2
1 ဒီးမုၢ်နံၤတဖၣ်ပူၤကွံာ်ဒီးယ့ၣ်ရှူးလဲၤနုာ်ကဒီးဆူကပ့း ရနီၣ်အပူၤ, ဒီးပှၤနၢ်ဟူလၢအအိၣ် လၢဟံၣ်ပူၤလီၤ.-
2 ဒီးပှၤအိၣ်ဖှိၣ်ရိဖှိၣ်တကီၢ်ခါအါဂၤ, တုၤအလီၢ်တအိၣ် လၢၤဘၣ်, လၢကျဲစၢၤထံးဒၣ်လဲာ်န့ၣ်တအိၣ်လၢၤဘၣ် လီၤ.ဒီးစံၣ်တဲၤတဲလီၤအီၤလၢတၢ်အကလုၢ်ကထါလီၤ.
3 ဒီးဟဲစိာ်ပှၤသံတခီပၤတဂၤ, လၢပှၤလွံၢ်ဂၤစိာ်ဝဲ, ဆူ အအိၣ်လီၤ.
4 ဒီးမ့ၢ်အလဲၤစိာ်ဝဲဆူအဂီၤထံး တသ့ဘၣ် လၢပှၤဂီၢ်မုၢ်အဃိဒီး, မၤဟးဂီၤဟံၣ်ခိၣ်, ဒီးဘၢၣ်ဖျိ တၢ်လၢအအိၣ်ဝဲအလီၢ်အဖီခိၣ်, ဒီးစဲၤလီၤလီၢ်မံလၢ ပှၤသံတခီပၤတဂၤမံလီၤလၢအပူၤလီၤ.
5 ဒီးယ့ၣ်ရှူးထံၣ် အဝဲသ့ၣ်အတၢ်နာ်, ဒီးစံးဘၣ်ပှၤသံတခီပၤတဂၤန့ၣ်, ဖိဧၢ, နတၢ်ဒဲးဘးပျၢ်လံ.
6 ဒီးပှၤကွဲးလံာ်တနီၤနီၤဆ့ၣ် နီၤအိၣ်ဖဲန့ၣ်ဒီးကူၣ်တၢ်လၢအသးကံၢ်ပူၤ,
7 တၢ်လၢပှၤ တဂၤအံၤကတိၤကမၣ်ယွၤဒ်အံၤ, ဘၣ်မနုၤလဲၣ်. မ့တ မ့ၢ်ဘၣ် တၢ်တဂၤယွၤတဂၤန့ၣ်ဒီး, မ့ၢ်မတၤပျၢ်တၢ်ဒဲး ဘးသ့တဂၤလဲၣ်.
8 ဒီးယ့ၣ်ရှူးသ့ၣ်ညါထံ လၢအသး ကံၢ်ပူၤတကီၢ်ခါ, လၢပှၤတဖၣ်န့ၣ်ကူၣ်တၢ်လၢအသး ကံၢ်ပူၤဒ်န့ၣ်, ဒီးစံးဘၣ်အီၤ, ဘၣ်မနုၤလၢသုကူၣ်တၢ် န့ၣ်တဖၣ် လၢသုသးကံၢ်ပူၤလဲၣ်.
9 မ့ၢ်ပစံးဘၣ်ပှၤသံ တခီပၤညီဖဲလဲၣ်တမံၤလဲၣ်. မ့ၢ်ပစံးလၢနတၢ်ဒဲးဘးပျၢ် လံန့ၣ်ညီတက့ၢ်ဧါ, မ့ၢ်ပစံး, ဂဲၤဆၢထၢၣ်ဟံးန့ၢ်နလီၢ် မံ, ဒီးဟးန့ၣ်ညီတက့ၢ်လဲၣ်.
10 ဘၣ်ဆၣ်ဒီး, ဒ်သိးသုက သ့ၣ်ညါလၢပှၤကညီဖိခွါအံၤအိၣ်ဒီး အစိအကမီၤလၢ ဟီၣ်ခိၣ်ချၢ, လၢအကပျၢ်တၢ်ဒဲးဘးဒီး, (စံးဘၣ်ပှၤသံ တခီပၤတဂၤန့ၣ်),
11 ယစံးဘၣ်နၤ, ဂဲၤဆၢထၢၣ်, ဒီး စိာ်ထီၣ်နလီၢ်မံ, ဒီးက့ၤက့ၤဆူနဟံၣ်တက့ၢ်.
12 ဒီးဂဲၤ ဆၢထၢၣ်တကီၢ်ခါ, ဒီးစိာ်ထီၣ်အလီၢ်မံ, ဒီးဟးထီၣ် ကွံာ်ဝဲလၢပှၤခဲလၢာ်အမဲာ်ညါလီၤ. တၢ်မၤအသးဒ်န့ၣ် ဒီး, ပှၤပာ်ထီၣ်အသးကမၢကမၣ်ခဲလၢာ်, ဒီးစံးထီၣ် ပတြၢၤယွၤ, ဒီးစံးဝဲဒၣ်, ပတထံၣ်ဘၣ်တၢ်ဒ်အံၤအသိး နီတခီၣ်ဘၣ်လီၤ.
13 ဒီးဟးထီၣ်ကဒီးလၢပီၣ်လဲၣ်နံၤ, ဒီးပှၤဂီၢ်မုၢ်ခဲလၢာ် ဟဲဆူအအိၣ်, ဒီးအဝဲဒၣ်သိၣ်က့ၤသီက့ၤအီၤလီၤ.
14 ဒီးလဲၤတၢ်, ဒီးထံၣ်စီၤအၤလဖဲအဖိခွါ, စီၤလ့ၤဝံတ ဂၤ, ဆ့ၣ်နီၤလၢပှၤဃ့သွဲအလီၢ်, ဒီးစံးဘၣ်အီၤ, ပိာ်ယ ခံတက့ၢ်. ဒီးဂဲၤဆၢထၢၣ်ပိာ်ထီၣ်အခံလီၤ.
15 ဒီးတၢ်မၤ အသးလၢ ယ့ၣ်ရှူးဆ့ၣ်နီၤသန့ၤလၢ အဝဲဒၣ်အဟံၣ်အ ဖၢမုၢ်ဒီး, ပှၤဃ့သွဲ, ဒီးပှၤတၢ်ဒဲးဘးဖိအါဂၤဆ့ၣ်နီၤသ န့ၤဃုာ်ဒီးအီၤဒီးအပျဲၢ်အဘီၣ်လီၤ.အဂ့ၢ်ဒ်အံၤ, အိၣ်အါ ဂၤဒီးပိာ်အခံလီၤ.
16 ဒီးတုၤပှၤကွဲးလံာ်ဒီးပှၤဖၤရံၤရှဲသ့ၣ် တဖၣ် ထံၣ်လၢအအီၣ်တၢ်ဒီး ပှၤဃ့သွဲဒီးပှၤတၢ်ဒဲးဘး ဖိဒီး, စံးဘၣ်အပျဲၢ်အဘီၣ်, အဝဲဒၣ်အီၣ်တၢ်အီတၢ်ဒီး ပှၤဃ့သွဲဒီးပှၤတၢ်ဒဲးဘးဖိန့ၣ် ဘၣ်မနုၤလဲၣ်.
17 ဒီးယ့ၣ် ရှူးနၢ်ဟူဒီးစံးဘၣ်အီၤ, ပှၤလၢအအိၣ်ဆူၣ်အိၣ်ချ့တဖၣ် န့ၣ် မၤကသံၣ်သရၣ်အလီၢ်တအိၣ်ဘၣ်. မ့ၢ်ပှၤလၢအ မၤတကဲ ဘၣ်တဖၣ်န့ၣ်လီၤ. တမ့ၢ်ဘၣ်ယဟဲကိးက့ၤ ပှၤအတီအလိၤဘၣ်မ့ၢ်ပှၤတၢ်ဒဲးဘးဖိလီၤ.
18 ဒီးယိၤဟၣ်အပျဲၢ်အဘီၣ်ဒီး ပှၤဖၤရံၤရှဲ ဒုၣ်တၢ်အီၣ် တၢ်အီအဖၢမုၢ်န့ၣ်ဒီး ဟဲဆူအအိၣ်ဒီးစံးဝဲဒၣ်, ဘၣ်မ နုၤလၢစီၤယိၤဟၣ်အပျဲၢ်အဘီၣ်, ဒီးပှၤဖၤရံၤရှဲ အပျဲၢ်အ ဘီၣ်တဖၣ် ဒုၣ်တၢ်အီၣ်တၢ်အီ, ဒီးနပျဲၢ်နဘီၣ်တဖၣ် တဒုၣ်ဘၣ်တၢ်အီၣ်တၢ်အီလဲၣ်.
19 ဒီးယ့ၣ်ရှူးစံးဘၣ်အီၤ တၢ်လၢတလးမူးအပျဲၢ်အံၤ, လၢတလးမူးပိာ်ခွါအိၣ်ဒီး အီၤအဖၢမုၢ်ဒီး ဒုၣ်တၢ်အီၣ်တၢ်အီဘၣ်ကသ့ဧါ.-
20 ဖဲအဆၢကတီၢ်လၢအအိၣ်ဒီး တလးမူးအပိာ်ခွါအဖၢ မုၢ်ဒီး ဒုၣ်တၢ်အီၣ်တၢ်အီတသ့ဘၣ်. ဘၣ်ဆၣ်ဒီးအနံၤ အသီကဘၣ်လၢတၢ်ကထုးဖး တလးမူးပိာ်ခွါလၢအီၤ လီၤ. တုၤနုၤတစုကဒုၣ်တၢ်အီၣ်တၢ်အီ လၢမုၢ်တနံၤ န့ၣ်လီၤ.
21 တၢ်ကူတၢ်သိးအလီၢ်လံၤန့ၣ် ပှၤတဆးကျး ဘၣ်အီၤလၢတၢ်အသီနီတဂၤဘၣ်. ပှၤမ့ၢ်မၤဒ်န့ၣ်ဒီး, တၢ်အသီဖှီတၢ်အလီၢ်လံၤဒီး အယာ်အပူၤလီၢ်လဲၢ်ထီၣ် ဝဲလီၤ.
22 ဒီးတၢ်လၢထံဒၢတၢ်ဖံးအလီၢ်လံၤအပူၤန့ၣ်,ပှၤ တဒၢနုာ်ဘၣ်စပံးထံအသီနီတဂၤဘၣ်. ပှၤမ့ၢ်မၤဒ်န့ၣ် ဒီး, စပံးထံအသီမၤပိၢ်ဖးထံဒၢတၢ်ဖံးန့ၣ်, ဒီးစပံးထံ ယွၤကွံာ်, ဒီးထံဒၢတၢ်ဖံးန့ၣ်ဟးဂီၤကွံာ်ဝဲလီၤ.မ့မ့ၢ်စပံး ထံအသီန့ၣ်, ပှၤဘၣ်ဒၢနုာ်အီၤလၢ ထံဒၢတၢ်ဖံးအသီ လီၤ.
23 ဒီးတၢ်မၤအသးလၢ အလဲၤခီတြူာ်စံာ်ဧိၤပှဲၤဧိၤလၢမုၢ် အိၣ်ဘှံးနံၤ, ဒီးအပျဲၢ်အဘီၣ်တဖၣ်လဲၤတၢ်အဖၢမုၢ်ဒီး, ဒဲးသီဘုအစဲၤလီၤ.
24 ဒီးပှၤဖၤရံၤရှဲသ့ၣ်တဖၣ်စံးဘၣ်အီၤ, ကွၢ်ကွၢ်, အဝဲသ့ၣ်မၤတၢ်တဂ့ၤမၤဘၣ်လၢမုၢ်အိၣ်ဘှံး အနံၤန့ၣ်မ့ၢ်အဘၣ်မနုၤလဲၣ်.
25 ဒီးအဝဲဒၣ်စံးဘၣ်အီၤ, စီၤဒၤဝံးဒီး ပှၤလၢအသိးတဖၣ်, တုၤအန့ၢ်ဘၣ်တၢ်အ လီၢ်အိၣ်, ဒီးတၢ်သၣ်ဝံၤအသးဒီး, မ့ၢ်အမၤတၢ်ဒ်လဲၣ် ဒ်လဲၣ်န့ၣ်, သုတဖးဘၣ်နီတခီၣ်ဘၣ်ဧါ.
26 မ့ၢ်အလဲၤနုာ် လၢယွၤအဟံၣ်ပူၤ, လၢပှၤလုၢ်တၢ်အခိၣ် စီၤအ့ဘယၤ သၢ်အစိၤ, ဒီးအီၣ်တၢ်မဲာ်ညါအကိၣ်, လၢအတဂ့ၤအီၣ် ဘၣ်, ဂ့ၤအီၣ်ထဲပှၤလုၢ်တၢ်အဒိၣ်တဖၣ်ဧိၤလီၤ. ဒီးဟ့ၣ် စ့ၢ်ကီးဝဲလၢပှၤအိၣ်ဒီးအီၤတဖၣ်လီၤ.-
27 ဒီးစံးဘၣ်အီၤ, တၢ်လၢမုၢ်အိၣ်ဘှံးအနံၤန့ၣ်, ကဲထီၣ်ဝဲလၢပှၤကညီအ ဂီၢ်လီၤ. တမ့ၢ်ဘၣ်ပှၤကညီလၢမုၢ်အိၣ်ဘှံးအနံၤအဂီၢ် ဘၣ်.
28 မၤသးဒ်န့ၣ်ဒီးပှၤကညီဖိခွါအံၤမ့ၢ်မုၢ်အိၣ်ဘှံးအ နံၤစ့ၢ်ကီးအကစၢ်လီၤ.