17
1 ဒီးပှၤတံးရှ့ဘးဖိစီၤအ့ၤလံယၤ လၢအအိၣ်ဝဲဆိးဝဲလၢ ပှၤကံးလဧးဖိအကျါန့ၣ်စံးဘၣ်စီၤအၤဃာ်, ယွၤအံၣ်စ ရ့လးအကစၢ်မူဝဲလၢ ယဆၢထၢၣ်လၢအမဲာ်ညါန့ၣ်, တၢ်လၢနံၣ်တဖၣ်အံၤပစီၤထံမ့ၢ်ဂ့ၤ, တၢ်စူၤမ့ၢ်ဂ့ၤ,မ့တ မ့ၢ်ဘၣ်လၢယထးခိၣ်ဒီး, တအိၣ်ဘၣ်လီၤ.
2 ဒီးယွၤအကလုၢ်ဘၣ်အီၤ,ဒီးစံးဝဲဒၣ်,
3 ဟးထီၣ်ဖဲအံၤ, ဒီးဃၣ်နသးဆူမုၢ်ထီၣ်တခီ, ဒီးပာ်ခူသူၣ်နသးလၢထံ ကျိကရံသးအနံၤ, လၢအအိၣ်ဝဲလၢယၢ်ဒ့ၣ်အမဲာ်ညါ တက့ၢ်.
4 ဒီးကမၤအသးလၢနကအီတၢ်လၢထံကျိအ ပူၤ, ဒီးယမၤလိာ်တ့ၢ်စိးဝၣ်ဃး ဒ်သိးအကဘုၣ်အီၣ် နၤဖဲန့ၣ်လီၤ.
5 ဒီးလဲၤဝဲဒီးမၤဝဲ ဒ်ယွၤအကလုၢ်အသိးန့ၣ်, ဒီးလဲၤဝဲ, ဒီးအိၣ်ဝဲလၢထံကရံသးအနံၤလၢအအိၣ်ဝဲလၢ ယၢ်ဒ့ၣ် အမဲာ်ညါလီၤ.
6 ဒီးစိးဝၣ်ဃးဟဲစိာ်န့ၢ်အီၤလၢကိၣ်ဒီး တၢ်ညၣ်လၢမုၢ်ဂီၤ, ဒီးကိၣ်ဒီးတၢ်ညၣ်လၢမုၢ်ဟါ,ဒီးအီ တၢ်လၢထံကျိပူၤန့ၣ်လီၤ.
7 ဒီးလၢမုၢ်နံၤတဖၣ်အကတၢၢ်န့ၣ် တၢ်မၤအသးလၢ ထံလီၤသံးကွံာ်လၢထံကျိပူၤလီၤ. အဂ့ၢ်ဒ်အံၤ,တၢ်တဟဲ စူၤဘၣ်လၢကီၢ်ပူၤဘၣ်.ဒီးယွၤအကလုၢ်ဘၣ်အီၤဒီးစံးဝဲဒၣ်,
8-9 ဂဲၤဆၢထၢၣ် လဲၤဆူစၤရဖၤသး လၢအဘၣ်ဃးဒီးစံဒိၣ်,ဒီးအိၣ်ဖဲန့ၣ် တက့ၢ်. ကွၢ်ကွၢ်, ယမၤလိာ်ပှၤမုၣ်ကမဲတဂၤဖဲန့ၣ်ဒ်သိး အကလုၢ်အီၣ်နၤလီၤ.
10 ဒီးဂဲၤဆၢထၢၣ်, ဒီးလဲၤဝဲဆူစၤရဖၢသး,ဒီးလဲၤဆူဝ့ၢ် အပဲတရီ, ဒီးကွၢ်ကွၢ်, ပှၤမုၣ်ကမဲတဂၤအိၣ်ဖဲန့ၣ်ထၢ ထီၣ်သ့ၣ်မုၣ်ဒ့လီၤ. ဒီးကိးန့ၢ်ဝဲ,ဒီးစံးဝဲဒၣ်,ဟဲစိာ်န့ၢ်လၢ် ယၤလၢထံတစဲးလၢလီခီပူၤ ဒ်သိးယကအီတၢ်တက့ၢ်.
11 ဒီးလဲၤဝဲဒ်သိးအကဟဲစိာ် ဒီးအဝဲဒၣ်ကိးဆူအအိၣ်, ဟဲစိာ်န့ၢ်လၢ်ယၤလၢကိၣ်တစဲးလၢနစုပူၤတက့ၢ်.
12 ဒီးစံးဝဲဒၣ်, ယွၤနကစၢ်မူဝဲန့ၣ်, ယကိၣ်ဘ့ၣ်ဘၣ်တ အိၣ်ဘၣ်, အိၣ်ထဲကိၣ်အကမူၣ်တတၢၤဒုၣ်လၢ ထံဒၢ သ့ၣ်အပူၤ, ဒီးသိတစဲးလၢပလီပူၤ,ဒီးကွၢ်ကွၢ်,ယထၢ ထီၣ်သ့ၣ်မုၣ်ဒ့ခံဘိ, ဒ်သိးယကလဲၤနုာ်, ဒီးကတဲာ်က တီၤလၢယဂီၢ်, ဒီးလၢယဖိခွါအဂီၢ်, ဒ်သိးအကအီၣ် တၢ်, ဒီးသံလီၤ.
13 ဒီးစီၤအ့လံယၤစံးဘၣ်အီၤ, ဘၣ်ယိၣ်တဂ့ၤ, မၤဒ်န စံးတၢ်အသိးန့ၣ်တက့ၢ်. ဘၣ်ဆၣ်ဒီး မၤဆိကိၣ်ဘ့ၣ် ဘၣ်အဖိတဘ့ၣ်လၢအီၤလၢယဂီၢ်, ဒီးဟဲစိာ်ဆူယအိၣ် ဝံၤဒီးမၤက့ၤလၢနဂီၢ်ဒီးလၢနဖိခွါအဂီၢ်တက့ၢ်.
14 အဂ့ၢ် ဒ်အံၤ, ယွၤအံၣ်စရ့လးအကစၢ်စံးဒ်အံၤ, ထံဒၢသ့ၣ်အ အကိၣ်ကမူၣ်တလၢာ်, ဒီးပလီအသိတလီၤစှၤဘၣ်တုၤ ယွၤကမၢတၢ်ဟဲစူၤလၢဟီၣ်ခိၣ်ချၢလီၤ.
15 ဒီးလဲၤဝဲ, ဒီးမၤတၢ်ဒ်စီၤအ့လံယၤအကလုၢ်အသိးန့ၣ်, ဒီးအဝဲဒၣ်ဒီးအပှၤဟံၣ်ဖိအီၣ်တၢ်မုၢ်နံၤတဖၣ်လီၤ.
16 ထံဒၢသ့ၣ်အကိၣ်ကမူၣ်တလၢာ်ဘၣ်, ဒီးလီခီအသိ တလီၤစှၤဘၣ်, ဒ်ယွၤအကလုၢ်လၢအကတိၤဝဲလၢစီၤ အ့ၤလံယၤအစုပူၤအသိးန့ၣ်လီၤ.
17 ဒီးလၢတၢ်န့ၣ်တဖၣ်အလီၢ်ခံ တၢ်မၤအသးလၢဟံၣ် အကစၢ်ပိာ်မုၣ်န့ၣ် အဖိခွါဆါထီၣ်ဝဲ,ဒီးဆါဝဲနးနးက လဲာ်တုၤအသါတအိၣ်လၢၤဘၣ်လၢအပူၤဘၣ်.
18 ဒီးပိာ် မုၣ်န့ၣ်စံးလၢစီၤအ့ၤလံယၤ, တၢ်ဘၣ်ဃးဒီးယၤဒီးနၤမ့ၢ် မနုၤလဲၣ်, ယွၤအပှၤကညီဧၢ,နဟဲဒုးသ့ၣ်နီၣ်ထီၣ်က့ၤ ယတၢ်ဒဲးဘး, ဒီးမၤသံယဖိခွါစ့ၢ်ကီးဧါ.
19 ဒီးအဝဲဒၣ်စံးဘၣ်အီၤ, ဟ့ၣ်လီၤယၤလၢနဖိခွါတက့ၢ်. ဒီးဟံးထီၣ်ဝဲလၢ အသးနါပှၢ်အပူၤ,ဒီးစိာ်ထီၣ်ဝဲဆူဒၢး လၢထးခီတတီၤ, ဖဲအအိၣ်အဆိးဝဲ,ဒီးပာ်လီၤအီၤလၢ အလီၢ်မံဒၣ်ဝဲန့ၣ်လီၤ.
20 ဒီးကိးထီၣ်ဆူယွၤ,ဒီးစံးဝဲဒၣ်, ယွၤယကစၢ်ဧၢ, နဒုး ဟဲစ့ၢ်ကီးတၢ်အၢလၢပှၤမုၣ်ကမဲအလိၤလၢ ယအိၣ်ယ ဆိးဒီးအီၤ,ဒီးမၤသံအဖိခွါစ့ၢ်ကီးဧါ,
21 ဒီးစူၣ်ထီၣ်အသး လၢဖိသၣ်အဖီခိၣ်သၢဘျီ, ဒီးကိးထီၣ်ဆူယွၤ,ဒီးစံးဝဲ ဒၣ်, ယွၤယကစၢ်ဧၢ, မ်ဖိသၣ်အသးဟဲက့ၤဆူအပူၤ တက့ၢ်.
22 ဒီးယွၤဒိကနၣ်စီၤအ့ၤလံယၤအကလုၢ်, ဒီးဖိသၣ်အ သးဟဲက့ၤကဒါက့ၤလၢအပူၤ, ဒီးမူထီၣ်က့ၤဝဲလီၤ.
23 ဒီးစီၤအ့လံၤယၤ ဟံးန့ၢ်ဖိသၣ်, ဒီးစိာ်လီၤအီၤလၢအဒၢးပူၤဆူဟံၣ်ပူၤ, ဒီးဟ့ၣ်လီၤဝဲလၢအမိၢ်, ဒီးစီၤအ့ၤလံယၤစံးဝဲဒၣ်,ကွၢ်ကွၢ်,နဖိခွါမူဝဲလီၤ.
24 ဒီးပိာ်မုၣ်န့ၣ်စံးလၢ စီၤအ့ၤလံယၤ, ခဲကနံၣ်အံၤယ သ့ၣ်ညါလၢတၢ်အံၤလၢနမ့ၢ်ယွၤအပှၤကညီ, ဒီးလၢယွၤ အကလုၢ်လၢနထးခိၣ်မ့ၢ်တၢ်အမ့ၢ်အတီလီၤ.