10
ဒီးတုၤၡဘၤအနီၢ်ပၤမုၣ် နၢ်ဟူစီၤၡလိၤမိၤအကစီၣ်လၢ ယွၤအမံၤအဂ့ၢ်အကျိၤဒီး, ဟဲဝဲဒ်သိးအကမၤကွၢ်အီၤလၢ တၢ်ကတိၤအဒိၣ်အယိာ်တဖၣ်လီၤ.
ဒီးဟဲဝဲဆူယရူၤၡလ့ၣ် အိၣ်ဒီးအပှၤပိာ်အခံအါအါက လဲာ်,ဒီးကီၤလၤအူးလၢအစိာ်တၢ်နၢမူ, ဒီးထူဧိၤလွဲဧိၤ အါအါကလဲာ်,ဒီးတၢ်မျၢ်တဖၣ်, ဒီးဟဲဝဲဆူစီၤၡလိၤမိၤ အအိၣ်,ဒီးကတိၤတၢ်ဒီးအီၤလၢ ကယဲၢ်တၢ်လၢအအိၣ် ဝဲလၢအသးကံၢ်ပူၤအဂ့ၢ်အကျိၤလီၤ.
ဒီးစီၤၡလိၤမိၤဒုးနဲၣ်အီၤလၢ တၢ်ဘၣ်ဃးဒီးအတၢ်က တိၤခဲလၢာ်, ဒီးတၢ်တအိၣ်တဒၢဘၣ်ဒီးစီၤပၤလၢအတ စံးဘၣ်အီၤနီတမံၤဘၣ်.
ဒီးတုၤၡဘၤအနီၢ်ပၤမုၣ်န့ၣ် ထံၣ်ဘၣ်ကယဲၢ်စီၤၡလိၤ မိၤအတၢ်ကူၣ်သ့, ဒီးဟံၣ်လၢအမၤဝဲန့ၣ်, ဒီးတၢ်အီၣ် လၢအစီၢ်နီၤခိၣ်အဖီခိၣ်,ဒီးအခ့အပှၤဆ့ၣ်နီၤဝဲ, ဒီးအပှၤ မၤအတၢ်ဆၢထၢၣ်, ဒီးအကူအသိး,ဒီးအပှၤစိာ်အလီ ခီ,ဒီးအတၢ်လဲၤထီၣ်ဆူယွၤအဟံၣ်သတးဒီး အသးတ အိၣ်လၢၤဘၣ်လၢအပူၤဘၣ်.
ဒီးစံးဘၣ်စီၤပၤ, တၢ်ကတိၤလၢယနၢ်ဟူလၢယကီၢ် ဒၣ်ယဲအပူၤလၢနတၢ်ကတိၤအဂ့ၢ်အကျိၤ, ဒီးလၢနကူၣ် တၢ်သ့အဂ့ၢ်အကျိၤန့ၣ်မ့ၢ်အမ့ၢ်အတီလီၤ. ဘၣ်ဆၣ် ဒီးယတချုးဟဲဒံးဘၣ်, ဒီးယမဲာ်တချုးထံၣ်ဒံးဘၣ်ဒီး, ယတနာ်ဘၣ်ယဲဘၣ်. ဒီးကွၢ်ကွၢ်,ပှၤတစံးဘၣ်ယၤလၢ တဝာ်ဘၣ်. နတၢ်ကူၣ်သ့,ဒီးနတၢ်ဂ့ၤဒိၣ်န့ၢ်တၢ်အက စီၣ်လၢယနၢ်ဟူတက့ၢ်လီၤ.
နပှၤကညီဘၣ်ဆိၣ်ဂ့ၤဝဲလီၤ. နခ့နပှၤတဖၣ်အံၤ, ပှၤ လၢအဆၢထၢၣ်လၢနမဲာ်ညါတထံၣ်ဃီ, ပှၤလၢအနၢ် ဟူနတၢ်ကူၣ်သ့န့ၣ်ဘၣ်ဆိၣ်ဂ့ၤဝဲလီၤ. ယွၤနကစၢ်လၢ အဘၣ်အသးလၢနၤ ဒ်သိးအကဟ့ၣ်နဆ့ၣ်နီၤလၢအံၣ် စရ့လးအလီၢ်ပစိာ်အဖီခိၣ်န့ၣ် မ်အဘၣ်တၢ်စံးထီၣ်ပ တြၢၤအီၤတက့ၢ်. မ့ၢ်ယွၤအဲၣ်အံၣ်စရ့လးလီၤထူလီၤယိာ် သတးဒီး, ပာ်နၤလၢစီၤပၤဒ်သိးနကစံၣ်ညီၣ်တၢ်,ဒီးမၤ တၢ်တီတၢ်လိၤလီၤ.
10 ဒီးဟ့ၣ်လီၤစီၤပၤလၢထူအကံကၢ်တကယၤခံဆံ, ဒီး တၢ်နၢမူအါအါကလဲာ်,ဒီးတၢ်မျၢ်တဖၣ်လီၤ. တၢ်နၢမူ အါအါကလဲာ်ထဲသိးဒီးၡဘၤအနီၢ်ပၤမုၣ် ဟ့ၣ်စီၤၡလိၤ မိၤန့ၣ်တဟဲလၢၤဝဲဘၣ်.
11 ဒီးစီၤဃံရၣ်အကဘီလၢ အဟဲစိာ်ထူဧိၤလွဲဧိၤလၢအိ ဖ့ၢ်န့ၣ်ဟဲစိာ်စ့ၢ်ကီးသ့ၣ်အလၤမူးအါအါကလဲာ်, ဒီးတၢ် မျၢ်တဖၣ်လၢအိဖ့ၢ်လီၤ.
12 ဒီးစီၤပၤတ့ထူၣ်ဖိတဖၣ်လၢ သ့ၣ်အလၤမူးလၢယွၤအ ဟံၣ်အဂီၢ်, ဒီးတ့စ့ၢ်ကီးတနၢ်,ဒီးသီတူၢ်လၢပှၤသးဝံၣ် တၢ်ဖိအဂီၢ်လီၤ. သ့ၣ်အလၤမူးထဲသိးဒီးအဝဲန့ၣ်တဟဲ လၢၤဘၣ်, ဒီးတၢ်တထံၣ်လၢၤဘၣ်တုၤမုၢ်မဆါတနံၤ အံၤဘၣ်လီၤ.
13 ဒီးစီၤပၤၡလိၤမိၤဟ့ၣ်လီၤၡဘၤအနီၢ်ပၤမုၣ် လၢတၢ် လၢအဟ့ၣ်ဒၣ်တၢ်မဲာ်ညါ ကယဲၢ်တၢ်လၢအဘၣ်အသး ဖဲဒၣ်အဃ့တၢ်တမံၤလၢ်လၢ်လီၤ. ဒီးဃၣ်အသးဒီးက့ၤ က့ၤဆူအလီၢ်ဒၣ်ဝဲ, အဝဲဒၣ်ဒီးအခ့အပှၤလီၤ.
14 ဒီးထူဧိၤလွဲဧိၤလၢအဟဲဆူ စီၤၡလိၤမိၤအအိၣ်လၢတ နံၣ်အတီၢ်ပူၤန့ၣ် လီၤ. တယၢၢ်ဃုကယၤဃုဆံဃုကံကၢ် လီၤ. 15 လၢန့ၣ်အမဲာ်ညါအိၣ်ဒံးတၢ်လၢပှၤဃုထၢဖိ,ဒီး လၢပှၤကၤတၢ်ဖိ, ဒီးလၢဧ့ရ့းအစီၤပၤခဲလၢာ်, ဒီးလၢ ထံဧိၤကီၢ်ဧိၤအပဒိၣ်ဖးဒိၣ်တဖၣ်န့ၣ်လီၤ.
16 ဒီးစီၤၡလိၤမိၤတ့ကတီၤဖးဒိၣ် ခံကယၤလၢထူကိၢ် လိၣ်လီၤ. ထူအၡက့းလးဃုကယၤ အိၣ်ဝဲလၢကတီၤ တဘ့ၣ်အပူၤလီၤ.
17 ဒီးတ့ကတီၤဖိလၢထူကိၢ်လိၣ်သၢကယၤလီၤ. ထူအ ၡက့လးသၢကယၤအိၣ်ဝဲလၢ ကတီၤတဘ့ၣ်အပူၤလီၤ. ဒီးစီၤပၤပာ်ဝဲလၢ လဘၤနိၣ်အပှၢ်လၢ်ကျါအဟံၣ်ပူၤန့ၣ် လီၤ.
18 ဒီးစီၤပၤတ့လီၢ်ပစိာ်ဖးဒိၣ်လၢကဆီမဲ, ဒီးပီၤဝဲလၢထူ စီလီၤ. 19 ဒီးလီၢ်ပစိာ်န့ၣ်အိၣ်ဝဲဒီးအဃီဃုသွါ,ဒီးလီၢ်ပ စိာ်အဖီခိၣ်န့ၣ်ကဝီၤဝဲလၢ အချၢဃံ,ဒီးအစုဖံးအိၣ်ဝဲဖဲ လီၢ်ဆ့ၣ်နီၤလၢအဝဲတခီ, ဒီးလၢအဝဲတခီ,ဒီးခ့ယုၢ်ခံဒု ဆၢထၢၣ်ဝဲဖဲစုဖံးအဃၢၤလီၤ. 20 ဒီးခ့ယုၢ်တဆံခံဒုဆၢ ထၢၣ်ဖဲဃီဃုသွါအဝဲတခီအဖီခိၣ် ဒီးလၢအဝဲတခီအဖီ ခိၣ်လီၤ. တၢ်တတ့ဘၣ်တၢ်ဒ်န့ၣ်သိးလၢ ဘီမုၢ်နီတဘီ မုၢ်အပူၤဘၣ်လီၤ.
21 ဒီးကယဲၢ်စီၤပၤအလီခီအီတၢ်န့ၣ် မ့ၢ်ထူခဲလၢာ်လီၤ. ဒီးကယဲၢ်လီခီအိၣ်ဝဲလၢ လဘၤနိၣ်အပှၢ်လၢ်ကျါအ ဟံၣ်ပူၤန့ၣ်မ့ၢ်ထူစီၤခဲလၢာ်လီၤ. တတ့ဘၣ်လၢစ့နီတ ဘ့ၣ်နီတဖျၢၣ်ဘၣ်. လၢစီၤၡလိၤမိၤအမုၢ်နံၤတဖၣ်န့ၣ် တၢ်တပာ်ကဲဘၣ်စ့ဘၣ်လီၤ.
22 အဂ့ၢ်ဒ်အံၤ, စီၤပၤအိၣ်ဒီးကဘီတၢ်ၡံၣ်လၢပီၣ်လဲၣ်ပူၤ အိၣ်ဒီးစီၤဃံရၣ်အကဘီလီၤ. သၢနံၣ်တစုန့ၣ်ကဘီတၢ် ၡံၣ်ဟဲစိာ်ထူဧိၤလွဲဧိၤ, ဒီးကျိၣ်ဧိၤစ့ဧိၤ, ဒီးကဆီမဲ, ဒီး ကယူၤဖၣ်တဖၣ်, ဒီးထိၣ်ပှာ်တဖၣ်လီၤ.
23 ဒီးစီၤၡလိၤမိၤဒိၣ်န့ၢ်ကယဲၢ်စီၤပၤလၢ ဟီၣ်ခိၣ်ချၢလၢ အစုလီၢ်အခီၣ်ခိၣ်,ဒီးလၢအတၢ်ကူၣ်သ့န့ၣ်လီၤ. 24 ဒီး ဟီၣ်ခိၣ်ဖိဃုစီၤၡလိၤမိၤအမဲာ်ခဲလၢာ် ဒ်သိးအကနၢ်ဟူ အတၢ်ကူၣ်သ့လၢယွၤပာ်လီၤဝဲလၢအသးကံၢ်ပူၤလီၤ.
25 ဒီးပှၤဟဲစိာ်အခိၣ်ဖးစုာ်စုာ်, လၢလီခီစ့,ဒီးလီခီထူ,ဒီး တၢ်အကူအသိး,ဒီးတၢ်သဃိး, ဒီးတၢ်နၢမူ, ဒီးကသ့ၣ် ဒီးကသ့ၣ်လၤသ့ၣ်တဖၣ်န့ၣ်တနံၣ်ဘၣ်တနံၣ်လီၤ.
26 ဒီးစီၤၡလိၤမိၤပာ်ဖှိၣ်လ့ၣ်ကဟၣ်, ဒီးပှၤကသ့ၣ်သုးဖိ, ဒီးအိၣ်ဝဲဒီးလ့ၣ်ကဟၣ်တကထိလွံၢ်ကယၤ, ဒီးပှၤသုး ဖိတကလးခံကထိ, ဒီးပာ်ဝဲလၢလ့ၣ်ကဟၣ်အဝ့ၢ်တ ဖၣ်အပူၤ, ဒီးအိၣ်ဒီးစီၤပၤလၢယရူၤၡလ့ၣ်အပူၤလီၤ.
27 ဒီးစီၤပၤပာ်ကျိၣ်ဧိၤစ့ဧိၤလၢ ယရူၤၡလ့ၣ်ဒ်လၢၢ်တဖၣ် အသိး, ဒီးပာ်သ့ၣ်ဆှိအ့ရ့းအါအါကလဲာ်ဒ်သိးဝံာ်လၢ တၢ်ပျီပူၤအသိးန့ၣ်လီၤ.
28 ဒီးတၢ်ဟဲစိာ်ကသ့ၣ်လၢအဲၤကူပတူးအပူၤ လၢစီၤၡ လိၤမိၤအဂီၢ်လီၤ. စီၤပၤအပှၤကၤတၢ်ဖိတူၢ်လိာ်အီၤလၢ တၢ်အဖုတဖၣ်, တဖုဒီးတဖုအိၣ်ဒီးအပှၤဒၣ်ဝဲစုာ်စုာ် လီၤ.
29 ဒီးပှၤလဲၤတၢ်, ဒီးဟဲစိာ်လ့ၣ်ကဟၣ်တဆိလၢအဲၤကူ ပတူးအပူၤ လၢစ့ဃုကယၤအဂီၢ်,ဒီးကသ့ၣ်တဒုလၢတ ကယၤယဲၢ်ဆံအဂီၢ်လီၤ. ဒ်န့ၣ်အသိးဟဲစိာ်ဝဲလၢအစု ပူၤလၢပှၤဃ့ၤသးဖိအစီၤပၤတဖၣ်ခဲလၢာ်အဂီၢ်, ဒီးလၢ စူၤရံအစီၤပၤတဖၣ်အဂီၢ်လီၤ.