6
1 ဒီးတုၤစီၤစၤနဘၤလး, ဒီးစီၤတိၤဘံယၤ, ဒီးပှၤဧ့ရ့းဖိ စီၤက့ၤရှ့ၣ်, ဒီးပဒုၣ်ပဒါလၢအအိၣ်လီၤတဲာ်တဖၣ်နၢ်ဟူ ဝဲလၢယမၤက့ၤတၢ်အခိၣ်ဒူ, ဒီးတၢ်လီၤပှီၢ်တအိၣ်လီၤ တဲာ်ဘၣ်လၢအပူၤဘၣ်ဒီး, (ဘၣ်ဆၣ်ဒီးအကတီၢ်ဖဲန့ၣ် ယတပာ်ထီၣ်ဒံးဘၣ်တြဲၤတဖၣ် လၢပဲတရီအပူၤဘၣ်)-
2 တၢ်မၤအသးလၢစီၤစၤနဘၤလး, ဒီးစီၤက့ၤရှ့ၣ်မၢလီၤတၢ် ဆူယအိၣ်, ဒီးစံးဝဲဒၣ်, ဟဲသဂၢၢ်လိာ်ပသးလၢတဝီပူၤ လၢတၢ်ပျီပူၤအိနိၤတက့ၢ်. ဒီးအဝဲသ့ၣ်တဖၣ်န့ၣ်ဆိက မိၣ်ဝဲလၢအကမၤအၢယၤလီၤ.
3 ဒီးယမၢလီၤ ကလူးတဖၣ်ဆူအအိၣ်, ဒီးယစံးဘၣ် အီၤ, ယမၤတၢ်မၤဖးဒိၣ်, ဒီးယဟဲလီၤတသ့ဘၣ်. ယ လဲၤသဒၣ်တၢ်မၤ, ဒီးဟဲလီၤဆူသုအိၣ်အဖၢမုၢ်ဒီး, တၢ် မၤကအိၣ်ကတီၢ်မ့ၢ်အဘၣ်မနုၤလဲၣ်.
4 ဒီးမၢလီၤတၢ်ဆူယအိၣ် ဒ်တၢ်ကတိၤတထံၣ်ဃီအံၤ အသိးန့ၣ်လွံၢ်ဘျီ, ဒီးယစံးဆၢအီၤ, ဒ်တၢ်ကတိၤတ ထံၣ်အံၤအသိးန့ၣ်လီၤ.
5 ဒီးစီၤစၤနဘၤလး မၢလီၤအခ့အပှၤတဂၤ ယဲၢ်ဘျီတ ဘျီဒ်န့ၣ်သိး, အိၣ်ဒီးအလံာ်အိၣ်အိးထီၣ်အသးလၢအစု ပူၤတဘ့ၣ်လီၤ.
6 တၢ်ကွဲးအသးလၢအပူၤ, တၢ်ဟူထီၣ် သါလီၤလၢပှၤကလုာ်တဖၣ်အကျါ, ဒီးစီၤကၤၡမူၤစံးဝဲ ဒၣ်, နဲဒၣ်ဒီးပှၤယူဒၤဖိဆိကမိၣ်ဝဲလၢ အကပူထီၣ်တၢ် လီၤ. မၤသးဒ်န့ၣ်ဒီးနမၤက့ၤတၢ်ခိၣ်ဒူဒ်သိးနကကဲထီၣ် အစီၤပၤ, ဒ်တၢ်ကတိၤတဖၣ်အသိးန့ၣ်လီၤ.
7 ဒီးနပာ် လီၤစ့ၢ်ကီးဝံတဖၣ်လၢယရူၤၡလ့ၣ်အပူၤ ဒ်သိးအကကိး ထီၣ်တၢ်လၢနဂ့ၢ်နကျိၤ, လၢအစံးဝဲ, စီၤပၤတဂၤအိၣ်ဝဲ လၢယူဒၤအပူၤလီၤ. ဒီးခဲကနံၣ်အံၤပှၤကစံးဘၣ်တဲဘၣ် စီၤပၤဒ်တၢ်ကတိၤတဖၣ်အသိးန့ၣ်လီၤ. ဒီးခဲကနံၣ်အံၤ ဟဲ, ကူၣ်သကိးတၢ်တက့ၢ်.
8 ဒီးယမၢလီၤတၢ်ဆူအအိၣ် ဒီးစံး, တၢ်တမၤဘၣ်အ သးဒ်နစံးတၢ်အသိးန့ၣ်ဘၣ်. မ့ၢ်နကူၣ်ထီၣ်ကလီကလီ လၢနသးကံၢ်ပူၤလီၤ.
9 အဂ့ၢ်ဒ်အံၤ, ပှၤခဲလၢာ်န့ၣ်မၤပျံၤမၤဖုးပှၤ, ဒီးစံးဝဲဒၣ်, အစုကလီၤစၢ်လၢအတၢ်မၤ တုၤအတမၤဘၣ်အသးဘၣ် လီၤ. ဒီးခဲကနံၣ်အံၤ, ကစၢ်ဧၢ, ဒုးဆူၣ်ထီၣ်ယစုတက့ၢ်.
10 ဒီးယလဲၤဆူမဟ့တးဘအ့လးအဖိခွါ စီၤဒလါယၤအ ဖိခွါ, စီၤၡမါယၤအဟံၣ်, အဝဲဒၣ်အိၣ်ဝဲဆိးဝဲတဂၤဃီ, ဒီးစံးဝဲဒၣ်, လဲၤသဂၢၢ်သကိးလိာ်ပသးလၢယွၤအဟံၣ်ပူၤ, လၢနူၢ်အသးကံၢ်ပူၤ, ဒီးကးတံာ်ဃာ်သကိးနူၢ်အတြဲၤတက့ၢ်. အဂ့ၢ်ဒ်အံၤ, ပှၤကဟဲမၤသံနၤ, ဒီးကဟဲမၤသံလၢမုၢ်နၤလီၤ.
11 ဒီးယစံး, ပှၤကညီဒ်ယၤအသိးန့ၣ် ယကဃ့ၢ်စ့ၢ်ကီး ဧါ. ဒီးမ့ၢ်မတၤဒ်ယၤအသိးကလဲၤနုာ်လၢနူၢ်ပူၤဒ်သိးအ ကမူဒံးဝဲတဂၤလဲၣ်. ယတလဲၤနုာ်ဘၣ်.
12 ဒီးကွၢ်ကွၢ်, ယသ့ၣ်ညါလၢ ယွၤတမၢလီၤဘၣ်အီၤ ဘၣ်. မ့ၢ်စီၤတိၤဘံယၤ, ဒီးစီၤစၤနဘၤလးငါအီၤလၢစ့ ဒီး, ကတိၤတၢ်လၢဝံအကျိာ်ထီဒါယၤလီၤ.
13 ဒီးပှၤငါအီၤလၢစ့ဒ်သိးယကပျံၤတၢ်, ဒီးမၤဒ်န့ၣ်, ဒီး မၤတၢ်ဒဲးဘး, ဒီးဒ်သိးတၢ်ကစီၣ်အအၢကအိၣ်ထီၣ်လၢ အဃိဒ်သိးအကဒုၣ်ဒွဲၣ်ယၤလီၤ.
14 ယကစၢ်ဧၢ, သ့ၣ်နီၣ်ထီၣ်က့ၤစီၤတိၤဘံယၤ, ဒီးစီၤစၤ နဘၤလး ဒ်အတၢ်မၤတဖၣ်အံၤအသိး, ဒီးဝံပိာ်မုၣ်နိဒ ယၤ, ဒီးဝံအဂၤတဖၣ်လၢအသါကမၤပျံၤယၤန့ၣ်တက့ၢ်.
15 ဒီးလၢ လါအလူလး, လါထီၣ်ခံဆံယဲၢ်နံၤတနံၤန့ၣ် တၢ်ခိၣ်ဒူဝံၤဝဲလၢယဲၢ်ဆံခံနံၤအတီၢ်ပူၤန့ၣ်လီၤ.
16 ဒီးတုၤပဒုၣ်ပဒါခဲလၢာ်နၢ်ဟူဝဲ, ဒီးပှၤကလုာ်တဖၣ် လၢအအိၣ်ဝးတရံး ပှၤခဲလၢာ်န့ၣ်ထံၣ်ဘၣ်ဝဲဒီး, တၢ်မၤ အသးလၢအလီၤဃံၤဝဲလၢအမဲာ်ဒၣ်ဝဲအပူၤနးမးလီၤ. ဒီး သ့ၣ်ညါဝဲလၢတၢ်မၤန့ၣ်မၤအသးလၢပကစၢ်လီၤ.
17 လၢန့ၣ်အမဲာ်ညါ လၢမုၢ်နံၤတဖၣ်န့ၣ် ပှၤယူဒၤအပှၤ အိၣ်ဖျဲၣ်ပဒိၣ်ဟ့ၣ်ယုၢ်လံာ်အါဘ့ၣ်ဆူ စီၤတိၤဘံယၤဒီး စီၤတိၤဘံယၤအလံာ်ဟဲဝဲဆူအအိၣ်လီၤ.
18 အဂ့ၢ်ဒ်အံၤ, ပှၤအါဂၤလၢပှၤယူဒၤဖိအကျါန့ၣ် ဆိၣ် လီၤတ့ၢ်အသးဒီးအီၤလီၤ. အဂ့ၢ်ဒ်အံၤ, မ့ၢ်စီၤအရၤအဖိ ခွါစီၤၡကါနယၤအမာ်လီၤ. ဒီးအဖိခွါစီၤယိဃၤနၣ်ဟံး န့ၢ်တ့ၢ်လံစီၤဘရ့ကံယၤအဖိခွါ စီၤမရှူလၣ်အဖိမုၣ်လၢ အမါလီၤ.
19 ကတိၤတၢ်စ့ၢ်ကီးလၢ ယမဲာ်ညါလၢ အဝဲဒၣ်အမၤ တၢ်လၢအဂ့ၤ, ဒီးစံးဘၣ်က့ၤအီၤလၢယတၢ်ကတိၤတဖၣ် န့ၣ်လီၤ. ဒီးစီၤတိၤဘံယၤဟ့ၣ်ယုၢ်လံာ်ဒ်သိးအကမၤပျံၤ ယၤလီၤ.