14
ဒီးတၢ်မၤအသးလၢအိၣ်ဘှံးအနံၤ, ဖဲအလဲၤအီၣ်တၢ် လၢ ပှၤဖၤရံၤၡဲအဒိၣ်တဂၤအဟံၣ်ပူၤဒီး, ပှၤတဖၣ်ကွၢ် ဟုၣ်အီၤလီၤ. ဒီးကွၢ်ကွၢ်, ပှၤဆါညိးထံတဂၤအိၣ်လၢ အမဲာ်ညါလီၤ. ဒီးယ့ၣ်ရှူးကတိၤဆၢတၢ်ဒီး စံးဘၣ်ပှၤသ့လံာ်တၢ်သိၣ်တၢ်သီဒီး ပှၤဖၤရံၤၡဲသ့ၣ်တဖၣ်ဒီးစံးဝဲဒၣ်, လၢအိၣ်ဘှံးအနံၤန့ၣ်, မၤဘျါက့ၤတၢ်ဆူးတၢ်ဆါဘၣ်ကကြၢးဧါ.-ဒီးအဝဲသ့ၣ်အိၣ်ဘှီၣ်ဝဲလီၤ၄,၅ ဒီးအဝဲသ့ၣ်အိၣ်ဘှီၣ်ဝဲလီၤ.- ဒီးဟံးန့ၢ်အီၤ, ဒီးမၤဘျါ က့ၤဝဲ, ဒီးပျၢ်ကွံာ်အီၤလီၤ. ဒီးကတိၤဆၢအဝဲသ့ၣ်ဒီးစံးဝဲ ဒၣ်, ပှၤလၢသုကျါအကသ့ၣ်ယီၤမ့ၢ်ဂ့ၤ, အဂီၤဖံးမ့ၢ်ဂ့ၤ, မ့ၢ်လီၤတဲာ်လၢတၢ်ပူၤ, ဒီးလၢမုၢ်အိၣ်ဘှံးအနံၤ တထုး ထီၣ်က့ၤဘၣ်ဝဲတကီၢ်ခါန့ၣ်မ့ၢ်ဖဲလဲၣ်တဂၤလဲၣ်. ဒီးအ ဝဲသ့ၣ်ကတိၤဆၢအီၤလၢ တၢ်န့ၣ်အဂ့ၢ်အကျိၤ တသ့ ဘၣ်. ဒီးတုၤအထံၣ်ပှၤလၢ အဘၣ်တၢ်ကိးအီၤတဖၣ် န့ၣ်, ဃုထၢလီၢ်ဆ့ၣ်နီၤအဂ့ၤကတၢၢ်ဒီး, ကတိၤဒိတၢ်ဒီး စံးဘၣ်အီၤ, တုၤပှၤကိးနၤဆူတလးမူးအမူးပူၤဒီး, ဆ့ၣ် နီၤလၢလီၢ်ဆ့ၣ်နီၤအဂ့ၤကတၢၢ်တဂ့ၤ. အဂ့ၢ်ဒ်အံၤ, ပှၤ လၢအဂ့ၤန့ၢ်နၤကဘၣ်တၢ်ကိးဘၣ်ဖုးလၢအီၤလီၤ. ဒီး ပှၤလၢအကိးနၤဒီးအဝဲဒၣ်န့ၣ်, ကဟဲဆူနအိၣ်ဒီးကစံး ဘၣ်နၤ, ဟ့ၣ်ပှၤတဂၤအံၤအလီၢ်တက့ၢ်. တုၤနုၤတစုန မဲာ်ဆှးဒီး, နကလဲၤဆူအလီၢ်လၢအလာ်ကတၢၢ်လီၤ.-
10 မ့မ့ၢ်တုၤပှၤကိးနၤဒီး, လဲၤဆ့ၣ်နီၤသန့ၤလၢ အလီၢ်လာ် ကတၢၢ်တက့ၢ်. ဒ်သိးပှၤလၢအကိးနၤတုၤအဟဲတုၤဒီး, ကစံးဘၣ်နၤ, ခွါဧၢ, လဲၤထီၣ်ဆူအလီၢ်လၢအထီန့ၣ်တ က့ၢ်. တုၤနုၤတစုနလၤကပီၤကအိၣ်ဖျါထီၣ်လၢပှၤဆ့ၣ် နီၤသန့ၤဃုာ်ဒီးနၤခဲလၢာ်အမဲာ်ညါလီၤ. 11 အဂ့ၢ်ဒ်အံၤ, ပှၤလၢအပာ်ထီၣ်ထီအသးဒၣ်ဝဲကိးဂၤဒဲးန့ၣ်, ကဘၣ် တၢ်ဆီၣ်လီၤအီၤလီၤ. ဒီးပှၤလၢအဆီၣ်လီၤအသးဒၣ်ဝဲ န့ၣ်, ကဘၣ်တၢ်ပာ်ထီၣ်ထီအီၤလီၤ.
12 ဒီးစံးဘၣ်ပှၤလၢအကိးအီၤန့ၣ်, တုၤနမၤတၢ်အီၣ်တၢ် အီလၢဂီၤအီၣ်မ့ၢ်ဂ့ၤ, လၢဟါအီၣ်မ့ၢ်ဂ့ၤ, နတံၤသကိးတ ဖၣ်မ့ၢ်ဂ့ၤ, နပုၢ်နဝဲၢ်မ့ၢ်ဂ့ၤ, နဘူးနတံၢ်မ့ၢ်ဂ့ၤ, ပှၤအထူးအ တီၤအိၣ်လၢနဃၢၤမ့ၢ်ဂ့ၤ, သုတကိးတဂ့ၤ, အဝဲသ့ၣ်က ကိးဆၢဘၣ်ဖုးနၤဒီးကဟ့ၣ်ကၣ်နၤလီၤ. 13 မ့မ့ၢ်နဲဒၣ်အံၤ, တုၤနမၤတၢ်အီၣ်တၢ်အီဒီး, ကိးပှၤအဖှီၣ်အယာ်, ပှၤအစု ဟးဂီၤ, ပှၤအခီၣ်ဟးဂီၤ, ပှၤအမဲာ်ဘျီၣ်သ့ၣ်တဖၣ်န့ၣ်တ က့ၢ်. 14 ဒီးနကဘၣ်တၢ်ဆိၣ်ဂ့ၤလီၤ. အဂ့ၢ်ဒ်အံၤ, အဝဲသ့ၣ် တဖၣ်န့ၣ်ဟ့ၣ်ကၣ်နၤတသ့ဘၣ်. အဂ့ၢ်ဒ်အံၤ, တုၤပှၤအ တီအလိၤဂဲၤဆၢထၢၣ်က့ၤဒီး, တၢ်ကဟ့ၣ်ကၣ်နၤလီၤ.
15 ဒီးပှၤအိၣ်လၢ ပှၤဆ့ၣ်နီၤသန့ၤဃုာ်တၢ်အကျါတဂၤ န့ၣ်, နၢ်ဟူတၢ်န့ၣ်ဒီးစံးဘၣ်အီၤ, ပှၤလၢအကအီၣ်တၢ် လၢယွၤအဘီအမုၢ်န့ၣ်, ဘၣ်ဆိၣ်ဂ့ၤဝဲလီၤ. 16 ဒီးစံးဘၣ် အီၤ, မတၤတဂၤမၤတၢ်အီၣ်လၢဟါအီၣ်ဖးဒိၣ်, ဒီးကိး ပှၤအါဂၤလီၤ. 17 ဒီးတုၤတၢ်အီၣ်အခါဘၣ်ဒီး, မၢအခ့အ ပှၤလဲၤစံးဘၣ် ပှၤလၢအဘၣ်တၢ်ကိးပာ်အီၤတဖၣ်န့ၣ်, ဟဲတက့ၢ်. အဂ့ၢ်ဒ်အံၤ, တၢ်ခဲလၢာ်အိၣ်ကတဲာ်ကတီၤ လံအသးလံ. 18 ဒီးပှၤတဖၣ်န့ၣ်, ဒ်သိးတၢ်ကပျၢ်အီၤဒီး, ဃ့တၢ်လၢအသးတဖျၢၣ်ဃီခဲလၢာ်လီၤ. အဂံၢ်ခိၣ်တဂၤ စံးဘၣ်အီၤ, ယဲဒၣ်အံၤ ယပှ့ၤလံဟီၣ်ခိၣ်တကဝီၤဒီးယ ဘၣ်လဲၤကွၢ်အီၤလီၤ. ယဃ့ကညးနၤ, ပျၢ်ယၤတက့ၢ်.-
19 ဒီးအဝဲတဂၤစံးဝဲဒၣ်, ယဲဒၣ်အံၤ, ယပှ့ၤလံဂီၤဖံးယဲၢ်ဆိ, ဒီးယလဲၤမၤကွၢ်အီၤလီၤ. ယဃ့ကညးနၤ ပျၢ်ယၤတ က့ၢ်. 20 ဒီးအဝဲတဂၤစံးဝဲဒၣ်, ယဲဒၣ်အံၤယန့ၢ်ယမါလံ. မၤသးဒ်န့ၣ်ဒီးယလဲၤတသ့ဘၣ်.
21 ဒီးအခ့အပှၤတဂၤန့ၣ် ဟဲက့ၤဆူအကစၢ်အအိၣ်, ဒီး စံးဘၣ်တဲဘၣ်တၢ်န့ၣ်တဖၣ်လီၤ. တုၤနုၤတစု, ဟံၣ်က စၢ်အသးဒိၣ်ထီၣ်, ဒီးစံးဘၣ်အခ့အပှၤတဂၤန့ၣ်, လဲၤချ့ ချ့ဆူကျဲဖးဒိၣ်, ဒီးကျဲဖိလၢဝ့ၢ်ပူၤ, ဒီးပှၤအဖှီၣ်အယာ်, ဒီးပှၤအဂီၤဟးဂီၤ, ဒီးပှၤအခီၣ်ဟးဂီၤ, ဒီးပှၤအမဲာ်ဘျီၣ် သ့ၣ်တဖၣ်န့ၣ်, ဒုးဟဲနုာ်အီၤဖဲအံၤတက့ၢ်. 22 ဒီးအခ့အ ပှၤစံးဝဲဒၣ်, ကစၢ်ဧၢ, ဒ်နမၤလိာ်တၢ်အသိးန့ၣ်, တၢ်မၤ လံအသးလံ, ဒီးတၢ်အလီၢ်အိၣ်ဒံးလီၤ. 23 ဒီးကစၢ်စံးဘၣ် အခ့အပှၤ, လဲၤထီၣ်ဆူကျဲမုၢ်ဒီးကျဲဖိ, ဒီးဒုးဟဲနုာ်ဆူၣ် အီၤ, ဒ်သိးယဟံၣ်ကပှဲၤထီၣ်တက့ၢ်. 24 အဂ့ၢ်ဒ်အံၤ, ယစံး ဘၣ်သု, ပှၤလၢအဘၣ်တၢ်ကိးပာ်အီၤတဖၣ်န့ၣ်, တလ့ၣ် ကွၢ်ဘၣ်ယတၢ်အီၣ်နီတဂၤဘၣ်.
25 ဒီးပှၤဂီၢ်မုၢ်ဖးဒိၣ် ပိာ်ထီၣ်အခံ, ဒီးဃၣ်ဃီၤအသးဒီး စံးဘၣ်အီၤ, 26 ပှၤတဂၤဂၤမ့ၢ်ဟဲဆူယအိၣ်ဒီး တသးဟ့ ဘၣ်အမိၢ်ဒီးအပၢ်, ဒီးအဖိအမါ, ဒီးအဖိအလံၤ, ဒီးအဒီ ပုၢ်ဝဲၢ်မုၣ်, ဒီးအဒီပုၢ်ဝဲၢ်ခွါ, ဒီးအသးသမူဒၣ်ဝဲစ့ၢ်ကီးဘၣ် ဒီး, ကဲထီၣ်ယပျဲၢ်ယဘီၣ်တသ့ဘၣ်. 27 ဒီးပှၤလၢအတ ယိးဘၣ်အထူၣ်စုညါ, ဒီးတပိာ်ဘၣ်ယခံဘၣ်န့ၣ်, ကဲ ထီၣ်ယပျဲၢ်ယဘီၣ်တသ့ဘၣ်. 28 အဂ့ၢ်ဒ်အံၤ, ပှၤလၢသု ကျါမိၣ်မၤအသးလၢတၢးထီတဖျၢၣ်, ဒီးတဆ့ၣ်နီၤဆိဒီး ဂံၢ်ကွၢ်ဝဲ, မ့ၢ်အတၢ်အိၣ်လၢဧါ, တလၢလဲၣ်န့ၣ်မ့ၢ်မတၤ တဂၤလဲၣ်. 29 မ့တမ့ၢ်ဘၣ်ဒ်န့ၣ်ဒီး, ပာ်လီၤအခီၣ်ထံး, ဒီးမၤဝံၤထီၣ်တသ့ဘၣ်ဒီး, ပှၤလၢအထံၣ်ဝဲတဖၣ်ခဲလၢာ် ကဒုၣ်ဒွဲၣ်အီၤ, 30 ဒီးကစံးဝဲ, ပှၤတဂၤအံၤမၤထီၣ်သီ, ဒီး မၤတုၤအဝံၤတသ့ဘၣ်. 31 ဒီးစီၤပၤကလဲၤဒုးစီၤပၤလၢအ ဂၤတဂၤ, ဒီးတဆ့ၣ်နီၤဆိဒီးဆိကမိၣ်ဝဲ, လၢပှၤတက လးန့ၣ်, မ့ၢ်အမၤနၢၤပှၤဟဲဒီးပှၤခံကလးဆူအအိၣ်, သ့ တသ့လဲၣ်န့ၣ်, မ့ၢ်မတၤတဂၤလဲၣ်. 32 မ့ၢ်တသ့ဘၣ်ဒီး, အဝဲတဂၤအိၣ်ယံၤဒံးအဖၢမုၢ်ဒီး, ကမၢလီၤပှၤသးပှၢ်ဒီး ဃ့တၢ်ဃူတၢ်ဖိးလီၤ.
33 ဒ်န့ၣ်အသိး, ပှၤလၢသုကျါအံၤမ့ၢ်တညိကွံာ်ဘၣ်အ တၢ်ခဲလၢာ်ဒီး, ကဲထီၣ်ယပျဲၢ်ယဘီၣ်တသ့ဘၣ်နီတဂၤ ဘၣ်. 34 အံသၣ်မ့ၢ်တၢ်ဂ့ၤလီၤ. ဘၣ်ဆၣ်ဒီး, အဟီမ့ၢ် ဘျါဒီး, မ့ၢ်အကဟီက့ၤဝဲလၢမနုၤတမံၤလဲၣ်. 35 လၢဟီၣ် ခိၣ်အဂီၢ်မ့ၢ်ဂ့ၤ, လၢတၢ်ကမှံၤအုၣ်အဂီၢ်မ့ၢ်ဂ့ၤ, တဂ့ၤဘၣ်, ဒီးပှၤကွံာ်တ့ၢ်ကွံာ်အီၤလၢခိလီၤ. ပှၤအိၣ်ဒီးအနၢ်လၢအ နၢ်ဟူတၢ်န့ၣ်, မ်အနၢ်ဟူတၢ်တက့ၢ်.