9
1 ဒီးလဲၤနုာ်လၢကဘီပူၤ, ဒီးခီဂာ်ဝဲ, ဒီးဟဲနုာ်ဆူ အဝ့ၢ်ဒၣ်ဝဲအပူၤလီၤ.
2 ဒီးကွၢ်ကွၢ်, ပှၤဟဲစိာ်ပှၤသံတခီ ပၤတဂၤမံလီၤလၢအလီၢ်မံပူၤဆူအအိၣ်လီၤ. ဒီးတုၤ ယ့ၣ်ရှူးထံၣ်အဝဲသ့ၣ်အတၢ်နာ်ဒီး, စံးဘၣ်ပှၤသံတခီ ပၤတဂၤန့ၣ်, ဖိဧၢ, ပာ်နသးခူတလ့ၢ်တက့ၢ်. နတၢ် ဒဲးဘးပျၢ်လံ.
3 ဒီးကွၢ်ကွၢ်, ပှၤကွဲးလံာ်တနီၤနီၤစံးလၢ အသးကံၢ်ပူၤ, တၢ်လၢပှၤတဂၤအံၤ, ကတိၤကမၣ် ယွၤလီၤ.
4 ဒီးယ့ၣ်ရှူးသ့ၣ်ညါအတၢ်ဆိကမိၣ်တဖၣ်ဒီး စံးဝဲဒၣ်, ဘၣ်မနုၤလၢသုဆိကမိၣ်တၢ်အၢလၢသုသး ကံၢ်ပူၤလဲၣ်.-
5 အဂ့ၢ်ဒ်အံၤ, မ့ၢ်ပစံးညီဖဲလဲၣ်တမံၤ လဲၣ်, မ့ၢ်ပစံးလၢနတၢ်ဒဲးဘးပျၢ်ကွံာ်လံန့ၣ်ညီတက့ၢ်, မ့ၢ်ပစံးလၢဂဲၤဆၢထၢၣ်ဟးန့ၣ်, ညီတက့ၢ်လဲၣ်.
6 ဘၣ်ဆၣ်ဒီး, ဒ်သိးသုကသ့ၣ်ညါလၢ ပှၤကညီဖိခွါ အံၤ, အိၣ်ဒီးအစိကမီၤလၢဟီၣ်ခိၣ်ချၢလၢ အကပျၢ် တၢ်ဒဲးဘးဒီး,Ref တုၤနုၤတစု, စံးဘၣ်ပှၤသံတခီပၤတဂၤ န့ၣ်, ယစံးဘၣ်နၤ, ဂဲၤဆၢထၢၣ်, ဒီးစိာ်ထီၣ်နလီၢ်မံ, ဒီးက့ၤက့ၤဆူနဟံၣ်တက့ၢ်.-
7 ဒီးအဝဲဒၣ်ဂဲးဆထၢၣ်, ဒီး က့ၤက့ၤဆူအဟံၣ်လီၤ.
8 ဒီးပှၤဂီၢ်မုၢ်ထံၣ်ဘၣ်ဝဲဒီး, ပျံၤတၢ်ဒီးစံးထီၣ်ပတြၢၤ ယွၤလၢအဟ့ၣ်တၢ်စိတၢ်ကမီၤထဲထဲန့ၣ်လၢ ပှၤကညီ အဃိလီၤ.
9 ဒီးယ့ၣ်ရှူးဟးထီၣ်ဖဲန့ၣ်, ဒီးထံၣ်ပှၤကညီတဂၤကိးဝဲ အမံၤလၢစီၤမးသဲဆ့ၣ်နီၤလၢ ပှၤဃ့သွဲအလီၢ်, ဒီးစံး ဘၣ်အီၤ, ပိာ်ယခံတက့ၢ်. ဒီးဂဲၤဆၢထၢၣ်, ပိာ်ထီၣ် အခံလီၤ.
10 ဒီးတၢ်မၤအသးလၢယ့ၣ်ရှူးဆ့ၣ်နီၤသန့ၤတၢ်လၢဟံၣ် ပူၤအဖၢမုၢ်ဒီး, ကွၢ်ကွၢ်, ပှၤဃ့သွဲဒီးပှၤတၢ်ဒဲးဘးဖိ အါဂၤ, ဟဲဒီးဆ့ၣ်နီၤသန့ၤဃုာ်ဒီးအီၤဒီးအပျဲၢ်အဘီၣ် လီၤ.
11 ဒီးတုၤပှၤဖၤရံၤၡဲသ့ၣ်တဖၣ်ထံၣ်ဝဲဒီး, စံးဘၣ် အပျဲၢ်အဘီၣ်, ဘၣ်မနုၤလၢသုသရၣ်အီၣ်တၢ်ဒီးပှၤဃ့ သွဲဒိီး ပှၤတၢ်ဒဲးဘးဖိတဖၣ်လဲၣ်.
12 ဒီးယ့ၣ်ရှူးနၢ်ဟူဝဲဒီးစံးဘၣ်အီၤ, ပှၤလၢအအိၣ်ဆူၣ် အိၣ်ချ့တဖၣ်န့ၣ်, မၤကသံၣ်သရၣ်အလီၢ်တအိၣ်ဘၣ်, မ့ၢ်ထဲပှၤလၢအမၤတကဲဘၣ်တဖၣ်န့ၣ်ဧိၤလီၤ.
13 တၢ်တ ထံၣ်အံၤ, ဘၣ်ယသးလၢတၢ်သူၣ်ကညီၤသးကညီၤဒီး တမ့ၢ်ဘၣ်တၢ်လုၢ်တၢ်ပာ်ဘၣ်န့ၣ်,Ref ဟိၤ.၆.၆, လဲၤမၤ လိတက့ၢ်. အဂ့ၢ်ဒ်အံၤ, ယဟဲကိးက့ၤပှၤအတီ အလိၤတမ့ၢ်ဘၣ်, မ့ၢ်ပှၤတၢ်ဒဲးဘးဖိလီၤ.
14 တုၤနုၤတစုစီၤယိၤဟၣ်အပျဲၢ်အဘီၣ် ဟဲဆူအအိၣ်ဒီး စံးဝဲဒၣ်, ဘၣ်မနုၤလၢပဝဲဒၣ်, ဒီးပှၤဖၤရံၤရှဲသ့ၣ်တဖၣ်, ဒုၣ်တၢ်အီၣ်တၢ်အီတလီၢ်တလီၢ်လီၢ်, ဒီးနပျဲၢ်နဘီၣ် တဒုၣ်ဘၣ်တၢ်အီၣ်တၢ်အီန့ၣ်လဲၣ်.
15 ဒီးယ့ၣ်ရှူးစံးဘၣ်အီၤ, တၢ်လၢတလးမူးအပျဲၢ်အံၤ, ဖဲတလးမူးပိာ်ခွါအိၣ်ဒီးအီၤ အဖၢမုၢ်ဒီး, သူၣ်အုးသး အုးဘၣ်ကသ့ဧါ. ဘၣ်ဆၣ်ဒီးအနံၤအသီတဖၣ်ကဘၣ် လၢတၢ်ကထုးဖးတလးမူးပိာ်ခွါ ဒီးအီၤလီၤ. တုၤနုၤ တစု, ကဒုၣ်တၢ်အီၣ်တၢ်အီလီၤ.
16 တၢ်အကူအသိးလီၢ်လံၤန့ၣ်, ပှၤတဆးကျးဘၣ်အီၤ လၢတၢ်အသီနီတဂၤဘၣ်. အဂ့ၢ်ဒ်အံၤ, တၢ်အသီန့ၣ် ဖှီတၢ်အကူအသိးန့ၣ်, ဒိီးအပူၤလီၢ်နးထီၣ်ဝဲလီီၤ.
17 ဒီး တၢ်လၢထံဒၢတၢ်ဖံးလီၢ်လံၤအပူၤန့ၣ်, ပှၤတဒၢနုာ် ဘၣ်စပံးထံအသီဘၣ်. မ့ၢ်မၤဒ်န့ၣ်ဒီး, ထံဒၢတၢ်ဖံးန့ၣ် ပိၢ်ဖးဝဲ, ဒီးစပံးထံယွၤလီၤကွံာ်, ဒီးထံဒၢတၢ်ဖံးန့ၣ် ဟးဂီၤဝဲလီၤ. မ့မ့ၢ်တၢ်လၢစပံးထံအသီန့ၣ်, ပှၤဒၢနုာ် အီၤလၢထံဒၢတၢ်ဖံးအသီအပူၤ, ဒီးအိၣ်ဒၣ်တၢ်ခံမံၤ လိာ်လီၤ.
18 စံၣ်တဲၤတဲလီၤ တၢ်တဖၣ်န့ၣ် လၢအီၤအဖၢမုၢ်ဒိး, ကွၢ်ကွၢ်, တၢ်အခိၣ်တဂၤဟဲတီၤလီၤ လၢအမဲာ်ညါ, ဒီးစံးဝဲဒၣ်, ယဖိမုၣ်တဂၤကသံတ့ၢ်ခဲကနံၣ်အံၤလီၤ. ဘၣ်ဆၣ်ဒီးဟဲပာ်နစုလၢအလိၤတက့ၢ်. ဒီီးကမူထီၣ် က့ၤဝဲလီၤ.
19 ဒီးယ့ၣ်ရှူးဂဲၤဆၢထၢၣ်, ဒီးလဲၤပိာ်အခံ အိၣ်ဒီးအပျဲၢ်အဘီၣ်လီၤ.
20 ဒီးကွၢ်ကွၢ်, ပိာ်မုၣ်လၢအဆါသွံၣ်လီၤဝဲ တဆံခံနံၣ်တဂၤ, ဟဲလၢအချၢဃံ, ဒီးထိးဘၣ်အကူအသိး အနွံလီၤ.
21 အဂ့ၢ်ဒ်အံၤ, စံးဝဲလၢ အသးကံၢ်ပူၤ, မ့ၢ်ထဲ ယထိးဘၣ်အကူအသိးဒီး, ယကဘျါက့ၤလီၤ.
22 ဒီးယ့ၣ် ရှူးဃၣ်ဃီၤအသး, ဒီးထံၣ်အီၤ, ဒီးစံးဝဲဒၣ်, ဖိမုၣ်ဧၢ, ပာ်နသးခူတလ့ၢ်တက့ၢ်. နတၢ်နာ်န့ၣ်မၤဘျါက့ၤလံ နၤလံ. ဒီးပိာ်မုၣ်န့ၣ်ဘျါက့ၤဝဲတစုဃခီဖဲန့ၣ်လီၤ.
23 ဒီးတုၤယ့ၣ်ရှူးလဲၤနုာ်လၢတၢ်အခိၣ်အဟံၣ်, ဒီးထံၣ် ပှၤပှီၢ်ဒၢ, ပှၤအူပံ, ဒီးပှၤဂီၢ်မုၢ်ကလာ်အဲးအဲးဒီး,
24 စံး ဝဲဒၣ်, ဟးထီၣ်ကွံာ်တက့ၢ်. အဂ့ၢ်ဒ်အံၤ, ဖိမုၣ်ဖိသၣ် တသံဘၣ်. မ့ၢ်အမံသပ့ၤလီၤ. ဒီးအဝဲသ့ၣ်တဖၣ် နံၤဘၣ်ဖၣ်လဲအီၤလီၤ.
25 ဒီးတုၤပှၤဂီၢ်မုၢ်ဘၣ် တၢ်ဟီထီၣ် ကွံာ်အီၤဒီး, လဲၤနုာ်ဝဲ, ဒီးဟံးအစု, ဒီးပိာ်မုၣ်ဖိသၣ် န့ၣ်ဂဲၤဆၢထၢၣ်က့ၤဝဲလီၤ.
26 ဒီးတၢ်မၤအသးန့ၣ် ဟူထီ သါလီၤလၢကီၢ်န့ၣ်ဒီကီၢ်ညါလီၤ.
27 ဒီးတုၤယ့ၣ်ရှူးဟးထီၣ်ကွံာ်ဖဲန့ၣ်ဒီး, ပှၤမဲာ်ဘျီၣ်ခံဂၤ ဟဲပိာ်ထီၣ်အခံ, ဒီးကိိးပသူထီၣ်ဒီးစံးဝဲဒၣ်, စီၤဒၤဝံး အဖိခွါဧၢ, သူၣ်ကညီၤသးကညီၤလၢ်ပှၤတက့ၢ်.
28 ဒီး တုၤအလဲၤနုာ်ဆူဟံၣ်ပူၤဒီး, ပှၤမဲာ်ဘျီၣ်တဖၣ်န့ၣ်ဟဲဆူအ အိၣ်, ဒီးယ့ၣ်ရှူးစံးဘၣ်အီၤ, မ့ၢ်သုနာ်လၢယမၤ တၢ်အံၤသ့စ့ၢ်ကီးဧါ.
29 ဒီးအဝဲသ့ၣ်စံးဆၢအီၤ, ပနာ်လီၤ, ကစၢ်ဧၢ, တုၤနုၤ တစုထိးဘၣ်အဝဲသ့ၣ်အမဲာ်, ဒီးစံးဝဲဒၣ်, ဒ်သုနာ် တၢ်အသိးန့ၣ်, မ်တၢ်ကဲထီၣ်လၢသုဂီိၢ်တက့ၢ်.
30 ဒိီး အမဲာ် ကပီၤထီၣ်က့ၤဝဲလီၤ. ဒီးယ့ၣ်ရှူးမၤလိာ်အီၤ ဆူၣ်ဆူၣ်ကလဲာ်, ဒီစံးဝဲဒၣ်, ဒ်သိးပှၤသုတသ့ၣ်ညါ နီတဂၤတဂ့ၤဒီး, ပလီၢ်သုသးတက့ၢ်.
31 ဘၣ်ဆၣ်ဒီး အဝဲသ့ၣ်ဟးထီၣ်, ဒီးမၤဟူထီသါလီၤအမံၤလၢကီၢ် န့ၣ်ဒီကီၢ်ညါလီၤ.
32 ဒီးဖဲအဝဲသ့ၣ်ဟးထီၣ်ကွံာ်ဒီး, ကွၢ် ကွၢ်, ပှၤဟဲစိာ်ပှၤတအုၣ်လၢတၢ်နါအိၣ်လၢ အလိၤ တဂၤဆူအအိၣ်လီၤ.-
33 ဒီးတုၤအဟီထီၣ်ကွံာ်တၢ်နါဒီး, ပှၤတအုၣ်ကတိၤထီၣ်တၢ်လီၤ. ဒိီးပှၤဂီၢ်မုၢ်ကမၢကမၣ် ဝဲ, ဒီးစံးဝဲဒၣ်, ပှၤတထံၣ်ဘၣ်တၢ်ဒ်အံၤသိးလၢအံၣ် စရ့လးအပူၤနီတခီၣ်ဘၣ်.
34 မ့မ့ၢ်ပှၤဖၤရံၤရှဲသ့ၣ်တဖၣ် စံးဝဲဒၣ်, မ့ၢ်အဟီထီၣ်ကွံာ်တၢ်နါလၢ တၢ်နါအခိၣ် လီၤ.
35 ဒီးယ့ၣ်ရှူးဟးဝ့ၤဝီၤတၢ်လၢကိးထူကိးဝ့ၢ်ဒီးကိးဒူကိး သဝီ, ဒီးသိၣ်က့ၤသီက့ၤတၢ်လၢ အဘူၣ်ဘျီၣ်ပူၤ, ဒီး စံၣ်တဲၤတဲလီၤ ဘိီမုုၢ်အတၢ်သးခုအကစီၣ်, ဒီးမၤဘျါ က့ၤကယဲၢ်တၢ်ဆူးတၢ်ဆါ, ဒီးတၢ်အက့အကွဲၣ်ခဲလၢာ် လီၤ.
36 ဒီးတုၤအထံၣ်ပှၤဂီၢ်မုၢ်တဖၣ်န့ၣ်ဒီး, အသးအိၣ် အီၤလီၤ. အဂ့ၢ်ဒ်အံၤတၢ်ဘှံးအဝဲသ့ၣ်အသး, ဒီးလီၤ ပြံလီၤပြါဝဲဒ်သိတဖၣ်လၢ တၢ်တအိၣ်ကွၢ်ဘၣ်အီၤအသိးန့ၣ်လီၤ.
37 တုၤနုၤတစုစံးဘၣ်အပျဲၢ်အဘီၣ်, ကူးဘုအလီၢ်အိၣ် အါမး, မ့မ့ၢ်ပှၤမၤတၢ်ဖိတဖၣ်န့ၣ် အိၣ်စီၤဂၤလီၤ.-မၤသးဒ်န့ၣ်ဒိးဃ့ကူးတၢ်အလီၢ်အကစၢ်, ဒ်သိးအက မၢလီၤပှၤမၤတၢ်ဖိဆူအကူးတၢ်အလီၢ်န့ၣ်တက့ၢ်.