7
1 ဒ်သိးသုသုတဘၣ်တၢ်စံၣ်ညီၣ်တဂ့ၤဒီး, စံၣ်ညီၣ်တၢ် သုဝဲတဂ့ၤ.
2 အဂ့ၢ်ဒ်အံၤ, သုကဘၣ်တၢ်စံၣ်ညီၣ်သုလၢ တၢ်စံၣ်ညီၣ်လၢ သုစံၣ်ညီၣ်တၢ်န့ၣ်လီၤ. ဒီးသုက ဘၣ်တၢ်ဃီၣ်န့ၢ် သုလၢတၢ်ဃီၣ်လၢ သုဃီၣ်တၢ်န့ၣ် လီၤ.
3 ဒီးကျိၤတဘိအိၣ်လၢ နမဲာ်သၣ်ပူၤန့ၣ် နတဆိက မိၣ်ဘၣ်ဒီး, ဘၣ်မနုၤနကွၢ်ထံ တၢ်အလ့ၣ်အဒ့လၢ နဒီပုၢ်ဝဲၢ်အမဲာ်သၣ်ပူၤန့ၣ်လဲၣ်.
4 ဒီးနစံးဘၣ်နဒီပုၢ်ဝဲၢ်, ဟ့ၣ်ယခွဲးထီၣ်ကွံာ်တၢ်အလ့ၣ်အဒ့အိၣ်လၢ နမဲာ်သၣ်ပူၤ တက့ၢ်န့ၣ်ဒ်လဲၣ်. ဒီးကွၢ်ကွၢ်, ကျိၤတဘိအိၣ်မးလၢ နမဲာ်သၣ်အပူၤန့ၣ်လဲၣ်.
5 ပှၤလီတၢ်ဧၢ, ခွဲးထီၣ်ကွံာ် ဆိကျိၤတဘိအိၣ်လၢနမဲာ်သၣ်အပူၤန့ၣ်တက့ၢ်. အန့ၣ် ဒီးနကထံၣ်တၢ် ထံထံဆးဆးဒ်သိး နကကခွဲးထီၣ် ကွံာ်တၢ်အလ့ၣ်အဒ့အိၣ်လၢ နဒီပုၢ်ဝဲၢ်အမဲာ်သၣ်ပူၤ န့ၣ်လီၤ.
6 သုတဟ့ၣ်တၢ်စီဆှံလၢထွံၣ်တဂ့ၤ. ဒီးသုတကွံာ် လီၤသုတၢ်မျၢ်ပလဲလၢထိးအမဲာ်ညါတဂ့ၤ, ကယီၢ်တံၢ် အီၤလၢအခီၣ်, ဒီးကကဒါဃီၤအသးဒီးအ့ၣ်ဖှီဘၣ်ဖုး သုလီၤ.
7 ဃ့တၢ်တက့ၢ်, ဒီးတၢ်ကဟ့ၣ်သုလီၤ. ဃုတၢ်တက့ၢ်, ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ်, ဒီးတၢ် ကအိးထီၣ်န့ၢ်သုဂီၢ်လီၤ.
8 အဂ့ၢ်ဒ်အံၤ, ကယဲၢ်ပှၤလၢ အဃ့တၢ်န့ၣ်ဒိးန့ၢ်တၢ်ကိးဂၤဒဲးလီၤ. ဒီးပှၤလၢအဃု တၢ်န့ၣ်ထံၣ်န့ၢ်တၢ်လီၤ. ဒီးပှၤလၢအဒိတကျိာ်တၢ်န့ၣ် တၢ်ကအိးထီၣ်န့ၢ်အဂီၢ်လီၤ.
9 ပှၤကညီအိၣ်လၢသုကျါလၢအဖိခွါ မ့ၢ်ဃ့ကိၣ်လၢ အီၤဒီး, ကဟ့ၣ်အီၤလၢလၢၢ်မ့ၢ်မတၤတဂၤလဲၣ်,
10 ဒီးမ့ၢ် ဃ့ညၣ် တဘ့ၣ်ဒီး, ကဟ့ၣ်အီၤလၢဂုၢ်တဘိဧါ.
11 မၤသးဒ်န့ၣ်ဒီး သုလၢအမ့ၢ်ပှၤအအၢတဖၣ်န့ၣ် မ့ၢ် သ့ၣ်ညါဟ့ၣ်သုဖိလၢတၢ်ဟ့ၣ်အဂ့ၤဒီး, သုပၢ်အိၣ်လၢ မူခိၣ်န့ၣ် ကဟ့ၣ်တၢ်ဂ့ၤလၢအဃ့တၢ် လၢအီၤတဖၣ် အါန့ၢ်အန့ၣ်တက့ၢ်ဆံးဒိၣ်လဲၣ်.
12 မၤသးဒ်န့ၣ်ဒီး ဖဲဒၣ်တၢ်လၢသုဆၢလၢ ပှၤကညီ ကမၤသုခဲလၢာ်န့ၣ် မၤအီၤဒ်န့ၣ်အသိးတက့ၢ်. အဂ့ၢ် ဒ်အံၤ, အဝဲန့ၣ်မ့ၢ်တၢ်သိၣ်တၢ်သီ, ဒီးဝံအကလုုၢ် အကထါလီၤ.
13 လဲၤနုာ်လၢကျဲစၢၤအအံၣ်န့ၣ်တက့ၢ်. အဂ့ၢ်ဒ်အံၤ, ကျဲ စၢၤမ့ၢ်အလဲၢ်, ဒီးကျဲမ့ၢ်အဒိၣ်လၢအဆှၢဝဲဆူတၢ်ဟး ဂူာ်ဟးဂီၤန့ၣ်, ဒီးပှၤလၢအလဲၤနုာ် လၢအီၤတဖၣ်အိၣ် အါဂၤလီၤ.
14 မ့မ့ၢ်ကျဲစၢၤမ့ၢ်အအံၣ်, ဒီးကျဲမ့ၢ်အဆံးလၢ အဆှၢဝဲဆူတၢ်မူန့ၣ်, ဒီးပှၤလၢအထံၣ်န့ၢ်အီၤ တဖၣ် အိၣ်စှၤဂၤလီၤ.
15 ပလီၢ်သုသးလၢဝံအဘျၣ်လၢ အဟဲဆူသုအိၣ်, သိး ဒီးသိအကူအသိးဒီိးလၢအပူၤန့ၣ် မ့ၢ်ထွံၣ်မံၤလၢအဒူ တဖၣ်န့ၣ်တက့ၢ်.
16 သုကသ့ၣ်ညါအီၤလၢအတၤသၣ်လီၤ. ပဒဲးစပံးသၣ် လၢတၤဆှုၣ်တၤမဲလိၤ, ဒီးချၢၣ်ဒၢသၣ်လၢနီၣ်တၤဆှုၣ် တြံးဘလူးအလိၤစ့ၢ်ကီးဧါ.
17 ဒ်န့ၣ်အသိးကယဲၢ်သ့ၣ်အဂ့ၤကိးထံးဒဲးန့ၣ်သၣ်ထီၣ် တၤသၣ်အဂ့ၤလီၤ. မ့မ့ၢ်သ့ၣ်လၢ အအၢတထံးန့ၣ်, သၣ်ထီၣ်တၤသၣ်အအၢလီၤ.
18 သ့ၣ်အဂ့ၤတထံးန့ၣ် သၣ်ထီၣ်တၤသၣ်အအၢတသ့ဘၣ်. ဒီးသ့ၣ်အအၢတ ထံးန့ၣ်သၣ်ထီၣ်တၤသၣ်အဂ့ၤတသ့စ့ၢ်ကီးဘၣ်.
19 က ယဲၢ်သ့ၣ်လၢအတသၣ်ထီၣ်ဘၣ်လၢတၤသၣ်အဂ့ၤကိး ထံးဒဲးန့ၣ် ဘၣ်တၢ်ကူာ်လီၤကွံာ်, ဒီးဘၣ်တၢ်ဘျုး လီၤကွံာ်အီၤ လၢမ့ၣ်အူပူၤလီၤ.
20 မၤသးဒ်န့ၣ်ဒိီး သုကသ့ၣ်ညါအီၤလၢ အတၤသၣ်လီၤ.
21 ပှၤလၢအစံးဘၣ်ယၤ, ကစၢ်ဧၢ, ကစၢ်ဧၢန့ၣ်တမ့ၢ် အကလဲၤနုာ်ဆူ မူခိၣ်အဘီအမုၢ်ကိးဂၤဒဲးဘၣ်. မ့ၢ် ထဲပှၤလၢအမၤဝဲဖဲဒၣ် ယပၢ်အိၣ်လၢမူခိၣ်အသးန့ၣ် ဧိၤလီၤ.
22 တၢ်လၢမုၢ်တနံၤန့ၣ် ပှၤအါဂၤကစံးဘၣ်ယၤ, ကစၢ်ဧၢ, ကစၢ်ဧၢ, ပကတိၤတၢ်လၢဝံအကျိာ်လၢနမံၤ, ဒီးပဟီထီၣ်ကွံာ်တၢ်နါလၢနမံၤ, ဒီးပမၤတၢ်လီၤလး အါမံၤလၢနမံၤ, တမ့ၢ်ဘၣ်ဧါ.
23 တုၤနုၤတစုယကအုၣ် ယသးလၢအီၤ, ယတသ့ၣ်ညါဘၣ်သုနီတခီၣ်ဘၣ်. ပှၤလၢအမၤတၢ်အၢတၢ်သီသ့ၣ်ဧၢ, ဟးဖးဒီးယၤတက့့ၢ်.
24 မၤသးဒ်န့ၣ်ဒီး ပှၤလၢအနၢ်ဟူယကလုၢ်ယကထါ အံၤ, ဒီးတိၢ်န့ၢ်ဝဲကိးဂၤဒဲးန့ၣ် ယကဒိလီၤအီၤလၢပှၤ ကူၣ်ဘၣ်ကူၣ်သ့လၢ အသူၣ်ဟံၣ်လၢလၢၢ်ခိၣ် တဂၤ လီၤ.
25 ဒီးတၢ်ဟဲစူၤ, ဒီးထံလုၣ်ဘၢတၢ်, ဒီးကလံၤအူ ဘၣ်တၢ်, ဒီးဘၣ်ဝဲလၢဟံၣ်တဖျၢၣ်န့ၣ်လီၤ. ဒီးတ လီၤပှီၢ်ဘၣ်ဝဲဘၣ်. အဂ့ၢ်ဒ်အံၤ, အခီၣ်ထံးသူၣ်အသး လၢလၢၢ်ခိၣ်အဂ့ၢ်လီၤ.
26 ဒီးပှၤလၢအနၢ်ဟူယကလုၢ်ယကထါအံၤ, ဒီးတတိၢ် န့ၢ်ဘၣ်ဝဲကိးဂၤဒဲးန့ၣ် ယကဒိလီၤအီၤလၢပှၤဟးဂီၤဖိ လၢအသူၣ်ဟံၣ်လၢမဲးခိၣ်လီၤ.
27 ဒီးတၢ်ဟဲစူၤ, ဒီးထံလုၣ်ဘၢတၢ်, ဒီးကလံၤအူဘၣ်တၢ်, ဒီးလီၤဘၣ်ဝဲလၢ ဟံၣ်တဖျၢၣ်န့ၣ်, ဒီးလီၤပှီၢ်ကွံာ်ဝဲလီၤ. ဒီးအလီၤပှီၢ် န့ၣ်ဒိၣ်လီၤ.
28 ဒီးတုၤယ့ၣ်ရှူးမၤဝံၤအတၢ်ကတိၤဒီး, တၢ်မၤအသး လၢပှၤဂီၢ်မုၢ်တဖၣ်န့ၣ်ပာ်အသးကမၢကမၣ်လၢအသိၣ် တၢ်သီတၢ်အဃိလီၤ.-အဂ့ၢ်ဒ်အံၤ, သိၣ်က့ၤသီက့ၤ အီၤ ဒ်ပှၤအိၣ်ဒီးအစိကမီၤ, ဒီးတမ့ၢ်ဘၣ်ဒ်အပှၤကွဲး လံာ်တဖၣ်အသိးဘၣ်လီၤ.