10
ဒီးစီၤအၤဟရိၣ်အဖိခွါစီၤနၤဒး, ဒီးစီၤအဘံဟူၤဟံးန့ၢ် သပၢၤမ့ၣ်အူ, တဂၤတဖျၢၣ်တဂၤဖျၢၣ်, ဒီးပာ်မ့ၣ်အူ လၢအပူၤ, ဒီးပာ်တၢ်နၢမူဆိၣ်ကဲၤလၢအဖီခိၣ်, ဒီးမၤ ဘူၣ်ယွၤလၢမ့ၣ်အူ လီၤဆီဒၣ်တၢ်လၢအတမၤလိာ်ဘၣ် အီၤဘၣ်, ဒီးမ့ၣ်အူဟဲထီၣ်လၢယွၤအအိၣ်, ဒီးအီၣ် ကွံာ်အီၤ, ဒီးသံဝဲလၢယွၤအမဲာ်ညါလီၤ.
ဒီးစီၤမိၤရှ့စံးဘၣ်စီၤအၤဟရိၣ်, အအံၤမ့ၢ်တၢ်လၢယွၤ ကတိၤတၢ်ဒီးစံး, ယကဒိးတၢ်ပာ်စီဆှံယၤလၢပှၤလၢအ သုးဘူးအသးဆူယအိၣ်, ဒီးလၢကယဲၢ်ပှၤဂီၢ်မုၢ်အမဲာ် ညါန့ၣ်ယကဒိးတၢ်မၤလၤကပီၤယၤလီၤ. ဒီးစီၤအၤဟ ရိၣ်အိၣ်ဘှီၣ်ကလာ်လီၤ.
ဒီးစီၤမိၤရှ့ကိးန့ၢ် စီၤအၤဟရိၣ်အဖါတံၢ် စီၤဧူးစံၤအ့ လးအဖိခွါစီၤမံၡအ့လး, ဒီးစီၤအ့လံစၤဖၣ်, ဒီးစံးဘၣ် အီၤ, ဟဲဃီၤ, ဒီးစိာ်ကွံာ်သုဒီပုၢ်ဝဲၢ်လၢတၢ်အလီၢ်စီဆှံ အမဲာ်ညါဆူပှၤသူၣ်ဒဲအလီၢ်လၢခိန့ၣ်တက့ၢ်. ဒီးအဝဲ သ့ၣ်သုးဘူးအသး, ဒီးစိာ်ထီၣ်ကွံာ်အီၤအိၣ်ဒီးအဆ့ဆူ ပှၤသူၣ်ဒဲအလီၢ်လၢခိ, ဒ်စီၤမိၤရှ့စံးဝဲအသိးန့ၣ်လီၤ.
ဒီးစီၤမိၤရှ့စံးဘၣ်စီၤအၤဟရိၣ်, ဒီးအဖိခွါစီၤအလၤဧ စၢ်, ဒီးစီၤအံသမၢ်, မၤအိၣ်ဘ့ၣ်ခိၣ်သုခိၣ်တဂ့ၤ, ဖှီသု ကူသုသိးတဂ့ၤ, ဒ်သိးသုသုတသံတဂ့ၤ, ဒီးဒ်သိးပှၤဂီၢ် မုၢ်အသုတဘၣ်တၢ်သးထီၣ်အီၤတဂ့ၤဒီး, မ်သုဒီပုၢ်ဝဲၢ်, ပှၤအံၣ်စရ့လးဖိဒီဟံၣ်ညါ ဟီၣ်တၢ်ယၢၤတၢ်လၢမ့ၣ်အူ လၢယွၤဆိၣ်ကဲၤဝဲအဃိန့ၣ်တက့ၢ်. ဒီးဒ်သိးသုသုတ သံတဂ့ၤဒီး, ဟးထီၣ်လၢတၢ်အိၣ်ဖှိၣ်အဒဲအကျဲစၢၤတ ဂ့ၤ. အဂ့ၢ်ဒ်အံၤ, ယွၤအသိဖှူတၢ်အိၣ်ဝဲလၢသုလိၤလီၤ. ဒီးမၤဝဲဒ်စီၤမိၤရှ့အတၢ်ကတိၤအသိးန့ၣ်လီၤ.ဒီးယွၤကတိၤတၢ်ဒီးစီၤအၤဟရိၣ်, ဒီးစံးဝဲဒၣ်, 8-9 ဒ် သိးသုသုတသံတဂ့ၤဒီး, တုၤသုလဲၤနုာ်လၢတၢ်အိၣ်ဖှိၣ် အဒဲပူၤဒီး, စပံးထံမ့ၢ်ဂ့ၤ, သံးမ့ၢ်ဂ့ၤ, နဲဒၣ်ဒီးနဖိခွါတ ဖၣ်န့ၣ်အီတဂ့ၤ, မ့ၢ်တၢ်အလုၢ်အလၢ်အထူအယိာ်လီၤ လၢသုစၢၤသုသွဲၣ်အစိၤစိၤအဃၣ်ဃၣ်လီၤ. 10 ဒီးဒ်သိး သုကနီၤဖးတၢ်စီဆှံ, ဒီးတၢ်တစီဆှံဘၣ်အဆၢ, ဒီး တၢ်ကဆှီ, ဒီးတၢ်တကဆှီဘၣ်အဆၢ, 11 ဒီးဒ်သိးသု ကသိၣ်လိပှၤအံၣ်စရ့လးဖိလၢ ကယဲၢ်တၢ်မၤလိာ်လၢ ယွၤစံးဘၣ်အီၤလၢစီၤမိၤရှ့အစုပူၤန့ၣ်လီၤ.
12 ဒီးစီၤမိၤရှ့စံးဘၣ် စီၤအၤဟရိၣ်ဒီးအဖိခွါတဖၣ်လၢအ အိၣ်လီၤတဲာ်, စီၤအလၤဧစၢ်ဒီးစီၤအံသမၢ်, ဟံးန့ၢ်တၢ် အိၣ်လီၤတဲာ်လၢတၢ်လုၢ်လၢမ့ၣ်အူ, လၢယွၤအဂီၢ်, တၢ် မၤဘူၣ်ကိၣ်န့ၣ်, ဒီးအီၣ်အီၤတအိၣ်ဒီးကိၣ်မံၣ်လၢတၢ် လုၢ်လီၢ်အဃၢၤတက့ၢ်. အဂ့ၢ်ဒ်အံၤ, မ့ၢ်တၢ်စီဆှံက တၢၢ်လီၤ.
13 ဒီးသုဘၣ်အီၣ်အီၤလၢအလီၢ်စီဆှံအပူၤလီၤ. အဂ့ၢ်ဒ် အံၤ, မ့ၢ်နဂီၢ်ဒီးနဖိခွါတဖၣ်အဂီၢ်လၢတၢ်လုၢ်မ့ၣ်အူလၢ ယွၤအဂီၢ်တဖၣ်အကျါလီၤ. အဂ့ၢ်ဒ်အံၤ, တၢ်မၤလိာ် ယၤဒ်န့ၣ်လီၤ.
14 ဒီးသးနါပှၢ်အဝၢ်, ဒီးဖံဘၣ်ခိၣ်အဝံၢ်န့ၣ်သုဘၣ်အီၣ် လၢတၢ်အလီၢ်ကဆှီ, နဲဒၣ်ဒီးနဖိခွါ, ဒီးနဖိမုၣ်အိၣ်ဒီး နၤလီၤ. အဂ့ၢ်ဒ်အံၤ, မ့ၢ်နဂီၢ်ဒီးနဖိခွါအဂီၢ်လၢတၢ်ဟ့ၣ် လၢပှၤအံၣ်စရ့လးဖိအတၢ်လုၢ်မၤဃူမၤဖိးအကျါလီၤ.
15 ဖံဘၣ်ခိၣ်အဝံၢ်ဒီးသးနါပှၢ်အဝၢ်န့ၣ်, ပှၤဘၣ်ဟဲစိာ် ဒီးတၢ်လုၢ်မ့ၣ်အူလၢတၢ်သိ, ဒ်သိးအကဝၢ်ဝဲလၢတၢ် ဝၢ်လၢယွၤအမဲာ်ညါလီၤ. ဒီးကကဲထီၣ်နတၢ်ဒီးနဖိခွါ လၢအအိၣ်ဒီးနၤအတၢ်လီၤ. မ့ၢ်တၢ်အလုၢ်အလၢ်အထူ အယိာ်, ဒ်ယွၤမၤလိာ်ဝဲအသိးန့ၣ်လီၤ.
16 ဒီးစီၤမိၤရှ့ဃုတၢ်လုၢ်တၢ်ဒဲးဘး အမဲာ်တဲးလဲးတဒုသ ပှၢ်ပှၢ်, ဒီးကွၢ်ကွၢ်, မ့ၣ်အူအီၣ်ကွံာ်လံအီၤလံဒီးအသး ထီၣ်ဘၣ်စီၤအၤဟရိၣ်အဖိခွါ လၢအအိၣ်လီၤတဲာ်, စီၤ အလၤဧစၢ်ဒီးစီၤအံသမၢ်, ဒီးစံးဝဲဒၣ်, 17 သုတအီၣ်ဘၣ် တၢ်လုၢ်တၢ်ဒဲးဘးလၢတၢ်အလီၢ်စီဆှံအပူၤဘၣ်, မ့ၢ်အ ဘၣ်မနုၤလဲၣ်, မ့ၢ်တၢ်စီဆှံကတၢၢ်ဒီးတၢ်ဟ့ၣ်လီၤသုဒ် သိးသုကစိာ်တၢ်အိၣ်ဖှိၣ်အတၢ်ဒဲးဘး, ဒီးမၤတၢ်ပူၤဖျဲးလၢ အဂီၢ်လၢယွၤအမဲာ်ညါလီၤ. 18 ကွၢ်ကွၢ်,ပှၤတဟဲစိာ်ဘၣ် အသွံၣ်ဆူတၢ်အလီၢ်စီဆှံအပူၤဘၣ်, သုဂ့ၤအီၣ်အီၤလၢ တၢ်အလီၢ်စီဆှံပူၤ,ဒ်ယမၤလိာ်တၢ်အသိးန့ၣ်လီၤ.
19 ဒီးစီၤအၤဟရိၣ်စံးဘၣ်စီၤမိၤရှ့, ကွၢ်ကွၢ်, တၢ်လၢမုၢ် မဆါတနံၤအံၤအဝဲသ့ၣ်လုၢ်အတၢ်လုၢ်တၢ်ဒဲးဘး, ဒီး အတၢ်လုၢ်မ့ၣ်အူလၢယွၤအမဲာ်ညါ, ဒီးတၢ်ဘၣ်ယၤဒ် တၢ်န့ၣ်တဖၣ်အသိး, ဒီးယမ့ၢ်အီၣ်တၢ်လုၢ်တၢ်ဒဲးဘး လၢမုၢ်မဆါတနံၤအံၤဒီး, မ့ၢ်အဂ့ၤလၢယွၤအမဲာ်ညါစ့ၢ် ကီးဧါ. ဒီးစီၤမိၤရှ့ကနၣ်ဝဲ, ဒီးဂ့ၤဝဲလၢအမဲာ်ညါလီၤ.