20
1 ဒီးစူၤရံအစီၤပၤဘ့ၣ်ဟဒး ဒုးအိၣ်ဖှိၣ်အပှၤသုးမုၢ်ခဲ လၢာ်,ဒီးစီၤပၤသၢဆံဂၤအိၣ်ဒီးအီၤ, ဒီးကသ့ၣ်တဖၣ်, ဒီးလ့ၣ်ကဟၣ်တဖၣ်န့ၣ်လီၤ. ဒီးလဲၤထီၣ်,ဒီးကဝီၤဃာ် ၡၤမရံ,ဒီးဒုးတၢ်ဒီးအီၤလီၤ.
2 ဒီးမၢလီၤကလူးတဖၣ်ဆူ အံၣ်စရ့လးအစီၤပၤအၤ ဃာ်အအိၣ်လၢဝ့ၢ်ပူၤ, ဒီးစံးဘၣ်အီၤ, စီၤဘ့ၣ်ဟဒးစံးဒ် အံၤ,
3 နကျိၣ်နစ့,ဒီးနထူနလွဲမ့ၢ်ယတၢ်, ဒီးနဖိနမါ,ဒီး နဖိနလံၤအဂ့ၤတဖၣ်မ့ၢ်ယတၢ်လီၤ.
4 ဒီးအံၣ်စရ့လးအစီၤပၤစံးဆၢဝဲဒၣ်, ဒီးစံး,ယကစၢ်စီၤ ပၤဧၢ, ဒ်နကလုၢ်အသိးန့ၣ်ယဲဒၣ်အံၤယမ့ၢ်နတၢ်ဒီးက ယဲၢ်တၢ်လၢအိၣ်ဒီးယၤခဲလၢာ်လီၤ.
5 ဒီးကလူးတဖၣ်န့ၣ်ဟဲက့ၤကဒီး, ဒီးစံးဝဲဒၣ်,စီၤဘ့ၣ် ဟဒးစံးတၢ်ဒ်အံၤ,ဒီးစံးဝဲဒၣ်, ယမၢလီၤတၢ်ဆူနအိၣ်ဒီး စံးလၢနဘၣ်ဟ့ၣ်ယၤလၢနကျိၣ်နစ့, ဒီးနထူနလွဲ,ဒီးန ဖိနမါ,ဒီးနဖိနလံၤ,
6 ဒီးခဲဂီၤဆၢအလီၢ်ခဲအံၤ,ယကမၢ လီၤယခ့ယပှၤ, ဒီးကဃုတၢ်လၢနဟံၣ်ပူၤ,ဒီးလၢနခ့န ပှၤအဟံၣ်ပူၤ, ဒီးတၢ်ကမၤအသးလၢကယဲၢ်တၢ်အဘၣ် နမဲာ်တမံၤလၢ်လၢ်န့ၣ် ကပာ်ဝဲလၢနစုပူၤ, ဒီးစိာ်ထီၣ် ကွံာ်ဝဲလီၤ.
7 ဒီးအံၣ်စရ့လးအစီၤပၤကိးန့ၢ်ထံဧိၤကီၢ်ဧိၤ အသူၣ်က့ အသးပှၢ်ခဲလၢာ်ဒီးစံးဝဲဒၣ်, သ့ၣ်ညါလၢ်, ဒီးကွၢ်လၢအ ဝဲတဂၤအံၤဃုတၢ်အၢတက့ၢ်. အဂ့ၢ်ဒ်အံၤ,မၢလီၤတၢ်ဆူ ယအိၣ်လၢအကန့ၢ်ဘၣ်ယဖိယမါ, ဒီးယဖိယလံၤ,ဒီး ယကျိၣ်ယစ့,ဒီးယထူယလွဲ, ဒီးယတတြီဘၣ်အီၤဘၣ်.
8 ဒီးပှၤသူၣ်က့သးပှၢ်ခဲလၢာ်, ဒီးပှၤဂီၢ်မုၢ်ခဲလၢာ်စံးဘၣ် အီၤ, ဒိကနၣ်အကလုၢ်တဂ့ၤ. ဒီးအၢၣ်လီၤအီလီၤတၢ် တဂ့ၤ.
9 ဒီးစံးဘၣ်စီၤဘ့ၣ်ဟဒးအကလူးတဖၣ်, စံးဘၣ်ယက စၢ်စီၤပၤန့ၣ်, ကယဲၢ်တၢ်လၢနမၢလီၤတၢ်ဆူနခ့နပှၤအ အိၣ်လၢနဂီၢ်လၢအခီၣ်ထံးတဘျီ ခဲလၢာ်န့ၣ်ယမၤလီၤ. မ့မ့ၢ်တၢ်အံၤတမံၤန့ၣ်,ယမၤတသ့ဘၣ်. ဒီးကလူးတဖၣ် န့ၣ်ဟးထီၣ်ကွံာ်,ဒီးဟဲကဒီးဒီးတၢ်ကတိၤလီၤ.
10 ဒီးစီၤဘ့ၣ်ဟဒးမၢလီၤတၢ်ဆူအအိၣ်ဒီးစံးဝဲဒၣ်, ၡၤမ ရံအဟီၣ်ခိၣ်အကမူၣ်မ့ၢ်အါလၢ ကယဲၢ်ပှၤဂီၢ်မုၢ်ဖဲယ ခီၣ်ထံးလၢအတၢၤဒုၣ်အဂီၢ်ဒီး, မ်ကစၢ်တဖၣ်မၤယၤဒ် န့ၣ်ဒီးအါန့ၢ်အန့ၣ်တက့ၢ်.
11 ဒီးအံၣ်စရ့လးအစီၤပၤစံးဆၢတၢ်ဒီးစံးဝဲဒၣ်, ပှၤလၢ အသိးထီၣ်အစုကဝဲၤန့ၣ်, မ်အသုတပာ်ကဖၢလၢအသး ဒ်ပှၤလၢအဘ့ၣ်ကွံာ်အီၤအသိးန့ၣ်တဂ့ၤ.
12 ဒီးတုၤအနၢ်ဟူတၢ်ကတိၤန့ၣ်ဒီး, တၢ်မၤအသးလၢအ ဝဲဒၣ်အီတၢ်, အဝဲဒၣ်ဒီးစီၤပၤတဖၣ်လၢအဒဲပူၤ, ဒီးစံး ဘၣ်အခ့အပှၤ, ကတီၤထီၣ်သုသးတက့ၢ်. ဒီးကတီၤ ထီၣ်အသးထီဒါဝ့ၢ်န့ၣ်လီၤ.
13 ဒီးကွၢ်ကွၢ်, ဝံတဂၤဟဲဆူအံၣ်စရ့လးအစီၤပၤအၤဃာ် အအိၣ်, ဒီးစံးဝဲဒၣ်, ယွၤစံးဝဲဒ်အံၤ,ပှၤဂီၢ်မုၢ်ခဲလၢာ်အံၤ နထံၣ်ဘၣ်လံဧါ.ကွၢ်ကွၢ်, ယကဟ့ၣ်လီၤကွံာ်အီၤလၢ နစုပူၤလၢမုၢ်မဆါတနံၤအံၤ, ဒီးနကသ့ၣ်ညါလၢယမ့ၢ် ယွၤလီၤ.
14 ဒီးစီၤအၤဃာ်စံးဝဲဒၣ်, လၢမတၤတဂၤလဲၣ်. ဒီးစံးဝဲ ဒၣ်, ယွၤစံးဝဲဒ်အံၤ, လၢထံဧိၤကီၢ်ဧိၤပဒိၣ်ဖးဒိၣ်တဖၣ် အပှၤဖိၣ်သၣ်ခွါလီၤ. ဒီးစံးဝဲဒၣ်, မ့ၢ်မတၤကကတဲာ် ကတီၤ ထီၣ်တၢ်ဒုးသုးန့ၣ်တဂၤလဲၣ်.ဒီးစံးဝဲဒၣ်,နၤလီၤ.
15 ဒီးဂံၢ်ထံဧိၤကီၢ်ဧိၤအပဒိၣ်ဖးဒိၣ်တဖၣ် အပှၤဖိၣ်သၣ် ခွါ,ဒီးအိၣ်ဝဲခံကယၤသၢဆံဂၤ, ဒီးလၢခံက့ၤဒီး,ဂံၢ်ပှၤဂီၢ် မုၢ်ခဲလၢာ်, ကယဲၢ်ပှၤအံၣ်စရ့လးဖိ,ဒီးအိၣ်ဝဲပှၤနွံကထိ လီၤ.
16 ဒီးမုၢ်ထူၣ်န့ၣ်ဟးထီၣ်ဝဲ, ဒီးစီၤဘ့ၣ်ဟဒးအီမူၤအသး လၢဒဲပူၤ, အဝဲဒၣ်ဒီးစီၤပၤတဖၣ်,စီၤပၤသၢဆံခံဂၤလၢ အမၤစၢၤအီၤလီၤ.
17 ဒီးကီၢ်ပဒိၣ်ဖးဒိၣ်တဖၣ် အပှၤဖိၣ်သၣ်ခွါဟးထီၣ်ဆိ, ဒီးစီၤဘ့ၣ်ဟဒးမၢလီၤတၢ်, ဒီးတၢ်ဒုးနဲၣ်အီၤ,ဒီးစံးဝဲဒၣ်, ပှၤကညီတဖၣ်ဟဲထီၣ်လၢၡၤမရံအပူၤလီၤ.
18 ဒီးစံးဝဲဒၣ်, မ့ၢ်ဟဲလၢတၢ်ဃူတၢ်ဖိးအဂီၢ်ဒီး,ဖီၣ်န့ၢ်မူ ဒံးအီၤတက့ၢ်.
19 ဒီးကီၢ်အပဒိၣ်ဖးဒိၣ်တဖၣ် အပှၤဖိၣ်သၣ်ခွါဟဲထီၣ် လၢဝ့ၢ်ပူၤ, ဒီးပှၤသုးမုၢ်လၢအပိာ်အခံလီၤ.
20 ဒီးမၤသံ တဂၤအပှၤကညီတဂၤ, တဂၤအပှၤကညီတဂၤ,ဒီးပှၤစူၤ ရံဖိဃ့ၢ်ဝဲ, ဒီးအံၣ်စရ့လးလူၤအီၤ, ဒီးစူၤရံအစီၤပၤဘ့ၣ် ဟဒးပူၤဖျဲးဝဲလၢ ကသ့ၣ်လိၤအိၣ်ဒီးပှၤကသ့ၣ်သုးဖိတ ဖၣ်လီၤ.
21 ဒီးအံၣ်စရ့လးအစီၤပၤလဲၤထီၣ်ဝဲ, ဒီးကျီကွံာ်ကသ့ၣ်, ဒီးလ့ၣ်ကဟၣ်,ဒီးကျီကွံာ်ပှၤစူၤရံဖိလၢ တၢ်ကျီကွံာ်ဖး ဒိၣ်လီၤ.
22 ဒီးဝံတဂၤန့ၣ် ဟဲဝဲဆူအံၣ်စရ့လးအစီၤပၤအအိၣ်,ဒီး စံးဘၣ်အီၤ, လဲၤမၤဆူၣ်ထီၣ်နသး,ဒီးသ့ၣ်ညါ,ဒီးကွၢ် တၢ်လၢနမၤတၢ်တဖၣ်န့ၣ်တက့ၢ်. အဂ့ၢ်ဒ်အံၤ,တုၤနံၣ် ဆၢအလီၢ်ဒီး, စူၤရံအစီၤပၤကဟဲထီဒါကဒီးနၤလီၤ.
23 ဒီးစူၤရံအီၤပၤအခ့အပှၤစံးဘၣ်အီၤ, အဝဲသ့ၣ်တဖၣ် အကစၢ်တဖၣ်န့ၣ် မ့ၢ်ကစၢၢ်ကလိအကစၢ်လီၤ.မၤသး ဒ်န့ၣ်ဒီးဆူၣ်န့ၢ်ပှၤတက့ၢ်လီၤ. ဒီးမ်ပဒုးသုးဒီးအီၤလၢ တၢ်ပျီပူၤတက့ၢ်.မ့ၢ်မးပကဆူၣ်န့ၢ်အီၤတက့ၢ်လီၤ.
24 ဒီး မၤတၢ်အံၤ,သုးကွံာ်စီၤပၤ,တဂၤလၢအလီၢ်ဒၣ်ဝဲ, တဂၤ လၢအလီၢ်ဒၣ်ဝဲ, ဒီးပာ်သုးဖိအခိၣ်လၢအလီၢ်န့ၣ်တ က့ၢ်.
25 ဒီးဂံၢ်န့ၢ်ပှၤသုးမုၢ်ပှဲၤသိးသိးဒီးပှၤသုးမုၢ်လၢအ လီၤဃံၤန့ၣ်လၢနဂီၢ်တက့ၢ်. ကသ့ၣ်တဒုလၢကသ့ၣ် တဒုအလီၢ်, ဒီးလ့ၣ်ကဟၣ်တဆိလၢလ့ၣ်ကဟၣ်တ ဆိအလီၢ်, ဒီးပကဒုးတၢ်ဒီးအီၤလၢတၢ်ပျီပူၤလီၤ.မ့ၢ်မး ပကဆူၣ်န့ၢ်အီၤတက့ၢ်လီၤ. ဒီးဒိကနၣ်အကလုၢ်,ဒီးမၤ ဝဲဒ်န့ၣ်လီၤ.
26 ဒီးတုၤနံၣ်ဆၢအလီၢ်ဒီး, တၢ်မၤအသးလၢစီၤဘ့ၣ်ဟ ဒးဂံၢ်ပှၤစူၤရံဖိ, ဒီးလဲၤဝဲဆူအဖ့းဒ်သိးအကဒုးတၢ်ဒီး အံၣ်စရ့လးလီၤ.
27 ဒီးပှၤအံၣ်စရ့လးဖိဘၣ်တၢ်ဂံၢ်အီၤ, ဒီးအိၣ်ဝဲခဲလၢာ်, ဒီးလဲၤထီဒါအီၤ,ဒီးပှၤအံၣ်စရ့လးဖိ သူၣ်ဒဲလၢအမဲာ်ညါ ဒ်မဲာ်တဲးလဲးဖိခံဖုဆံးကိာ်အသိး န့ၣ်,ဒီးပှၤစူၤရံဖိမၤပှဲၤကီၢ်ပူၤန့ၣ်လီၤ.
28 ဒီးယွၤအပှၤကညီတဂၤဟဲဝဲ, ဒီးကတိၤတၢ်ဒီးအံၣ်စ ရ့လးအစီၤပၤ, ဒီးစံးဝဲဒၣ်,ယွၤစံးဒ်အံၤ,မ့ၢ်ပှၤစူၤရံဖိစံး တ့ၢ်, ယွၤမ့ၢ်ကစၢၢ်ကလိအကစၢ်,ဒီးတမ့ၢ်ဘၣ်ပျီအက စၢ်ဘၣ်ဒီး, ယကဟ့ၣ်လီၤပှၤဂီၢ်မုၢ်ဖးဒိၣ်အံၤလၢနစုပူၤ လီၤ. သုကသ့ၣ်ညါလၢယမ့ၢ်ယွၤလီၤ.
29 ဒီးသူၣ်ဒဲသဃီၤလိာ်အသးနွံနံၤ, ဒီးနွံနံၤတနံၤန့ၣ်သုး ဘူးဃီၤလိာ်အသး,ဒီးဒုးလိာ်အသးလီၤ. ဒီးပှၤအံၣ်စရ့ လးဖိမၤသံပှၤစူၤရံဖိ, ပှၤခီၣ်သုးဖိတကလီၤလၢမုၢ်တနံၤ အတီၢ်ပူၤန့ၣ်လီၤ.
30 ဒီးပှၤအိၣ်လီၤတဲာ်တဖၣ်န့ၣ်ဃ့ၢ်ဝဲ ဆူအဖ့း,ဆူဝ့ၢ်ပူၤ, ဒီးတၢ်ဒူၣ်တဒူၣ်လီၤပှီၢ်ဝဲလၢပှၤခံက လးနွံကထိအဖီခိၣ် လၢအအိၣ်လီၤတဲာ်န့ၣ်လီၤ. ဒီး စီၤဘ့ၣ်ဟဒးဃ့ၢ်ထီၣ်ကွံာ်, ဒီးဟဲနုာ်လၢဝ့ၢ်ပူၤ ဆူဒၢး လၢညါခီတဒၢးအပူၤလီၤ.
31 ဒီးအခ့အပှၤစံးဘၣ်အီၤ,ကွၢ်ကွၢ်, ပနၢ်ဟူလၢအံၣ်စရ့ လးအပှၤဟံၣ်ဖိအစီၤပၤတဖၣ် မ့ၢ်စီၤပၤလၢအသးက ညီၤတၢ်လီၤ. ဒုးပာ်ပှၤလၢထၢၣ်တၢ်ကံးညာ်လၢပယီၢ် ဒ့,ဒီးပျံၤလၢပခိၣ်, ဒီးဒုးလဲၤထီၣ်ပှၤဆူအံၣ်စရ့လးအစီၤ ပၤအအိၣ်တက့ၢ်. ဘၣ်တဘၣ်ကဒုးမူဒံးနသးသမူလီၤ.
32 ဒီးကံၢ်တူာ်အယီၢ်ဒ့လၢထၢၣ်တၢ်ကံးညာ်, ဒီးပာ်ပျံၤ လၢအခိၣ်, ဒီးဟဲဝဲဆူအံၣ်စရ့လးအစီၤပၤအအိၣ်,ဒီးစံး ဝဲဒၣ်,နခ့နပှၤစီၤဘ့ၣ်ဟဒးစံးဝဲဒၣ်, မ်နဒုးမူဒံးယၤတ က့ၢ်. ဒီးစံးဝဲဒၣ်, မ့ၢ်အမူဒံးစ့ၢ်ကီးဧါ. မ့ၢ်ဝဲလၢယဒီပုၢ် ဝဲၢ်လီၤ.
33 ဒီးပှၤကညီတဖၣ်န့ၣ် ကနၣ်ထံအတၢ်ကတိၤ,ဒီးဖီၣ် ဃာ်ဝဲပစုၢ်ပတ့ၤ, ဒီးစံးဝဲဒၣ်,နဒီပုၢ်ဝဲၢ်စီၤဘ့ၣ်ဟဒးလီၤ. ဒီးစံးဝဲဒၣ်,လဲၤ, ဟဲစိာ်အီၤတက့ၢ်. ဒီးစီၤဘ့ၣ်ဟဒးဟဲ ထီၣ်ဆူအအိၣ်, ဒီးအဝဲဒၣ်ဒုးဟဲထီၣ်အီၤဆူလ့ၣ်ကဟၣ် အပူၤလီၤ.
34 ဒီးစီၤဘ့ၣ်ဟဒးစံးဘၣ်အီၤ, ဝ့ၢ်တဖၣ်လၢယပၢ်ဟံးန့ၢ် လၢနပၢ်န့ၣ်ယကဟ့ၣ်က့ၤ, ဒီးနကမၤကျဲဧိၤကပူၤဧိၤ လၢဒၤမ့ၤစ့းအပူၤ ဒ်ယပၢ်မၤဝဲလၢၡၤမရံအပူၤအသိးန့ၣ် လီၤ. ဒီးစံးဝဲဒၣ်, ယကပျၢ်နၤဒီးတၢ်အၢၣ်လီၤအီလီၤအံၤ လီၤ. ဒီးအၢၣ်လီၤအီလီၤဒီးအီၤ,ဒီးပျၢ်အီၤလီၤ.
35 ဒီးပှၤလၢဝံအဖိခွါအကျါတဂၤ စံးဘၣ်ပှၤလၢအဃၢၤ တဂၤလၢယွၤအကလုၢ်,တီၢ်လၢ်ယၤတက့ၢ်. ဒီးပှၤတ ဂၤတီၢ်အီၤန့ၣ်ဂ့ၢ်လိာ်ဝဲလီၤ.
36 ဒီးစံးဘၣ်အီၤ, မ့ၢ်နတဒိကနၣ်ဘၣ်ယွၤအကလုၢ်ဘၣ် ဒီး,ကွၢ်ကွၢ်, တုၤနဟးထီၣ်ကွံာ်လၢယအိၣ်ဒီး,ခ့ယုၢ်တ ဒုကမၤသံနၤလီၤ. ဒီးတုၤအဟးထီၣ်ကွံာ်လၢအအိၣ်ဒီး, ခ့ယုၢ်တဒုထံၣ်န့ၢ်အီၤ,ဒီးမၤသံအီၤလီၤ.
37 ဒီးထံၣ်န့ၢ်ပှၤတဂၤဒၣ်, ဒီးစံးဝဲဒၣ်, တီၢ်လၢ်ယၤတ က့ၢ်. ဒီးပှၤတဂၤန့ၣ်တီၢ်အီၤ,ဒီးတီၢ်နုာ်ဝဲလီၤ.
38 ဒီးဝံတဂၤန့ၣ်ဟးထီၣ်ကွံာ်, ဒီးအိၣ်ခိးစီၤပၤလၢကျဲအ ဃၢၤ, ဒီးမၤလီၤဆီအသးအိၣ်ဒီးဖၣ်ဆါလၢအမဲာ်လိၤ လီၤ.
39 ဒီးတုၤစီၤပၤလဲၤပူၤဒီး,ကိးထီၣ်ဝဲဆူစီၤပၤ, ဒီးစံးဝဲဒၣ်, နခ့နပှၤလဲၤဝဲဆူတၢ်ဒုးသုးအကျါ, ဒီးကွၢ်ကွၢ်,ပှၤတဂၤ ဃၣ်အသး, ဒီးဟဲစိာ်ပှၤတဂၤဆူယအိၣ်,ဒီးစံးဝဲဒၣ်,ပၢၤ ပှၤတဂၤအံၤတက့ၢ်. မ့ၢ်တအိၣ်ဘၣ်သပှၢ်တၢၢ်ဒီး,နသး သမူဘၣ်အိၣ်လၢအသးသမူအလီၢ်လီၤ. မ့တမ့ၢ်ဘၣ်ဒ် န့ၣ်ဒီးနဘၣ်လိးစ့တကံကၢ်လီၤ.
40 ဒီးနခ့နပှၤမၤတၢ်ဖဲအံၤဖဲနုၤအဖၢဖုၢ်ဒီး, အဝဲဒၣ်တ အိၣ်ဘၣ်လီၤ. ဒီးအံၣ်စရ့လးအစီၤပၤစံးဘၣ်အီၤ,နတၢ် စံၣ်ညီၣ်ကအိၣ်ဒ်န့ၣ်လီၤ. နစံၣ်ညီၣ်လီၤနသးနကစၢ် ဒၣ်နဲလီၤ.
41 ဒီးအဝဲဒၣ်မၤချ့ချ့, ဒီးတြူာ်ကွံာ်ဖၣ်ဆါ လၢအမဲာ် လိၤ, ဒီးအံၣ်စရ့လးအစီၤပၤကွၢ်နီၣ်အီၤလၢ အမ့ၢ်လၢဝံ တဖၣ်အကျါလီၤ.
42 ဒီးစံးဘၣ်အီၤ, ယွၤစံးဝဲဒ်အံၤ, မ့ၢ်နပျၢ်ပှၤတဂၤလၢ ယပာ်လီၤ လၢတၢ်ဟးဂီၤကွံာ်အဂီၢ်ဒီး, နသးသမူက အိၣ်လၢအသးသမူအလီၢ်, ဒီးနပှၤဂီၢ်မုၢ်လၢအဝဲဒၣ်အ ပှၤဂီၢ်မုၢ်အလီၢ်လီၤ.
43 ဒီးအံၣ်စရ့လးအစီၤပၤလဲၤဝဲဆူအဟံၣ်ဒီး အမဲာ်ထီၣ် ဂီၤ, ဒီးအသးဒိၣ်ထီၣ်,ဒီးဟဲဝဲဆူၡၤမရံလီၤ.