12
1 လၢအဆၢအကတီၢ်န့ၣ် ပှၤဂီၢ်မုၢ်အိၣ်ဖှိၣ်ရိဖှိၣ်အက လးတဖၣ်တုၤအယီၢ်လိာ်အသးသကိးသကိး, ဒီးအဝဲ ဒၣ်စံးဘၣ်တဲဘၣ်ဆိအပျဲၢ်အဘီၣ်, ပှၤဖၤရံၤၡဲ အကိၣ် မံၣ်လၢအမ့ၢ်တၢ်လီတၢ်ဝ့ၤန့ၣ်, ဟးဆှဲးသုဝဲတက့ၢ်.
2 ဒီး တၢ်လၢအကျၢၢ်ဘၢအသး, လၢအတအိၣ်ဖျါထီၣ်ဘၣ်ဝဲ န့ၣ်, တအိၣ်ဘၣ်နီတမံၤဘၣ်. ဒီးတၢ်လၢအအိၣ်တဒၢ လၢတၢ်တသ့ၣ်ညါထီၣ်ဘၣ်ဝဲန့ၣ် တအိၣ်ဘၣ်နီတမံၤ ဘၣ်.
3 မၤသးဒ်န့ၣ်ဒီး ဖဲဒၣ်သုစံၣ်တဲၤတဲလီၤတၢ်လၢ တၢ်ခံးကျါတဖၣ်န့ၣ်, ကဟူထီသါလီၤလၢတၢ်ကပီၤအ ကျါလီၤ. ဒီးတၢ်လၢသုကတိၤလၢနၢ်ပူၤလၢဒၢးပူၤန့ၣ်, တၢ်ကစံၣ်တဲၤတဲလီၤပသူထီၣ်လၢဟံၣ်ခိၣ်အဖီခိၣ်လီၤ.
4 ယတံၤယသကိးသ့ၣ်ဧၢ, ယစံးဘၣ်သု, ပှၤလၢအမၤ သံပနီၢ်ခိ, ဒီးလၢခံက့ၤမၤဝဲတသ့လၢၤဘၣ်နီတမံၤဘၣ် တဖၣ်န့ၣ်, ပျံၤအီၤတဂ့ၤ.
5 သုဂ့ၤပျံၤမတၤမတၤန့ၣ်, ယကဒုးနဲၣ်သုလီၤ. ပှၤမၤသံတၢ်အလီၢ်ခံဒီး, တ့ၢ်လီၤဝဲ ဆူလရာ်ပူၤသ့တဂၤန့ၣ်, ပျံၤအီၤတက့ၢ်. မ့ၢ်မးယစံးဘၣ် သု, ပျံၤအီၤတက့ၢ်.
6 ပှၤဆါထိၣ်ဖှံးယဲၢ်ဘ့ၣ်လၢတိၢ်ခံ ဘ့ၣ်တမ့ၢ်ဘၣ်ဧါ, ဒီးတၢ်တသးပ့ၤနီၣ်ဘၣ်အီၤလၢယွၤ အမဲာ်ညါနီတဘ့ၣ်ဘၣ်.
7 ဒီးသုခိၣ်သူအဘိဒၣ်လဲာ်န့ၣ်, ဘၣ်တၢ်ဂံၢ်အီၤခဲလၢာ်လီၤ. မၤသးဒ်န့ၣ်ဒီး, သုတပျံၤတၢ် တဂ့ၤ, သုဂ့ၤန့ၢ်ထိၣ်ဖှံးအဂီၢ်မုၢ်တက့ၢ်လီၤ.
8 ဒီးယစံးဘၣ်သု, ကယဲၢ်ပှၤလၢ အအၢၣ်လီၤအီလီၤ ယၤလၢ ပှၤကညီအမဲာ်ညါတဂၤဂၤန့ၣ်, ပှၤကညီဖိခွါ အံၤ, ကအၢၣ်လီၤအီလီၤအီၤလၢ ယွၤအကလူးတဖၣ်အ မဲာ်ညါလီၤ.
9 ဒီးပှၤလၢအသမၢယၤလၢပှၤကညီအမဲာ် ညါန့ၣ်, တၢ်ကသမၢအီၤလၢယွၤအကလူးတဖၣ်အမဲာ် ညါလီၤ.
10 ဒီးကယဲၢ်ပှၤလၢအကတိၤကမၣ်ပှၤကညီဖိခွါ အံၤတဂၤဂၤဒီး, တၢ်ကမၤပူၤဖျဲးအီၤလီၤ. မ့မ့ၢ်ပှၤလၢအ ဒုၣ်ဒွဲၣ်သးစီဆှံန့ၣ်, တၢ်တမၤပူၤဖျဲးဘၣ်အီၤဘၣ်.
11 ဒီးတုၤပှၤလဲၤမိၤသုဆူဘူၣ်ဘျီၣ်ပူၤ, ဒီးပှၤသူၣ်က့သး ပှၢ်, ဒီးပဒိၣ်ပပှၢ်အအိၣ်ဒီး, မ့ၢ်သုကကတိၤပူၤဖျဲးတၢ်ဒ် လဲၣ်ဒ်လဲၣ်န့ၣ်မ့ၢ်ဂ့ၤ, မ့ၢ်သုကကတိၤတၢ်ဒ်လဲၣ်ဒ်လဲၣ်မ့ၢ် ဂ့ၤ, သုတဘၣ်ယိၣ်တဂ့ၤ.
12 အဂ့ၢ်ဒ်အံၤ, သုဂ့ၤကတိၤတၢ် ဒ်လဲၣ်ဒ်လဲၣ်န့ၣ်,သးစီဆှံကဒုးနဲၣ်သုတဘျီဃီဖဲန့ၣ်လီၤ.
13 ဒီးပှၤလၢပှၤဂီၢ်မုၢ်အကျါတဂၤစံးဘၣ်အီၤ, သရၣ်ဧၢ, မၤလိာ်လၢ်ယဒီပုၢ်ဝဲၢ်ဒ်သိးအကနီၤဖးန့ၢ်ယၤ လၢတၢ်န့ၢ် သါအဆၢတက့ၢ်.
14 ဒီးအဝဲဒၣ်စံးဘၣ်အီၤ, စီၤဧၢ, မ့ၢ် မတၤပာ်ယၤလၢ ပှၤစံၣ်ညီၣ်တၢ်မ့ၢ်ဂ့ၤ, ပှၤနီၤဖးတၢ်အ ဆၢမ့ၢ်ဂ့ၤ, လၢသုဖီခိၣ်တဂၤလဲၣ်.
15 ဒီးစံးဘၣ်ပှၤတဖၣ်, တၢ်ပံာ်တၢ်ကီခဲလၢာ်န့ၣ်, တိၢ်သုသးဒီးဟးဆှဲးတက့ၢ်. အဂ့ၢ်ဒ်အံၤ, ပှၤကညီအတၢ်မူတမ့ၢ်ဘၣ်အစုလီၢ်အခီၣ် ခိၣ်အိၣ်အါအါကလဲာ်န့ၣ်ဘၣ်.
16 ဒီးစံးဘၣ်အီၤလၢတၢ်ကတိၤဒိ, ဒီးစံးဝဲဒၣ်, ပှၤအထူး အတီၤတဂၤ, အဟီၣ်ခိၣ်သၣ်ထီၣ်အါမးလီၤ.
17 ဒီးဆိက မိၣ်ဝဲလၢအသး, ဒီးစံးဝဲဒၣ်, ယကမၤဒ်လဲၣ်. အဂ့ၢ်ဒ် အံၤ, ယတၤသူၣ်တၤသၣ်န့ၣ်, ယဂၢ်ဖှိၣ်အလီၢ်တအိၣ် ဘၣ်.
18 ဒီးစံးဝဲဒၣ်, ယကမၤဒ်အံၤ, ယကဃီၢ်လီၤကွံာ်ယ ဖီ, ဒီးယကမၤဒိၣ်ထီၣ်က့ၤအီၤ, ဒီးယကဂၢ်ဖှိၣ်ယတၤ
19 သူၣ်တၤသၣ်ဒီးယတၢ်ဖိတၢ်လံၤခဲလၢာ်ဖဲန့ၣ်လီၤ. ဒီးယ ကစံးဘၣ်ယသး, သးဧၢ, နတၢ်ဖိတၢ်လံၤအါအါကလဲာ် အိၣ်ပာ်လံလၢအါနံၣ်အါလါအဂီၢ်လံ. အိၣ်ဘှံးဒီးအီၣ် တၢ်အီတၢ်, ဒီးမုာ်လၤတၢ်တက့ၢ်.
20 ဘၣ်ဆၣ်ဒီးယွၤစံး ဘၣ်အီၤ, ပှၤဟးဂီၤဖိဧၢ, ခဲမုၢ်နၤအံၤတၢ်ကဃ့က့ၤနသး လၢနၤလီၤ. တုၤနုၤတစု, တၢ်ဖိတၢ်လံၤလၢနကတီၤပာ် န့ၣ်, ကကဲလၢမတၤတဂၤအတၢ်လဲၣ်.
21 ပှၤလၢအပာ် ဖှိၣ်တၢ်လၢအဂီၢ်ဒၣ်ဝဲ, ဒီးအစုလီၢ်အခီၣ်ခိၣ်တအိၣ်ဘၣ် ဒီးယွၤဘၣ်န့ၣ်, မ့ၢ်အမၤအသးဒ်န့ၣ်သိးလီၤ.
22 ဒီးစံးဘၣ် အပျဲၢ်အဘီၣ်, လၢတၢ်အံၤအဃိ, ယစံး ဘၣ်သု, ဘၣ်ယိၣ်တၢ်လၢ သုသးအဂီၢ်လၢ သုကအီၣ် တၢ်ဒ်လဲၣ်ဒ်လဲၣ်အဂ့ၢ်တဂ့ၤ. ဒီးလၢသုနီၢ်ခိအဂီၢ်လၢသု ကကူတၢ်သိးတၢ်ဒ်လဲၣ်ဒ်လဲၣ်အဂ့ၢ်တဂ့ၤ, သးန့ၣ်ဂ့ၤန့ၢ် တၢ်အီၣ်တၢ်အီတက့ၢ်လီၤ.
23 ဒီးနီၢ်ခိန့ၣ်, ဂ့ၤန့ၢ်တၢ်ကူ တၢ်သိးတက့ၢ်လီၤ.
24 ကွၢ်ဆိကမိၣ်စိးဝၣ်ဃးတက့ၢ်. တ ဖှံဘၣ်တၢ်ဘၣ်, တကူးဘၣ်တၢ်ဘၣ်, အသိၣ်အဖီတ အိၣ်ဘၣ်, ဒီးယွၤဘုၣ်အီၣ်ဘုၣ်အီအီၤလီၤ. သုဂ့ၤန့ၢ်ထိၣ် ဖိလံၣ်ဖိဆံးဒိၣ်လဲၣ်.
25 မ့ၢ်မတၤဘၣ်ယိၣ်တၢ်သတးဒီး, ထုးထီထီၣ်အယူာ်တပျၢ်ဧိၤသ့တဂၤလဲၣ်.
26 မၤသးဒ်န့ၣ် ဒီးတၢ်လၢအဆံးကတၢၢ်န့ၣ်, သုမၤမ့ၢ်တသ့ဘၣ်ဒီး, သု ဘၣ်ယိၣ်လၢတၢ်ဂၤတဖၣ်အဃိဘၣ်မနုၤလဲၣ်.
27 တၢ်လၢဖီဒ့ၣ်ညါန့ၣ်, မ့ၢ်အဒိၣ်ထီၣ်ဝဲ ဒ်လဲၣ်ဒ်လဲၣ် န့ၣ်, ကွၢ်ဆိကမိၣ်တက့ၢ်. တမၤဘၣ်တၢ်ဘၣ်, တလ့ၢ် ဘၣ်တၢ်ဘၣ်. ဘၣ်ဆၣ်ဒီးယစံးဘၣ်သု, စီၤၡလိၤမိၤအိၣ် ဒီးအကဟုအကညီၢ်ခဲလၢာ်န့ၣ်, ကူတၢ်သိးတၢ်တဂ့ၤထဲ သိးဒီး ဖီဒ့ၣ်ညါတဖိးန့ၣ်ဘၣ်.
28 သုနာ်တၢ်စှၤသ့ၣ်ဧၢ, ယွၤမ့ၢ်ဒုးကူဒုးသိးနီၣ်ဧိၤမံၤဧိၤလၢ အအံၤတနံၤအိၣ်လၢ တၢ်ပျီပူၤဒီးခဲဂီၤတနံၤ ဘၣ်တၢ်ဘျုးလီၤကွံာ်လၢဖၣ်က ပူၤဒီး, ကဒုးကူဒုးသိးသု အါန့ၢ်အန့ၣ်တက့ၢ်ဆံးဒိၣ် လဲၣ်.
29 သုကအီၣ်တၢ်သုကအီတၢ်မနုၤမနုၤန့ၣ်, သုတ ဃုတဂ့ၤ. ဒီးသုတဘၣ်ယိၣ်ဘၣ်ဘီတဂ့ၤ.
30 အဂ့ၢ်ဒ်အံၤ, တၢ်တဖၣ်န့ၣ်, ပှၤကလုာ်တဖၣ်လၢဟီၣ်ခိၣ်ချၢအံၤ, ဃု ဝဲခဲလၢာ်လီၤ. ဒီးသုပၢ်သ့ၣ်ညါလၢသုန့ၢ်ဘၣ်တၢ်တဖၣ် န့ၣ်အလီၢ်အိၣ်လီၤ.
31 မ့မ့ၢ်ဃုယွၤအဘီအမုၢ်တက့ၢ်. ဒီး တၢ်ကပာ်ဖှိၣ်တၢ်တဖၣ်န့ၣ်ခဲလၢာ်ဒီးသုလီၤ.
32 သိလၢအစှၤတဖုဧၢ, ပျံၤတၢ်တဂ့ၤ, အဂ့ၢ်ဒ်အံၤ, ဘၣ်သုပၢ်အသးလၢ အကဟ့ၣ်သုလၢဘီဧိၤမုၢ်ဧိၤန့ၣ်လီၤ.-
33 သုစုလီၢ်သုခီၣ်ခိၣ်န့ၣ်, ဆါလီၤကွံာ်ဒီး ဟ့ၣ်သးကညီၤ တၢ်တက့ၢ်. ဒီးမၤန့ၢ်သုဂီၢ်လၢထၢၣ်လၢအလီၢ်လံၤဝဲတ သ့ဘၣ်, တၢ်လုၢ်ဒိၣ်ပှ့ၤဒိၣ်လၢအလၢာ်တသ့ဘၣ်လၢမူ ခိၣ်, ဖဲတၢ်ဘျၣ်တသုးဘူးဘၣ်အသးဘၣ်, ဒီးတၢ်အဃၢ် တအီၣ်ဂီၤဘၣ်တၢ်န့ၣ်တက့ၢ်.
34 အဂ့ၢ်ဒ်အံၤ, ဖဲသုတၢ် လုၢ်ဒိၣ်ပှ့ၤဒိၣ်အိၣ်ဝဲအလီၢ်န့ၣ်သုသးကအိၣ်ဝဲဖဲန့ၣ်လီၤ.
35 ကံၢ်တူာ်သုယီၢ်ဒ့, ဒီးအိၣ်ဒီးသုမ့ၣ်အူဒၢ ကဲၤကပီၤ ထီၣ်တက့ၢ်.
36 အိၣ်သုဝဲဒ်ပှၤလၢအကွၢ်လၢ်အကစၢ်အ ကျဲတုၤအဟဲက့ၤလၢမူးပူၤ, ဒ်သိးအကအိးထီၣ်တၢ်လၢ အဂီၢ်တကီၢ်ခါ,ဖဲအဟဲက့ၤဒီးဒိတကျိာ်တၢ်န့ၣ်တက့ၢ်.-
37 အခ့အပှၤလၢအကစၢ်ဟဲက့ၤထံၣ်န့ၢ်လၢ အဆိးသီဝဲတ ဖၣ်န့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သုတီတီလၢအ ကစၢ်ကကံၢ်တူာ်အယီၢ်ဒ့, ဒီးမၢအဆ့ၣ်နီၤ, ဒီးကဟဲမၤ အီၤလၢအခ့အပှၤအတၢ်မၤလီၤ.
38 ဒီးပှၤခိးတၢ်ခံတီၤတ တီၤမ့ၢ်ဂ့ၤ, သၢတီၤတတီၤမ့ၢ်ဂ့ၤ, အကစၢ်မ့ၢ်ဟဲက့ၤထံၣ် န့ၢ်တၢ်မၤအသးဒ်န့ၣ်ဒီး, အခ့အပှၤတဖၣ်န့ၣ်, ဘၣ်ဆိၣ် ဂ့ၤဝဲလီၤ.
39 ဒီးတၢ်အံၤသ့ၣ်ညါတက့ၢ်. ဟံၣ်ကစၢ်မ့ၢ်သ့ၣ် ညါတၢ်အဆၢအကတီၢ်လၢတၢ်ဟုၣ်တၢ်ဘျၣ် ကဟဲဝဲ ဒီး, ဒ်သိးအသုတဘၢၣ်ဖျိအဟံၣ်တဂ့ၤဒီး, ကဆိးသီ တ့ၢ်လီၤ.
40 မၤသးဒ်န့ၣ်ဒီးအိၣ်ကတဲာ်ကတီၤသုသးတ က့ၢ်. အဂ့ၢ်ဒ်အံၤ, ဖဲနၣ်ရံၣ်လၢသုတဆိကမိၣ်ဘၣ်န့ၣ်, ပှၤကညီဖိခွါအံၤဟဲဝဲလီၤ.
41 ဒီးစီၤပ့းတရူးစံးဘၣ်အီၤ, ကစၢ်ဧၢ, တၢ်ကတိၤဒိအံၤ, မ့ၢ်နစံးဘၣ်တဲဘၣ် ပှၤပဝဲအံၤ, မ့ၢ်နစံးဘၣ်တဲဘၣ်စ့ၢ် ကီးပှၤခဲလၢာ်လဲၣ်.
42 ဒီးကစၢ်စံးဝဲဒၣ်, အခ့အပှၤလၢအ ကလုၢ်တီ, ဒီးအကူၣ်တၢ်သ့, လၢအကစၢ်ကပာ်ဝဲလၢ အပှၤမၤတၢ်ဖိအဖီခိၣ်, ဒ်သိးအကဒုးအီၣ်အတၢ်ဖဲအဆၢ အကတီၢ်ဘၣ်န့ၣ်, မ့ၢ်မတၤတဂၤလဲၣ်.
43 အခ့အပှၤလၢ အကစၢ်ဟဲက့ၤထံၣ်န့ၢ်လၢအမၤဝဲဒ်န့ၣ်, ဘၣ်ဆိၣ်ဂ့ၤဝဲ လီၤ.
44 ယစံးဘၣ်တဲဘၣ်သုနီၢ်နီၢ်လၢအကပာ်ထီၣ်အီၤ လၢအတၢ်ဖိတၢ်လံၤခဲလၢာ်အခိၣ်လီၤ.
45 ဘၣ်ဆၣ်ဒီးအ ခ့အပှၤမ့ၢ်စံးဝဲလၢအသး, ယကစၢ်မၤယံာ်မၤနီၢ်အသး လီၤ, ဒီးမ့ၢ်တီၢ်အခ့အပှၤပိာ်မုၣ်ဒီးပိာ်ခွါတဖၣ်, ဒီးအီၣ် တၢ်အီတၢ်, ဒီးအီမူၤအသးဒီး, ဖဲမုၢ်နံၤမုၢ်နၤလၢအတ ကွၢ်လၢ်ဘၣ်အကျဲ, ဒီးနၣ်ရံၣ်လၢအတသ့ၣ်ညါဘၣ်ဝဲ န့ၣ်,
46 ကုၢ်တဂၤန့ၣ်အကစၢ်ကဟဲက့ၤ, ဒီးကဒီၣ်တဲာ် ကွံာ်အီၤခံကူာ်, ဒီးကပာ်န့ၢ်အဂီၢ်ဒီးပှၤတစူၢ်တနာ်ဘၣ် တၢ်န့ၣ်အသိးလီၤ.
47 ဒီးအခ့အပှၤ လၢအသ့ၣ်ညါအကစၢ်အသး, ဒီးတ ကတီၤပာ်ဘၣ်အသး, ဒီးတမၤဘၣ်ဝဲဖဲအကစၢ်အသး န့ၣ်, ကဘၣ်တီၢ်အါဘီလီၤ.
48 မ့မ့ၢ်ပှၤလၢအတသ့ၣ်ညါ ဘၣ်, ဒီးမၤဝဲဖဲအဂ့ၤဘၣ်တီၢ်န့ၣ်ဒီး, ကဘၣ်တီၢ်စှၤဘီ လီၤ. ဒီးကယဲၢ်ပှၤလၢတၢ်ဟ့ၣ်လီၤအီၤလၢအအါတဂၤ လၢ်လၢ်န့ၣ်, တၢ်ကဃုက့ၤတၢ်အါလၢအီၤလီၤ. ဒီးပှၤ လၢတၢ်ပာ်န့ၢ်အီၤလၢအအါန့ၣ်, တၢ်ကဃ့က့ၤတၢ်အါ တက့ၢ်လၢအီၤလီၤ.
49 ယဟဲတ့ၢ်လီၤ မ့ၣ်အူလၢဟီၣ်ခိၣ်ချၢလီၤ. ဒီးမ့ၢ်ကဲၤ ထီၣ်လံဒီး, ယဆၢဒံးလၢမနုၤလဲၣ်.
50 ယတၢ်ဒိးဘျၢ*, လၢယဘၣ်ဒိးဘျၢ*ယသးန့ၣ်အိၣ်ဝဲ, ဒီးယတချုးဒိးဒံး ဘၣ်ဒီး, တၢ်သနံးယၤဆံးဒိၣ်လဲၣ်.
51 မ့ၢ်သုဆိကမိၣ်လၢ ယဟဲဟ့ၣ်တၢ်ဃူတၢ်ဖိး လၢဟီၣ်ခိၣ်ချၢန့ၣ်ဧါ. ယစံး ဘၣ်သု, တမ့ၢ်ဘၣ်. မ့ၢ်တၢ်လီၤမုၢ်လီၤဖးလီၤ.
52 အဂ့ၢ်ဒ် အံၤ, တုၤအံၤဆူညါပှၤအိၣ်လၢဟံၣ်တဖျၢၣ်ယဲၢ်ဂၤန့ၣ်, ကလီၤဖးသၢဂၤထီဒါခံဂၤ, ဒီးခံဂၤထီဒါသၢဂၤလီၤ.
53 ပၢ် ဒီးအဖိခွါ, ဒီးဖိခွါဒီးအပၢ်, မိၢ်ဒီးအဖိမုၣ်, ဒီးဖိမုၣ်ဒီး အမိၢ်, မံၤပှၢ်ပိာ်မုၣ်ဒီးအဒဲၣ်, ဒီးဒဲၣ်ဒီးအမံၤပှၢ်ပိာ်မုၣ်တ ဖၣ်န့ၣ်, ကလီၤဖးထီဒါလိာ်အသးလီၤ.
54 ဒီးစံးဘၣ်ပှၤဂီၢ်မုၢ်, တုၤသုထံၣ်တၢ်အၢၣ်ထီၣ်လၢမုၢ် နုာ်ဒီး, သုစံးတကီၢ်ခါလၢတၢ်ကဟဲစူၤဒီးတၢ်မၤအသး ဒ်န့ၣ်လီၤ.
55 ဒီးတုၤကလံၤဟဲလၢကလံၤထံးဒီး, သုစံး လၢတၢ်ကကိၢ်ဒီးတၢ်မၤအသးလီၤ.
56 ပှၤလီတၢ်ဖိသ့ၣ် ဧၢ, ဟီၣ်ခိၣ်ဒီးမူခိၣ်အမဲာ်န့ၣ်, သုကွၢ်နီၣ်သ့လီၤ. မ့မ့ၢ် အဆၢအကတီၢ်အံၤ, ဘၣ်မနုၤလၢ သုတကွၢ်နီၣ်ဘၣ် လဲၣ်.
57 ဒီးဖဲသုသးဒၣ်သုဝဲစ့ၢ်ကီး, ဘၣ်မနုၤလၢသုတစံၣ် ညီၣ်လၢတၢ်အတီန့ၣ်လဲၣ်.
58 အဂ့ၢ်ဒ်အံၤ, ဖဲနလဲၤတၢ်လၢ ကျဲဒီးနဒုၣ်နဒါဆူ ပဒိၣ်အအိၣ်ဒီး, ဒ်သိးနကပူၤဖျဲးလၢ အီၤဒီး, ဂုာ်ကျဲးစၢးတၢ်တက့ၢ်. မ့တမ့ၢ်ဘၣ်ဒီးကဟ့ၣ် လီၤနၤလၢပှၤစံၣ်ညီၣ်ကွီၢ်, ဒီးပှၤစံၣ်ညီၣ်ကွီၢ်ကဟ့ၣ်လီၤ နၤလၢတၢ်အခိၣ်, ဒီးတၢ်အခိၣ်ကတ့ၢ်လီၤနၤဆူဃိာ်ပူၤ လီၤ.
59 ယစံးဘၣ်သု, ပှာ်လၢအကတၢၢ်တဘ့ၣ်န့ၣ်, နတ ချုးလိးတူာ်ဒံးဘၣ်ဒီး, နတထူၣ်ဖျဲးထီၣ်ဘၣ်ဖဲန့ၣ်ဘၣ်.