2
1 ဒီးတၢ်မၤအသးလၢ မုၢ်နံၤတဖၣ်န့ၣ်, ကဲစၢ်အီၤကူစ တူးအကလုၢ်လီၤလၢ ပှၤအိၣ်လၢဟီၣ်ခိၣ်ချၢခဲလၢာ်, အ မံၤကဘၣ်ဆဲးလီၤအသးလီၤ.
2 တၢ်ဆဲးလီၤအမံၤအံၤ, ကဲ ထီၣ်ဆိဖဲစီၤကူၤရ့နံမ့ၢ်ကီၢ်စူၤရံအပဒိၣ်ဖးဒိၣ်လီၤ.
3 ဒီးပှၤ လဲၤဆဲးလီၤအမံၤတဂၤဆူအဝ့ၢ်ဒၣ်ဝဲ, တဂၤဆူအဝ့ၢ်ဒၣ် ဝဲ, ခဲလၢာ်လီၤ.
4 ဒီးစီၤယိၤသးန့ၣ်, မ့ၢ်လၢစီၤဒၤဝံးအဟံၣ် ဖိဒီးအစၢၤအသွဲၣ်ဒီး,
5 ဒ်သိးအကဆဲးလီၤအမံၤဒီး အ မါနီၢ်မၤရံလၢအဘၣ်တၢ်အဲၣ်တီဒီးအီၤ လၢအအိၣ်ဒီးအ ဟုးအသးန့ၣ်ဒီး, လဲၤထီၣ်လၢကၤလံၤလါလၢဝ့ၢ်နစၤရ့း အပူၤ, ဆူစီၤဒၤဝံးအဝ့ၢ်ကိးဝဲလၢဘ့ၤသလ့ဃ့ၣ်အိၣ်လၢ ကီၢ်ယူဒၤလီၤ.
6 ဒီးလၢအအိၣ်ဝဲဖဲန့ၣ်, တၢ်မၤအသးလၢ အမုၢ်အလါဘၣ်လၢအကဆံးစၢ်အဖိ,
7 ဒီးဆံးစၢ်န့ၢ်အ ဖိဝဲၢ်ကိပိာ်ခွါ, ဒီးဘိၣ်ဘံဃာ်အီၤလၢတၢ်ကံးညာ်, ဒီး ပုာ်မံလီၤအီၤလၢဂီၤဖံးအီၣ်တၢ်အလီၢ်လီၤ. အဂ့ၢ်ဒ်အံၤ, အလီၢ်တအိၣ်ဘၣ်လၢအဝဲသ့ၣ်အဂီၢ်လၢဘျီၣ်ပူၤဘၣ်.
8 ဒီးလၢကီၢ်အဝဲန့ၣ်အပူၤ, ပှၤကွၢ်သိတဖၣ်အိၣ်ဝဲလၢ ပှၢ်လၢ်ကျါ, ဒီးကွၢ်အသိလၢမုၢ်နၤလီၤ.
9 ဒီးကွၢ်ကွၢ်, ယွၤ အကလူးတဂၤဆၢထၢၣ်လၢအဃၢၤ, ဒီးယွၤအလၤအက ပီၤကပီၤထီၣ်ဝးတရံးအီၤ ကပြုၢ်ကပြီၤသတးဒီးအသူၣ် ပျံၤအသးဖုးဝဲဒိၣ်မးလီၤ.
10 ဒီးကလူးန့ၣ်စံးဘၣ်အီၤ, ပျံၤ တၢ်တဂ့ၤ. အဂ့ၢ်ဒ်အံၤ, ကွၢ်ကွၢ်, ယစံးဘၣ်သုလၢတၢ် သးခုဖးဒိၣ်အကစီၣ်, လၢအကကဲထီၣ်လၢ ပှၤဂီၢ်မုၢ်ခဲ လၢာ်အဂီၢ်လီၤ.
11 အဂ့ၢ်ဒ်အံၤ, အအံၤတနံၤအံၤ, ပှၤလၢ အအုၣ်က့ၤခီၣ်က့ၤတၢ်တဂၤန့ၣ်, အိၣ်ဖျဲၣ်ဝဲလၢ သုဂီၢ် လၢစီၤဒၤဝံးအဝ့ၢ်ပူၤလံ. အဝဲဒၣ်မ့ၢ်ခရံာ်ကစၢ်န့ၣ်လီၤ.-
12 ဒီးအပနီၣ်လၢသုဂီၢ်မ့ၢ်အအံၤ, သုကထံၣ်န့ၢ်ဖိသၣ်ဘၣ် ဘိၣ်ဘံဃာ်အသးလၢတၢ်ကံးညာ်, ဒီးအိၣ်မံလီၤလၢဂီၤ ဖံးအီၣ်တၢ်အလီၢ်လီၤ.
13 ဒီးမူခိၣ်သုးမုၢ်အဂီၢ်မုၢ်အိၣ်ထီၣ် သတူၢ်ကလာ်လၢကလူးတဂၤန့ၣ်အသိး, ဒီးသးဝံၣ်ထီၣ် ယွၤ, ဒီးစံးဝဲဒၣ်, တၢ်လၤကပီၤ, မ်အဘၣ်ယွၤလၢတၢ်ထီ ကတၢၢ်တက့ၢ်.
14 မ်တၢ်အမုာ်အိၣ်ထီၣ်လၢဟီၣ်ခိၣ်ချၢ, ဒီးတၢ်ဘၣ်အသးလၢပှၤကညီတက့ၢ်.
15 ဒီးတုၤကလူးတဖၣ်က့ၤထီၣ်ကွံာ် လၢအအိၣ်ဆူမူခိၣ် ဒီး, တၢ်မၤအသးလၢပှၤကွၢ်သိတဖၣ်စံးလိာ်အသး, မ်ပ လဲၤသကိး ပၢၢ်လၢဘ့ၤသလ့ဃ့ၣ်, ဒီးကွၢ်တၢ်မၤအသး အံၤ, လၢကစၢ်ဒုးသ့ၣ်ညါပှၤတက့ၢ်.
16 ဒီးလဲၤဝဲတကူၢ် သ့ၣ်ချ့သဒံး, ဒီးထံၣ်န့ၢ်နီၢ်မၤရံဒီးစီၤယိၤသး, ဒီးဖိသၣ် အိၣ်မံလီၤလၢဂီၤဖံးအီၣ်တၢ်အလီၢ်လီၤ.
17 ဒီးတုၤအထံၣ် တၢ်ဒီး, တၢ်လၢတၢ်စံးဘၣ်တဲဘၣ်အီၤလၢ ဖိသၣ်အဂ့ၢ် အကျိၤန့ၣ်, အဝဲသ့ၣ်ဘိးဘၣ်သ့ၣ်ညါ ပှၤအိၣ်ဝဲသကုၤ ဆးဒးလီၤ.
18 ဒီးကယဲၢ်ပှၤလၢအနၢ်ဟူဝဲတဖၣ်, ကမၢက မၣ်လၢ တၢ်လၢပှၤကွၢ်သိစံးဘၣ်တဲဘၣ်အီၤအဃိလီၤ.-
19 ဒီးတၢ်န့ၣ်တဖၣ်ခဲလၢာ်, နီၢ်မၤရံတိၢ်န့ၢ်ဝဲ, ဒီးဆိကမိၣ်ဝဲ လၢအသးလီၤ.
20 ဒီးပှၤကွၢ်သိတဖၣ်န့ၣ်က့ၤက့ၤဝဲ, ဒီးစံး ထီၣ်ပတြၢၤဒီးသးဝံၣ်ထီၣ်ယွၤ, လၢတၢ်လၢအနၢ်ဟူဒီး ထံၣ်ဘၣ်ခဲလၢာ်အဃိ ဒ်တၢ်စံးဘၣ်အီၤအသိးန့ၣ်လီၤ.
21 ဒီးတုၤဃိးနံၤပှဲၤထီၣ်လၢ ဖိသၣ်ကဘၣ်တၢ်ကူးတရံး ဒီး, တၢ်ယုၢ်ဝဲအမံၤလၢယ့ၣ်ရှူး, ဒ်ကလူးန့ၣ်ယုၢ်ပာ်ဝဲလၢ အတချုးအိၣ်ထီၣ်ဒံးဘၣ်လၢဟၢဖၢပူၤ, အသိးန့ၣ်လီၤ.
22 ဒီးတုၤအဝဲသ့ၣ်မၤကဆှီအသး အနံၤတဖၣ်ပှဲၤထီၣ်,ဒ်စီၤမိၤရှ့အလုၢ်အလၢ်အသိးန့ၣ်ဒီး, အဝဲသ့ၣ်လဲၤစိာ်အီၤ,ဆူယရူၤၡလ့ၣ်, ဒ်သိးအကပာ်အီၤလၢယွၤအမဲာ်ညါ,-
23 (ဒ်တၢ်ကွဲးအသးလၢ ယွၤအတၢ်သိၣ်တၢ်သီအပူၤ အ သိး, လၢကယဲၢ်ပိာ်ခွါလၢအအိးထီၣ် တၢ်အဒၢလီၢ်တ ဂၤလၢ်လၢ်, ကဘၣ်တၢ်ကိးအီၤလၢတၢ်စီဆှံလၢယွၤအ ဂီၢ်,)Ref 2.23 ၂မိၤ. ၁၃း၂,
24 ဒီးလုၢ်ထီၣ်တၢ်, ဒ်တၢ်စံးပာ်ဝဲ လၢယွၤအတၢ်သိၣ်တၢ်သီအပူၤအသိးန့ၣ်, ထိၣ်လွံၢ်ဘုၣ် ခံဘ့ၣ်, မ့တမ့ၢ်ဘၣ်ဒီး, ကးက့ၣ်ဖိခံဘ့ၣ်လီၤ.Ref 2.24 ၃မိၤ. ၁၂း၈.
25 ဒီးကွၢ်ကွၢ်, ပှၤကိးအမံၤလၢစီၤစူၤမ့းအိၣ်တဂၤ, အိၣ်ဝဲလၢယရူၤၡလ့ၣ်အပူၤလီၤ. ဒီးတၢ်လၢပှၤတဂၤန့ၣ်, မ့ၢ်ပှၤအတီအလိၤ, ဒီးယူးယီၣ်ယွၤ, ဒီးကွၢ်လၢ်အံၣ်စရ့လးအတၢ်မၤမုာ်အီၤအကျဲ, ဒီးသးစီဆှံအိၣ်လၢအလိၤလီၤ.-
26 ဒီးသးစီဆှံဒုးနဲၣ်အီၤလၢ အတချုးထံၣ်ဒံးဘၣ်တၢ်သံဒီး, ကထံၣ်ဘၣ်ကစၢ်အခရံာ်န့ၣ်လီၤ.
27 ဒီးလဲၤဝဲလၢသးန့ၣ် ဆူတၢ်လုၢ်အဟံၣ်ပူၤလီၤ. ဒီးဖဲအမိၢ်အပၢ်ဟဲနုာ် စိာ်ဖိ သၣ်ယ့ၣ်ရှူး, ဒ်သိးအကမၤတၢ်လၢအဃိဒ်တၢ်သိၣ်တၢ် သီအလုၢ်အလၢ်အသိးန့ၣ်ဒီး,
28 အဝဲဒၣ်ဟံးထီၣ်အီၤလၢ အစုလိၤ, ဒီးစံးထီၣ်ပတြၢၤယွၤ, ဒီးစံးဝဲဒၣ်,
29 ကစၢ်ဧၢ, ဒ်နကလုၢ်နကထါအသိးန့ၣ်, ခဲကနံၣ်အံၤ, ပျၢ်နခ့နပှၤ ယၤအံၤမုာ်မုာ်တက့ၢ်.
30 အဂ့ၢ်ဒ်အံၤ, ယမဲာ်ထံၣ်ဘၣ်န တၢ်အုၣ်က့ၤခီၣ်က့ၤ,
31 လၢနကတဲာ်ကတီၤလၢပှၤဂီၢ်မုၢ် တဖၣ်ခဲလၢာ်အမဲာ်ညါ,
32 တၢ်ကပီၤလၢ တၢ်မၤကပီၤ ထီၣ်ပှၤကလုာ်တဖၣ်အဂီၢ်, ဒီးနပှၤဂီၢ်မုၢ်အံၣ်စရ့လးအ လၤအကပီၤလီၤ.
33 ဒီးမ့ၢ်တၢ်လၢအကတိၤဝဲလၢအဂ့ၢ်ဒီး, အမိၢ်ဒီးစီၤယိၤ သးကမၢကမၣ်လီၤ.
34 ဒီးစီၤစူၤမ့းအိၣ်ဆိၣ်ဂ့ၤအဝဲသ့ၣ်, ဒီးစံးဘၣ်အမိၢ်နီၢ်မၤရံ, ကွၢ်ကွၢ်, ဒ်သိးပှၤအါဂၤအတၢ် ကူၣ်တၢ်ဖးကအိၣ်ဖျါဒီး, အဝဲတဂၤအံၤဘၣ်တၢ်ပာ်အီၤ လၢပှၤအံၣ်စရ့လးဖိ အါဂၤလီၤဃံၤအလီၢ်, ဒီးဂဲၤဆၢ ထၢၣ်က့ၤအလီၢ်, ဒီးလၢတၢ်ပနီၣ်လၢပှၤစံးအၢအီၤလီၤ.-
35 ဒီးနးတဘ့ၣ်ကဆဲးဖျိနသးဒၣ်နဲစ့ၢ်ကီးလီၤ.
36 ဒီးပှၤလၢစီၤအၤရှူၢ်အဒူၣ်ကျါ, စီၤဖနူၤအ့လးအဖိမုၣ် ဝံနီၢ်အၣ်နၤအိၣ်ဝဲတဂၤလီၤ.
37 ဒီးအဝဲဒၣ်အသးပှၢ်သဃဲး တ့ၢ်, ဒီးလၢအမုၣ်ကနီၤအလီၢ်ခံ, အိၣ်ဃုာ်ဒီးအဝၤနွံ နံၣ်, ဒီးအိၣ်ကမဲက့ၤဝဲတုၤအသးပှၢ်ဃိးဆံလွံၢ်နံၣ်ဃၣ် ဃၣ်, ဒီးဒုၣ်တၢ်အီၣ်တၢ်အီ, ဒီးဘါထုကဖၣ်တၢ်, ဒီး မၤယွၤအတၢ်လၢ မုၢ်နၤဆဲးလၢမုၢ်ဆါ, ဒီးတဟးဖးဒီး တၢ်လုၢ်ဟံၣ်ဘၣ်လီၤ.
38 ဒီးဖဲအဆၢအကတီၢ်န့ၣ်, အိၣ် ဆၢထၢၣ်ဝဲလၢအဃၢၤ, ဒီးစံးထီၣ်ပတြၢၤစ့ၢ်ကီးကစၢ်, ဒီးစံးဘၣ်တဲဘၣ်အဂ့ၢ်အပီၢ်လၢ ပှၤလၢအကွၢ်လၢ်တၢ် အုၣ်က့ၤခီၣ်က့ၤအကျဲ,လၢယရူၤၡလ့ၣ်အပူၤခဲလၢာ်လီၤ.
39 ဒီးမၤတၢ်ခဲလၢာ် ဒ်ယွၤအတၢ်သိၣ်တၢ်သီ အသိးဝံၤ ဒီး, က့ၤက့ၤဝဲဆူအဝ့ၢ်နစၤရ့း, လၢကီၢ်ကၤလံၤလါအပူၤ လီၤ.
40 ဒီးဖိသၣ်ဒိၣ်ထီၣ်ဝဲ, ဒီးအသးဆူၣ်ထီၣ်, ဒီးလၢပှဲၤ ဝဲဒီးတၢ်ကူၣ်ဘၣ်ကူၣ်သ့, ဒီးယွၤအဘျုးအဖှိၣ်အိၣ်လၢ အလိၤလီၤ.
41 ဒီးအမိၢ်အပၢ်လဲၤထီၣ်ဆူယရူၤၡလ့ၣ်ကိးနံၣ်ဒဲး, လၢ ဘူၣ်လဲၤကပာ်လီၤ.
42 ဒီးတၢ်မၤအသးလၢအသးပှၢ်ထီၣ် တဆံခံနံၣ်ဒီး, အဝဲသ့ၣ်ဒ်ဘူၣ်အလုၢ်အလၢ်အသိးန့ၣ်, လဲၤထီၣ်ဆူယရူၤၡလ့ၣ်,
43 ဒီးဖဲအမုၢ်နံၤတဖၣ်ပှဲၤထီၣ်ဝံၤ ဒီး, ပှၤတဖၣ်က့ၤက့ၤဝဲ, ဒီးဖိသၣ်ယ့ၣ်ရှူးအိၣ်လီၤတဲာ် လၢယရူၤၡလ့ၣ်အပူၤလီၤ. ဒီးစီၤယိၤသးဒီးအမိၢ်တသ့ၣ် ညါဘၣ်.
44 ဒီးဆိကမိၣ်ဝဲလၢအအိၣ်လၢပှၤလဲၤဒီးအီၤအ ကျါ, ဒီးက့ၤက့ၤဝဲတနံၤလဲၤကျဲလီၤ. ဒီးဃုအီၤသပှၢ်ပှၢ် လၢအဘူးအတံၢ်ဒီးအတံၤအသကိးအကျါ,
45 ဒီးတထံၣ် န့ၢ်ဘၣ်ဝဲဘၣ်, ဒီးက့ၤဃုက့ၤအီၤဆူယရူၤၡလ့ၣ်လီၤ.
46 ဒီးတၢ်မၤအသးလၢ သၢနံၤပူၤကွံာ်ဒီး, ထံၣ်န့ၢ်အီၤ အိၣ်လၢတၢ်လုၢ်အဟံၣ်ပူၤ, ဆ့ၣ်နီၤဝဲလၢသရၣ်သ့ၣ်တ ဖၣ်အသးကံၢ်ပူၤ, ဒီးကနၣ်အကလုၢ်, ဒီးသံကွၢ်အတၢ် လီၤ.
47 ဒီးမ့ၢ်အတၢ်ကူၣ်သ့, ဒီးအတၢ်စံးဆၢတၢ်သတး ဒီး, ပှၤနၢ်ဟူဝဲတဖၣ်န့ၣ်, ပာ်အသးကမၢကမၣ်ခဲလၢာ် လီၤ.
48 ဒီးတုၤအထံၣ်အီၤဒီး, ကမၢကမၣ်ဒိၣ်မး, ဒီးအမိၢ် စံးဘၣ်အီၤ, ဖိဧၢ, ဘၣ်မနုၤလၢနမၤပှၤဒ်အံၤလဲၣ်. ကွၢ် ကွၢ်, နပၢ်ဒီးယၤအံၤ, ပသူၣ်အုးသးအုးဒီး ပဃုလံနၤ လီၤ.
49 ဒီးစံးဘၣ်အီၤ, ဘၣ်မနုၤလၢသုဃုယၤလဲၣ်. သုတ သ့ၣ်ညါဘၣ်လၢ ယဘၣ်အိၣ်လၢယပၢ်အဟံၣ်ပူၤဘၣ် ဧါ.
50 ဒီးတၢ်ကတိၤလၢအစံးဘၣ်အီၤန့ၣ်, အဝဲသ့ၣ်အ နၢ်တပၢၢ်ဘၣ်လီၤ.
51 ဒီးအဝဲဒၣ်က့ၤက့ၤဝဲဒီးအီၤ, ဒီးလဲၤဆူနစၤရ့း, ဒီးပာ် အသးလၢအဖီလာ်လီၤ. ဒီးတၢ်တဖၣ်န့ၣ် အမိၢ်တိၢ်န့ၢ် လၢအသးခဲလၢာ်လီၤ.
52 ဒီးယ့ၣ်ရှူးဒိၣ်ထီၣ်လၢတၢ်ကူၣ်သ့, ဒီးလၢအနီၢ်ခိ, ဒီး လၢတၢ်ဘၣ်ယွၤအသးဒီးပှၤကညီအသးလီၤ.