12
ဒီးစီၤရဃၤဘၣ်လဲၤဝဲဆူၡက့ၣ်လီၤ. အဂ့ၢ်ဒ်အံၤ,အံၣ် စရ့လးခဲလၢာ် ဟဲဆူၡက့ၣ်ဒ်သိးအကပာ်အီၤလၢစီၤပၤ လီၤ. ဒီးတုၤစီၤနဘးအဖိခွါစီၤယၤရၤဘၣ်လၢအအိၣ် ဒံးလၢအဲၤကူပတူးအပူၤန့ၣ် နၢ်ဟူတၢ်ဒီး, (အဂ့ၢ်ဒ်အံၤ, ဃ့ၢ်ဝဲလၢစီၤၡလိၤမိၤအအိၣ်, ဒီးစီၤယၤရၤဘၣ်အိၣ်ဝဲဆိး ဝဲအဲၤကူပတူးအပူၤလီၤ.) တၢ်မၤအသးလၢပှၤမၢလီၤ တၢ်ဒီးကိးက့ၤအီၤ, ဒီးစီၤယၤရၤဘၣ်,ဒီးအံၣ်စရ့လးအ တၢ်အိၣ်ဖှိၣ်ခဲလၢာ်ဟဲဝဲ, ဒီးကတိၤတၢ်ဒီးစီၤရဃၤဘၣ်, ဒီးစံးဝဲဒၣ်, နပၢ်မၤကီပနီၣ်ယိးဘိ, ဒီးနဲဒၣ်ခဲကနံၣ် အံၤနပၢ်အတၢ်မၤကီ, ဒီးအနီၣ်ယိးဘိဃၢလၢအပာ်လၢ ပလိၤအံၤမၤဖှံထီၣ်တက့ၢ်. ဒီးပကမၤနတၢ်လီၤ.
ဒီးစံးဘၣ်အီၤ,ဟးထီၣ်သၢနံၤ, ဒီးဟဲက့ၤကဒါက့ၤဆူ ယအိၣ်တက့ၢ်.ဒီးပှၤဂီၢ်မုၢ်ဟးထီၣ်ဝဲလီၤ.
ဒီးစီၤပၤရဃၤဘၣ်ကူၣ်လိာ်အသးဒီး ပှၤသးပှၢ်တဖၣ် လၢအဆၢထၢၣ်လၢစီၤၡလိၤမိၤအမဲာ်ညါ လၢအမူဒံးအ ဖၢမုၢ်,ဒီးစံးဝဲဒၣ်, သုကူၣ်လိာ်သုသးဒ်သိးယကစံးဆၢ ပှၤဂီၢ်မုၢ်အံၤဒ်လဲၣ်.
ဒီးအဝဲသ့ၣ်ကတိၤတၢ်, ဒီးစံးဝဲဒၣ်,နမ့ၢ်ကဲထီၣ်ပှၤဂီၢ် မုၢ်အခ့အပှၤလၢမုၢ်မဆါတနံၤအံၤ, ဒီးမၤအတၢ်,ဒီးစံး ဆၢအီၤ, ဒီးကတိၤတၢ်ကတိၤဂ့ၤဒီးအီၤဒီး,ကကဲထီၣ်ဝဲ လၢနခ့နပှၤလီၤထူလီၤယိာ်လီၤ.
ဘၣ်ဆၣ်ဒီးလဲၤသဒၣ်ပှၤသူၣ်က့သးပှၢ် အတၢ်ကူၣ် လၢအကူၣ်လိာ်ဝဲဒီးအီၤ, ဒီးကူၣ်လိာ်အသးဒီးပှၤအသး စၢ်လၢအဒိၣ်ထီၣ်ဃုာ်ဒီးအီၤ, လၢအဆၢထၢၣ်လၢအ မဲာ်ညါလီၤ.
ဒီးစံးလၢအီၤ, ပှၤဂီၢ်မုၢ်အံၤလၢအကတိၤတၢ်ဒီးယၤဒီး စံး, မၤဖှံထီၣ်နီၣ်ယိးဘိလၢနပၢ်ပာ်လၢပလိၤတက့ၢ်န့ၣ်, ဒ်သိးယကစံးဆၢအီၤဒီး, သုကူၣ်စၢၤတၢ်ဒ်လဲၣ်.
10 ဒီးပှၤအသးစၢ်လၢအဒိၣ်ထီၣ်ဃုာ်ဒီးအီၤ, ကတိၤတၢ် ဒီးအီၤဒီးစံးဝဲဒၣ်, နဘၣ်စံးဆၢပှၤဂီၢ်မုၢ်လၢအကတိၤ တၢ်ဒီးနၤဒီးစံး, နပၢ်မၤပနီၣ်ယိးဘိဃၢ, မ့မ့ၢ်နဲဒၣ်မၤ ဖှံထီၣ်အီၤလၢပဂီၢ်တက့ၢ်န့ၣ်,နဘၣ်စံးဆၢအီၤဒ်အံၤ,ယ စုဆၣ်တီၣ်န့ၢ်ယပၢ်အယီၢ်ဒ့တက့ၢ်လီၤ. 11 ဒီးခဲကနံၣ် အံၤယပၢ်ပာ်နီၣ်ယိးဘိအဃၢလၢသုလိၤ, ဒီးယဲဒၣ်အံၤ ယကပာ်တၢ်အါထီၣ်လၢသုနီၣ်ယိးဘိအလိၤလီၤ. ယ ပၢ်သိၣ်ဃီၣ်သုလၢနီၣ်ဖျ့, ဒီးယဲဒၣ်အံၤယကသိၣ်ဃီၣ် သုလၢပတ့ၤချဲးလီၤ.
12 ဒီးစီၤယၤရၤဘၣ်ဒီးပှၤဂီၢ်မုၢ်ခဲလၢာ် ဟဲဝဲဆူစီၤရဃၤ ဘၣ်အအိၣ်လၢသၢနံၤတနံၤန့ၣ်, ဒ်စီၤပၤစံးတ့ၢ်,ဒီးစံးဝဲ, ဟဲက့ၤဆူယအိၣ်လၢသၢနံၤတနံၤတက့ၢ်အသိးန့ၣ်လီၤ. 13 ဒီးစီၤပၤစံးဆၢပှၤဂီၢ်မုၢ်ကီကီကလဲာ်, ဒီးလဲၤသဒၣ်ပှၤသူၣ်က့သးပှၢ်အတၢ်လၢအကူၣ်လိာ်အသးဒီးအီၤလီၤ-
14 ဒီးကတိၤဒီးအီၤ, ဒ်ပှၤအသးစၢ်ကူၣ်စၢၤတၢ်အသိးန့ၣ်, ဒီးစံးဝဲဒၣ်,ယပၢ်မၤသုနီၣ်ယိးဘိဃၢ, ဒီးယဲဒၣ်အံၤယ ကပာ်တၢ်အါထီၣ်လၢသုနီၣ်ယိးဘိအလိၤလီၤ. ယပၢ် သိၣ်ဃီၣ်သုလၢနီၣ်ဖျ့ဒီးယဲဒၣ်အံၤ ယကသိၣ်ဃီၣ်သု လၢပတ့ၤချဲးလီၤ.
15 ဒီးစီၤပၤတဒိကနၣ်ဘၣ်ပှၤဂီၢ်မုၢ်အကလုၢ်ဘၣ်. အဂ့ၢ် ဒ်အံၤ, တၢ်ဟဲဝဲလၢယွၤ, ဒ်သိးအကမၤလၢထီၣ်ပှဲၤထီၣ် အတၢ်ကတိၤလၢယွၤကတိၤဝဲ ဒီးစီၤနဘးအဖိခွါစီၤယၤ ရၤဘၣ်လၢပှၤၡံလိၤဖိစီၤအဃံယၤအစုပူၤလီၤ.
16 ဒီးအံၣ်စရ့လးခဲလၢာ်ထံၣ်ဝဲလၢ စီၤပၤတဒိကနၣ်အ ကလုၢ်ဘၣ်. ဒီးပှၤဂီၢ်မုၢ်စံးဆၢစီၤပၤ, ဒီးစံးဝဲဒၣ်,ပဂီၢ် အိၣ်လၢစီၤဒၤဝံးအပူၤမနုၤတမံၤလဲၣ်. ဒီးပန့ၢ်သါတၢ် တအိၣ်ဘၣ်လၢစီၤယံးၡဲအဖိခွါအပူၤဘၣ်. ဆူသုဒဲတ ဖၣ်အပူၤတက့ၢ်,အံၣ်စရ့လးဧၢ. ခဲကနံၣ်အံၤ,ကွၢ်နဟံၣ် ဒၣ်နဲ, စီၤဒၤဝံးဧၢ.ဒီးအံၣ်စရ့လးဟးဝဲဆူအဒဲပူၤလီၤ.
17 ဒီးပှၤအံၣ်စရ့လးဖိလၢ အအိၣ်ဝဲဆိးဝဲလၢယူဒၤအဝ့ၢ် တဖၣ်အပူၤန့ၣ်စီၤရဃၤဘၣ်ကဲစီၤပၤလၢအဖီခိၣ်လီၤ.
18 ဒီးစီၤရဃၤဘၣ်မၢလီၤစီၤအဒိၤရၣ်လၢ အအိၣ်ဝဲလၢ တၢ်ဟ့ၣ်သွဲအဖီခိၣ်, ဒီးအံၣ်စရ့လးခဲလၢာ်ကွံာ်အီၤလၢ လၢၢ်, ဒီးသံဝဲလီၤ.ဒီးစီၤရဃၤဘၣ်လဲၤဝဲချ့ချ့ဒ်သိးအက ဒိးအလ့ၣ်ကဟၣ်, ဒ်သိးအကဃ့ၢ်ဝဲဆူယရူၤၡလ့ၣ် လီၤ. 19 ဒီးအံၣ်စရ့လးပူထီၣ်စီၤဒၤဝံးအပှၤဟံၣ်ဖိတုၤမုၢ် မဆါတနံၤအီၤ.
20 ဒီးတၢ်မၤအသးတုၤအံၣ်စရ့လးခဲလၢာ် နၢ်ဟူဝဲလၢစီၤ ယၤရၤဘၣ်ဟဲက့ၤကဒါက့ၤဒီး, အဝဲသ့ၣ်တဖၣ်မၢလီၤ တၢ်, ဒီးကိးန့ၢ်အီၤဆူတၢ်အိၣ်ဖှိၣ်အအိၣ်,ဒီးပာ်အီၤလၢ စီၤပၤလၢအံၣ်စရ့လးခဲလၢာ်အဖီခိၣ်လီၤ. ပှၤလူၤစီၤဒၤ ဝံးအပှၤဟံၣ်ဖိအိၣ်ထဲယူဒၤတဒူၣ်ဧိၤလီၤ.
21 ဒီးစီၤရဃၤဘၣ်ဟဲတုၤဝဲလၢယရူၤၡလ့ၣ်အပူၤ, ဒီးဒုး အိၣ်ဖှိၣ်ရိဖှိၣ်ယူဒၤအပှၤဟံၣ်ဖိခဲလၢာ်, ဒီးစီၤဘံၣ်ယၤ မံၣ်အဒူၣ်ပှၤသုးဖိလၢတၢ်ဃုထၢအီၤ, တကလီၤဃိးက လး, ဒ်သိးအကဒုးတၢ်ဒီးအံၣ်စရ့လးအပှၤဟံၣ်ဖိ,ဒ်သိး အကဒုးဟဲက့ၤဘီမုၢ်ဟး ဆူစီၤၡလိၤမိၤအဖိခွါစီၤရဃၤ ဘၣ်အအိၣ်လီၤ.
22 ဒီးယွၤအကလုၢ်လီၤဘၣ်ယွၤအပှၤကညီ စီၤၡမၤယၤ, ဒီးစံးဝဲဒၣ်, 23 ကတိၤတၢ်ဒီးယူဒၤအစီၤပၤစီၤၡလိၤမိၤအ ဖိခွါစီၤရဃၤဘၣ်, ဒီးယူဒၤဒီးဘံၣ်ယၤမံၣ်အပှၤဟံၣ်ဖိ ဖိခဲလၢာ်, ဒီးပှၤဂီၢ်မုၢ်လၢအအိၣ်လီၤတဲာ်,ဒီးစံး, 24 ယွၤ စံးဝဲဒ်အံၤ, သုတလဲၤထီၣ်,ဒီးသုတဒုးသုးဒီးသုဒီပုၢ်ဝဲၢ် ပှၤအံၣ်စရ့လးဖိတဂ့ၤ. က့ၤက့ၤတဂၤဆူအဟံၣ်ဒၣ်ဝဲ, တဂၤဆူအဟံၣ်ဒၣ်ဝဲတက့ၢ်. အဂ့ၢ်ဒ်အံၤ,တၢ်တမံၤအံၤ ဟဲလၢယၤလီၤ. ဒီးဒိကနၣ်ယွၤအကလုၢ်,ဒီးက့ၤက့ၤဝဲ ဒ်သိးကဟးထီၣ်,ဒ်ယွၤအကလုၢ်အသိးန့ၣ်လီၤ.
25 ဒီးစီၤယၤရၤဘၣ်တ့ၡက့ၣ်လၢ ကစၢၢ်အ့ဖရဲၣ်အလိၤ, ဒီးအိၣ်ဝဲဆိးဝဲဖဲန့ၣ်, ဒီးဟးထီၣ်ဖဲန့ၣ်ဒီးတ့ပနူၤအ့လး လီၤ. 26 ဒီးစီၤယၤရၤဘၣ်စံးလၢအသးကံၢ်ပူၤ, ခဲကနံၣ်အံၤဘီမုၢ်အံၤကက့ၤက့ၤဆူ စီၤဒၤဝံးအပှၤဟံၣ်ဖိအအိၣ်လီၤ.-
27 ပှၤဂီၢ်မုၢ်အံၤမ့ၢ်လဲၤထီၣ်ဒ်သိးအကလုၢ်တၢ်လၢ ယွၤအ ဟံၣ်ပူၤလၢယရူၤၡလ့ၣ်အပူၤဒီး, ပှၤဂီၢ်မုၢ်အံၤအသးက က့ၤကဒါက့ၤဆူအကစၢ်အအိၣ်, ဆူယူဒၤအစီၤပၤရဃၤ ဘၣ်အအိၣ်, ဒီးကမၤသံယၤ,ဒီးကက့ၤကဒါက့ၤဆူယူ ဒၤအစီၤပၤရဃၤဘၣ်အအိၣ်လီၤ.
28 ဒီးစီၤပၤကူၣ်လိာ်အသးဒီးတၢ်, ဒီးတ့ဂီၤဖံးဖိလၢထူခံ ဒု,ဒီးစံးဝဲဒၣ်, သုလဲၤထီၣ်တၢ်ဆူယရူၤၡလ့ၣ်မ့ၢ်တၢ်အါ ကဲၣ်ဆိးလီၤ. ကွၢ်ကွၢ်,အံၣ်စရ့လးဧၢ,နကစၢ်တဖၣ်လၢ အဟဲစိာ်နၤလၢအဲၤကူပတူးအပူၤန့ၣ်တက့ၢ်.
29 ဒီးပာ်လီၤအတဒုလၢဘ့ၤသ့လးအပူၤ, ဒီးအဝဲတဒု လၢဒၣ်အပူၤလီၤ. 30 ဒီးတၢ်တမံၤန့ၣ်ကဲထီၣ်တၢ်ဒဲးဘး လီၤ. အဂ့ၢ်ဒ်အံၤ, ပှၤဂီၢ်မုၢ်လဲၤထီၣ်ဆူတဒုအအိၣ်ပၢၢ် လၢဒၣ်လီၤ.
31 ဒီးမၤဟံၣ်လၢတၢ်အလီၢ်ထီၣ်ထီတဖၣ်, ဒီးပာ်ပှၤလုၢ် တၢ်အဒိၣ်လၢပှၤဂီၢ်မုၢ်ဖိလၢအတမ့ၢ်ဘၣ်လၢ စီၤလ့ၤဝံ အဖိခွါအကျါဘၣ်.
32 ဒီးစီၤယၤရၤဘၣ်မၤတၢ်မၤဘူၣ်လၢ လါဃိးလါတလါ အပူၤ, ပှဲၤထီၣ်တဆံယဲၢ်နံၤတနံၤန့ၣ်မၤသးဒ်တၢ်မၤဘူၣ် လၢယူဒၤအပူၤအသိးန့ၣ်, ဒီးလုၢ်တၢ်လၢတၢ်လုၢ်လီၢ် အဖီခိၣ်, (မၤဝဲဒ်န့ၣ်သိးလၢဘ့ၤသ့လးအပူၤ,)ဒီးဂီၤဖံး ဖိလၢအတ့ဝဲန့ၣ်လုၢ်အီၤလၢတၢ်, ဒီးပာ်လီၤတၢ်အလီၢ် ထီၣ်ထီလၢအမၤဝဲတဖၣ်န့ၣ် အပှၤလုၢ်တၢ်အဒိၣ်တဖၣ် လၢဘ့ၤသ့လးအပူၤလီၤ.
33 ဒီးလုၢ်တၢ်လၢတၢ်လုၢ်လီၢ်အဖီခိၣ် လၢအမၤဝဲလၢ ဘ့ၤသ့လးအပူၤလၢလါဃိးလါတလါ, တဆံယဲၢ်နံၤ တနံၤ,လါလၢအပာ်လၢအသးဒၣ်ဝဲ, ဒီးပာ်တၢ်မၤဘူၣ် လၢပှၤအံၣ်စရ့လးဖိအဂီၢ်, ဒီးလုၢ်တၢ်လၢတၢ်လုၢ်လီၢ် အဖီခိၣ်န့ၣ်, ဒီးဆိးကဲၤတၢ်နၢမူလီၤ.