9
1 ဒီးလၢလါထီၣ် ခံဆံလွံၢ်နံၤတနံၤန့ၣ် ပှၤအံၣ်စရ့လး ဖိအိၣ်ဖှိၣ်ရိဖှိၣ်, ဒီးဒုၣ်တၢ်အီၣ်, အိၣ်ဝဲဒီးထၢၣ်အတၢ်ကံးညာ်, ဒီးဟီၣ်ခိၣ်အကမူၣ်အိၣ်ဝဲလၢအလိၤလီၤ.
2 ဒီးအံၣ်စရ့လး အချံအသၣ် မၤလီၤမုၢ်လီၤဖးလိာ်အ သးဒီးပှၤတခီဘီမုၢ်ဖိခဲလၢာ်, ဒီးဆၢထၢၣ်ဝဲ, ဒီးတဲလီၤ ကျဲၤလီၤအတၢ်ဒဲးဘး, ဒီးအပၢ်တဖၣ်အတၢ်အၢတၢ်သီ န့ၣ်လီၤ.
3 ဒီးဆၢထၢၣ်လၢအလီၢ်, ဒီးဖးဝဲလၢယွၤအကစၢ် အ တၢ်သိၣ်တၢ်သီအလံာ်ပူၤမုၢ်တနံၤလွံၢ်ပူတပူ, ဒီးလွံၢ်ပူ တပူန့ၣ်တဲလီၤကျဲၤလီၤတၢ်, ဒီးဘူၣ်ထီၣ်ဘါထီၣ်ယွၤအ ကစၢ်လီၤ.
4 ဒီးစီၤယ့ၤရှူ, ဒီးစီၤဘၤနံ, စီၤကးမံၤအ့လး, စီၤၡဘၤ နယၤ, စီၤဘူနံၤ, စီၤရှ့ရဘယၤ, စီၤဘၤနံ, စီၤကနၤနံ သ့ၣ်တဖၣ်န့ၣ်ဆၢထၢၣ်ဝဲလၢ ပှၤလ့ၤဝံဖိအလီၢ်ထီၣ်ထီ အဖီခိၣ်,ဒီးကိးထီၣ်ယွၤအကစၢ်လၢအကလုၢ်ဖးဒိၣ်လီၤ.
5 ဒီးပှၤလ့ၤဝံဖိ, ဒီးစီၤယ့ၤရှူ, ဒီးစီၤကးမံၤအ့လး, စီၤဘၤ နံ, စီၤဃၡၤဘံယၤ, စီၤရှ့ရ့ဘယၤ, စီၤဟိၤဒံယၤ, စီၤ ၡဘၤနယၤ, စီၤပသၤဃယၤတဖၣ်စံးဝဲဒၣ်, ဂဲၤဆၢထၢၣ်, စံးထီၣ်ပတြၢၤယွၤသုကစၢ်လီၤစိၤလီၤထီတက့ၢ်. ဒီးမ်န မံၤလၤနသၣ်ကပီၤ လၢအအိၣ်ထီၣ်ထီန့ၢ် ကယဲၢ်တၢ် ဆိၣ်ဂ့ၤ, ဒီးတၢ်စံးထီၣ်ပတြၢၤတက့ၢ်န့ၣ် ဘၣ်တၢ်စံး ထီၣ်ပတြၢၤတက့ၢ်လီၤ.
6 နဲဒၣ်နမ့ၢ်ယွၤတဂၤဃီလီၤ. နတ့မူခိၣ်အမူခိၣ်, ဒီးအ သုးမုၢ်ဂီၢ်မုၢ်ခဲလၢာ်, ဟီၣ်ခိၣ်ဒီးကယဲၢ်တၢ်လၢအအိၣ်ဝဲ လၢအချၢ, ပီၣ်လဲၣ်, ဒီးကယဲၢ်တၢ်လၢအအိၣ်ဝဲလၢအ ပူၤ, ဒီးနဒုးမူဒံးအီၤခဲလၢာ်, ဒီးမူခိၣ်အသုးမုၢ်ဂီၢ်မုၢ်ဘူၣ် ထီၣ်ဘါထီၣ်နၤလီၤ.
7 နမ့ၢ်ယွၤ, ကစၢ်တဂၤလၢအဃုထၢစီၤအၤဘြၣ်, ဒီး ဒုးဟးထီၣ်ကွံာ်အီၤလၢပှၤက့ၤစ့းဖိ, ဝ့ၢ်အူၣ်အပူၤ, ဒီးယုၢ် မံၤလၢစီၤအၤဘြၤဟၣ်လီၤ.
8 ဒီးနထံၣ်န့ၢ်အသးလၢအ မ့ၢ်အတီလၢနမဲာ်ညါ, ဒီးနအၢၣ်လီၤအီလီၤဒီးအီၤလၢန ကဟ့ၣ်လီၤအီၤလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ် ဖိ, ဒီးပှၤပရးစၤဖိ, ဒီးပှၤယဘူၣ်ဖိ, ဒီးပှၤကံၣ်ကၣ်ဖိတ ဖၣ်အကီၢ်, လၢနကဟ့ၣ်လီၤအချံအသၣ်လီၤ. ဒီးနမၤ တီလံနကလုၢ်လံ. အဂ့ၢ်ဒ်အံၤ, နမ့ၢ်တၢ်တီတၢ်လိၤလီၤ.
9 ဒီးနထံၣ်ဘၣ်ပပၢ်တဖၣ်အတၢ်နးတၢ်ဖှီၣ် လၢအဲၤကူ ပတူးအပူၤ, ဒီးနနၢ်ဟူအတၢ်ကိးပသူထီၣ်လၢပီၣ်လဲၣ် ဆှဲအနံၤန့ၣ်လီၤ.
10 ဒီးနဒုးနဲၣ် တၢ်ပနီၣ်အလီၤလး, ဒီးတၢ်လီၤလိၢ်လီၤ လးလၢဖၤရိၤအလိၤ, ဒီးလၢအခ့အပှၤခဲလၢာ်အလိၤ, ဒီး လၢအကီၢ်အပှၤဂီၢ်မုၢ်ခဲလၢာ်အလိၤလီၤ. အဂ့ၢ်ဒ်အံၤ, န သ့ၣ်ညါလၢ အပာ်ကဖိအသးလၢအဖီခိၣ်လီၤ. ဒီးနမၤ ထီၣ်နမံၤဒ်လၢမုၢ်မဆါတနံၤအံၤအသိးန့ၣ်လီၤ.
11 ဒီးနမၤသ့ၣ်ဖးပီၣ်လဲၣ်လၢအမဲာ်ညါ, ဒီးအဝဲသ့ၣ်တ ဖၣ်န့ၣ်လဲၤခီဂာ်ပီၣ်လဲၣ်လၢအသးကံၢ်ပူၤလၢခိ, ဒီးပှၤမၤ အၢမၤသီအီၤတဖၣ်န့ၣ် နတ့ၢ်လီၤကွံာ်အီၤလၢတၢ်ယိာ် အပူၤဒ်လၢၢ်တဖျၢၣ်လၢ ထံအဒိၣ်အဆူၣ်အပူၤအသိးန့ၣ် လီၤ.
12 ဒီးလၢမုၢ်ဆါန့ၣ် နဆှၢအီၤလၢတၢ်အၢၣ်အထူၣ်, ဒီး လၢမုၢ်နၤန့ၣ်လၢမ့ၣ်အူအထူၣ်, ဒ်သိးနကမၤကပီၤထီၣ် အီၤလၢအကျဲလၢအပိာ်ဝဲလီၤ.
13 ဒီးနဟဲလီၤလၢကစၢၢ်စံၤနါအလိၤ, ဒီးကတိၤတၢ်ဒီး အီၤလၢမူခိၣ်, ဒီးဟ့ၣ်လီၤအီၤလၢတၢ်စံၣ်ညီၣ်တီ, ဒီးတၢ် သိၣ်တၢ်သီအမ့ၢ်အတီ, တၢ်မၤလိာ်ထံတၢ်, ဒီးတၢ်မၤလိာ်ပိာ်လီၤအဂ့ၤလီၤ.
14 ဒီးနဘိးဘၣ်သ့ၣ်ညါအီၤလၢ နမုၢ်အိၣ်ဘှံးစီဆှံတနံၤ, ဒီးမၤလိာ်အီၤလၢတၢ်မၤလိာ်ပိာ်လီၤ, ဒီးတၢ်မၤလိာ်တၢ်ထံ, ဒီးတၢ်သိၣ်တၢ်သီသ့ၣ်တဖၣ် လၢနခ့နပှၤစီၤမိၤရှ့အ စုပူၤလီၤ.
15 ဒီးနဟ့ၣ်လီၤအီၤလၢကိၣ်လၢမူခိၣ် လၢအတၢ်သၣ်ဝံၤ အဂီၢ်, ဒီးဒုးဟဲထီၣ်ထံလၢလၢၢ်ပူၤလၢ အတၢ်သူအသး လၢထံအဂီၢ်, ဒီးနစံးလၢအကလဲၤနုာ်မၤန့ၢ်ထံဧိၤကီၢ်ဧိၤ လၢနဆိၣ်လီၤနသးလၢနကဟ့ၣ်လီၤအီၤလီၤ.
16 ဒီးအဝဲသ့ၣ်တဖၣ်န့ၣ် ပပၢ်တဖၣ်ပာ်ထီၣ်ထီအသး, ဒီးပာ်ဆူၣ်အကိာ်, ဒီးတဒိကနၣ်ဘၣ် နတၢ်မၤလိာ် ဘၣ်.
17 တအုၣ်လီၤဘၣ်လၢအကစူၢ်တၢ်, ဒီးတသ့ၣ်နီၣ် ထီၣ်က့ၤ တၢ်လီၤလးတဖၣ်လၢနမၤလၢအကျါ, ဒီးပာ် ဆူၣ်အကိာ်, ဒီးလၢအပူထီၣ်တၢ်အဖၢမုၢ်န့ၣ်ပာ်ထီၣ်အ ခိၣ်ဒ်သိးအကက့ၤကဒါက့ၤဆူ အတၢ်ကဲကုၢ်အပူၤလီၤ. ဒီးနဲဒၣ်နမ့ၢ်ကစၢ်တဂၤ လၢအပျၢ်တၢ်, သးကညီၤတၢ်, ဒီးသးအိၣ်တၢ်, သးထီၣ်ကီ, ဒီးနဘျုးဒိၣ်နဖှိၣ်အါသတး ဒီး, နတလဲၤသဒၣ်ဘၣ်အီၤဘၣ်.
18 မ့ၢ်မးတုၤအတ့ဂီၤဖံးဖိသိအသးလၢအဂီၢ်, ဒီးစံးဝဲဒၣ်, အဝဲအံၤမ့ၢ်နကစၢ်လၢ အဒုးဟးထီၣ်ကွံာ်နၤလၢအဲၤကူပ တူးအပူၤ, ဒီးမၤထီၣ်တၢ်ဒုၣ်ဒွဲၣ်အလီၢ်တဖၣ်ဒိၣ်ဒိၣ်က လဲာ်ဒီး,
19 နဲဒၣ်နတလဲၤသဒၣ်ဘၣ်အီၤလၢ ပှၢ်မုၢ်ကနၢ လၢနသးအိၣ်တၢ်ဒိၣ်ဒိၣ်ကလဲာ်အဃိလီၤ. ဒ်သိးအက ဆှၢအီၤလၢကျဲပူၤန့ၣ် တၢ်အၢၣ်အထူၣ်တလဲၤသဒၣ်ဘၣ် အီၤလၢမုၢ်ဆါဘၣ်, ဒီးမ့ၣ်အူအထူၣ်လၢမုၢ်နၤ, ဒ်သိးအ ကဒုးနဲၣ်အီၤလၢတၢ်ကပီၤ, ဒီးကျဲလၢအကပိာ်ဝဲလီၤ.
20 ဒီးနဟ့ၣ်လီၤနသးဂ့ၤဒ်သိးအကသိၣ်လိအီၤ, ဒီးနတ တြီကွံာ်နမၤနၤလၢအထးခိၣ်ဘၣ်, ဒီးနဟ့ၣ်လီၤထံဧိၤနိ ဧိၤလၢတၢ်သူအသးလၢထံအဂီၢ်လီၤ.
21 ဒီးအနံၣ်လွံၢ်ဆံန့ၣ် နအံးက့ၤကွၢ်က့ၤအီၤလၢ ပှၢ်မုၢ် ကနၢလီၤ. အတၢ်တလၢတပှဲၤတအိၣ်ဘၣ်, အကူအ သိးတလီၢ်လံၤဘၣ်, ဒီးအခီၣ်တညိးထီၣ်ဘၣ်.
22 ဒီးနဟ့ၣ်လီၤအီၤလၢ ဘီဧိၤမုၢ်ဧိၤ, ဒီးပှၤကလုာ်တ ဖၣ်, ဒီးနနီၤဖးန့ၢ်အီၤဆူတၢ်သနၢၣ်တဖၣ်အပူၤ, ဒီးအဝဲ သ့ၣ်မၤန့ၢ်စီၤစံဃိၣ်အကီၢ်ဒီး ဃ့ၡဘိၣ် အစီၤပၤအကီၢ် ဒၣ်လဲာ်, ဒီးဘၤၡၣ်အစီၤပၤဧိာ်အကီၢ်လီၤ.
23 ဒီးနမၤအါထီၣ်အဖိအလံၤထဲသိးဒီး မူခိၣ်အဆၣ်ဧိၤဖီ ဧိၤ, ဒီးနဒုးဟဲနုာ်အီၤဆူထံဧိၤကီၢ်ဧိၤအပူၤ, လၢနစံးဘၣ် အပၢ်လၢအဂ့ၢ်အကျိၤလၢအကလဲၤနုာ်,ဒီးမၤန့ၢ်အီၤလီၤ.
24 ဒီးအဖိအလံၤန့ၣ် လဲၤနုာ်ဒီးမၤန့ၢ်ထံဧိၤကီၢ်ဧိၤ, ဒီးန မၤနၢၤပှၤကီၢ်ဖိ, ပှၤကနၤဧၣ်ဖိလၢအမဲာ်ညါ, ဒီးနဟ့ၣ် လီၤအီၤလၢအစုပူၤ, ဒီးအစီၤပၤ, ဒီးကီၢ်အပှၤဂီၢ်မုၢ်, ဒ် သိးအကမၤအီၤဖဲဒၣ်အသးလီၤ.
25 ဒီးမၤန့ၢ်ဝ့ၢ်အဆူၣ်တဖၣ်, ဒီးဟီၣ်ခိၣ်ညၣ်ဂ့ၤ, ဒီးမၤ န့ၢ်ဟံၣ်တဖၣ်, ပှဲၤဝဲဒီးတၢ်ဖိတၢ်လံၤအကလုာ်ကလုာ်, ထံပူၤခူၣ်လီၤအသး, စပံးမုၢ်အလီၢ်, သ့ၣ်စၤယံးအလီၢ်, ဒီးသ့ၣ်လၢအသၣ်တၢ်အါအါကလဲာ်လီၤ. ဒီးအီၣ်ဝဲ, ဒီး ဘျဲးအီၣ်, ဒီးဘီၣ်ထီၣ်, ဒီးမုာ်လၤဝဲလၢနတၢ်ဂ့ၤဖးဒိၣ် အပူၤလီၤ.
26 ဘၣ်ဆၣ်ဒီးတဒိကနၣ်ဘၣ်တၢ်ဘၣ်, ဒီးပူထီၣ်နၤ, ဒီး ကွံာ်တ့ၢ်ကွံာ်နတၢ်သိၣ်တၢ်သီလၢအချၢဃံ, ဒီးမၤသံန ဝံတဖၣ်လၢအအုၣ်အသးထီဒါအီၤ ဒ်သိးအကဘိးဃၣ် အီၤဆူနအိၣ်, ဒီးမၤထီၣ်တၢ်ဒုၣ်ဒွဲၣ်အလီၢ်တဖၣ်ဒိၣ်ဒိၣ် ကလဲာ်လီၤ.
27 ဒီးနဟ့ၣ်လီၤကွံာ်အီၤဆူ အဒုၣ်အဒါအစုပူၤ လၢအ မၤကိၢ်မၤဂီၤအီၤလီၤ. ဒီးအဆၢအကတီၢ်လၢအဘၣ်တၢ် ကိၢ်တၢ်ဂီၤန့ၣ်တုၤအကိးထီၣ်နၤဒီး, နနၢ်ဟူလၢမူခိၣ်, ဒီးဒ်နသးအိၣ်တၢ် ဒိၣ်ဒိၣ်ကလဲာ်အသိးန့ၣ် နဟ့ၣ်လီၤ အီၤလၢပှၤအုၣ်က့ၤခီၣ်က့ၤတၢ်တဖၣ် လၢအအုၣ်က့ၤခီၣ် က့ၤအီၤလၢအဒုၣ်အဒါအစုပူၤလီၤ.
28 ဘၣ်ဆၣ်ဒီး တုၤအန့ၢ်တၢ်အိၣ်ဘှံးဒီး မၤကဒီးတၢ် အၢလၢနမဲာ်ညါလီၤ. ဒီးနလဲၤသဒၣ်အီၤလၢအဒုၣ်အဒါ အစုပူၤ, ဒီးအဝဲသ့ၣ်ပၢအီၤလီၤ. မ့မ့ၢ်တုၤအဟဲက့ၤကဒါ က့ၤ, ဒီးကိးထီၣ်နၤဒီး, နဒိကနၣ်အကလုၢ်လၢမူခိၣ်, ဒီးနမၤပူၤမၤဖျဲးအီၤအါဘျီ ဒ်နသးအိၣ်တၢ်ဒိၣ်ဒိၣ်ကလဲာ် အသိး,
29 ဒီးနအုၣ်နသးထီဒါအီၤဒ်သိးနကဒုးဟဲက့ၤအီၤ ဆူနတၢ်သိၣ်တၢ်သီအအိၣ်လီၤ. ဘၣ်ဆၣ်ဒီးပာ်ကဖိအသး, ဒီးတကနၣ်ဘၣ်နတၢ်မၤလိာ်ဘၣ်. ဒီးမၤကမၣ် ဘၣ်နတၢ်စံၣ်ညီၣ် (လၢပှၤမ့ၢ်တိၢ်န့ၢ်အီၤဒီး, ကမူဝဲလၢ အပူၤလီၤ.) ဒီးသုးကွံာ်အဖံဘၣ်ခိၣ်, ဒီးပာ်ဆူၣ်အကိာ်, ဒီးတကနၣ်ဘၣ်တၢ်ဘၣ်လီၤ.
30 ဒီးနဝံသးစူၤအီၤ အါနံၣ်အါလါ, ဒီးအုၣ်နသးထီဒါ အီၤလၢနသးလၢအအိၣ်ဝဲလၢနဝံတဖၣ်အလိၤလီၤ. ဘၣ်ဆၣ်ဒီး တဒိးနူၤတဒိးနၢ်ဘၣ်, ဒီးနဟ့ၣ်လီၤကွံာ်အီၤလၢ ကီၢ်တဖၣ်အပှၤဂီၢ်မုၢ်အစုပူၤလီၤ.
31 ဒီးမ့ၢ်နသးအိၣ်တၢ် ဒိၣ်ဒိၣ်ကလဲာ်ဒီး, နတမၤလၢာ် ကွံာ်ဘၣ်အီၤဘၣ်, နတလဲၤသဒၣ်ဘၣ်အီၤဘၣ်. အဂ့ၢ် ဒ်အံၤ, နမ့ၢ်ကစၢ်တဂၤလၢအသူၣ်ကညီၤတၢ်သးကညီၤ တၢ်, ဒီးသးအိၣ်တၢ်လီၤ.
32 ဒီးခဲကနံၣ်အံၤတၢ်ဒိၣ်တၢ်ထီ, တၢ်အစိတၢ်အကမီၤ, တၢ်ပျံၤတၢ်ဖုးအလီၢ်, ကစၢ်လၢအတိၢ်န့ၢ်တၢ်အၢၣ်လီၤ အီလီၤ, ဒီးတၢ်ဘျုးတၢ်ဖှိၣ်, ပကစၢ်ဧၢ, တၢ်ကိၢ်တၢ်ဂီၤ, လၢအဘၣ်ပှၤ, ဒီးပစီၤပၤတဖၣ်, ဒီးပပဒိၣ်ဖးဒိၣ်တဖၣ်, ဒီးပပှၤလုၢ်တၢ်အဒိၣ်တဖၣ်, ဒီးပဝံတဖၣ်, ဒီးပပၢ်တ ဖၣ်, ဒီးနပှၤဂီၢ်မုၢ်ခဲလၢာ်လၢအၤရှူၢ်အစီၤပၤတဖၣ်အမုၢ် နံၤတုၤမုၢ်မဆါတနံၤအံၤ, မ်အသုတကဲထီၣ်တၢ်အဆံး လၢနမဲာ်ညါတဂ့ၤ.
33 ဘၣ်ဆၣ်ဒီးလၢကယဲၢ်တၢ်လၢ အဘၣ်ပှၤခဲလၢာ်န့ၣ် နတီနဲလိၤနဲလီၤ. အဂ့ၢ်ဒ်အံၤ, နမၤတၢ်အမ့ၢ်အတီလီၤ. မ့မ့ၢ်ပဝဲဒၣ်အံၤပမၤတၢ်အၢလီၤ.
34 ဒီးစီၤပၤမ့ၢ်ဂ့ၤ, ပပဒိၣ် ဖးဒိၣ်မ့ၢ်ဂ့ၤ, ပပှၤလုၢ်တၢ်အဒိၣ်မ့ၢ်ဂ့ၤ, ပပၢ်မ့ၢ်ဂ့ၤ, တတိၢ် န့ၢ်ဘၣ်နတၢ်သိၣ်တၢ်သီဘၣ်, ဒီးတဒိကနၣ်ဘၣ်နတၢ် မၤလိာ်, ဒီးနတၢ်အုၣ်နသးလၢ နအုၣ်နသးထီဒါအီၤ ဘၣ်.
35 ဒီးတမၤဘၣ်နတၢ်လၢအဘီအမုၢ်အပူၤဘၣ်, ဒီးလၢ နတၢ်ဂ့ၤဖးဒိၣ်လၢ နဟ့ၣ်လီၤအီၤ, ဒီးလၢထံဧိၤကီၢ်ဧိၤ လဲၢ်ဝဲဒီးဂ့ၤဝဲလၢအပူၤ လၢနဟ့ၣ်လီၤလၢအမဲာ်ညါဘၣ်. ဒီးတဃၣ်ကွံာ်ဘၣ်အသးလၢတၢ်မၤအၢဘၣ်.
36 ဒီးကွၢ်ကွၢ်, ပမ့ၢ်တၢ်အကုၢ်အပှၤလၢ မုၢ်မဆါတနံၤ အံၤလီၤ. ဒီးထံဧိၤကီၢ်ဧိၤလၢနဟ့ၣ်လီၤပပၢ် ဒ်သိးအက အီၣ်အတၤသၣ်, ဒီးအတၢ်ဂ့ၤ, ကွၢ်ကွၢ်, ပမ့ၢ်တၢ်အ ကုၢ်အပှၤလၢအပူၤလီၤ.
37 ဒီးဟ့ၣ်တၢ်လၢအအါလၢစီၤ ပၤတဖၣ်လၢနပာ်လၢပဖီခိၣ် လၢပတၢ်ဒဲးဘးအဃိလီၤ. ဒီးပၢဝဲလၢပကစၢ်ဒၣ်ပဝဲ, ဒီးလၢပဆၣ်ဖိကီၢ်ဖိအဒၢဖဲ ဒၣ်အသးလီၤ. ဒီးပဘၣ်တၢ်ကိၢ်တၢ်ဂီၤဒိၣ်မးလီၤ.
38 ဒီးလၢတၢ်ခဲလၢာ်အဃိန့ၣ် ပအၢၣ်လီၤအီလီၤတၢ်အ မ့ၢ်အတီ, ဒီးပကွဲးအီၤ, ဒီးပပဒိၣ်ဖးဒိၣ်, ဒီးပှၤလ့ၤဝံဖိ, ပှၤလုၢ်တၢ်အခိၣ်, စဲဃာ်ပနီၣ်တၢ်န့ၣ်လီၤ.