5
1 ဒီးပှၤတဂၤဂၤမ့ၢ်မၤတၢ်ဒဲးဘး လၢအနၢ်ဟူဆိၣ်တၢ် အကလုၢ်, ဒီးကဲထီၣ်ပှၤအုၣ်အသးလၢအထံၣ်ဘၣ်တၢ် ဂ့ၤ, သ့ၣ်ညါတၢ်ဂ့ၤ, ဒီးတစံးဘၣ်တၢ်ဘၣ်အဃိဒီး, ကဘၣ်အတၢ်ဒဲးဘးလီၤ.
2 ဒီးပှၤတဂၤဂၤမ့ၢ်ထိးဘၣ် တၢ်တကဆှီဘၣ်တမံၤမံၤ,ဆၣ်ဖိကီၢ်ဖိအမံၤတကဆှီဘၣ်အစိၣ်ဂ့ၤဂ့ၤ, ဆၣ်ဖိကီၢ်ဖိအဒၢတကဆှီဘၣ်အစိၣ်ဂ့ၤဂ့ၤ, တၢ်အစွါတကဆှီဘၣ်အစိၣ်ဂ့ၤဂ့ၤ, ဒီးမ့ၢ်အိၣ်တဒၢဒီးအီၤဘၣ်ဆၣ်ဒီး,အဝဲဒၣ်န့ၣ်မ့ၢ်တကဆှီဘၣ်စ့ၢ်ကီးဒီး,အတၢ်ဒဲးဘးအိၣ် ဝဲလီၤ.
3 ဒီးမ့ၢ်ထိးဘၣ်ပှၤကညီအတၢ်တကဆှီဘၣ်, ကယဲၢ်တၢ် လၢအမၤတကဆှီဘၣ်အီၤတမံၤမံၤ, ဒီးမ့ၢ်အိၣ်တဒၢဒီး အီၤဒီး, တုၤအသ့ၣ်ညါဝဲဒီး, အတၢ်ဒဲးဘးကအိၣ်လီၤ.
4 ဒီးပှၤတဂၤဂၤမ့ၢ်ဆိၣ်တၢ်, မ့ၢ်စံးလၢအထးခိၣ်လၢအ ကမၤအၢမ့ၢ်ဂ့ၤ, မၤဂ့ၤမ့ၢ်ဂ့ၤ, ကယဲၢ်တၢ်လၢပှၤကစံး ဒီးတၢ်ဆိၣ်တမံၤမံၤ, ဒီးမ့ၢ်အိၣ်တဒၢဒီးအီၤဒီး, တုၤအ သ့ၣ်ညါဒီး, အတၢ်ဒဲးဘးကအိၣ်လၢတၢ်န့ၣ်တဖၣ်တ မံၤမံၤအဃိလီၤ.
5 ဒီးတုၤအတၢ်ဒဲးဘးအိၣ်လၢတၢ်တ ဖၣ်န့ၣ်တမံၤမံၤအဃိဒီး,တၢ်ကမၤအသးလၢအဘၣ်တဲ လီၤကျဲၤလီၤလၢအမၤတၢ်ဒဲးဘးလၢတၢ်န့ၣ်တမံၤလီၤ.
6 ဒီးဘၣ်ဟဲစိာ်အတၢ်လုၢ်တၢ်ကမၣ်လၢ အတၢ်ဒဲးဘး လၢအမၤဝဲအဃိ, အမိၢ်တဒု, သိဖိမ့ၢ်ဂ့ၤ, မဲာ်တဲးလဲးဖိ မ့ၢ်ဂ့ၤ, လၢအတၢ်ဒဲးဘးအဂီၢ်လီၤ. ဒီးပှၤလုၢ်တၢ်အဒိၣ် ဘၣ်မၤတၢ်ပူၤဖျဲးလၢအဂီၢ်လၢအတၢ်ဒဲးဘးအဃိလီၤ.
7 ဒီးအစုမ့ၢ်တချုးန့ၢ်ဘၣ်တၢ်ကြၢးဒီးသိဖိဘၣ်ဒီး,ဘၣ် ဟဲစိာ်ထိၣ်လွံၢ်ဘုၣ်ခံဘ့ၣ်ဂ့ၤဂ့ၤ, ကးက့ၣ်ဖိခံဘ့ၣ်ဂ့ၤ ဂ့ၤ, လၢအတၢ်ကမၣ်လၢအမၤဝဲအဃိ, ဆူယွၤအ အိၣ်လီၤ. လၢတၢ်လုၢ်တၢ်ဒဲးဘးအဂီၢ်တဘ့ၣ်ဒီး လၢ တၢ်လုၢ်မ့ၣ်အူအဂီၢ်တဘ့ၣ်လီၤ.
8 ဒီးဘၣ်ဟဲစိာ်အီၤဆူပှၤလုၢ်တၢ်အဒိၣ်အအိၣ်, ဒီးအ ဝဲဒၣ်ဘၣ်လုၢ်ဆိတၢ်လုၢ်တၢ်ဒဲးဘး, ဒီးဝံာ်ကၢ်ကွံာ်အ ကိာ်ဘၣ်ဆၣ်ဒီးတဘၣ်မၤတဲာ်ကွံာ်အီၤဘၣ်,
9 ဒီးဘၣ် ဖှံတၢ်လုၢ်တၢ်ဒဲးဘးအသွံၣ် လၢတၢ်လုၢ်လီၢ်အကပၤ, ဒီးတၢ်သွံၣ်လၢအအိၣ်လီၤတဲာ်န့ၣ် ဘၣ်စံၢ်ကွံာ်အသး လၢတၢ်လုၢ်လီၢ်အခီၣ်ထံးလီၤ. အဝဲန့ၣ်မ့ၢ်တၢ်လုၢ်တၢ် ဒဲးဘးလီၤ.
10 ဒီးဘၣ်လုၢ်ခံဘ့ၣ်တဘ့ၣ်န့ၣ်လၢတၢ်လုၢ်မ့ၣ်အူဒ်တၢ် သိၣ်တၢ်သီအသိး, ဒီးပှၤလုၢ်တၢ်အဒိၣ်ဘၣ်မၤတၢ်ပူၤ ဖျဲးလၢအဂီၢ်, လၢအတၢ်ဒဲးဘးလၢအမၤဝဲအဃိလီၤ. ဒီးတၢ်ကပျၢ်အတၢ်လီၤ.
11 ဒီးထိၣ်လွံၢ်ခံဘ့ၣ်မ့ၢ်ဂ့ၤ, ကးက့ၣ်ဖိဖိခံဘ့ၣ်မ့ၢ်ဂ့ၤ, အ စုမ့ၢ်တချုးန့ၢ်ဘၣ်ဒီး, လၢအမၤဘူၣ်တၢ်အဂီၢ်န့ၣ်ပှၤ လၢအမၤတၢ်ဒဲးဘးတဂၤ ဘၣ်ဟဲစိာ်ကိၣ်ကမူၣ်တအ့ ဖးဆံဆဲၣ်ပူတပူလၢတၢ်လုၢ်တၢ်ဒဲးဘးအဂီၢ်လီၤ. သိ မ့ၢ်ဂ့ၤ, လီၢ်ဘၣ်မ့ၢ်ဂ့ၤ, တဘၣ်ပာ်လၢအဖီခိၣ်ဘၣ်, အဂ့ၢ်ဒ်အံၤ, အဝဲန့ၣ်မ့ၢ်တၢ်လုၢ်တၢ်ဒဲးဘးလီၤ.
12 ဒီးဘၣ်ဟဲစိာ်ဆူပှၤလုၢ်တၢ်အဒိၣ်အအိၣ်, ဒီးပှၤလုၢ် တၢ်အဒိၣ်ဘၣ်ဟံးန့ၢ်တတၢၤဒုၣ်လၢအီၤ, လၢအတၢ် သ့ၣ်နီၣ်ထီၣ်အဂီၢ်, ဒီးဆိၣ်ကဲၤကွံာ်အီၤလၢတၢ်လုၢ်လီၢ် အဖီခိၣ်, ဒ်တၢ်လုၢ်မ့ၣ်အူလၢယွၤအဂီၢ်အသိးန့ၣ်လီၤ. အဝဲန့ၣ်မ့ၢ်တၢ်လုၢ်တၢ်ဒဲးဘးလီၤ.
13 ဒီးပှၤလုၢ်တၢ်အ ဒိၣ်ဘၣ်မၤတၢ်ပူၤဖျဲးလၢအတၢ်ဒဲးဘးလၢအမၤဝဲအဃိ, လၢတၢ်တဖၣ်န့ၣ် တမံၤမံၤလီၤ. ဒီးတၢ်ကပျၢ်အတၢ် လီၤ. ဒီးတၢ်အိၣ်လီၤတဲာ်ကကဲထီၣ်ပှၤလုၢ်တၢ်အဒိၣ် အတၢ်, ဒ်တၢ်မၤဘူၣ်ကိၣ်အသိးန့ၣ်လီၤ.ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,
14-15 ပှၤတဂၤ ဂၤမ့ၢ်မၤကမၣ်တၢ်ဒီး တသ့ၣ်ညါဘၣ်ဒီးမၤတၢ်ဒဲးဘး လၢယွၤအတၢ်စီဆှံတဖၣ်အပူၤဒီး, ဘၣ်ဟဲစိာ်တၢ်အဖါ အလၢအပှဲၤတဒုလၢသိဒီးမဲာ်တဲးလဲးအကျါ, လၢအတၢ် ကမၣ်အဃိ,ဖဲနပာ်အပှ့ၤလၢၡက့လးစ့ဒ်တၢ်အလီၢ်စီဆှံ ၡက့လးအသိးန့ၣ်လၢအတၢ်လုၢ်တၢ်ကမၣ်အဂီၢ်လီၤ.-
16 ဒီးဘၣ်ဟ့ၣ်က့ၤတၢ်လၢအမၤကမၣ်တၢ်လၢတၢ်စီဆှံ တဖၣ်အပူၤအဂီၢ်, ဒီးပာ်ဖှိၣ်အတၢ်ယဲၢ်ပူတပူ, ဒီးဟ့ၣ် ပှၤလုၢ်တၢ်အဒိၣ်, ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲး လၢအဂီၢ်, လၢတၢ်လုၢ်တၢ်ကမၣ်အတၢ်အဖါတဒုလၢ သိဒီးမဲာ်တဲးလဲးအကျါလီၤ. ဒီးတၢ်ကပျၢ်အတၢ်လီၤ.
17 ဒီးပှၤတဂၤဂၤမ့ၢ်မၤတၢ်ဒဲးဘး, ဒီးမၤတၢ်တမံၤမံၤလၢ ယွၤမၤလိာ်မၤတဂ့ၤန့ၣ်ဒီး, မ့ၢ်တသ့ၣ်ညါဘၣ်နာ်သ က့ဒီး,အတၢ်ဒဲးဘးအိၣ်ဝဲ,ဒီးဘၣ်တူၢ်အတၢ်ဒဲးဘးလီၤ.
18 ဒီးဘၣ်ဟဲစိာ်တၢ်အဖါအလၢအပှဲၤတဒုလၢသိဒီးမဲာ် တဲးလဲးအကျါ, ဖဲနပာ်အပှ့ၤ, လၢတၢ်လုၢ်တၢ်ကမၣ် အဂီၢ်, ဆူပှၤလုၢ်တၢ်အဒိၣ်အအိၣ်, ဒီးပှၤလုၢ်တၢ်အ ဒိၣ်ဘၣ်မၤတၢ်ပူၤဖျဲးလၢအဂီၢ်လၢ အတၢ်ဟးဖျိးလၢအ ဟးဖျိးဒီးတသ့ၣ်ညါဘၣ်အဃိလီၤ. ဒီးတၢ်ကပျၢ်အတၢ် လီၤ.
19 အဝဲန့ၣ်မ့ၢ်တၢ်လုၢ်တၢ်ကမၣ်လီၤ. မ့ၢ်အမၤက မၣ်ဘၣ်ယွၤသပှၢ်တၢၢ်လီၤ.