16
1 ဒီးပှၤဖၤရံၤရှဲဒီးပှၤစးဒူၤကဲသ့ၣ်တဖၣ် ဟဲဆူအအိၣ် ဒီးလ့ပစီအီၤ, ဒီးဃ့ဝဲ, ဒ်သိးအကဒုးနဲၣ်အီၤလၢတၢ် ပနီၣ်လီၤလးတတမံၤလၢမူခိၣ်လီၤ.
2 ဒီးအဝဲဒၣ်စံးဆၢ တၢ်ဒီးစံးဘၣ်အီၤ, တုၤမုၢ်ဟါလီၤဒီး, သုစံး, တၢ်က ယီၤထီၣ်လီၤ.အဂ့ၢ်ဒ်အံၤ, မူခိၣ်ဆှုၣ်ဂီၤဝဲလီၤ.
3 ဒီးလၢ မုၢ်ဂီၤန့ၣ်, သုစံး, ကလံၤမုၢ်ကဟဲလၢ မုၢ်မဆါတနံၤအံၤ လီၤ.အဂ့ၢ်ဒ်အံၤ, မူခိၣ်ဂီၤအုးသကျုာ်လီၤ. ပှၤလီတၢ်ဖိ သ့ၣ်ဧၢ, မူခိၣ်မူလိၤအဂ့ၢ်န့ၣ်, သုသ့ၣ်ညါနီၤဖးအဆၢ သ့လီၤ.မ့မ့ၢ်တၢ်အဆၢအကတီၢ်န့ၣ် သုသ့ၣ်ညါနီၤဖး အဆၢတသ့ဘၣ်န့ၣ်, မ့ၢ်အဘၣ်မနုၤလဲၣ်.
4 ပှၤလၢအအၢအသီဒီးအဲၣ်ဘၢတၢ်တစိၤအံၤ, ဃုတၢ် ပနီၣ်လီၤလးတမံၤ, ဒီးတၢ်တဒုးနဲၣ်ဘၣ်အီၤလၢတၢ်ပ နီၣ်လီၤလးနီတမံၤလဘၣ်. ကဒုးနဲၣ်ထဲစီၤယိၤနါ အတၢ်ပနီၣ်လီၤလးတမံၤဧိၤန့ၣ်လီၤ. ဒီးဟးသဒၣ်အီၤ, ဒီးလဲၤဝဲလီၤ.
5 ဒီးအပျဲၢ်အဘီၣ်လဲၤဆူဝၢ်ဘးခီ, ဒီးသးပ့ၤနီၣ်လၢ အကဟံးန့ၢ်ကိၣ်လီၤ.
6 ဒီးယ့ၣ်ရှူးစံးဘၣ်အီၤ, တိၢ်သု သး, ဒီးပလီၢ်သုသး, လၢပှၤဖၤရံၤရှဲ, ဒီးပှၤစးဒူၤကဲ အကိၣ်မံၣ်န့ၣ်တက့ၢ်.
7 ဒိီးအဝဲသ့ၣ်ကတိၤလိာ်အသး သကိးသကိး, ဒီးစံးဝဲဒၣ်, မ့ၢ်ပတဟံးန့ၢ်ဘၣ်ကိၣ် အဂ့ၢ်လီၤ.-
8 ဒီးယ့ၣ်ရှူးသ့ၣ်ညါဝဲ, ဒီးစံးဝဲဒၣ်, ပှၤလၢ အနာ်တၢ်စှၤသ့ၣ်ဧၢ, ဘၣ်မနုၤလၢသုကတိၤလိာ်သု သးလၢ သုတဟံးန့ၢ်ဘၣ်ကိၣ်အဂ့ၢ်န့ၣ်လဲၣ်.
9 သုနၢ် တပၢၢ်ဒံးဘၣ်ဧါ.ကိၣ်ယဲၢ်ဖျၢၣ်ဘၣ်ဃးဒီး ပှၤယဲၢ်က ထိဒီးသုထၢဖှိၣ်န့ၢ်ကုပှံၤဒုပှံၤဒု,
10 ဒီးကိၣ်နွံဖျၢၣ်ဘၣ်ဃးဒိီး ပှၤလွံၢ်ကထိ, ဒီးသုထၢဖှိၣ်န့ၢ်နာ်ပှံၤဖျၢၣ်ပှံၤဖျၢၣ်လဲၣ် န့ၣ်, သုတသ့ၣ်နီၣ်ထီၣ်ဘၣ်ဧါ.
11 ယစံးဘၣ်သု, ပလီၢ် သုသးလၢ ပှၤဖၤရံၤရှဲဒီး ပှၤစးဒူၤကဲသ့ၣ်တဖၣ်အကိၣ် မံၣ်န့ၣ်, ယတစံးဘၣ်သုလၢကိၣ်အဂ့ၢ်အကျိၤဘၣ်န့ၣ်, ဘၣ်မနုၤလၢသုနၢ်တပၢၢ် ဘၣ်လဲၣ်.
12 တုၤနုၤတစုအဝဲသ့ၣ် နၢ်ပၢၢ်လၢ တမ့ၢ်ဘၣ်အစံး, ပလီၢ်သုသးလၢ ကိၣ်အကိၣ်မံၣ်န့ၣ် ဘၣ်. မ့ၢ်လၢပှၤဖၤရံၤရှဲဒီးပှၤစးဒူၤကဲ အတၢ် သိၣ်တၢ်သီလီၤ.
13 ဒီးယ့ၣ်ရှူးဟဲဝဲဆူဖံးလံးပူးကဲၤစါရံၤအကီၢ်ပူၤ, ဒီးသံ ကွၢ်အပျဲၢ်အဘီၣ် ဒီးစံးဝဲဒၣ်, ပှၤကညီဖိခွါယၤအံၤ, ယ မ့ၢ်မတၤမတၤလဲၣ်န့ၣ်, ပှၤကညီစံးဝဲဒ်လဲၣ်.
14 ဒိီးအဝဲသ့ၣ်စံးဝဲဒၣ်, ပှၤတနီၤနီၤစံးဝဲ, မ့ၢ်ပှၤဘျၢ*တၢ် စီၤယိၤဟၣ်, ဒီးအဂၤတနီၤနီၤစံးဝဲ, မ့ၢ်စီၤအ့ၤလံယၤ, ဒီးအဂၤတနီၤနီၤစံးဝဲ, မ့ၢ်စီၤယံးရမံယၤ, မ့တမ့ၢ်ဘၣ် ဒီးမ့ၢ်ဝံတဂၤဂၤလီၤ.
15 ဒီးစံးဘၣ်အီၤ. မ့မ့ၢ်သုဝဲသ့ၣ် အံၤ, သုစံးလၢယမ့ၢ်မတၤတဂၤလဲၣ်.
16 ဒီးစီၤရှံမိၣ်ပ့း တရူးကတိၤဆၢတၢ်ဒီးစံးဝဲဒၣ်, နဲဒၣ်အံၤ, နမ့ၢ်ခရံာ်, ယွၤလၢအမူဝဲတဂၤအဖိခွါလီၤ. ဒီးယ့ၣ်ရှူးကတိၤဆၢ တၢ်ဒိီးစံးဘၣ်အီၤ,
17 စီၤရှံမိၣ်ဘၢ်ယိၤနါဧၢ, နဘၣ်ဆိၣ် ဂ့ၤနဲလီၤ.အဂ့ၢ်ဒ်အံၤ, တၢ်ညၣ်ဒီးတၢ်သွံၣ်န့ၣ် တလီၣ် ဖျါဘၣ်ဝဲလၢနၤဘၣ်, မ့ၢ်ယပၢ်အိၣ်ဝဲလၢမူခိၣ်လီၤ.-
18 ဒီးယဲဒၣ်အံၤယစံးဘၣ်တဲဘၣ်နၤ, လၢနမ့ၢ်ပ့းတရူး, ဒီးယကပာ်လီိၤယတၢ်အိၣ်ဖှိၣ်လၢ လၢၢ်အံၤအဖီခိၣ်, ဒီးပျုၤပူၤအပဲတရီတဖၣ် တမၤနၢၤ မၤဃၣ်ဘၣ်အီၤ ဘၣ်.
19 ဒီးယကဟ့ၣ်လီၤနၤလၢမူခိၣ်အဘီ အမုၢ် အနီၣ်ဝံာ်, ဒီးဖဲဒၣ်နစၢဃာ်လၢဟီၣ်ခိၣ်ချၢတမံၤမံၤန့ၣ်, ကဘၣ် တၢ်စၢဃာ်အီၤလၢမူခိၣ်, ဒီးဖဲဒၣ်နဃ့ၣ်လီၤ တၢ်လၢဟီၣ်ခိၣ်ချၢတမံၤမံၤန့ၣ်, ကဘၣ်တၢ်ဃ့ၣ်လီၤ အီၤလၢမူခိၣ်လီၤ.
20 တုၤနုၤတစုမၤလိာ်အပျဲၢ်အဘီၣ်ထံထံဆးဆး, ဒ်သိး အသုတစံးဘၣ်တဲဘၣ်ပှၤ, လၢအမ့ၢ်ခရံာ်န့ၣ်နီတဂၤ တဂ့ၤလီၤ.
21 လၢအကတီၢ်န့ၣ်လံၤလံၤ, ယ့ၣ်ရှူးဒုးနဲၣ်အပျဲၢ်အဘီၣ် လၢအကဘၣ်လဲၤဆူယရူၤရှလ့ၣ်, ဒီးဘၣ်တၢ်နးတၢ် ဖှီၣ်အါမံၤလၢပှၤသူၣ်က့သးပှၢ်, ဒီးပှၤလုၢ်တၢ်အခိၣ်, ဒီးပှၤကွဲးလံာ်သ့ၣ်တဖၣ်အစုပူၤ, ဒီးဘၣ်တၢ်မၤသံအီၤ, ဒီးဘၣ်ဂဲၤဆၢထၢၣ်က့ၤလၢသၢနံၤတနံၤလီၤ.
22 ဒီးစီၤပ့းတရူးဟံးန့ၢ်အီၤ, ဒီးသိၣ်ဃီၣ်အီၤ, ဒီးစံး ဝဲဒၣ်ကစၢ်ဧၢ, မ်တၢ်သးကညီၤနၤတက့ၢ်. တၢ်အံၤ တဘၣ်ဘၣ်နၤလ့ၤတက့ၤဘၣ်.
23 ဒိီးအဝဲဒၣ်ဃၣ်ဃီၤ အသးဒီးစံးဘၣ်စီၤပ့းတရူး, ဒုၣ်ဒါဧၢ, ဟးထီၣ်ကွံာ် ဆူယလီၢ်ခံတက့ၢ်, နမ့ၢ်ယလီၤဃဃံၤအလီၢ်လီၤ. အဂ့ၢ်ဒ်အံၤ, နသးတအိၣ်ဘၣ်ယွၤအတၢ်ဘၣ်. မ့ၢ်န သးအိၣ်ပှၤကညီအတၢ်လီၤ.
24 တုၤနုၤတစုု ယ့ၣ်ရှူးစံးဘၣ်အပျဲၢ်အဘီၣ်, ပှၤမ့ၢ်မိၣ် ပိာ်အသးလၢယခံတဂၤဂၤန့ၣ်, မ်အညိကွံံာ်အသးဒၣ် ဝဲ, ဒီးဟံးန့ၢ်အထူၣ်စုညါ, ဒီးပိာ်ယခံတက့ၢ်.
25 အဂ့ၢ်ဒ် အံၤ, ဖဲဒၣ်ပှၤလၢတၢ်မိၣ်အုၣ်က့ၤ ခီၣ်က့ၤလီၤအသး တဂၤဂၤန့ၣ် ကမၤဟါမၢ်ကွံာ်ဝဲလီၤ. ဒီးဖဲဒၣ်ပှၤလၢ အဒုးဟါမၢ်အသးလၢ ယဃိတဂၤဂၤန့ၣ်, ကထံၣ် န့ၢ်က့ၤအီၤလီၤ.
26 အဂ့ၢ်ဒ်အံၤ, ပှၤကညီမ့ၢ်န့ၢ်ဘၣ်ဟီၣ် ခိၣ်ဒီဘ့ၣ်ညါ, ဒီးမ့ၢ်မၤဟါမၢ်ကွံာ်အသးဒီး, မ့ၢ်အန့ၢ် ဘျုးမနုၤလဲၣ်, မ့တမ့ၢ်ဘၣ်ဒီး, ပှၤကညီကဟ့ၣ်အပှ့ၤ လၢအသးအဂီၢ်လၢမနုၤတမံၤလဲၣ်.
27 အဂ့ၢ်ဒ်အံၤပှၤက ညီဖိခွါအံၤကဟဲဒီး အပၢ်အလၤကပီၤ, အိၣ်ဒီးအက လူးတဖၣ်လီၤ. တုၤနုၤတစုကဟ့ၣ်လီၤ တၢ်လၢ ပှၤ ကညီစုာ်စုာ်, ဒ်အမၤတၢ်အသိးန့ၣ်လီၤ.
28 ယစံးဘၣ်တဲဘၣ်သုတီတီအံၤ, ပှၤဆၢထၢၣ်ဖဲအံၤ တနီၤနီၤလၢ အတချုးထံၣ်ဒံးဘၣ်ပှၤကညီဖိခွါအံၤဟဲ လၢအဘီအမုၢ်အပူၤန့ၣ်ဒီး, တလ့ၣ်ကွၢ်ဘၣ်တၢ်သံ ဘၣ်လီၤ.