ်ကလဲာ်ဖဲအဝဲဒၣ် အလၤအကပီၤအိၣ်ဖျါထီၣ်န့ၣ်တက့ၢ်.
14 သုမ့ၢ်ဘၣ်တၢ် ဒုၣ်ဒွဲၣ်လၢခရံာ်အမံၤအဃိဒီး, သုဘၣ်တၢ်ဆိၣ်ဂ့ၤလီၤ. အဂ့ၢ်ဒ်အံၤ, တၢ်လၤကပီၤအသးဒီးယွၤအသးအိၣ်ဝဲဆိး ဝဲလၢသုလိၤလီၤ.Ref လၢအဝဲသ့ၣ်အဃိန့ၣ်,ဘၣ်တၢ်ဒုၣ် ဒွဲၣ်အီၤ, မ့မ့ၢ်လၢသုဝဲသ့ၣ်အဃိန့ၣ်, ဘၣ်တၢ်စံးထီၣ်ပ တြၢၤအီၤလီၤ.
15 အဂ့ၢ်ဒ်အံၤ, ဒ်ပှၤမၤသံပှၤကညီအသိးမ့ၢ်ဂ့ၤ, ဒ်တၢ် ဘျၣ်အသိးမ့ၢ်ဂ့ၤ, ဒ်ပှၤမၤအၢတၢ်မ့ၢ်ဂ့ၤ, ဒ်ပှၤဂုာ်ကွၢ်ပှၤ ဂၤအတၢ်မ့ၢ်ဂ့ၤ,မ်သုသုတဘၣ်တၢ်နီတမံၤတဂ့ၤ.
16 မ့မ့ၢ် ပှၤမ့ၢ်ဘၣ်တၢ်ဒ်ခရံာ်ဖိအသိးန့ၣ်ဒီး, မ်အသုတမဲာ်ဆှး တဂ့ၤ. မ်အစံးထီၣ်ပတြၢၤယွၤလၢတၢ်န့ၣ်အဃိတက့ၢ်.
17 အဂ့ၢ်ဒ်အံၤ, အဆၢကတီၢ်လၢ တၢ်စံၣ်ညီၣ်ကဘၣ်ဆိ ယွၤအဟံၣ်န့ၣ်ဘၣ်လံဝဲလံ. ဒီးမ့ၢ်ဘၣ်ဆိပှၤဒီး, ပှၤလၢ အတစူၢ်တနာ်ဘၣ် ယွၤအတၢ်သးခုအကစီၣ်တဖၣ်န့ၣ်, အကတၢၢ်ကမၤအသးဒ်လဲၣ်.
18 ဒီးပှၤတီပှၤလိၤတုၤလၢ တၢ်အုၣ်က့ၤခီၣ်က့ၤမ့ၢ်ကီဒီး, ပှၤတယူးတယီၣ်ဘၣ်ယွၤ, ဒီးတၢ်ဒဲးဘးဖိန့ၣ်, ကအိၣ်ဖျါဖဲလဲၣ်ပူၤလဲၣ်.Ref 4.18 ကတိၤ. ၁၁း၃၁
19 မၤသးဒ်န့ၣ်ဒီး, ပှၤလၢအဘၣ်တၢ်ဒ်အဘၣ်ယွၤအသး အသိးတဖၣ်န့ၣ်, မ်အပာ်တ့ၢ်အသးလၢယွၤလၢတၢ်မၤ ဂ့ၤအပူၤ, ဒ်လၢပှၤတ့တၢ်လၢအကလုၢ်တီအသိးန့ၣ်တ က့ၢ်.