5
ဒီးပှၤဂီၢ်မုၢ်, ဒီးအမါတဖၣ်ကိးပသူထီၣ်ထီဒါအဒီပုၢ် ဝဲၢ်ပှၤယူဒၤဖိလီၤ. ဒီးပှၤအိၣ်ဝဲလၢအစံး, ပဖိခွါဒီးပဖိ မုၣ်အိၣ်အါဂၤ, ဒီးမ်ပဟ့ၣ်ကီၤတၢ် ဒ်သိးပကဟံးန့ၢ်ဘု ဧိၤဟုဧိၤဒ်သိးပကအီၣ်, ဒီးမူဒံးန့ၣ်တက့ၢ်.
ဒီးပှၤအိၣ်ဝဲလၢအစံး, ပဟ့ၣ်ကီၤပဟီၣ်ခိၣ်အကဝီၤ, ပတၤသၣ်အလီၢ်, ဒီးပဟံၣ်တဖၣ်ဒ်သိးပကပှ့ၤဘုဧိၤဟု ဧိၤလၢတၢ်သၣ်ဝံၤလီၤဒိအဃိလီၤ.
ဒီးပှၤအိၣ်ဝဲလၢအစံး, ပဟ့ၣ်ကီၤပဟီၣ်ခိၣ်အကဝီၤ, ဒီး ပတၤသၣ်အလီၢ်သတးဒီး,ပလိၢ်လၢစီၤပၤအသွဲအဂီၢ်လီၤ.
ဘၣ်ဆၣ်ဒီးခဲကနံၣ်အံၤ ပဖံးပညၣ်မ့ၢ်ဒ်ပဒီပုၢ်ဝဲၢ်အဖံး အညၣ်အသိး, ပဖိပလံၤဒ်အဖိအလံၤအသိးန့ၣ်လီၤ. ဒီး ကွၢ်ကွၢ်, ပဒုးကဲကုၢ်ပဖိမုၣ်, ဒီးပဖိခွါဒ်သိးအကမၤကုၢ် အတၢ်မၤ, ဒီးပဖိမုၣ်တနီၤကဲလံကုၢ်လံ. ဒီးပမၤတသ့ ဘၣ်. အဂ့ၢ်ဒ်အံၤ, ပှၤဂၤအိၣ်ဒီးပဟီၣ်ခိၣ်အကဝီၤ, ဒီး ပတၤသၣ်အလီၢ်လီၤ.
ဒီးတုၤယနၢ်ဟူအတၢ်ကိးပသူထီၣ်, ဒီးတၢ်ကတိၤတ ဖၣ်န့ၣ်ဒီး, ယသးထီၣ်ဒိၣ်မးလီၤ. ဒီးယဆိကမိၣ်လီၤယ သး, ဒီးယသိၣ်ဃီၣ်ပှၤအိၣ်ဖျဲၣ်ပဒိၣ်, ဒီးပဒိၣ်တဖၣ်, ဒီး ယစံးဘၣ်အီၤ,သုဃ့စ့အအ့ၣ်တဂၤလၢအဒီပုၢ်ဝဲၢ်, တဂၤ လၢအဒီပုၢ်ဝဲၢ်လီၤ. ဒီးယပာ်တၢ်အိၣ်ဖှိၣ်ဖးဒိၣ်ထီဒါအီၤ လီၤ.
ဒီးယစံးဘၣ်အီၤ, ပဝဲဒၣ်ဖဲပသ့ဒီး, ပပှ့ၤက့ၤပဒီပုၢ်ဝဲၢ်, ပှၤယူဒၤဖိ လၢဘၣ်တၢ်ဆါကွံာ်အီၤ လၢပှၤကလုာ်တ ဖၣ်, ဒီးသုကဆါကွံာ်သုဒီပုၢ်ဝဲၢ်စ့ၢ်ကီးဧါ. ဒီးပှၤကဘၣ် ဆါကွံာ်အီၤလၢပှၤဧါ. ဒီးအဝဲသ့ၣ်အိၣ်ဘှီၣ်ကလာ်, ဒီး တထံၣ်န့ၢ်ဘၣ်တၢ်ကတိၤဘၣ်.
ဒီးယစံး, တၢ်လၢသုမၤန့ၣ်တဂ့ၤဘၣ်. သုဂ့ၤလဲၤတၢ် လၢတၢ်ပျံၤယွၤအပူၤလၢပှၤကလုာ်တဖၣ်, ဒီးပဒုၣ်ပဒါ အတၢ်ဒုၣ်ဒွဲၣ်တၢ်အဃိ, တမ့ၢ်ဘၣ်ဧါ. 10 ဒီးယဲဒၣ်, ဒီး ယဒီပုၢ်ဝဲၢ်, ဒီးယခ့ယပှၤတဖၣ်ဃ့စ့ၢ်ကီးအီၤလၢစ့, ဒီးဘု ဧိၤဟုဧိၤသ့လီၤ. လဲၤသဒၣ်တၢ်ဃ့စ့အအ့ၣ်န့ၣ်တက့ၢ်.
11 လၢမုၢ်မဆါတနံၤအံၤဟ့ၣ်က့ၤအီၤလၢ အဟီၣ်ခိၣ်အ ကဝီၤ, ဒီးအစပံးထံအလီၢ်, အသ့ၣ်စၤယံးအလီၢ်, ဒီး အဟံၣ်အဃီတက့ၢ်. ဒီးကျိၣ်ဧိၤစ့ဧိၤ, ဒီးဘုဧိၤဟုဧိၤ, ဒီးစပံးထံ, ဒီးသိလၢသုမၤန့ၢ်လၢအီၤန့ၣ် ဟ့ၣ်က့ၤအီၤ လၢအပူတကယၤတပူန့ၣ်တက့ၢ်.
12 ဒီးပှၤတဖၣ်န့ၣ်စံးဝဲဒၣ်, ပကဟ့ၣ်က့ၤလီၤ. ပတဃ့ လၢၤအီၤလၢတၢ်နီတမံၤဘၣ်. ဒီးပကမၤဒ်နစံးအသိးန့ၣ် လီၤ. ဒီးယကိးန့ၢ်ပှၤလုၢ်တၢ်အဒိၣ်, ဒီးယဒုးဆိၣ်အီၤ လၢအကမၤတၢ်ဒ်တၢ်ကတိၤတထံၣ်အသိးန့ၣ်လီၤ.
13 ဒီးယတြုၤယကူယသိး လၢယဟုးလာ်, ဒီးယစံးပှၤ လၢအတတိၢ်ဘၣ်တၢ်ကတိၤပာ်အံၤ တဂၤလၢ်လၢ်န့ၣ် မ်ယွၤတြုၤကွံာ်အီၤဒ်န့ၣ်အသိးလၢအဟံၣ်, ဒီးလၢအတၢ် မၤကိးမံၤဒဲးတက့ၢ်. မ်အဘၣ်တၢ်တြုၤကွံာ်အီၤ, ဒီးအိၣ် ကလီဒ်န့ၣ်အသိးတက့ၢ်. ဒီးပှၤအိၣ်ဖှိၣ်ဖိခဲလၢာ်စံး, အၤ မ့ၣ်, ဒီးစံးထီၣ်ပတြၢၤယွၤ, ဒီးပှၤဂီၢ်မုၢ်မၤဝဲဒ်တၢ်ကတိၤ အသိးန့ၣ်လီၤ.
14 လၢန့ၣ်အမဲာ်ညါ လၢမုၢ်တနံၤလၢတၢ်ပာ်ယၤလၢပ ဒိၣ်ဖးဒိၣ်လၢကီၢ်ယူဒၤအပူၤ, လၢစီၤပၤအၢ်တၤၡါၡတၤ အနံၣ်ပှဲၤထီၣ်ခံဆံနံၣ်တုၤလၢ အနံၣ်ပှဲၤထီၣ်သၢဆံခံနံၣ် တနံၣ်န့ၣ်, တဆံခံနံၣ်အတီၢ်ပူၤယဲဒၣ်ဒီး ယဒီပုၢ်ဝဲၢ်တ ဖၣ်တအီၣ်ဘၣ် ပဒိၣ်ဖးဒိၣ်အတၢ်အီၣ်ဘၣ်. 15 မ့မ့ၢ်ပဒိၣ် ဖးဒိၣ်လၢအအိၣ်ဝဲလၢယမဲာ်ညါတဖၣ်န့ၣ် ဃၢဝဲလၢပှၤ ဂီၢ်မုၢ်အဖီခိၣ်, ဒီးလၢစ့အၡက့လးလွံၢ်ဆံအမဲာ်ညါန့ၣ် ဟံးန့ၢ်ကိၣ်, ဒီးစပံးထံလၢအီၤလီၤ. ဒီးအခ့အပှၤတဖၣ် ဒၣ်လဲာ်ပၢပှၤဂီၢ်မုၢ်လီၤ. မ့မ့ၢ်ယဲဒၣ်အံၤ ယတမၤဘၣ်ဒ် န့ၣ်ဘၣ်, လၢတၢ်ပျံၤယွၤအဃိလီၤ.
16 ဒီးယမၤဆူၣ်ဆူၣ်စ့ၢ်ကီး လၢတၢ်ခိၣ်ဒူအံၤအတၢ်မၤ, ဒီးပတပှ့ၤဘၣ်ဟီၣ်ခိၣ်ဘၣ်, ဒီးယခ့ယပှၤခဲလၢာ် အိၣ် ဖှိၣ်ဖဲန့ၣ်လၢတၢ်မၤအအိၣ်လီၤ.
17 ဒီးလၢပှၤလၢအဟဲဆူပအိၣ်လၢ ပှၤကလုာ်တဖၣ်လၢ အအိၣ်ဝးတရံးပှၤအကျါအမဲာ်ညါ ပှၤယူဒၤဖိ, ဒီးပဒိၣ် ဖးဒိၣ်တဖၣ်အီၣ်ဝဲလၢယစီၢ်နီၤခိၣ်, တကယၤယဲၢ်ဆံ လီၤ.
18 ဒီးတၢ်လၢအကတဲာ်ကတီၤအသးလၢယဂီၢ် လၢတ နံၤအဂီၢ်တနံၤအဂီၢ်န့ၣ်မ့ၢ်ဂီၤဖံးတဒု, သိအဂ့ၤဃုဒု, ဒီး ပှၤကတဲာ်ကတီၤဆီတဖၣ်လၢယဂီၢ်,ဒီးဆံဆဲၣ်နံၤတဘျီ န့ၣ်စပံးထံအကလုာ်ကလုာ်လၢအအါလီၤ. ဒီးလၢတၢ်ခဲ လၢာ်အဂီၢ်န့ၣ် ယတဃ့ဘၣ်ပဒိၣ်ဖးဒိၣ်အတၢ်အီၣ်ဘၣ်. အဂ့ၢ်ဒ်အံၤ, တၢ်မၤန့ၣ်ဃၢဝဲလၢပှၤဂီၢ်မုၢ်အံၤအလိၤလီၤ.
19 ယကစၢ်ဧၢ, သ့ၣ်နီၣ်ထီၣ်က့ၤယၤလၢတၢ်ဂ့ၤအဂီၢ်, ဒ် ကယဲၢ်တၢ်လၢယမၤပှၤဂီၢ်မုၢ်အသိးန့ၣ်တက့ၢ်.