8
1 တၢ်လၢမုၢ်နံၤတဖၣ်န့ၣ် ပှၤဂီၢ်မုၢ်အိၣ်ကဒီးအါအါက လဲာ်, ဒီးတၢ်လၢအကအီၣ်ဝဲန့ၣ် တအိၣ်ဘၣ်နီတမံၤ ဘၣ်. ဒီးအဝဲဒၣ်ကိးန့ၢ် အပျဲၢ်အဘီၣ်ဆူအအိၣ်ဒီး စံး ဘၣ်အီၤ.
2 ယသးကညီၤပှၤဂီၢ်မုၢ်လီၤ. အဂ့ၢ်ဒ်အံၤ, အိၣ် တ့ၢ်ဝဲဒီးယၤသၢနံၤလံဒီးအတၢ်လၢအကအီၣ်ဝဲန့ၣ်, တ အိၣ်ဘၣ်နီတမံၤဘၣ်.
3 ဒီတၢ်သၣ်ဝံၤအသးအဖၢမုၢ်ဒီး, ယမ့ၢ်ပျၢ် ကွံာ်အီၤဆူ အဟံၣ်ဒီး, ကလီၤဘှါဝဲလၢကျဲလီၤ. အဂ့ၢ်ဒ်အံၤ, တနီၤနီၤဟဲဝဲလၢအယံၤလီၤ.
4 ဒီးအပျဲၢ်အဘီၣ်စံးဆၢအီၤ, ဒ်သိး ပှၤကဒုးအီၣ်ဘျဲး အီၣ်အဝဲသ့ၣ်တဖၣ်အံၤဒီး, ကထံၣ်န့ၢ်ကိၣ်လၢ ပှၢ်မုၢ် ကနၢအံၤဒ်လဲၣ်.
5 ဒီးအဝဲဒၣ်သံကွၢ်အီၤ, သုကိၣ်အိၣ်ပှံၤ ဖျၢၣ်လဲၣ်.ဒီးစံးဝဲဒၣ်နွံဖျၢၣ်လီၤ.
6 ဒီးမၤလိာ်ပှၤဂီၢ်မုၢ်, ဒ် သိးအကဆ့ၣ်နီၤလၢဟီၣ်ခိၣ်အဖီခိၣ်, ဒီးဟံးန့ၢ်ကိၣ်နွံ ဖျၢၣ်န့ၣ်, ဒီးစံးထီၣ်ပတြၢၤတၢ်အဘျုးအဖှိၣ်ဝံၤဒီး, စိၢ် ဘျဲးဝဲ, ဒီးဟ့ၣ်အပျဲၢ်အဘီၣ် ဒ်သိးအကပာ်လီၤလၢအ မဲာ်ညါ, ဒီးအဝဲသ့ၣ်ပာ်လီၤဝဲလၢပှၤဂီၢ်မုၢ်န့ၣ် အမဲာ် ညါလီၤ.
7 ဒီးအိၣ်ဒီးညၣ်ဖိစှၤဘ့ၣ်, ဒီးဆိၣ်ဂ့ၤတၢ်, ဒီး မၤလိာ်ဝဲ, ဒ်သိးအကပာ်လီၤဝဲလၢ အမဲာ်ညါစ့ၢ်ကီး လီၤ.
8 ဒီးပှၤအီၣ်ဘျဲးအီၣ်ဝဲ, ဒီးထၢဖှိၣ်က့ၤအဘျဲၣ်အ စဲၢ်, န့ၢ်စဲာ်နွံဖျၢၣ်လီၤ.
9 ဒီးပှၤအီၣ်တၢ်တဖၣ်န့ၣ် အိၣ် လွံၢ်ကထိဃၣ်ဃၣ်လီၤ. ဒီးပျၢ်ကွံာ်အီၤလီၤ.
10 ဒီးလဲၤနုာ်လၢကဘီပူၤဒီး အပျဲၢ်အဘီၣ်တကီၢ်ခါ, ဒီး ဟဲဆူ ဒၤလမၤနူၤသၤအထံအကီၢ်လီၤ.
11 ဒီးပှၤဖၤရံၤရှဲ သ့ၣ်တဖၣ်ဟဲထီၣ်, ဒီးသံကွၢ်သံဒိးအီၤ, ဒီးလ့ပစီအီၤ, ဒီးဃ့တၢ်ပနီၣ်လီၤလးတမံၤလၢမူခိၣ်လၢအီၤလီၤ.
12 ဒီး ကအုကစွါဝဲလၢအသးကံၢ်ပူၤဒီးစံးဝဲဒၣ်, ဘၣ်မနုၤလၢ ပှၤတစိၤအံၤဃုတၢ်ပနီၣ်လီၤလးလဲၣ်. ယစံးဘၣ်တဲဘၣ် သုတီတီအံၤ, တၢ်တဟ့ၣ်ဘၣ်တၢ်ပနီၣ်လီၤလးလၢ ပှၤ တစိၤအံၤဘၣ်.-
13 ဒီးဟးသဒၣ်ကွံာ်အီၤဒီး လဲၤနုာ်ကဒီး ဆူကဘီပူၤ, ဒီးခီဂာ်ဆူဝၢ်ဘးခီလီၤ.
14 ဒီးအဝဲသ့ၣ်သးပ့ၤနီၣ်လၢ အကဟံးန့ၢ်ကိၣ်, ဒီးကိၣ် အိၣ်ဒီးအီၤလၢ ကဘီပူၤထဲတဖျၢၣ်ဧိၤလီၤ.
15 ဒီးမၤလိာ် အီၤဒီးစံးဝဲဒၣ်, တိၢ်သုသး, ဒီးပလီၢ်သုသးလၢပှၤဖၤရံၤ ရှဲအကိၣ်မံၣ်, ဒီးစီၤဟ့ၤရိာ်အကိၣ်မံၣ်န့ၣ်တက့ၢ်.
16 ဒီး အဝဲသ့ၣ်ကတိၤလိာ်အသးတဂၤဒီးတဂၤ, ဒီးစံးဝဲဒၣ်, ပမ့ၢ်တအိၣ်ဘၣ်ဒီးကိၣ်အဃိလီၤ.
17 ဒီးယ့ၣ်ရှူးသ့ၣ်ညါ ဝဲဒီးစံးဘၣ်အီၤ, ဘၣ်မနုၤလၢသုကတိၤတၢ်လၢ သုတ အိၣ်ဘၣ်ဒီးကိၣ်အဂ့ၢ်လဲၣ်. မ့ၢ်သုတသ့ၣ်ညါဘၣ်. မ့ၢ် သုနၢ်တပၢၢ်ဒံးဘၣ်ဧါ. သုသးကိၤဒံးဧါ.
18 သုမဲာ်အိၣ် ဒီးမ့ၢ်သုတထံၣ်ဘၣ်ဧါ. သုနၢ်အိၣ်ဒီးသုတနၢ်ဟူဘၣ် ဧါ. မ့ၢ်သုတသ့ၣ်နီၣ်ထီၣ်က့ၤဘၣ်ဧါ.
19 လၢယစိၢ်ဘျဲး ကိၣ်ယဲၢ် ဖျၢၣ်လၢပှၤယဲၢ်ကထိအဂီၢ်န့ၣ်, မ့ၢ်သုထၢဖှိၣ် န့ၢ်အဘျဲၣ်အစဲၢ်ပှဲၤကုပှံၤဒုလဲၣ်. ဒီးစံးဘၣ်အီၤ, တဆံ ခံဒုလီၤ.
20 ဒီးလၢယစိၢ်ဘျဲးကိၣ်နွံဖျၢၣ်လၢပှၤလွံၢ်ကထိ အဂီၢ်န့ၣ်, မ့ၢ်သုထၢဖှိၣ်န့ၢ်ပှဲၤစဲာ်ပှံၤဖျၢၣ်လဲၣ်. ဒီးစံးဝဲ ဒၣ်, နွံဖျၢၣ်လီၤ.
21 ဒီးစံးဘၣ်အဝဲသ့ၣ်န့ၣ်, သုနၢ်တပၢၢ် ဘၣ်န့ၣ်, မ့ၢ်ဒ်လဲၣ်.
22 ဒီးဟဲက့ၤဝဲဆူဘ့ၤသစဲဒၤ, ဒီးပှၤဟဲစိာ်ပှၤမဲာ်ဘျီၣ်တ ဂၤဆူအအိၣ်, ဒီးဃ့ကညးအီၤဒ်သိး အကထိးဘၣ်အီၤ လီၤ.
23 ဒီးဟံးဃာ်ပှၤမဲာ်ဘျီၣ်အစု, ဒီးလဲၤဆှၢအီၤဆူသ ဝီအချၢ, ဒီးထူးပှဲာ်ဝဲလၢအမဲာ်သၣ်လိၤ, ဒီးပာ်ထီၣ်အ စုလၢအလိၤ, ဒီးသံကွၢ်အီၤ, မ့ၢ်အထံၣ်တၢ်တမံၤမံၤ ဧါ.
24 ဒီးကွၢ်ထီၣ်, ဒီးစံးဝဲဒၣ်, ယထံၣ်ပှၤကညီ, အဂ့ၢ် ဒ်အံၤ, ဒ်သ့ၣ်အသိး, ယထံၣ်အလဲၤတၢ်လီၤ.
25 တုၤနုၤ တစုပာ်ထီၣ်ကဒီးအစု လၢအမဲာ်အလိၤ, ဒီးမၢအကွၢ် ထီၣ်တၢ်, ဒီးဘျါက့ၤဝဲ, ဒီးထံၣ်တၢ်ကိးမံၤဒဲးလီၤတံၢ် လီၤဆဲးလီၤ.
26 ဒီးမၢအက့ၤက့ၤဆူအဟံၣ် ဒီးစံးဝဲဒၣ်, လဲၤနုာ်ဆူသဝီပူၤတဂ့ၤ, ဒီးစံးဘၣ်တဲဘၣ်ပှၤအိၣ်လၢ သဝီပူၤနီတဂၤတဂ့ၤ.
27 ဒီးယ့ၣ်ရှူးအပျဲၢ်အဘီၣ်ဟးထီၣ်ဝဲဆူ ဖံလံးပံၤကဲၤစါ ရံၤအသဝီတဖၣ်, ဒီးအိၣ်ဝဲလၢကျဲအဖၢမုၢ်ဒီး, သံကွၢ် အပျဲၢ်အဘီၣ်ဒီးစံးဘၣ်အီၤ, ပှၤကညီစံးဝဲလၢ ယမ့ၢ်မ တၤတဂၤလဲၣ်.
28 ဒီးအဝဲသ့ၣ်စံးဆၢအီၤ, ဒီးစံးဝဲဒၣ်, ပှၤ ဘျၢ*တၢ်စီၤယိၤဟၣ်လီၤ. ဒီးအဂၤတနီၤနီၤစံးဝဲလၢ စီၤ အ့ၤလံယၤ, ဒီးအဂၤတနီၤနီၤစံးဝဲလၢ ဝံတဂၤဂၤလီၤ.-
29 ဒီးအဝဲဒၣ်စံးဘၣ်အီၤ. မ့မ့ၢ်သုဝဲသ့ၣ်အံၤ, သုစံးလၢယ မ့ၢ်မတၤတဂၤလဲၣ်. စီၤပ့းတရူးစံးဆၢတၢ်, ဒီးစံးဘၣ် အီၤ, နမ့ၢ်ခရံာ်န့ၣ်လီၤ.
30 ဒီးမၤလိာ်အီၤဒ်သိးအသုတက တိၤတၢ်လၢအဂ့ၢ်အကျိၤလၢပှၤနီတဂၤတဂ့ၤလီၤ.
31 ဒီးသိၣ်က့ၤသီက့ၤအီၤလၢ ပှၤကညီဖိခွါအံၤ ဘၣ်ဒိး တၢ်နးတၢ်ဖှီၣ်အါမံၤ, ဒီးကဘၣ်တၢ်ညိကွံာ်အီၤလၢပှၤ သူၣ်က့းသးပှၢ်, ဒီးပှၤလုၢ်တၢ်အခိၣ်, ဒီးပှၤကွဲးလံာ် သ့ၣ်တဖၣ်အစုပူၤ, ဒီးကဘၣ်တၢ်မၤသံအီၤ, ဒီးကဂဲၤဆၢ ထၢၣ်က့ၤဝဲလၢသၢနံၤတနံၤလီၤ.
32 ဒီးကတိၤအိၣ်ဖျါတၢ် ကတိၤတဘီန့ၣ်လီၤ. ဒီးစီၤပ့းတရူးဟံးန့ၢ်အီၤဒီး သိၣ် ဃီၣ်သီအီၤလီၤ.-
33 ဒီးအဝဲဒၣ်ဃၣ်ဃီၤအသးဒီးထံၣ်အ ပျဲၢ်အဘီၣ်တဖၣ်, ဒီးသိၣ်ဃီၣ်စီၤပ့းတရူး, ဒီးစံးဝဲဒၣ် ဒုၣ်ဒါဧၢ, ဟးကွံာ်ဆူယလီၢ်ခံတက့ၢ်. အဂ့ၢ်ဒ်အံၤ, န သးတအိၣ်ဘၣ်ယွၤအတၢ်ဘၣ်. မ့ၢ်နသးအိၣ်ပှၤကညီ အတၢ်တခီလီၤ.
34 ဒီးကိးန့ၢ်ပှၤဂီၢ်မုၢ်ဒီး အပျဲၢ်အဘီၣ်ဆူအအိၣ်, ဒီးစံး ဘၣ်အီၤ, ဖဲဒၣ်ပှၤလၢတၢ်မိၣ်ဟဲပိာ်အသးလၢယခံတ ဂၤဂၤန့ၣ်, မ်အညိကွံာ်အသးဒၣ်ဝဲ, ဒီးဟံးန့ၢ်အထူၣ်စု ညါ, ဒီးပိာ်ယခံတက့ၢ်.
35 အဂ့ၢ်ဒ်အံၤ, ဖဲဒၣ်ပှၤလၢအ သးအိၣ်အုၣ်က့ၤခီၣ်က့ၤအသးတဂၤဂၤန့ၣ်, ကမၤဟါ မၢ်ကွံာ်အီၤလီၤ. ဒီးဖဲဒၣ်ပှၤလၢအသးဟါမၢ်ကွံာ်ဝဲလၢ ယဃိ, ဒီးလၢတၢ်သးခုအကစီၣ်အဃိတဂၤဂၤန့ၣ်, က အုၣ်က့ၤခီၣ်က့ၤအသးလီၤ.
36 အဂ့ၢ်ဒ်အံၤ, ပှၤကညီမ့ၢ် န့ၢ်ဘၣ်ဟီၣ်ခိၣ်ဒီဘ့ၣ်ညါ, ဒီးမၤဟါမၢ်ကွံာ်အသးဒီး, မ့ၢ်အန့ၢ်ဘျုးမနုၤလဲၣ်.
37 မ့တမ့ၢ်ဘၣ်ဒီး, ပှၤကညီက ဟ့ၣ်အပှ့ၤလၢအသးအဂီၢ်လၢမနုၤတမံၤလဲၣ်.
38 အဂ့ၢ်ဒ် အံၤ, ဖဲဒၣ်ပှၤလၢအမဲာ်ဆှးယၤဒီး ယကလုၢ်ယကထါ လၢပှၤအဲၣ်ဘၢတၢ်ဒီး ပှၤတၢ်ဒဲးဘးဖိတစိၤအံၤအကျါ ဒီး, ပှၤကညီဖိခွါအံၤကမဲာ်ဆှးအီၤ, ဖဲအဟဲလၢအပၢ် အလၤကပီၤ, အိၣ်ဒီးအကလူးစီဆှံတဖၣ်န့ၣ်လီၤ.