23
1-2 ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,- ကတိၤ တၢ်ဒီးပှၤအံၣ်စရ့လးဖိ, ဒီးစံးဘၣ်အီၤ, တၢ်လၢယွၤအ မၤဘူၣ်အနံၤလၢ သုဘၣ်ကိးထီၣ်တၢ်မၤဘူၣ်စီဆှံတဖၣ် န့ၣ်, အအံၤမ့ၢ်ယမၤဘူၣ်အနံၤတဖၣ်လီၤ.
3 ဃုနံၤန့ၣ်ပှၤဘၣ်မၤတၢ်မၤလီၤ. မ့မ့ၢ်နွံနံၤတနံၤန့ၣ်မ့ၢ် အိၣ်ဘှံးအနံၤအတၢ်အိၣ်ဘှံး, တၢ်မၤဘူၣ် အနံၤစီဆှံ လီၤ. သုတမၤတၢ်မၤနီတမံၤလၢအပူၤတဂ့ၤ. မ့ၢ်ယွၤအ တၢ်အိၣ်ဘှံးလၢသုအိၣ်သုဆိးအလီၢ်တပူၤလၢ်လၢ်လီၤ.
4 အအံၤမ့ၢ်ယွၤအတၢ်မၤဘူၣ်အနံၤ, မၤဘူၣ်အနံၤစီဆှံ တဖၣ်လၢသုဘၣ်ကိးထီၣ် ဖဲအဆၢအကတီၢ်ဘၣ်န့ၣ် လီၤ.
5 လါခီၣ်ထံးတလါထီၣ်တဆံလွံၢ်နံၤတနံၤန့ၣ် မ့ၢ်ယွၤ အတၢ်လဲၤကပာ်လီၤ.
6 ဒီးလါတလါဃီထီၣ်တဆံယဲၢ် နံၤတနံၤန့ၣ်မ့ၢ်ဘူၣ်ကိၣ်တအိၣ်ဘၣ်ဒီးကိၣ်မံၣ်လၢယွၤ အဂီၢ်လီၤ. နွံနံၤန့ၣ်သုဘၣ်အီၣ်ကိၣ်တအိၣ်ဘၣ်ဒီးကိၣ် မံၣ်န့ၣ်လီၤ.
7 မုၢ်ခီၣ်ထံးန့ၣ်သုဘၣ်အိၣ်ဒီးတၢ်မၤဘူၣ်စီဆှံလီၤ. မၤ တၢ်အကုၢ်အပှၤအတၢ်မၤနီတမံၤလၢအပူၤတဂ့ၤ.
8 သုဘၣ်လုၢ်တၢ်လုၢ်မ့ၣ်အူလၢယွၤအဂီၢ်နွံနံၤလီၤ. နွံ နံၤတနံၤန့ၣ်မ့ၢ်တၢ်မၤဘူၣ်စီဆှံလီၤ. မၤတၢ်အကုၢ်အ ပှၤအတၢ်မၤနီတမံၤတဂ့ၤ.ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,
9-10 ကတိၤ တၢ်ဒီးပှၤအံၣ်စရ့လးဖိဒီးစံးဘၣ်အီၤ, တုၤသုလဲၤနုာ်ဆူ ကီၢ်ပူၤလၢယဟ့ၣ်လီၤသု, ဒီးသုကကူးအဘုန့ၣ်ဒီး, သုဘၣ်ဟဲစိာ်ဘုသၣ်ဆိတကဒိၣ်လၢ သုဘုဧိၤဟုဧိၤ အကျါဆူပှၤလုၢ်တၢ်အဒိၣ်လီၤ.
11 ဒီးအဝဲဒၣ်ဘၣ်ဝၢ်ဘု တကဒိၣ်န့ၣ်လၢယွၤအမဲာ်ညါ လၢအကဘၣ်တၢ်အ သးလၢသုဂီၢ်လီၤ. အိၣ်ဘှံးပူၤကွံာ်တနံၤန့ၣ် ပှၤလုၢ် တၢ်အဒိၣ်ဘၣ်ဝၢ်အီၤလီၤ.
12 ဒီးမုၢ်နံၤလၢ သုဝၢ်ဘုတကဒိၣ်န့ၣ် သုဘၣ်လုၢ်သိ ဖါဖိအလၢအပှဲၤတနံၣ်ဖိလၢ တၢ်လုၢ်မ့ၣ်အူလၢယွၤအ ဂီၢ်လီၤ.
13 ဒီးအတၢ်မၤဘူၣ်ကိၣ်န့ၣ် မ့ၢ်ကိၣ်ကမူၣ်ခံအ့စရိၣ်ဃါ ဃုာ်ဒီးသိလီၤ. မ့ၢ်တၢ်မၤဘူၣ်လၢမ့ၣ်အူလၢယွၤအဂီၢ်, လၢတၢ်နၢမူအဂီၢ်လီၤ. ဒီးအတၢ်လုၢ်အီန့ၣ်မ့ၢ်စပံးထံ တဟံၣ်လွံၢ်ပူတပူလီၤ.
14 ဒီးမုၢ်တနံၤလၢသုဟဲစိာ်တၢ်မၤဘူၣ် ဆူသုကစၢ်တ ချုးဘၣ်ဒံးဘၣ်ဒီးကိၣ်ဂ့ၤ, ဘုဝဲာ်လၢမ့ၣ်အူဂ့ၤ, ဘုအ စဲၤသံကစဲာ်ဂ့ၤ, အီၣ်အီၤတဂ့ၤ. မ့ၢ်အလုၢ်အလၢ်အထူ အယိာ်လီၤလၢသုစၢၤသုသွဲၣ်အစိၤစိၤအဃၣ်ဃၣ်, လၢ သုအိၣ်သုဆိးအလီၢ်တပူၤလၢ်လၢ်လီၤ.
15 ဒီးလၢအိၣ်ဘှံးနံၤပူၤကွံာ်တနံၤ, လၢမုၢ်တနံၤလၢသု ဟဲစိာ်ဘုကဒိၣ်ဝၢ်အလီၢ်ခံန့ၣ် သုဘၣ်ဂံၢ်နွံအိၣ်ဘှံးနံၤ လၢလၢပှဲၤပှဲၤလၢသုဂီၢ်လီၤ.
16 တုၤလီၤလၢနွံအိၣ်ဘှံးနံၤ ပူၤကွံာ်တနံၤန့ၣ် သုဘၣ်ဂံၢ်ထီၣ်မုၢ်နံၤယဲၢ်ဆံလီၤ. ဒီး သုဘၣ်မၤဘူၣ်ယွၤလၢတၢ်မၤဘူၣ်ကိၣ်အသီလီၤ.
17 ဒီးသုဘၣ်ဟဲစိာ်ထီၣ် ကိၣ်ဝၢ်အသးခံဖျၢၣ်လၢခံအ့ စရိၣ်လၢသုအိၣ်သုဆိးအလီၢ်ပူၤလီၤ. ဘၣ်မၤအသး လၢကိၣ်ကမူၣ်, ဒီးဘၣ်ကုၢ်အီၤဒီးကိၣ်မံၣ်လီၤ. မ့ၢ် တၤသၣ်ဆိလၢယွၤအဂီၢ်လီၤ.
18 ဒီးသုဘၣ်မၤဘူၣ်သိဖိအလၢအပှဲၤတနံၣ်ဖိနွံဒု, ဒီး ဂီၤဖံးဖိတဒု, ဒီးသိဖါခံဒုဒီးကိၣ်န့ၣ်လီၤ. ဒီးကကဲထီၣ် တၢ်လုၢ်မ့ၣ်အူလၢယွၤအဂီၢ်, ဒီးတၢ်မၤဘူၣ်ကိၣ်, ဒီး တၢ်လုၢ်အီန့ၣ်, တၢ်လုၢ်လၢမ့ၣ်အူ, တၢ်နၢမူလၢယွၤ အဂီၢ်လီၤ.
19 ဒီးသုဘၣ်လုၢ်မဲာ်တဲးလဲးဖါတဒုလၢ တၢ်လုၢ်တၢ်ဒဲး ဘးအဂီၢ်, ဒီးသိဖိတနံၣ်ဖိခံဒုလၢတၢ်မၤဃူမၤဖိးအတၢ် လုၢ်အဂီၢ်လီၤ.
20 ပှၤလုၢ်တၢ်အဒိၣ်ဘၣ်ဝၢ်အီၤဒီး တၤသၣ်ဆိအကိၣ်, တၢ်ဝၢ်လၢယွၤအမဲာ်ညါအိၣ်ဒီးသိဖိခံဒုလီၤ. ကကဲထီၣ် တၢ်စီဆှံလၢယွၤအဂီၢ်လၢပှၤလုၢ်တၢ်အဒိၣ်အဂီၢ်လီၤ.
21 ဒီးလၢမုၢ်တနံၤဃီဒၣ်ဝဲန့ၣ် သုဘၣ်ကိးထီၣ်တၢ်မၤ ဘူၣ်စီဆှံလၢသုဂီၢ်လီၤ. မၤတၢ်အကုၢ်အပှၤအတၢ်မၤနီ တမံၤတဂ့ၤ. မ့ၢ်အလုၢ်အလၢ်အထူအယိာ်လၢသုအိၣ် သုဆိးအလီၢ်တပူၤလၢ်လၢ်, လီၤလၢသုစၢၤသုသွဲၣ်အ စိၤစိၤအဃၣ်ဃၣ်လီၤ.
22 ဒီးတုၤသုကူးဘုဒီး, သုတကူးဘုလၢနစံာ်အသနၢၣ် ပူၤတုၤအလၢာ်တဂ့ၤ. ဒီးထၢထီၣ်ဘုလီၤတဲာ်ဖဲနကူး တၢ်န့ၣ်တဂ့ၤ. နဘၣ်ပာ်လီၤတဲာ်အီၤလၢပှၤဖှီၣ်ဖိယာ်ဖိ, ဒီးပှၤတခီဘီမုၢ်ဖိအဂီၢ်လီၤ. ယဲဒၣ်အံၤယမ့ၢ်ယွၤသုက စၢ်လီၤ.ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,
23-24 ကတိၤ ထီၣ်တၢ်ဒီးပှၤအံၣ်စရ့လးဖိဒီးစံး, နွံလါတလါထီၣ်တ နံၤန့ၣ်သုဘၣ်အိၣ်ဒီး တၢ်အိၣ်ဘှံးအတၢ်သ့ၣ်နီၣ်ထီၣ် က့ၤတၢ်ဒီးတၢ်အူကွဲၤ, တၢ်မၤဘူၣ်စီဆှံလီၤ.
25 သုတ မၤတၢ်အကုၢ်အပှၤအတၢ်မၤနီတမံၤတဂ့ၤ. ဒီးသုဘၣ် လုၢ်ယွၤလၢတၢ်လုၢ်မ့ၣ်အူလီၤ.ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,
26-27 ဒီးမ့မ့ၢ် လါနွံလါတလါအံၤထီၣ် ဆံဆဲၣ်နံၤတနံၤန့ၣ်မ့ၢ်တၢ်ပူၤ ဖျဲးအနံၤလီၤ. ကကဲထီၣ်တၢ်မၤဘူၣ်စီဆှံလၢသုဂီၢ်ဒီးသု ဘၣ်ဆီၣ်လီၤသုသး, ဒီးလုၢ်ယွၤလၢ တၢ်လုၢ်မ့ၣ်အူ လီၤ.
28 ဒီးလၢတနံၤဃီန့ၣ် သုတမၤတၢ်မၤနီတမံၤတ ဂ့ၤ. အဂ့ၢ်ဒ်အံၤ, မ့ၢ်တၢ်မၤပူၤဖျဲးအနံၤလၢအကမၤတၢ် ပူၤဖျဲးလၢသုဂီၢ်လၢယွၤသုကစၢ်အမဲာ်ညါလီၤ.
29 အဂ့ၢ်ဒ်အံၤ, လၢမုၢ်တနံၤဃီဒၣ်ဝဲန့ၣ် ပှၤလၢအတ ဆီၣ်လီၤဘၣ်အသးတဂၤလၢ်လၢ်န့ၣ် ကဘၣ်တၢ်ဒီၣ် တဲာ်ကွံာ်အီၤဒီးအပှၤတကလုာ်ဒၣ်အီၤလီၤ.
30 ဒီးကယဲၢ် ပှၤလၢအမၤတၢ်တမံၤမံၤလၢ မုၢ်တနံၤဃီဒၣ်ဝဲန့ၣ်တဂၤ လၢ်လၢ်ဒီး, ယကမၤဟးဂီၤကွံာ်ပှၤတဂၤန့ၣ်လၢအပှၤ ဂီၢ်မုၢ်အကျါလီၤ.
31 ဒီးမၤတၢ်မၤနီတမံၤတဂ့ၤ. မ့ၢ်တၢ် အလုၢ်အလၢ်အထူအယိာ်, လီၤလၢသုစၢၤသုသွဲၣ်, လၢ သုအိၣ်သုဆိးအလီၢ်ခဲလၢာ်အပူၤလီၤ.
32 ကကဲထီၣ်တၢ် အိၣ်ဘှံးအတၢ်အိၣ်ဘှံး, ဒီးသုဘၣ်ဆီၣ်လီၤသုသးလီၤ. လါထီၣ်ခွံနံၤတနံၤန့ၣ်သုဘၣ်အိၣ်ဘှံးလၢမုၢ်ဟါခီ, လၢ မုၢ်ဟါတုၤလၢမုၢ်ဟါ, သုဘၣ်တိၢ်န့ၢ်သုအိၣ်ဘှံးအနံၤ လီၤ.ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,
33-34 ကတိၤ တၢ်ဒီးပှၤအံၣ်စရ့လးဖိဒီးစံး, လါနွံလါတလါန့ၣ်လါ ထီၣ်တဆံယဲၢ်နံၤတနံၤ, မ့ၢ်ဘူၣ်ဒဲနွံနံၤ လၢယွၤအဂီၢ် လီၤ.
35 မုၢ်ခီၣ်ထံးန့ၣ်မ့ၢ်တၢ်မၤဘူၣ်စီဆှံလီၤ. မၤတၢ် အကုၢ်အပှၤအတၢ်မၤနီတမံၤတဂ့ၤ.
36 သုဘၣ်လုၢ်ယွၤလၢတၢ်လုၢ်မ့ၣ်အူလၢနွံနံၤလီၤ. ဃိး နံၤတနံၤန့ၣ်မ့ၢ်တၢ်မၤဘူၣ်စီဆှံလၢသုဂီၢ်, ဒီးသုဘၣ် လုၢ်ယွၤလၢတၢ်လုၢ်မ့ၣ်အူလီၤ. မ့ၢ်တၢ်မၤဘူၣ်ဖးဒိၣ် တနံၤလီၤ. မၤတၢ်အကုၢ်အပှၤအတၢ်မၤနီတမံၤတဂ့ၤ.
37 အဝဲသ့ၣ်တဖၣ်န့ၣ်မ့ၢ်ယွၤအတၢ်မၤဘူၣ်အနံၤ လၢသု ဘၣ်ကိးထီၣ်လၢတၢ်ကိးဖှိၣ်စီဆှံတဖၣ်,ဒ်သိးပှၤကလုၢ် ယွၤလၢတၢ်လၢမ့ၣ်အူ, တၢ်လုၢ်မ့ၣ်အူ, ဒီးတၢ်မၤဘူၣ် ကိၣ်, တၢ်လုၢ်, ဒီးတၢ်လုၢ်အီတဖၣ်တနံၤအတၢ်လၢ အနံၤဒၣ်ဝဲအပူၤလီၤ.
38 လၢယွၤအတၢ်အိၣ်ဘှံးနံၤတဖၣ်အမဲာ်ညါ, ဒီးလၢသု မၤဘူၣ်တၢ်အမဲာ်ညါ, ဒီးလၢသုမၤဘူၣ်ဘၣ်ဃးဒီးဆိၣ် တၢ်ခဲလၢာ်အမဲာ်ညါ, ဒီးလၢသုမၤဘူၣ်ဒၣ်တၢ်ခဲလၢာ် လၢသုဟ့ၣ်လၢယွၤအမဲာ်ညါ, အန့ၣ်အိၣ်ဝဲလီၤ.
39 ဒီးမ့မ့ၢ်လါနွံလါတလါ, လါထီၣ်တဆံယဲၢ်နံၤတနံၤ န့ၣ်တုၤသုထၢဖှိၣ်ဟီၣ်ခိၣ်အတၤသၣ်ဝံၤဒီး, သုဘၣ်မၤ ဘူၣ်တၢ်လၢယွၤနွံနံၤလီၤ. မုၢ်ခီၣ်ထံးန့ၣ်မ့ၢ်အိၣ်ဘှံးနံၤ, ဒီးဃိးနံၤတနံၤန့ၣ်မ့ၢ်အိၣ်ဘှံးနံၤလီၤ.
40 ဒီးမုၢ်ခီၣ်ထံးန့ၣ် သုဘၣ်ဟံးန့ၢ်သ့ၣ်အဃံအလၤအတၤသၣ်ဒီး စူၣ်ပလိၣ် အဒ့, ဒီးသ့ၣ်ခဲအဒ့, ဒီးထံကျိအပံၢ်သလိလီၤ. ဒီးသု ဘၣ်သူၣ်ခုသးခုလၢယွၤသုကစၢ်အမဲာ်ညါနွံနံၤလီၤ.
41 ဒီးသုဘၣ်မၤအီၤလၢတၢ်ဘူၣ်လၢယွၤအဂီၢ် တနံၣ်နွံ နံၤလီၤ. မ့ၢ်တၢ်အလုၢ်အလၢ်အထူအယိာ် လီၤလၢသု စၢၤသုသွဲၣ်အစိၤစိၤအဃၣ်ဃၣ်လီၤ. သုဘၣ်မၤဘူၣ်တၢ် န့ၣ်လၢလါနွံလါတလါအပူၤလီၤ.
42 သုဘၣ်အိၣ်ဘၣ်ဆိးလၢဒဲပူၤနွံနံၤဒီး, ကယဲၢ်ပှၤလၢ အအိၣ်ဖျဲၣ်ပှၤအံၣ်စရ့လးဖိခဲလၢာ် ဘၣ်အိၣ်ဘၣ်ဆိး လၢဒဲပူၤ,
43 ဒ်သိးသုစၢၤသုသွဲၣ်ကသ့ၣ်ညါလၢယဒုး အိၣ်ဒုးဆိးအီၤလၢ ဒဲပူၤတုၤယဒုးဟးထီၣ်ပှၤအံၣ်စရ့ လးဖိလၢကီၢ်အဲၤကူပတူးအပူၤန့ၣ်လီၤ. ယဲဒၣ်အံၤယ မ့ၢ်ယွၤသုကစၢ်လီၤ.
44 ဒီးစီၤမိၤရှ့စံးဘၣ်တဲဘၣ်ပှၤအံၣ်စရ့လးဖိ လၢယွၤအ မၤဘူၣ်အနံၤတဖၣ်လီၤ.