15
1 တုၤနုၤတစု, ပှၤဖၤရံၤရှဲဒီးပှၤကွဲးလံာ်လၢယရူၤရှလ့ၣ် တဖၣ်န့ၣ်ဟဲဆူယ့ၣ်ရှူးအအိၣ်ဒီးစံးဝဲဒၣ်.
2 ပမှံၤပပှၢ် အတၢ်စံးစိၤတဲစိၤန့ၣ်, ဘၣ်မနုၤလၢနပျဲၢ်နဘီၣ် လုၣ် သ့ၣ်ခါပတာ်အီၤလဲၣ်. အဂ့ၢ်ဒ်အံၤ, တုၤအအီၣ်တၢ် ဒီး, တသ့ကွံာ်ဘၣ်အစုဘၣ်.
3 ဒီးအဝဲဒၣ်စံးဆၢတၢ်ဒီးစံးဘၣ်အီၤ, ဘၣ်မနုၤလၢသု လုၣ်သ့ၣ်ခါပတာ်စ့ၢ်ကီး ယွၤအတၢ်မၤလိာ်လၢသုတၢ် စံးစိၤတဲစိၤလဲၣ်.
4 အဂ့ၢ်ဒ်အံၤ, ယွၤမၤလိာ်တၢ်ဒီးစံးဝဲ ဒၣ်, ယူးယီၣ်နမိၢ်နပၢ်တက့ၢ်.Ref 15.4 ၂မိၤ.၂၀း၁၂. ပှၤလၢ အကတိၤအၢအမိၢ်မ့ၢ်ဂ့ၤ, အပၢ်မ့ၢ်ဂ့ၤ, သံဒီးမ်အသံတ က့ၢ်.Ref 15.4 ၂မိၤ.၂၁း၁၇.
5 မ့မ့ၢ်သုဝဲသ့ၣ်အံၤ, သုစံး, ဖဲဒၣ် ပှၤလၢအစံးဘၣ်အမိၢ်အပၢ်, ဖဲဒၣ်တၢ်လၢနဂ့ၤန့ၢ်ဘၣ် လၢယၤတမံၤမံၤအံၤ, မ်အကဲထီၣ် တၢ်မၤဘူၣ်တက့ၢ် န့ၣ်, ဒီးတဘၣ်ယူးယီၣ်ဘၣ်အမိၢ်အပၢ်ဘၣ်.
6 ဒီးမ့ၢ်သုစံးစိၤ တဲစိၤတၢ်သတးဒီး, သုမၤဟးဂီၤယွၤ အတၢ်မၤလိာ် လီၤ.
7 ပှၤလီတၢ်ဖိသ့ၣ်ဧၢ, စီၤယရှါယၤကတိၤတၢ်လၢဝံ အကျိာ်လၢ သုဂ့ၢ်ဘၣ်မးလီၤ. ဒီးစံးဝဲဒၣ်,
8 ပှၤတကလုာ်အံၤသုးဘူးအသးဒီးယၤလၢအထး ခိၣ်, ဒီးယူးယီၣ်ယၤလၢအပျုၤလီၤ.မ့မ့ၢ်အသးန့ၣ်ယံၤဝဲဒီးယၤလီၤ.
9 မ့ၢ်အဝဲသ့ၣ်သိၣ်လိတၢ်လၢပှၤကညီအတၢ်မၤ လိာ်လၢ တၢ်သိၣ်တၢ်သီအလီၢ်, ဒိီးဘူၣ်ထီၣ်ဘါထီၣ်ယၤကလီကလီလီၤ.Ref 15.9 ရှါ. ၂၉း၁၃
10 ဒီးကိးန့ၢ်ပှၤဂီၢ်မုၢ်န့ၣ်ဆူ အအိၣ်ဒီး စံးဘၣ်အီိၤ, ဒိက နၣ်ဒီးနၢ်ပၢၢ်တၢ်တက့ၢ်.
11 တမ့ၢ်ဘၣ်တၢ်လၢအလဲၤနုာ် လၢပကိာ်ပူၤ, အဝဲန့ၣ်မၤဘၣ်အၢပှၤကညီဘၣ်.မ့ၢ်တၢ် လၢအဟဲထီၣ်လၢပကိာ်ပူၤ, အဝဲန့ၣ်မၤဘၣ်အၢပှၤက ညီလီၤ.
12 တုၤနုၤတစုအပျဲၢ်အဘီၣ်ဟဲဆူအအိၣ်ဒီးစံးဘၣ်အီၤ, နသ့ၣ်ညါလၢပှၤဖၤရံၤရှဲ နၢ်ဟူတၢ်ကတိၤ တထံၣ် န့ၣ်ဒီး, အသးဆါဝဲစ့ၢ်ကီးဧါ.
13 ဒီးစံးဆၢတၢ်ဒီးစံးဝဲဒၣ်, ကယဲၢ်သ့ၣ်လၢယပၢ်အိၣ်လၢ မူခိၣ်တသူၣ်ဘၣ်ဝဲန့ၣ်, ကဘၣ်တၢ်ထဲးထီၣ်ကွံာ်အီၤလီၤ.
14 ကအိၣ်ဒၣ်ဝဲတက့ၢ်. မ့ၢ်ပှၤမဲာ်ဘျီၣ်လၢအဒုးနဲၣ်ကျဲလၢ ပှၤမဲာ်ဘျီၣ်လီၤ. ဒိီး ပှၤမဲာ်ဘျီၣ်မ့ၢ်ဒုးနဲၣ်ကျဲလၢ ပှၤမဲာ်ဘျီၣ်ဒီး, ကလီၤ တဲာ်လၢတၢ်ပူၤခံဂၤလၢာ်လီၤ.
15 ဒီးစီၤပ့းတရူးစံးဆၢတၢ်ဒီးစံးဘၣ်အီၤ, တၢ်ကတိၤဒိ တထံၣ်န့ၣ်စံးဘၣ်တဲဘၣ်ပှၤတက့ၢ်.
16 ဒီးယ့ၣ်ရှူးစံးဝဲ ဒၣ်, သုသူၣ်ဆးသးဆးတအိၣ်ဒံးဘၣ်ဧါ.
17 ကယဲၢ် တၢ်လၢအလဲၤနုာ်လၢပကိာ်ပူၤန့ၣ်, လီၤဘၣ်ဝဲလၢပ ဟၢဖၢပူၤဒီး ဘၣ်တၢ်ကွံာ်တ့ၢ်အီၤလၢ တၢ်အ့ၣ်ဆါ အလီၢ်န့ၣ်, သုနၢ်တပၢၢ်ဒံးဘၣ်ဧါ.
18 မ့မ့ၢ်တၢ်လၢအဟဲ ထီၣ်လၢပကိာ်ပူၤတဖၣ်န့ၣ်, မ့ၢ်အဟဲထီၣ်လၢ ပသး ကံၢ်ပူၤ, မၤတကဆှီဘၣ်ပှၤကညီလီၤ.
19 အဂ့ၢ်ဒ်အံၤ, တၢ်ကူၣ်အအၢအသီ, တၢ်မၤသံပှၤကညီ, တၢ်အဲၣ် ဘံးအဲၣ်ဘၢ, တၢ်မၤကမၣ်မုၣ်ကမၣ်ခွါ, တၢ်ဟုၣ် တၢ်ဘျၣ်တၢ်, တၢ်အုၣ်အသးကဘျံးကဘျၣ်, တၢ် ဒုၣ်ဒွဲၣ်သ့ၣ်တဖၣ်န့ၣ်, ဟဲထီၣ်လၢပသးကံၢ်ပူၤလီၤ.
20 အန့ၣ်တဖၣ် မ့ၢ်တၢ်မၤဘၣ်အၢပှၤကညီလီၤ. မ့မ့ၢ်ပှၤ အီၣ်တၢ်ဒီး အစုလၢအတသ့ကွံာ်ဘၣ်န့ၣ်, တမၤတ ကဆှီဘၣ်ပှၤကညီဘၣ်.
21 ဒီးယ့ၣ်ရှူးဟးထီၣ်ကွံာ်ဖဲန့ၣ်, ဒီးလဲၤဆူစိၢ်ဒီးစံဒိၣ် အကီၢ်လီၤ.
22 ဒီးကွၢ်ကွၢ်, ပှၤကနၤဧၣ်ဖိ, ပိာ်မုၣ်တဂၤ, ဟဲလၢအဝဲသ့ၣ်အကီၢ်, ဒီးကိးပသူလၢအကလုၢ်ဖး ဒိၣ်, ဒီးစံးဝဲဒၣ်, စီၤဒၤဝံးအဖိခွါကစၢ်ဧၢ, သူၣ်က ညီၤသးကညီၤလၢ်ယၤတက့ၢ်. တၢ်နါအိၣ်လၢယဖိမုၣ် တဂၤအလိၤ, ဒီးဘၣ်တၢ်နးမးလီၤ. ဒိီးအဝဲဒၣ်တက တိၤဆၢဘၣ်အီၤနီတမံၤဘၣ်.
23 ဒီးအပျဲၢ်အဘီၣ်တဖၣ် ဟဲဆူအအိၣ်, ဒီးဃ့ကညးအီၤ, ဒီးစံးဝဲဒၣ်, ပျၢ်ပိာ် မုၣ်န့ၣ်တက့ၢ်. အဂ့ၢ်ဒ်အံၤ, ကိးပသူထီၣ်လၢပလီၢ်ခံ လီၤ.
24 ဒီးစံးဝဲဒၣ်, တၢ်မၢလီၤယဟဲထဲဆူသိလၢအဟါ မၢ်, အံၣ်စရ့လးအပှၤဟံၣ်ဖိအအိၣ်ဧိၤလီၤ.
25 ဒီးပိာ်မုၣ် န့ၣ်ဟဲဆူအအိၣ်, ဒီးတီၤလီၤကဒွံကျိာ်လၢအမဲာ်ညါ, ဒီးစံးဝဲဒၣ်, ကစၢ်ဧၢ, မၤစၢၤယၤတက့ၢ်.
26 ဒီးစံးဆၢ တၢ်ဒီးစံးဝဲဒၣ်, တၢ်လၢဖိတဖၣ် အတၢ်အီၣ်တၢ်အီ န့ၣ်တဂ့ၤဟံးန့ၢ်ဒီး ကွံာ်လီၤလၢထွံၣ်တဖၣ်န့ၣ်ဘၣ်.-
27 ဒီးပိာ်မုၣ်စံးဝဲဒၣ်, မ့ၢ်လံ, ကစၢ်ဧၢ, အဂ့ၢ်ဒ်အံၤ, ထွံၣ်ဒၣ်လဲာ်အီၣ်တၢ်အိၣ်ဘျဲၣ်အိၣ်စဲၢ်လီၤ သြုလီၤပျ့ၤ လၢအကစၢ်အစီၤနီၤခိၣ်လီၤ.
28 တုၤနုၤတစုယ့ၣ်ရှူးစံး ဆၢတၢ်ဒီး, ဒီးစံးဘၣ်အီၤ, နီၢ်ဧၢ, နနာ်တၢ်ဒိၣ်မးလီၤ, မ်တၢ်ကဲထီၣ်လၢ နဂီၢ်ဖဲနသးတက့ၢ်. ဒီးအဖိမုၣ်န့ၣ် ဘျါက့ၤဝဲတစုဃီဖဲန့ၣ်လီၤ.
29 ဒီးယ့ၣ်ရှူးဟးထီၣ်ဝဲဖဲန့ၣ်, ဒီးဟဲဆူပီၣ်လဲၣ်ကၤလံၤ လါအနံၤ, ဒီးလဲၤထီၣ်လၢကစၢၢ်န့ၣ်အလိၤ, ဒီးဆ့ၣ် နီၤဝဲဖဲန့ၣ်လီၤ.
30 ဒိီိးပှၤဂီၢ်မုၢ်အါဂၤဟဲဆူအအိၣ်, အိၣ်ဝဲ ဒီးပှၤအခီၣ်ဟးဂီၤ, ပှၤမဲာ်ဘျီၣ်, ပှၤတအုၣ်, ပှၤအစု ကၢ်အခီၣ်ချံး, ဒီးပှၤအဂုၤအဂၤအါဂၤ, ဒီးပာ်လီၤအီၤ လၢယ့ၣ်ရှူးအခီၣ်ထံး, ဒီးအဝဲဒၣ်မၤဘျါက့ၤအီၤလီၤ.-
31 မၤသးဒ်န့ၣ်ဒီးတုၤပှၤဂီၢ်မုၢ်တဖၣ်ထံၣ်ဘၣ် ပှၤတအုၣ် ကတိၤတၢ်, ပှၤအစုကၢ်အခီၣ်ချံးအိၣ်ဆူၣ်အိၣ်ချ့, ပှၤ အခီၣ်ဟးဂီၤဟးထီၣ်က့ၤ, ဒီးပှၤမဲာ်ဘျီၣ်ထံၣ်ထီၣ်က့ၤ တၢ်ဒီး, ကမၢကမၣ်ဝဲ, ဒီးစံးထီၣ်ပတြၢၤအံၣ်စရ့လး အကစၢ်လီၤ.
32 ဒီးယ့ၣ်ရှူးကိးန့ၢ်အပျဲၢ်အဘီၣ်ဆူ အအိၣ်ဒီးစံးဝဲဒၣ်, ယသးအိၣ်ပှၤဂီၢ်မုၢ်လီၤ. အဂ့ၢ်ဒ်အံၤ, အိၣ်တ့ၢ်ဒီးယၤ သၢနံၤလံ, ဒီးအတၢ်အီၣ်လၢအကအီၣ်ဝဲန့ၣ်, တအိၣ် ဘၣ်နီတမံၤဘၣ်. ဒီးအဝဲသ့ၣ်တၢ်သၣ်ဝံၤအသးအဖၢ မုၢ်ဒီး, တၢ်တမိၣ်ပျၢ်ကွံာ်ဘၣ်ယသးလၢအီၤဘၣ်, က လီၤဘှါဘၣ်ဖုးလၢကျဲန့ၣ်လီၤ.
33 ဒိီးအပျဲၢ်အဘီၣ်စံးဘၣ် အီၤ, ဒ်သိးပကဒုးအီၣ်ဘျဲးအီၣ်ပှၤဂီၢ်မုၢ်ပှဲၤအံၤဒီး, ကိၣ် အါထဲန့ၣ်ကအိၣ်ဒီးပှၤလၢ ပှၢ်မုၢ်ကနၢအံၤဒ်လဲၣ်.
34 ဒီးယ့ၣ်ရှူးစံးဘၣ်အီၤ, သုကိၣ်အိၣ်ပှံၤဖျၢၣ်လဲၣ်.ဒီးအဝဲ သ့ၣ်စံးဝဲဒၣ်, နွံဖျၢၣ်, ဒီးညၣ်ဖိအိၣ်စှၤဘ့ၣ်လီၤ.
35 ဒီးမၤ လိာ်ပှၤဂီၢ်မုၢ်လၢ အကဆ့ၣ်နီၤလၢ ဟီၣ်ခိၣ်အဖီခိၣ် လီၤ.
36 ဒီးဟံးန့ၢ်ကိၣ်နွံဖျၢၣ်, ဒီးညၣ်ဖိတဖၣ်န့ၣ်, ဒီး စံးထီၣ်ပတြၢၤတၢ်အဘျုးအဖှိၣ်ဝံၤဒီး, စိၢ်ဘျဲးတၢ်, ဒီး ဟ့ၣ်လၢအပျဲၢ်အဘီၣ်, ဒီးအပျဲၢ်အဘီၣ်ဟ့ၣ်လၢ ပှၤ ဂီၢ်မုၢ်လီၤ.
37 ဒီးပှၤခဲလၢာ်အီၣ်ဝဲ, ဒီးဘျဲးအီၣ်ဝဲလီၤ. ဒီး ထၢဖှိၣ်က့ၤအဘျဲၣ်အစဲၢ်ပှဲၤနာ်နွံဖျၢၣ်လီၤ.
38 ဒီးလၢပိာ် မုၣ်ဒီးဖိသၣ်တဖၣ် အမဲာ်ညါန့ၣ်, ပိာ်ခွါလၢအအီၣ် တၢ်တဖၣ်, အိၣ်ဝဲလွံၢ်ကထိလီၤ.
39 ဒီးပျၢ်ကွံာ်ပှၤဂီၢ်မုၢ် တဖၣ်န့ၣ်ဒီး လဲၤထီၣ်လၢကဘီပူၤ, ဒီးဟဲဝဲဆူမၤက ဒၤလ့ၣ်အကီၢ်အဃၢၤတဖၣ်လီၤ.