13
1 ဒီးကွၢ်ကွၢ်,ယွၤအပှၤကညီတဂၤ ဟဲထီၣ်လၢယွၤအ ကလုၢ်ကထါလၢယူဒၤဆူဘ့ၤသ့လးအပူၤ, ဒီးစီၤယၤ ရၤဘၣ်ဆၢထၢၣ်ဝဲလၢတၢ်လုၢ်လီၢ်အဃၢၤ ဒ်သိးအက ဆိၣ်ကဲၤတၢ်နၢမူလီၤ.
2 ဒီးကိးထီၣ်ဝဲထီဒါတၢ်လုၢ်လီၢ် လၢယွၤအကလုၢ်က ထါ,ဒီးစံးဝဲဒၣ်, တၢ်လုၢ်လီၢ်ဧၢ,တၢ်လုၢ်လီၢ်ဧၢ,ယွၤစံး ဒ်အံၤ,ကွၢ်ကွၢ်, ဖိသၣ်တဂၤကအိၣ်ဖျဲၣ်ဝဲလၢစီၤဒၤဝံးအ ဟံၣ်, အမံၤစီၤယိၤၡံယၤ, ဒီးကလုၢ်တၢ်အလီၢ်ထီၣ်ထီ အပှၤလုၢ်တၢ်အဒိၣ်တဖၣ် လၢနဖီခိၣ်, ပှၤလၢအဆိၣ် ကဲၤတၢ်နၢမူလၢနဖီခိၣ်, ဒီးမ့ၣ်အူကအီၣ်, ပှၤကညီအ ဃံအကွဲလၢအဖီခိၣ်လီၤ.
3 ဒီးတၢ်လၢမုၢ်တနံၤန့ၣ် ဟ့ၣ်လီၤတၢ်ပနီၣ်,ဒီးစံးဝဲဒၣ်, အအံၤမ့ၢ်တၢ်အပနီၣ်လၢယွၤကတိၤတၢ်, ကွၢ်ကွၢ်, တၢ် လုၢ်လီၢ်ကသ့ၣ်ဖး, ဒီးဖၣ်ဆါလၢအအိၣ်လၢအဖီခိၣ် ကဘၣ်တၢ်ဂၢ်လီၤကွံာ်အသးလီၤ.
4 ဒီးတုၤစီၤပၤယၤရၤဘၣ် နၢ်ဟူယွၤအပှၤကညီအတၢ် ကတိၤလၢအကိးထီဒါတၢ်လုၢ်လီၢ်လၢ ဘ့ၤသ့လးအ ပူၤန့ၣ်ဒီး,တၢ်မၤအသးလၢအယူာ်ထီၣ်အစုလၢတၢ်လုၢ် လီၢ်အဃၢၤ, ဒီးစံးဝဲဒၣ်,ဖီၣ်ဃာ်အီၤတက့ၢ်. ဒီးအစု လၢအယူာ်ထီၣ်ထီဒါအီၤန့ၣ်, ဃ့ထီၣ်ကွံာ်,ဒီးယၤလီၤ က့ၤတသ့ဘၣ်လီၤ.
5 ဒီးတၢ်လုၢ်လီၢ်န့ၣ်သ့ၣ်ဖး, ဒီးဖၣ်ဆါဘၣ်ဂၢ်လီၤကွံာ် အသးလၢတၢ်လုၢ်လီၢ်အဖီခိၣ်, ဒ်တၢ်အပနီၣ်လၢယွၤ အပှၤကညီဟ့ၣ်လီၤဝဲလၢယွၤအကလုၢ်အသိးန့ၣ်လီၤ.
6 ဒီးစီၤပၤစံးဆၢယွၤအပှၤကညီ, ဒီးစံးဝဲဒၣ်,ဃ့ကညး တၢ်လၢယွၤနကစၢ်အမဲာ်ညါ, ဒီးဘါထုကဖၣ်န့ၢ်ယဂီၢ် ဒ်သိးယကန့ၢ်က့ၤယစုတက့ၢ်. ဒီးယွၤအပှၤကညီဃ့က ညးယွၤ, ဒီးစီၤပၤန့ၢ်က့ၤအစု,ဒီးကဲထီၣ်ဝဲဒ်လီၢ်လီၢ်လီၤ.
7 ဒီးစီၤပၤစံးဘၣ်ယွၤအပှၤကညီ, ဟဲဒီးယၤဆူယဟံၣ်, ဒီးဒုးဆူၣ်ထီၣ်နသးတက့ၢ်. ဒီးယကဟ့ၣ်လီၤနၤလၢ တၢ်လီၤ.
8 ဒီးယွၤအပှၤကညီန့ၣ်စံးလၢစီၤပၤ, နမ့ၢ်ဟ့ၣ်လီၤယၤ လၢနဟံၣ်တဝာ်ညါဒီး, ယတလဲၤနုာ်ဘၣ်ဒီးနၤ,ဒီးယ တအီၣ်ကိၣ်, ဒီးယတအီဘၣ်ထံ လၢတၢ်အလီၢ်အံၤ ဘၣ်.
9 အဂ့ၢ်ဒ်အံၤ,ယွၤအကလုၢ်မၤလိာ်ယၤဒ်န့ၣ်အသိး ဒီးစံးဝဲဒၣ်, အီၣ်ကိၣ်တဂ့ၤ,ဒီးအီထံတဂ့ၤ,ဒီးက့ၤကဒါ က့ၤလၢကျဲလၢနဟဲန့ၣ်တဂ့ၤ.
10 ဒီးက့ၤက့ၤဝဲလၢအကျဲတဘိဒၣ်, ဒီးတမ့ၢ်ဘၣ်လၢကျဲ လၢအဟဲဆူဘ့ၤသ့လးဘၣ်.
11 ဒီးဝံသးပှၢ်တဂၤအိၣ်ဝဲဆိးဝဲလၢ ဘ့ၤသ့လးအပူၤ,ဒီး အဖိခွါတဖၣ်ဟဲ, ဒီးစံးဘၣ်အီၤလၢကယဲၢ်တၢ်မၤလၢ ယွၤအပှၤကညီမၤဝဲလၢမုၢ်တနံၤန့ၣ်လၢ ဘ့ၤသ့လးအ ပူၤလီၤ.တၢ်ကတိၤလၢအစံးလၢစီၤပၤန့ၣ်စံၣ်တဲၤတဲလီၤ စ့ၢ်ကီးအပၢ်လီၤ.
12 ဒီးအပၢ်စံးဘၣ်အီၤ, လဲၤဝဲကျဲမနုၤလဲၣ်.ဒီးအဖိခွါတ ဖၣ်ထံၣ်ဘၣ်ကျဲလၢယွၤအပှၤကညီလၢ အဟဲဝဲလၢယူ ဒၤတဂၤန့ၣ်လဲၤတၢ်လီၤ.
13 ဒီးစံးဘၣ်အဖိခွါတဖၣ်န့ၣ် ဂီၤကၢ်ကသ့ၣ်ယီၤတက့ၢ်.ဒီးအဝဲသ့ၣ်ဂီၤကၢ်ကသ့ၣ်ယီၤလၢအဂီၢ်, ဒီးဒိးဝဲလီၤ.-
14 ဒီးလူၤပိာ်ယွၤအပှၤကညီအခံ, ဒီးထံၣ်န့ၢ်အီၤဆ့ၣ်နီၤ လၢသ့ထိးဖၣ်အဖီလာ်, ဒီးစံးဘၣ်အီၤ, နမ့ၢ်ယွၤအပှၤ ကညီလၢအဟဲလၢယူဒၤစ့ၢ်ကီးဧါ. ဒီးစံးဝဲဒၣ်,ယၤလီၤ.
15 ဒီးစံးဘၣ်အီၤ, ဟဲဒီးယၤဆူယဟံၣ်,ဒီးအိၣ်ကိၣ်တ က့ၢ်.
16 ဒီးစံးဝဲဒၣ်, ယက့ၤဒီးနၤ, ဒီးလဲၤနုာ်ဒီးနၤတသ့ဘၣ်.ဒီးယတအီၣ်ဘၣ်ကိၣ်, ဒီးယတအီဘၣ်ထံဒီးနၤလၢအ လီၢ်အံၤဘၣ်.
17 အဂ့ၢ်ဒ်အံၤတၢ်စံဘၣ်ယၤလၢယွၤအက လုၢ်, နတဘၣ်အီၣ်ကိၣ်, ဒီးနတဘၣ်အီထံဖဲန့ၣ်ဘၣ်, ဒီးနတဘၣ်ဃၣ်ဃီၤဒ်သိးနကပိာ်ကျဲလၢနဟဲန့ၣ်ဘၣ်.
18 ဒီးစံးဘၣ်အီၤ, ယဲဒၣ်အံၤယမ့ၢ်ဝံစ့ၢ်ကီးဒ်နၤအသိး, ဒီးကလူးတဂၤကတိၤတၢ်ဒီးယၤလၢ ယွၤအကလုၢ်,ဒီး စံးဝဲဒၣ်, ဟဲစိာ်အီၤဆူနဟံၣ်ဒ်သိးအကအီၣ်ကိၣ်, ဒီး ဒီးအီထံတက့ၢ်.ဒီးကတိၤကဘျံးကဘျၣ်တၢ်ဒီးအီၤလီၤ.
19 ဒီးအဝဲဒၣ်က့ၤဒီးအီၤ, ဒီးအီၣ်ကိၣ်လၢအဟံၣ်ပူၤ,ဒီး အီထံလီၤ.
20 ဒီးလၢပှၤတဖၣ်ဆ့ၣ်နီၤလၢ စီၢ်နီၤခိၣ်အဃၢၤအဖၢမုၢ် ဒီး, တၢ်မၤအသးလၢယွၤအကလုၢ်ဘၣ်ဝံလၢအဟဲက့ၤ စိာ်အီၤ,
21 ဒီးကိးထီၣ်ဝဲဆူယွၤအပှၤကညီလၢအဟဲလၢ ယူဒၤဒီးစံးဝဲဒၣ်,ယွၤစံးဒ်အံၤ, မ့ၢ်နပူထီၣ်ယွၤအထးခိၣ်, ဒီးတတိၢ်န့ၣ်ဘၣ်တၢ်မၤလိာ်လၢ ယွၤနကစၢ်မၤလိာ် နၤ,
22 ဒီးဟဲက့ၤကဒါက့ၤ, ဒီးအီၣ်ကိၣ်ဒီးအီထံလၢအ လီၢ်ဖဲယွၤစံးဘၣ်နၤ, အီၣ်ကိၣ်တဂ့ၤ,အီထံတဂ့ၤန့ၣ်ဒီး, နစိၣ်တဟဲဘၣ်ဆူနပၢ်တဖၣ်အသွၣ်ခိၣ်ပူၤဘၣ်.
23 ဒီးလၢအအီၣ်ကိၣ်အလီၢ်ခံ, ဒီးလၢအအီထံအလီၢ်ခံ န့ၣ်တၢ်မၤအသးလၢအဝဲဒၣ် ဂီၤကၢ်ကသ့ၣ်ယီၤလၢဝံ လၢအဟဲက့ၤစိာ်တ့ၢ်အီၤတဂၤအဂီၢ်န့ၣ်လီၤ.
24 ဒီးလဲၤဝဲ, ဒီးခ့ယုၢ်ဘၣ်သဃိာ်အီၤလၢကျဲပူၤ,ဒီးမၤသံ အီၤ, ဒီးအစိၣ်အိၣ်ကွံာ်တ့ၢ်အသးဖဲကျဲပူၤ, ဒီးကသ့ၣ် ယီၤဆၢထၢၣ်လၢအဃၢၤ, ဒီးခ့ယုၢ်န့ၣ်ဆၢထၢၣ်ဝဲလၢ အစိၣ်အဃၢၤစ့ၢ်ကီးလီၤ.
25 ဒီးကွၢ်ကွၢ်, ပှၤကညီလဲၤပူၤကွံာ်, ဒီးထံၣ်ဘၣ်အစိၣ် အိၣ်ကွံာ်တ့ၢ်အသးဖဲန့ၣ်လၢကျဲပူၤ, ဒီးခ့ယုၢ်ဆၢထၢၣ် လၢအဃၢၤ, ဒီးဟဲစံးဝဲဘၣ်တဲဘၣ်ဝဲဖဲဝ့ၢ်ပူၤ, ဖဲဝံသး ပှၢ်အိၣ်ဝဲဆိးဝဲလၢအပူၤလီၤ.
26 ဒီးဝံလၢအဟဲက့ၤစိာ်အီၤလၢကျဲန့ၣ်နၢ်ဟူဝဲ, ဒီးစံးဝဲ ဒၣ်, မ့ၢ်လၢယွၤအပှၤကညီလၢအပူထီၣ်ယွၤအအထး ခိၣ်, ဒီးယွၤဟ့ၣ်လီၤကွံာ်အီၤလၢခ့ယုၢ်လၢအအ့ၣ်ဖှီကွံာ် အီၤ,ဒီးမၤသံအီၤဒ်ယွၤအကလုၢ်လၢ အကတိၤတၢ်ဒီး အီၤအသိးန့ၣ်လီၤ.
27 ဒီးကတိၤတၢ်ဒီးအဖိခွါတဖၣ်ဒီးစံးဝဲဒၣ်, ဂီၤကၢ်က သ့ၣ်ယီၤတက့ၢ်. ဒီးအဝဲသ့ၣ်ဂီၤကၢ်ဝဲလီၤ.
28 ဒီးလဲၤဝဲဒီးထံၣ်န့ၢ်အစိၣ် အိၣ်ကွံာ်တ့ၢ်အသးလၢကျဲ ပူၤ, ဒီးကသ့ၣ်ယီၤ, ဒီးခ့ယုၢ်ဆၢထၢၣ်ဝဲလၢအစိၣ်အ ဃၢၤ, ဒီးခ့ယုၢ်တအီၣ်ဘၣ်အစိၣ်, ဒီးတအ့ၣ်ဖှီဘၣ်က သ့ၣ်ယီၤဘၣ်.
29 ဒီးဝံတဂၤန့ၣ်ဟံးန့ၢ်ယွၤအပှၤကညီအစိၣ်, ဒီးပာ်ဝဲ လၢကသ့ၣ်ယီၤအလိၤ, ဒီးဟဲက့ၤစိာ်ဝဲ,ဒီးဝံသးပှၢ်ဟဲ က့ၤဆူဝ့ၢ်ပူၤ, ဒ်သိးအကဟီၣ်ဝဲ, ဒီးခူၣ်လီၤကွံာ်အီၤ လီၤ.
30 ဒီးပာ်အစိၣ်လၢအသွၣ်ခိၣ်ဒၣ်ဝဲအပူၤ, ဒီးဒဲလီၤအသး နါပှၢ်လၢအဖီခိၣ်, ဒီးစံးဝဲဒၣ်,အၣ်လါ,အၣ်လါ,ယဒီပုၢ် ဝဲၢ်ဧၢ,
31 ဒီးလၢအခူၣ်လီၤကွံာ်အီၤအလီၢ်ခံန့ၣ် တၢ်မၤ အသးလၢကတိၤတၢ်ဒီး အဖိခွါတဖၣ်ဒီး စံးဘၣ်အီၤ, တုၤယသံဒီး, ခူၣ်လီၤကွံာ်ယၤလၢ တၢ်သွၣ်ခိၣ်အပူၤဖဲ ယွၤအပှၤကညီအိၣ်ခူၣ်လီၤအသး လၢအပူၤန့ၣ်တက့ၢ်. ပာ်ယဃံလၢအဃံအဃၢၤန့ၣ်တက့ၢ်.
32 အဂ့ၢ်ဒ်အံၤ,တၢ် ကတိၤလၢအကိးထီၣ်ယွၤအကလုၢ်ထီဒါ တၢ်လုၢ်လီၢ် လၢဘ့ၤသ့လးအပူၤ, ဒီးထီဒါဟံၣ်လၢတၢ်အလီၢ်ထီၣ် ထီခဲလၢာ် လၢအအိၣ်ဝဲလၢၡၤမရံအဝ့ၢ်တဖၣ်အပူၤန့ၣ် ကလၢထီၣ်ပှဲၤထီၣ်သပှၢ်တၢၢ်လီၤ.
33 တၢ်တမံၤအံၤအလီၢ်ခံန့ၣ် စီၤယၤရၤဘၣ်တဟဲက့ၤက ဒါက့ၤလၢအကျဲအၢဘၣ်, ဒီးပာ်က့ၤပှၤလၢပှၤဂီၢ်မုၢ်အ ကျါလၢပှၤလၢအလီၢ်ထီၣ်ထီ အပှၤလုၢ်တၢ်အဒိၣ်လီၤ. ဒီးဖဲဒၣ်ပှၤလၢအဘၣ်အသးန့ၣ် ပာ်ဝဲဒ်သိးအကဲထီၣ် တၢ်အလီၢ်ထီၣ်ထီအပှၤလၢ်တၢ်အဒိၣ်လီၤ.
34 ဒီးတၢ်တမံၤအံၤ ကဲထီၣ်တၢ်ဒဲဘးလၢစီၤယၤရၤဘၣ် အဟံၣ်အဂီၢ်, တုၤတၢ်ဒီၣ်တဲာ်ကွံာ်အီၤ, ဒီးမၤဟးဂီၤ ကွံာ်အီၤလၢဟီၣ်ခိၣ်ချၢန့ၣ်လီၤ.