18
1 လၢအကတီၢ်ဖဲန့ၣ်အပျဲၢ်အဘီၣ်ဟဲဆူယ့ၣ်ရှူးအအိၣ် ဒီးစံးဝဲဒၣ်, မ့မ့ၢ်ဒ်န့ၣ်ဒီး, မ့ၢ်မတၤဒိၣ်ကတၢၢ်လၢမူ ခိၣ်အဘီအမုၢ်အပူၤတဂၤလဲၣ်.
2 ဒီးယ့ၣ်ရှူးကိးန့ၢ်ဖိသၣ်တဂၤဆူအအိၣ်, ဒီးပာ်လီၤ အီၤလၢ အဝဲသ့ၣ်အသးကံၢ်ပူၤ,
3 ဒီးစံးဝဲဒၣ်, ယစံးဘၣ် တဲဘၣ်သုတီတီအံၤ, သုမ့ၢ်တဃၣ်က့ၤဘၣ်သုသး, ဒီး ကဲထီၣ်ဒ်ဖိသၣ်တဖၣ်အသိးဘၣ်ဒီး, သုတလဲၤနုာ်ဘၣ် ဆူမူခိၣ်အဘီအမုၢ်အပူၤလ့ၤတက့ၤဘၣ်.
4 မၤသးဒ်န့ၣ် ဒီးဖဲဒၣ်ပှၤလၢအဆီၣ်လီၤအသး ဒ်ဖိသၣ်တဂၤအံၤအ သိးန့ၣ်, အဝဲဒၣ်မ့ၢ်အဒိၣ်ကတၢၢ်လၢ မူခိၣ်အဘီ အမုၢ်အပူၤလီၤ.
5 ဒီးဖဲဒၣ်ပှၤလၢအတူၢ်လိာ် ဖိသၣ်ဒ် အံၤအသိးတနဂၤလၢယမံၤအဃိတဂၤဂၤန့ၣ်, မ့ၢ်အတူၢ် လိာ်ယၤလီၤ.
6 မ့မ့ၢ်ဖဲဒၣ်ပှၤလၢအဒုးလီၤဃံၤ ပှၤအဆံး လၢအနာ်က့ၤယၤတဖၣ်အကျါတဂၤဂၤန့ၣ်, ဆၢၣ်ဂူာ် လၢၢ်မ့ၢ်ဘၣ်စၢထီၣ်လၢအကိာ်, ဒီးအဝဲဒၣ်ဘၣ်တ့ၢ် လီၤလၢပီၣ်လဲၣ်အတၢ်ယိာ်ပူၤဒီး, ဂ့ၤဒၣ်တၢ်လၢအဂီၢ် လီၤ.
7 မ့ၢ်တၢ်လီၤဃံၤအလီၢ်တဖၣ်ဒီး, ပှၤဟီၣ်ခိၣ်ဖိဘၣ် အဖှီၣ်လီၤ. အဂ့ၢ်ဒ်အံၤ, တၢ်လီၤဃံၤအလီၢ်တအိၣ် ဘၣ်ဒီး, အိၣ်တသ့ဘၣ်. ဘၣ်ဆၣ်ဒီး, ပှၤလၢအဒုး အိၣ်ထီၣ်တၢ်လီၤဃံၤအလီၢ်တဂၤန့ၣ်, ဘၣ်အဖှီၣ်လီၤ.
8 ဒီး နစုမ့ၢ်ဂ့ၤ, နခီၣ်မ့ၢ်ဂ့ၤ, မ့ၢ်ဒုးလီၤဃံၤနၤဒီး, ဒီၣ်တဲာ် ကွံာ်အီၤ, ဒီးကွံာ်တ့ၢ်ကွံာ်အီၤလၢ နအိၣ်တက့ၢ်. နလဲၤနုာ်လၢတၢ်မူအပူၤ, လၢနစုဟးဂီၤ, နခီၣ်ဟးဂီၤ, နစုတူာ်နခီၣ်တူာ်န့ၣ်, ဂ့ၤန့ၢ်နဘၣ်တၢ်တ့ၢ်လီၤကွံာ်နၤ အိၣ်ဒီးနစုခံခီ, နခီၣ်ခံခီ, ဆူမ့ၣ်အူလီၤထူလီၤယိာ်အပူၤ တက့ၢ်လီၤ.
9 ဒီးနမဲာ်မ့ၢ်ဒုးလီၤဃံၤနၤဒီး, အူခွဲးထီၣ်ကွံာ် အီၤ, ဒီးကွံာ်တ့ၢ်ကွံာ်အီၤလၢနအိၣ်တက့ၢ်. နလဲၤနုာ် လၢတၢ်မူအပူၤအိၣ်ဒီး နမဲာ်တခီဒ့ဧိၤန့ၣ်, ဂ့ၤန့ၢ်ဘၣ် တၢ်တ့ၢ်လီၤကွံာ်နၤ အိၣ်ဒီး နနမဲာ်ခံခီလၢာ်ဆူလရာ် မ့ၣ်အူပူၤန့ၣ်တက့ၢ်လီၤ.
10 ဒ်သိးသုသုတမၤတရီတပါ ပှၤလၢပှၤအဆံးတဖၣ်အံၤ အကျါနီတဂၤတဂ့ၤဒီး, ပလီၢ်သုသးတက့ၢ်. အဂ့ၢ်ဒ် အံၤ, ယစံးဘၣ်တဲဘၣ်သုလၢ အဝဲသ့ၣ်အကလူး လၢမူခိၣ်တဖၣ်န့ၣ် ကွၢ်ဘၣ် ယပၢ်အိၣ်လၢမူခိၣ်အ မဲာ်တထံၣ်ဃီလီၤ.
11 အဂ့ၢ်ဒ်အံၤ, ပှၤကညီဖိခွါအံၤဟဲဝဲ ဒ်သိး အကအုၣ်က့ၤခီၣ်က့ၤတၢ်လၢအဟါမၢ်လီၤ.
12 မ့ၢ်သုဆိကမိၣ်ဒ်လဲၣ်. ပှၤတဂၤအသိအိၣ်ဝဲတက ယၤ, ဒီးမ့ၢ်ဟးဖျိးတဒုဒီး, ကပာ်တဲာ်ခွံဆံခွံဒုလၢကစၢၢ် ကလိဒီး လဲၤဃိး, ကပာ်တဲာ်ခွံဆံခွံဒုလၢ ကစၢၢ်ကလိဒီးလဲၤခုက့ၤတၢ်လၢ အဟးဖျိးတဒုန့ၣ်, တမ့ၢ်ဘၣ်ဧါ.
13 ဒီးတၢ်မ့ၢ်မၤအသးလၢ အထံၣ်န့ၢ်ဝဲဒီး, ယစံးဘၣ်တဲဘၣ်သုတီတီအံၤ, အသးခုဝဲလၢအဃိအါန့ၢ်အ သးခမံၤ, အသးခုဝဲလၢအဃိ အါန့ၢ်အသးလုလၢသိလၢ အတဟးဖျိးဘၣ်ခွံဆံခွံဒု န့ၣ်တက့ၢ်လီၤ.
14 ဒ်န့ၣ်အသိးသုပၢ်အိၣ်လၢမူခိၣ်အသး တအိၣ်ဘၣ်လၢပှၤတဂၤလၢ အဆံးတဖၣ်အံၤအကျါ, ကဟါမၢ်ဘၣ်လီၤ.
15 ဒီးနဒီပုၢ်ဝဲၢ်မ့ၢ်မၤကမၣ်ဘၣ်နၤဒီး, လဲၤဘိးဘၣ်သ့ၣ် ညါအီိၤနဲဒၣ်ဒီးအီၤအိၣ်ထဲခံဂၤဧိၤတက့ၢ်.ဒီးမ့ၢ်ဒိကနၣ် ဝဲဒီး, နန့ၢ်က့ၤလံနဒီပုၢ်ဝဲၢ်လံၢ.
16 ဒိီးမ့ၢ်တဒိကနၣ်ဘၣ် ဒီး, ဟံးန့ၢ်ပှၤတဂၤခံဂၤဒီးနၤ, ဒ်သိးတၢ်ကတိၤကိးထံၣ် ဒဲးကအိၣ်ဂၢၢ်အိၣ်ကျၢၤလၢ ပှၤအုၣ်အသးခံဂၤသၢဂၤ အထးခိၣ်တက့ၢ်.
17 ဒီီးမ့ၢ်တဒိကနၣ်ဘၣ်အဝဲသ့ၣ်အက လုၢ်ဘၣ်ဒီး, စံးဘၣ်တဲဘၣ်တၢ်အိၣ်ဖှိၣ်တက့ၢ်. ဒီးမ့ၢ် တဒိကနၣ်ဘၣ်တၢ်အိၣ်ဖှိၣ်အကလုၢ်ဘၣ်ဒီး, ပာ်အီၤ ဒ်ပှၤကလုာ်တဖၣ်အဖိဒီး ပှၤဃ့သွဲတဂၤ အသိးန့ၣ် တက့ၢ်.
18 ယစံးဘၣ်တဲဘၣ်သုတီတီအံၤ, ဖဲဒၣ်တၢ် လၢသုစၢဃာ်အီၤလၢဟီၣ်ခိၣ်ချၢတမံၤမံၤန့ၣ်, ကဘၣ် တၢ်စၢဃာ်အီၤလၢမူခိၣ်လီၤ. ဒီးဖဲဒၣ်တၢ် လၢသု ဃ့ၣ်လီၤ လၢဟီၣ်ခိၣ်ချၢတမံၤမံၤန့ၣ်, ကဘၣ်တၢ် ဃ့ၣၢ်လီၤအီၤလၢမူခိၣ်လီၤ.
19 မၤကဒီးတစု, ယစံးဘၣ်တဲဘၣ်သု, ပှၤလၢသုကျါ ခံဂၤ, အသးမ့ၢ်ဒ်သိးလိာ်အသးလၢ ဟီိၣ်ခိၣ်ချၢအံၤ လၢတၢ်တမံၤမံၤအဂ့ၢ်လၢအဃ့ဝဲန့ၣ်ဒီး, ကကဲထီၣ် လၢအဂီၢ်လၢယပၢ်လၢအအိၣ်လၢ မူခိၣ်လီၤ.
20 အဂ့ၢ်ဒ် အံၤ, ဖဲခံဂၤသၢဂၤအိၣ်ဖှိၣ်ရိဖှိၣ်လၢယမံၤအဃိန့ၣ်, ယ အိၣ်လၢအကျါဖဲန့ၣ်လီၤ.
21 တုၤနုၤတစု, စီၤပ့းတရူးဟဲဃီၤဆူအအိၣ်ဒီးစံးဝဲဒၣ်, ကစၢ်ဧၢ, ယဒီပုၢ်ဝဲၢ်မၤကမၣ်ဘၣ်ယၤဒီး, ယဘၣ်ပျၢ် အတၢ်န့ၣ်ပှံၤစုလဲၣ်. တုၤအပှဲၤထီၣ်နွံစုဧါ.
22 ဒီးယ့ၣ်ရှူး စံးဘၣ်အီၤ, ယတစံးဘၣ်, တုၤအပှဲၤထီၣ်နွံစုဘၣ်, မ့ၢ် တုၤအပှဲၤထီၣ်နွံစုအဘျီနွံဆံလီၤ.
23 အကူၢ်မ့ၢ်ဒ်န့ၣ်ဒီး, မူခိၣ်အဘီအမုၢ်မၤသးဒ်စီၤပၤ တဂၤလၢအသးအိၣ်လၢ အကဟံးန့ၢ် အကုၢ်တဖၣ် အမံၤအသၣ်အသိးန့ၣ်လီၤ.
24 ဒီးဟံးန့ၢ်အကုၢ်တဖၣ်အ မံၤအသၣ်အဖၢမုၢ်ဒီး, ပှၤဟဲစိာ်ဆူအအိၣ်ပှၤလၢအက မၢ်အိၣ်စ့အတၤလၣ်တကလးတဂၤလီၤ.
25 ဒီးမ့ၢ်အတၢ် တအိၣ်ဘၣ်လၢ အကလိးက့ၤဝဲဒီး, အကစၢ်မၤလိာ် လၢတၢ်ကဆါကွံာ်အီၤ, ဒီးအဖိအမါ, ဒီးအဖိအလံၤ, ဒီးကယဲၢ်တၢ်အိၣ်ဒီးအီၤခဲလၢာ်, ဒီးလိးက့ၤတၢ်လီၤ.-
26 မၤသးဒ်န့ၣ်ဒီး, အကုၢ်တဂၤထိၣ်လီၤပှီၤအသးလၢအမဲာ် ညါ, ဒီးဘါထီၣ်အီၤဒီးစံးဝဲဒၣ်, ကစၢ်ဧၢ, ဝံသးစူၤ ဒၣ်ကလိာ်ယၤတက့ၢ်. ဒီးယကလိးက့ၤနတၢ်ခဲလၢာ် လီၤ.
27 ဒီးကုၢ်တဂၤန့ၣ် အကစၢ်သးကညီၤအီၤ, ဒိီးမၤ ထူၣ်ဖျဲးၤအီၤ, ဒီးပျၢ်လီၤတူာ်ကွံာ်အကမၢ်န့ၣ်လီၤ.
28 ဒီး ကုၢ်တဂၤန့ၣ်ဟးထီၣ်ကွံာ်, ဒီးထံၣ်န့ၢ်ကုၢ်သကိးကုၢ် ဒီးအီၤတဂၤ, လၢအကမၢ်အိၣ်ဝဲဒီးအီၤ, လၢစ့ဒန့ၤရံ ၤတကယၤ, ဒီးစှီၤဃာ် အကိိာ်, ဒီးစံးဝဲဒၣ်, နကမၢ်တကယၤ, ဒီးစှီၤဃာ်အကိိာ်, ဒီးစံးဝဲဒၣ်, နကမၢ အိၣ်ဒီးယၤန့ၣ်, လိးက့ၤယၤတက့ၢ်.
29 မၤသးဒ်န့ၣ်ဒီး, ကုၢ်သကိးကုၢ်ဒီးအီၤတဂၤန့ၣ်, ထိၣ်လီၤပှီၤအသးဒီး ဃ့ကညးအီၤဒီးစံးဝဲဒၣ်, ဝံသးစူၤဒၣ်ကလိာ်ယၤတက့ၢ်, ဒီးယကလိးက့ၤနတၢ်ခဲလၢာ်လီၤ.
30 ဘၣ်ဆၣ်ဒီး, တ အဲၣ်ဘၣ်ဝဲဘၣ်, ဒီးလဲၤတ့ၢ်လီၤအီၤဆူဃိာ်ပူၤ, တုၤအက လိးက့ၤအကမၢ်လီၤ.
31 ဒီးတုၤကုၢ်သကိးကုၢ်ဒီးအီၤ တ ဖၣ်ထံၣ်တၢ်မၤအသးန့ၣ်ဒီး, အသူၣ်အုးအသးအုးဒိၣ် မး, ဒီးလဲၤဘိးဘၣ်သ့ၣ်ညါအကစၢ်လၢတၢ်မၤအသး န့ၣ်ခဲလၢာ်လီၤ.
32 တုၤနုၤတစု, အကစၢ်ကိးက့ၤအီၤဆူ အအိၣ်ဒီးစံးဝဲဒၣ်, ကုၢ်အအၢတဂၤဧၢ, မ့ၢ်နဃ့တၢ်လၢယၤဒီး, ယပျၢ်နၢတဂၤဧၢ, မ့ၢ်နဃ့တၢ် လၢယၤဒီး, ယပျၢ်နတၢ်ကမၢ်ခဲလၢာ်လီၤ.
33 ဒ်ယသး ကညီၤနၤအသိး, ဂ့ၤလၢနသးကညီၤကုၢ်သကိးကုၢ်ဒီး နၤန့ၣ်တမ့ၢ်ဘၣ်ဧါ.
34 ဒီးအကစၢ်အသးဒိၣ်ထီၣ်, ဒီး ဟ့ၣ်လီၤကွံာ်အီၤလၢ ပှၤမၤနးမၤဖှီၣ်တၢ်တဖၣ်အစုပူၤ, တုၤအကလိးက့ၤအကမၢၣ်ခဲလၢာ်လီၤ.
35 ဒီးသုမ့ၢ်တပျၢ် ကွံာ်ဘၣ်သုဒီပုၢ်ဝဲၢ်အတၢ်ကမၣ်လၢ သုးသးကံၢ်ပူၤ စုာ်စုာ်ဘၣ်ဒီး, ယပၢ်အိၣ်လၢမူခိၣ်န့ၣ်, ကမၤသုဒ်န့ၣ် အသိးစ့ၢ်ကီးလီၤ.