15
1 ဒီးပှၤဃ့သွဲဒီးပှၤတၢ်ဒဲးဘးဖိခဲလၢာ်န့ၣ်, ဒ်သိးအက နၢ်ဟူဘၣ်တၢ်ဒီး, သုးဘူးအသးဆူအအိၣ်လီၤ.
2 ဒီးပှၤဖၤ ရံၤၡဲ, ဒီးပှၤကွဲးလံာ်သ့ၣ်တဖၣ်,ကဒူးကဒ့ၣ်တၢ်ဒီးစံးလၢ အတူၢ်လိာ်ပှၤတၢ်ဒဲးဘးဖိဒီး အီၣ်ဃုာ်တၢ်ဒီးအီၤလီၤ.ဒီးကတိၤဒိတၢ်အံၤ ဒီးစံးဘၣ်အီၤ,
3-4 ပှၤလၢသုကျါ လၢအအိၣ်ဒီးအသိတကယၤ, ဒီးမ့ၢ်ဟါမၢ်တဒုဒီး, တ ပာ်လီၤတဲာ်ဝဲခွံဆံခွံဒု လၢပှၢ်လၢ်ကျါဒီးတလဲၤဃုဘၣ် လၢအဟါမၢ်တဒုတုၤ, အထံၣ်န့ၢ်က့ၤဝဲန့ၣ်, မ့ၢ်မတၤ တဂၤလဲၣ်.
5 ဒီးထံၣ်န့ၢ်က့ၤဝဲဒီး, အသူၣ်ခုသးခု, ဒီးပာ် ထီၣ်အီၤလၢအဖံဘၣ်ခိၣ်,
6 ဒီးဟဲက့ၤဆူအဟံၣ်, ဒီးကိး ဖှိၣ်အတံၤအသကိးဒီး ပှၤအိၣ်လၢအဃၢၤတဖၣ်, ဒီးစံး ဘၣ်အီၤ, သးခုဒီးယၤတက့ၢ်. အဂ့ၢ်ဒ်အံၤယသိလၢအ ဟါမၢ်တဒုန့ၣ်, ယထံၣ်န့ၢ်က့ၤလံအီၤလံ.
7 ယစံးဘၣ် သု, ဒ်န့ၣ်အသိးတၢ်သးခုကအိၣ်လၢမူခိၣ်, လၢပှၤတၢ် ဒဲးဘးဖိတဂၤလၢအပီၢ်ယၢ်လီၤက့ၤအသးအဃိ, အါန့ၢ် ပှၤအတီအလိၤခွံဆံခွံဂၤ လၢအပီၢ်ယၢ်လီၤက့ၤအသးအ လီၢ်တအိၣ်ဘၣ်အဃိတက့ၢ်လီၤ.
8 ဒီးပိာ်မုၣ်အိၣ်ဒီးစ့ဒြးမူးဆံဆဲၣ်ဘ့ၣ်တဂၤ, ဒီးမ့ၢ်ဟါ မၢ်ကွံာ်တဘ့ၣ်ဒီး, တဒွဲၣ်ထီၣ်ဘၣ်အမ့ၣ်အူဒၢ, ဒီးတခွဲ ဘၣ်အဟံၣ်သပှၢ်ပှၢ်တုၤအထံၣ်န့ၢ်က့ၤဝဲန့ၣ်, မ့ၢ်မတၤ တဂၤလဲၣ်.
9 ဒီးထံၣ်န့ၢ်က့ၤဝဲဒီး, ကိးဖှိၣ်အတံၤအသ ကိး, ဒီးပှၤအိၣ်လၢအဃၢၤတဖၣ်, ဒီးစံးဘၣ်အီၤ, သး ခုဒီးယၤတက့ၢ်. အဂ့ၢ်ဒ်အံၤ, ယစ့ဒြးမူးလၢအဟါမၢ်တ ဘ့ၣ်ယထံၣ်န့ၢ်က့ၤလံအီၤလံ.
10 ဒ်န့ၣ်အသိး, ယစံးဘၣ် သု, တၢ်သးခုကအိၣ်လၢယွၤအကလူးတဖၣ်အမဲာ်ညါ, လၢပှၤတၢ်ဒဲးဘးဖိတဂၤ လၢအပီၢ်ယၢ်လီၤက့ၤအသးအ ဃိလီၤ.ဒီးစံးဝဲဒၣ်, မတၤတဂၤအဖိခွါအိၣ်ခံဂၤလီၤ.
11-12 ဒီး အဖိသဒါတဂၤစံးဘၣ်အပၢ်, ပၢ်ဧၢ, တၢ်ဖိတၢ်လံၤလၢန ကဟ့ၣ်သါယၤန့ၣ်, နီၤဖးဒီးဟ့ၣ်လီၤယၤတက့ၢ်. ဒီးအဝဲ ဒၣ်နီၤဖးတၢ်ဖိတၢ်လံၤ, ဒီးဟ့ၣ်လၢအဝဲသ့ၣ်လီၤ.
13 ဒီး တအါနံၤအါသီဘၣ်ဒီး, အဖိသဒါတဂၤန့ၣ်ပာ်ဖှိၣ်အစု လီၢ်အခီၣ်ခိၣ်ခဲလၢာ်, ဒီးလဲၤဝဲဆူကီၢ်အယံၤလီၤ. ဒီးအီၣ် ဂီၤကွံာ်အစုလီၢ်အခီၣ်ခိၣ်ဖဲန့ၣ် လၢတၢ်လုၣ်ကိလုၣ်က ပာ်အပူၤလီၤ.
14 ဒီးအီၣ်ဂီၤကယဲၢ်အတၢ်တုၤအလၢာ်ဒီး, တၢ်သၣ်ဝံၤလီၤဒိအိၣ်ထီၣ်လၢကီၢ်တဘ့ၣ်န့ၣ်အပူၤ, ဒီး ဘၣ်ဖှီၣ်ဘၣ်ယာ်ဝဲဒၣ်လီၤ.
15 ဒီးလဲၤအိၣ်ဝဲဒီးပှၤကီၢ်ဖိတ ဂၤဒီးအဝဲဒၣ်မၢအလဲၤကွၢ် အထိးတဖၣ်လၢပှၢ်လၢ်ကျါ လီၤ.
16 ဒီးတၢ်မိၣ်အီၣ်အသးလၢ ပထိးကၤရိာ်လၢထိး အီၣ်ဝဲ, ဒီးပှၤတဟ့ၣ်အီၣ်ဘၣ်နီတဂၤဘၣ်.
17 ဒီးသ့ၣ်နီၣ် လီၤက့ၤအသးဒီးစံးဝဲဒၣ်, ယပၢ်အပှၤဒိးလဲအသးလၢအ အီၣ်ကုးအီပှဲၤတဖၣ်န့ၣ်, အိၣ်ပှံၤဂၤပှံၤဂၤ, ဒီးယဲဒၣ်အံၤ, ယအိၣ်ဝံၤအိၣ်စ့ၤ, ဒီးယကသံတ့ၢ်ဖဲအံၤလီၤ.
18 ယကဂဲၤ ဆၢထၢၣ်, ဒီးယကက့ၤဆူယပၢ်အအိၣ်, ဒီးယကစံးဘၣ် အီၤ, ပၢ်ဧၢ, ယမၤကမၣ်ဘၣ်လံမူခိၣ်, ဒီးလၢနမဲာ်ညါ လံ.
19 ပှၤကိးယၤလၢနဖိခွါ ယတဂ့ၤတဘၣ်လၢၤဘၣ်. ပာ်ယၤဒ်နပှၤဒိးလဲအသးတဂၤအသိးန့ၣ်တက့ၢ်.
20 ဒီးဂဲၤဆၢထၢၣ်, ဒီးက့ၤက့ၤဝဲဆူအပၢ်အအိၣ်, ဒီးအိၣ် ဒံးစီၤစုၤယံၤ ဒီးအပၢ်ထံၣ်အီၤဒီးအသးအိၣ်အီၤ, ဒီးလဲၤ ဃ့ၢ်ဖိးဝဲအကိာ်ဒီးနၢမူအီၤလီၤ.
21 ဒီးအဖိခွါစံးဘၣ်အီၤ, ပၢ်ဧၢ, ယမၤကမၣ်ဘၣ်လံမူခိၣ်ဒီးလၢနမဲာ်ညါလံ. ပှၤ ကိးယၤလၢနဖိခွါယတဂ့ၤတဘၣ်လၢၤဘၣ်.
22 ဒီးအပၢ် စံးဘၣ်အခ့အပှၤ, ဟဲစိာ်ဃီၤတၢ်ကူတၢ်သိးလၢအဂ့ၤက တၢၢ်ဒီးဒုးကူဒုးသိးအီၤတက့ၢ်. ဒီးဟ့ၣ်လီၤပသံးလၢအ စုအဂီၢ်, ဒီးခီၣ်ဖံးလၢအခီၣ်အဂီၢ်တက့ၢ်.
23 ဒီးဟဲစိာ်မၤ သံဂီၤဖံးဖိလၢအဘီၣ်တဒုန့ၣ်တက့ၢ်. ဒီးမ်ပအီၣ်ဒီးမုာ် လၤသကိးတက့ၢ်.
24 အဂ့ၢ်ဒ်အံၤ, ယဖိခွါလၢအသံတ့ၢ် တဂၤအံၤ, မူထီၣ်က့ၤလံ, ဒီးဟါမၢ်တ့ၢ်, ဒီးဘၣ်တၢ် ထံၣ်န့ၢ်က့ၤအီၤလံ. ဒီးအဝဲသ့ၣ်မုာ်လၤဝဲလီၤ.
25 ဒီးအဖိဝဲၢ်ကိတဂၤ အိၣ်လၢပှၢ်လၢ်ကျါဒီးဟဲက့ၤဘူး ဒီးဟံၣ်, ဒီးနၢ်ဟူတၢ်ပှီၢ်ဒၢ, အူပံ, ဒီးတၢ်ဂဲၤကလံၣ်,
26 ဒီး ကိးက့ၤအခ့အပှၤတဂၤဒီးသံကွၢ်ဝဲ, တၢ်အံၤမ့ၢ်မနုၤတ မံၤလဲၣ်.
27 ဒီးအဝဲဒၣ်စံးဘၣ်အီၤ, နပုၢ်ဟဲက့ၤတုၤဝဲ, ဒီးန ပၢ်မၤသံဂီၤဖံးဖိလၢအဘီၣ်တဒုန့ၣ်လံ. အဂ့ၢ်ဒ်အံၤ, ဒိး န့ၢ်က့ၤအီၤလၢ အအိၣ်ဆူၣ်အိၣ်ချ့လီၤ.
28 ဒီးအသးဒိၣ် ထီၣ်, ဒီးသါတလဲၤနုာ်ဘၣ်ဝဲဘၣ်. ဒီးအပၢ်ဟဲထီၣ်ဃ့ ကညးအီၤလီၤ.
29 ဒီးအဝဲဒၣ်ကတိၤဆၢတၢ်ဒီးစံးဘၣ်အ ပၢ်, ကွၢ်ကွၢ်, ယမၤနတၢ်အနံၣ်အါထဲအံၤ, ဒီးနတၢ်မၤ လိာ်န့ၣ်ယတလုၣ်သ့ၣ်ခါပတာ်နီတဘျီဘၣ်. ဒီးဒ်သိး ယကမုာ်လၤဒီးယတံၤယသကိးဒီး, မဲာ်တဲးလဲးဖိတဒု ဧိၤ, နတဟ့ၣ်ဘၣ်ယၤနီတခီၣ်ဘၣ်.
30 ဘၣ်ဆၣ်ဒီးတုၤ နဖိခွါလၢအအီၣ်ဂီၤကွံာ်နစုလီၢ်နခီၣ်ခိၣ်ဒီး ပှၤဃဲသဲမုၣ် တဂၤအံၤဟဲက့ၤဒီး, နမၤသံဂီၤဖံးဖိလၢအဘီၣ်လၢအဂီၢ် လီၤ.
31 ဒီးအဝဲဒၣ်စံးဘၣ်အီၤ, ဖိဧၢ, နအိၣ်ဒီးယၤတဘိ ယူၢ်ဃီ, ဒီးယစုလီၢ်ယခီၣ်ခိၣ်မ့ၢ်နတၢ်ခဲလၢာ်လီၤ.
32 ဘၣ် ဆၣ်ဒီးဂ့ၤသးခုဒီးမုာ်လၤတၢ်လီၤ. အဂ့ၢ်ဒ်အံၤ, နပုၢ်လၢ အသံတ့ၢ်တဂၤန့ၣ်, မူထီၣ်က့ၤလံ, ဒီးဟါမၢ်တ့ၢ်ဒီး, ဘၣ်တၢ်ထံၣ်န့ၢ်က့ၤအီၤလံ.