5
1 ဒီးစိၢ်အစီၤပၤဃံရၣ် မၢလီၤအခ့အပှၤဆူစီၤၡလိၤမိၤ အအိၣ်လီၤ. (အဂ့ၢ်ဒ်အံၤ, နၢ်ဟူဝဲလၢပှၤဖှူတ့ၢ်အီၤလၢ စီၤပၤလၢအပၢ်အလီၢ်လီၤ.) အဂ့ၢ်ဒ်အံၤ,စီၤဃံရၣ်န့ၣ်မ့ၢ် ပှၤလၢအအဲၣ်စီၤဒၤဝံးတဘိယူၢ်ဃီလီၤ.
2 ဒီးစီၤၡလိၤမိၤမၢလီၤတၢ်ဆူ စိၤဃံရၣ်အအိၣ်ဒီးစံးဝဲ ဒၣ်,
3 နသ့ၣ်ညါလၢယပၢ်စီၤဒၤဝံးမၤဟံၣ်လၢယွၤအက စၢ်အမံၤအဂီၢ်တသ့ဘၣ်လၢ တၢ်ဒုးသုးလၢအအိၣ်ဝးတ တရံးအီၤအဃိ တုၤလီၤယွၤပာ်လီၤအီၤလၢအခီၣ်ညါ သးအဖီလာ်လီၤ.
4 ဒီးခဲကနံၣ်အံၤယွၤဒုးအိၣ်ဘှံးယၤ ကိးခီဒဲး, ဒီးတၢ်အဒုၣ်အဒါတအိၣ်ဘၣ်,ဒီးပှၤတဘၣ် တၢ်အၢဘၣ်လီၤ.
5 ဒီးကွၢ်ကွၢ်,ယစံးလၢယကမၤဟံၣ် လၢယွၤယကစၢ်အမံၤအဂီၢ်, ဒ်ယွၤကတိၤတၢ်ဒီးယပၢ် စီၤဒၤဝံးအသိး,ဒီးစံးဝဲဒၣ်, နဖိခွါလၢယကပာ်လၢနလီၢ် ပစိာ်လၢနလီၢ်တဂၤန့ၣ် ကမၤဟံၣ်လၢယမံၤအဂီၢ်အဝဲ ဒၣ်လီၤ.
6 ဒီးခဲကနံၣ်အံၤမၤလိာ်တၢ်လၢပှၤကကူၣ်သ့ၣ် ဆှိအ့ရ့းလၢလဘၤနိၣ်အလိၤလၢယဂီၢ်တက့ၢ်. ဒီးယ ခ့ယပှၤကအိၣ်ဒီးနခ့နပှၤ, ဒီးယကဟ့ၣ်နၤလၢနခ့နပှၤ အဘူးအလဲ, ဒ်ကယဲၢ်တၢ်လၢ နကစံးတၢ်အသိးန့ၣ် လီၤ. အဂ့ၢ်ဒ်အံၤနသ့ၣ်ညါလၢပှၤစိးပျၤသ့ၣ်ဒ်ပှၤစံဒိၣ် ဖိအသိးတအိၣ်ဘၣ်လၢပကျါဘၣ်.
7 ဒီးတုၤစီၤဃံရၣ်နၢ်ဟူ စီၤၡလိၤမိၤအတၢ်ကတိၤဒီး, တၢ်မၤအသးလၢအသးခုဒိၣ်ဒိၣ်ကလဲာ်,ဒီးစံးဝဲဒၣ်,ယွၤ လၢအဟ့ၣ်လီၤစီၤဒၤဝံးအဖိခွါ လၢအကူၣ်တၢ်သ့လၢ ပှၤဂီၢ်မုၢ်ဖးဒိၣ်အံၤအဖီခိၣ်န့ၣ် မ်အဘၣ်တၢ်စံးထီၣ်ပ တြၢၤအီၤတက့ၢ်.
8 ဒီးစီၤဃံရၣ်မၢလီၤတၢ်ဆူစီၤၡလိၤမိၤအအိၣ်, ဒီးစံးဝဲ ဒၣ်, ယနၢ်ဟူတၢ်လၢနမၢလီၤတၢ်ဆူယအိၣ် အဂ့ၢ်အ ကျိၤ, ဒီးယကမၤကယဲၢ်တၢ်လၢအဘၣ်နသးလၢသ့ၣ် ဆှိအ့ရ့း,ဒီးသ့ၣ်ဆှိန့ၣ်ခဲလၢာ်လီၤ.
9 ယခ့ယပှၤကဟဲ စိာ်အီၤလၢလဘၤနိၣ်ပၢၢ်လၢပီၣ်လဲၣ်, ဒီးယကဆှၢအီၤ လၢပီၣ်လဲၣ်ပူၤလၢထိတုၤအလီၢ်ဖဲနကဒုးနဲၣ်ယၤ, ဒီးယ ကမၢအထိးထီၣ်ဖဲန့ၣ်, ဒီးနကဟံးန့ၢ်အီၤ,ဒီးနမ့ၢ်ဟ့ၣ် တၢ်အီၣ်လၢယပှၤဟံၣ်ဖိဒီး, နကမၤတၢ်လၢအဘၣ်ယ သးလီၤ.
10 ဒီးစီၤဃံရၣ်ဟ့ၣ်လီၤစီၤၡလိၤမိၤလၢ သ့ၣ်ဆှိအ့ရ့းတ တဖၣ်ဒီးသ့ၣ်ဆှိတဖၣ်, ကယဲၢ်တၢ်လၢအဘၣ်အသး လီၤ.
11 ဒီးစီၤၡလိၤမိၤဟ့ၣ်လီၤစီၤဃံရၣ်လၢ ဘုကၠူၣ်အကိၢ် ခံကလးလၢအပှၤဟံၣ်ဖိအတၢ်အီၣ်အဂီၢ်, ဒီးသိဆှံအ ကိၢ်ခံဆံလီၤ. စီၤၡလိၤမိၤဟ့ၣ်လီၤဝဲလၢစီၤဃံရၣ်တနံၣ် ဘၣ်တနံၣ်ဒ်န့ၣ်လီၤ.
12 ဒီးယွၤဟ့ၣ်လီၤစီၤၡလိၤမိၤလၢ တၢ်ကူၣ်သ့ဒ်အစံးပာ် တၢ်အသိးန့ၣ်, ဒီးစီၤဃံရၣ်ဒီးစီၤၡလိၤမိၤအိၣ်ဃူလိာ်ဖိး လိာ်အသး, ဒီးအၢၣ်လီၤအီလီၤလိာ်အသးခံဂၤလိာ်လီၤ.
13 ဒီးစီၤပၤၡလိၤမိၤ မၢပှၤမၤတၢ်လၢအဟ့ၣ်သွဲအလီၢ်, ဒီးတၢ်လၢအမၤဝဲန့ၣ်မ့ၢ်ပှၤကညီသၢကလးလီၤ.
14 ဒီးမၢ လီၤအီၤဆူလဘၤနိၣ်,တလါပှၤကညီတကလး, တလါ ပှၤကညီတကလးဒ်အတီၤအသိးန့ၣ်လီၤ. အိၣ်ဝဲလၢ လဘၤနိၣ်အလိၤတလါ, ဒီးအိၣ်ဝဲလၢဟံၣ်ပူၤခံလါ,ဒီး စီၤအဒိၤနံရၣ်အိၣ်ဝဲလၢ ပှၤမၤတၢ်လၢအဟ့ၣ်သွဲအလီၢ် အဖီခိၣ်လီၤ.
15 ဒီးစီၤၡလိၤမိၤအိၣ်ဒီးပှၤဝံတၢ်ယိးတၢ် နွံကလးလၢအ ဝံတၢ်ယိးတၢ်, ဒီးပှၤလၢအကူာ်သ့ၣ်လၢကစၢၢ်လိၤအိၣ် ဝဲဃိးကလးလီၤ.
16 ဒီးလၢစီၤၡလိၤမိၤအပဒိၣ်ဖးဒိၣ်လၢ အအိၣ်ဝဲလၢတၢ်မၤအဖီခိၣ်အမဲာ်ညါန့ၣ် ပဒိၣ်အိၣ်သၢ ကထိသၢကယၤလၢအပၢပှၤလၢအမၤတၢ်လီၤ.
17 ဒီးစီၤပၤမၤလိာ်တၢ်, ဒီးပှၤဟဲစိာ်လၢၢ်ဖးဒိၣ်,ဒီးလၢၢ် လၢအလုၢ်ဒိၣ်ပှ့ၤဒိၣ်,လၢၢ်စိးပျၤအသးတဖၣ်န့ၣ် ဒ်သိး အကပာ်လီၤဟံၣ်အခီၣ်ထံးန့ၣ်လီၤ.
18 ဒီးစီၤၡလိၤမိၤအ ပှၤမၤတၢ်သ့,ဒီးစီၤဃံရၣ်အပှၤမၤတၢ်သ့, ဒီးပှၤဃီလၢၢ် တဖၣ်န့ၣ်စိးပျၤဝဲ, ဒီးကတဲာ်ကတီၤသ့ၣ်ဒီးလၢၢ်ဒ်သိး အကမၤဟံၣ်န့ၣ်လီၤ.