လံာ်စီၤပၤအခီၣ်ထံးတဘ့ၣ်.
1
ဒီးစီၤဒၤဝံးအသးပှၢ်တ့ၢ်လံ. လဲၤနုာ်လံလၢနံၣ်တဖၣ် အကျါလံ. ဒီးပှၤလုးဘၢအီၤလၢတၢ်အကူအသိး, ဒီးတလၢၤထီၣ်ဘၣ်.
ဒီးအခ့အပှၤစံးဘၣ်အီၤ, မ်ပှၤဃုန့ၢ်ပှၤမုၣ်လိၣ်ဘိလၢ အသးစၢ်တဂၤလၢ ယကစၢ်စီၤပၤအဂီၢ်, ဒီးမ်အဆၢ ထၢၣ်လၢစီၤပၤအမဲာ်ညါ, ဒီးမ်အကဲထီၣ်အတံၤသကိး, ဒီးမ်အမံလၢနသးနါပှၢ်အပူၤ ဒ်သိးယကစၢ်စီၤပၤက လၢၤထီၣ်တက့ၢ်လီၤ.
ဒီးပှၤဃုဝဲလၢပမုၣ်လိၣ်ဘိအဃံအလၤလၢ အံၣ်စရ့လးအကီၢ်ဃၢၤခဲလၢာ်, ဒီးထံၣ်န့ၢ်ဝဲလၢပှၤရှူန့ၣ်ဖိနီၢ်အဘံရှး, ဒီးဟဲစိာ်အီၤဆူစီၤပၤအအိၣ်လီၤ.
ဒီးပိာ်မုၣ်ဖိသၣ်န့ၣ်အက့ၢ်အဂီၤဂ့ၤမးလီၤ. ကဲထီၣ်စီၤပၤအတံၤသကိး, ဒီးမၤအခ့အပှၤအတၢ်န့ၣ်လီၤ. ဒီးစီၤပၤတသ့ၣ်ညါဘၣ်အီၤဘၣ်.
ဒီးနီၢ်ဃးကံၤအဖိခွါ စီၤအဒိနံၤယၤပာ်ထီၣ်ထီအသးဒီးစံးဝဲဒၣ်, ယကကဲထီၣ်စီၤပၤလီၤ. ဒီးကတဲာ်ကတီၤ လ့ၣ်ကဟၣ်တဖၣ်, ဒီးပှၤဒိးကသ့ၣ်တဖၣ်,ဒီးပှၤယဲၢ်ဆံ လၢအကဃ့ၢ်ဝဲလၢအမဲာ်ညါလီၤ.
ဒီးအပၢ်တမၤတမုာ်ဘၣ်အဝဲဒၣ်အသးလၢ အစံးဘၣ်အီၤလၢနမၤဒ်န့ၣ် မ့ၢ်အဘၣ်မနုၤလဲၣ်န့ၣ်နီတဘျီဘၣ်. ဒီးအက့ၢ်အဂီၤဂ့ၤမးစ့ၢ်ကီးလီၤ. ဒီးအိၣ်ဖျဲၣ်ဝဲလၢစီၤအးဘၡါလိၣ်အလီၢ်ခံန့ၣ်လီၤ. ဒီးကတိၤတၢ်ဒီးနီၢ်စရူယၤအဖိခွါစီၤယိၤအာ်, ဒီးပှၤလုၢ်တၢ်အဒိၣ် စီၤအ့ဘယၤသၢ်,ဒီးအဝဲသ့ၣ်တဖၣ်န့ၣ် ပိာ်စီၤအဒိနံယၤအခံ,ဒီးမၤ စၢၤအီၤလီၤ.
မ့မ့ၢ်ပှၤလုၢ်တၢ်အဒိၣ်စီၤစၤဒိး, ဒီးစီၤယဟိယဒါအဖိ ခွါစီၤဘနါယၤ, ဒီးဝံနၤသၣ်,ဒီးစီၤၡံမံၤ,ဒီးစီၤရ့ဧံၤ,ဒီးစီၤ ဒၤဝံးအပှၤအဆူၣ်သ့ၣ်တဖၣ်န့ၣ် တအိၣ်ဘၣ်ဒီးစီၤအဒိ နံၤယၤဘၣ်လီၤ.
ဒီးစီၤအဒိနံၤယၤမၤသံသိ,ဒီးဂီၤဖံး, ဒီးဂီၤဖံးဖိအဘီၣ် လၢလၢၢ်စိၤဃ့လ့းအဃၢၤလၢအအိၣ်ဝဲဖဲ ဧ့ၣ်ရိၤက့လး, ဒီးကိးန့ၢ်အဒီပုၢ်ဝဲၢ်ခဲလၢာ်, စီၤပၤအဖိခွါတဖၣ်,ဒီးယူ ဒၤအပှၤကညီခဲလၢာ်,စီၤပၤအခ့အပှၤလီၤ.
10 မ့မ့ၢ်ဝံနၤသၣ်,ဒီးစီၤဘနါယၤ, ဒီးပှၤအဆူၣ်တဖၣ်,ဒီး အဒီပုၢ်ဝဲၢ်စီၤၡလိၤမိၤန့ၣ်တကိးဘၣ်ဝဲဘၣ်.
11 ဒီးစီၤနၤသၣ်ကတိၤတၢ်ဒီး စီၤၡလိၤမိၤအမိၢ်နီၢ်ဘၤသ ရှ့ဘၤ,ဒီးစံးဝဲဒၣ်, နတနၢ်ဟူဘၣ်လၢနီၢ်ဃးကံၤအဖိခွါ စီၤအဒိနံၤယၤကဲစီၤပၤ, ဒီးပကစၢ်စီၤဒၤဝံးတသ့ၣ်ညါ ဘၣ်ဧါ. 12 ဒီးခဲကနံၣ်အံၤဟဲ, ဒုးကူၣ်လၢ်ယၤလၢနၤ, ဒ်သိးနကမၤပူၤဖျဲးနသးသမူ, ဒီးနဖိခွါစီၤၡလိၤမိၤအသး သမူန့ၣ်တက့ၢ်. 13 ဟဲ,ဒီးလဲၤနုာ်ဆူစီၤဒၤဝံးအအိၣ်,ဒီး စံးဘၣ်အီၤ, ယကစၢ်စီၤပၤဧၢ,နဆိၣ်တၢ်ဒီးနကုၢ်ပိာ်မုၣ် ဒီးစံး, နဖိခွါစီၤၡလိၤမိၤကကဲစီၤပၤလၢယလီၢ်ခံ သပှၢ် တၢၢ်ဒီးကဆ့ၣ်နီၤလၢယလီၢ်ပစိာ်န့ၣ်တမ့ၢ်ဘၣ်ဧါ. ဒီး စီၤအဒိနံၤယၤကဲစီၤပၤန့ၣ် မ့ၢ်အဘၣ်မနုၤလဲၣ်. 14 ကွၢ် ကွၢ်,နကတိၤတၢ်ဒီးစီၤပၤအဖၢမုၢ်ဒီး, ယကဟဲစ့ၢ်ကီး လၢနလီၢ်ခံ,ဒီးမၤဂၢၢ်မၤကျၢၤနတၢ်ကတိၤလီၤ.
15 ဒီးနီၢ်ဘၤသရှ့ၤဘၤ လဲနုာ်ဆူစီၤပၤအအိၣ်ဆူဒၢးပူၤ, ဒီးစီၤပၤအသးပှၢ်ဒိၣ်နီၢ်မးလီၤ. ဒီးပှၤရှူန့ၣ်ဖိနီၢ်အဘံၡး န့ၣ်မၤစီၤပၤအခ့အပှၤအတၢ်လီၤ. 16 ဒီးနီၢ်ဘၤသရှ့ၤဘၤ ဆုးလီၤအခိၣ်, ဒီးတီၤလီၤကဒွံကျိာ်လၢစီၤပၤအမဲာ်ညါ, ဒီးစီၤပၤစံးဝဲဒၣ်, ဘၣ်နသးလၢမနုၤလဲၣ်.ဒီးစံးဘၣ်အီၤ, ယကစၢ်ဧၢ, 17 နဆိၣ်တၢ်ဒီးနကုၢ်ပိာ်မုၣ်လၢယွၤနကစၢ် အမဲာ်ညါ,ဒီးနစံး, နဖိခွါစီၤၡလိၤမိၤကကဲစီၤပၤလၢယ လီၢ်ခံသပှၢ်တၢၢ်,ဒီးကဆ့ၣ်နီၤလၢယလီၢ်ပစိာ်လီၤ. 18 ဒီး ခဲကနံၣ်အံၤ,ကွၢ်ကွၢ်, စီၤအဒိနံယၤကဲစီၤပၤ,ဒီးခဲကနံၣ် အံၤယကစၢ်စီၤပၤဧၢ,နတသ့ၣ်ညါဘၣ်. 19 ဒီးမၤသံလံ ဂီၤဖံး, ဒီးဂီၤဖံးဖိအဘီၣ်,ဒီးသိအါအါကလဲာ်,ဒီးကိးန့ၢ် လံစီၤပၤအဖိခွါခဲလၢာ်, ဒီးပှၤလုၢ်တၢ်အဒိၣ်စီၤအ့ဘယၤ သၢ်, ဒီးပှၤသုးမုၢ်အခိၣ်စီၤယိၤအာ်လီၤ.မ့မ့ၢ်နခ့နပှၤစီၤ ၡလိၤမိၤန့ၣ်တကိးဘၣ်ဝဲဘၣ်.
20 ဒီးနဲဒၣ်အံၤယကစၢ်စီၤပၤဧၢ, အံၣ်စရ့လးအမဲာ်ခဲလၢာ် အိၣ်ဝဲလၢနလိၤ, ဒ်သိးလၢယကစၢ်စီၤပၤအလီၢ်ခံန့ၣ် မတၤမတၤကဆ့ၣ်နီၤလၢအလီၢ်ပစိာ်န့ၣ် နကစံးဘၣ် အီၤလီၤ. 21 နမ့ၢ်တမၤဘၣ်ဒ်န့ၣ်ဒီး တုၤယကစၢ်စီၤပၤ ကမံဒီးအပၢ်တဖၣ်ဒီး, တၢ်ကမၤအသးလၢတၢ်ကပာ် ယၤဒီးယဖိခွါလၢပှၤတၢ်ဒဲးဘးဖိလီၤ.
22 ဒီးကွၢ်ကွၢ်, ကတိၤဝဲဒီးစီၤပၤအဖၢမုၢ်ဒီး,ဝံနၤသၣ်ဟဲ နုာ်ဝဲစ့ၢ်ကီးလီၤ. 23 ဒီးပှၤဒုးနဲၣ်စီၤပၤ,ဒီးစံးဝဲဒၣ်,ကွၢ်ကွၢ်, ဝံနၤသၣ်လီၤ. ဒီးဟဲနုာ်ဝဲလၢစီၤပၤအအိၣ်ဒီးတီၤလီၤက ဒွံကျိာ်ကျးလီၤအမဲာ်လၢဟီၣ်ခိၣ်လီၤ.
24 ဒီးစီၤနၤသၣ်စံးဝဲဒၣ်,ယကစၢ်စီၤပၤဧၢ, နစံးလၢစီၤအ ဒိနံၤယၤကကဲစီၤပၤလၢယလီၢ်ခံ, ဒီးကဆ့ၣ်နီၤလၢယ လီၢ်ပစိာ်န့ၣ်စ့ၢ်ကီးဧါ. 25 အဂ့ၢ်ဒ်အံၤ, လဲၤလီၤမုၢ်မဆါ အံၤဒီး မၤသံဂီၤဖံး, ဒီးဂီၤဖံးဖိအဘီၣ်, ဒီးသိအါအါက လဲာ်, ဒီးကိးန့ၢ်စီၤပၤအဖိခွါခဲလၢာ်,ပှၤသုးမုၢ်အခိၣ်တ ဖၣ်, ဒီးပှၤလုၢ်တၢ်အဒိၣ်,စီၤအ့ဘယၤသၢ်,ဒီးကွၢ်ကွၢ်, အဝဲသ့ၣ်တဖၣ်န့ၣ် အီၣ်တၢ်ဒီးအီတၢ်လၢအမဲာ်ညါ,ဒီး စံးဝဲဒၣ်, မ်စီၤအဒိနံၤယၤမူဝဲတက့ၢ်. 26 မ့မ့ၢ်တၢ်လၢယၤ အံၤ, ယဲဒၣ်နခ့နပှၤ,ဒီၤပှၤလုၢ်တၢ်အဒိၣ်စီၤစၤဒိး,ဒီးစီၤ ယဟိၤယဒါအဖိခွါစီၤဘနါယၤ, ဒီးနခ့နပှၤစီၤၡလိၤမိၤ န့ၣ် တကိးဘၣ်ဝဲဘၣ်, 27 ဒီးမ့ၢ်တၢ်တမံၤအံၤမၤအသး လၢယကစၢ်စီၤပၤ, ဒီးမ့ၢ်မတၤမတၤကဆ့ၣ်နီၤလၢယ ကစၢ်စီၤပၤအလီၢ်ပစိာ်လၢအလီၢ်ခံန့ၣ် နတဘိးဘၣ် သ့ၣ်ညါနဲနခ့နပှၤစ့ၢ်ကီးဘၣ်ဧါ.
28 ဒီးစီၤပၤဒၤဝံးစံးဆၢတၢ်, ဒီးစံးဝဲဒၣ်, ကိးန့ၢ်ယၤလၢ နီၢ်ဘၤသရှ့ၤဘၤတက့ၢ်. ဒီးအဝဲဒၣ်ဟဲနုာ်လၢစီၤပၤအ အိၣ်,ဒီးဆၢထၢၣ်လၢစီၤပၤအမဲာ်ညါလီၤ.
29 ဒီးစီၤပၤဆိၣ်တၢ်ဒီးစံးဝဲဒၣ်, ယွၤလၢအပှ့ၤက့ၤယသး လၢကယဲၢ်တၢ်နးတၢ်ဖှီၣ်အပူၤန့ၣ်မူဝဲ, 30 ဒ်ယဆိၣ်တၢ် ဒီးနၤလၢယွၤအံၣ်စရ့လးအကစၢ်အမဲာ်ညါ, ဒီးစံး,နဖိ ခွါစီၤၡလိၤမိၤကကဲထီၣ်စီၤပၤလၢ ယလီၢ်ခံသပှၢ်တၢၢ်, ဒီးကဆ့ၣ်နီၤလၢယလီၢ်ပစိာ် လၢယလီၢ်အသိးန့ၣ်လၢ မုၢ်မဆါတနံၤအံၤယကမၤသပှၢ်တၢၢ်ဒ်န့ၣ်အသိးလီၤ.
31 ဒီးနီၢ်ဘၤသရှ့ၤဘၤဆုးလီၤအခိၣ် ကျးလီၤအမဲာ်လၢ ဟီၣ်ခိၣ်,ဒီးတီၤလီၤကဒွံကျိာ်လၢစီၤပၤအမဲာ်ညါ, ဒီးစံး ဝဲဒၣ်,မ်ယကစၢ်စီၤပၤဒၤဝံးမူဝဲလီၤထူလီၤယိာ်တက့ၢ်.
32 ဒီးစီၤဒၤဝံးစံးဝဲဒၣ်, ကိးန့ၢ်ယၤလၢပှၤလုၢ်တၢ်အဒိၣ် စီၤစၤဒိး,ဒီးဝံနၤသၣ်, ဒီးစီၤယဟိၤယဒါအဖိခွါစီၤဘနါ ယၤတက့ၢ်. ဒီးအဝဲသ့ၣ်ဟဲဆူစီၤပၤအအိၣ်လီၤ.
33 ဒီးစီၤပၤစံးဘၣ်အီၤ, ဟံးန့ၢ်သုကစၢ်အခ့အပှၤအိၣ်ဒီး သု, ဒီးဒုးဒိးယဖိခွါစီၤၡလိၤမိၤလၢယကသ့ၣ်လၤဒၣ် ယဲ,ဒီးဒုးလဲၤအီၤဆူကံဃိၣ်တက့ၢ်. 34 ဒီးမ်ပှၤလုၢ်တၢ်အ ဒိၣ်စီၤစၤဒိး, ဒီးဝံနၤသၣ်ဖှူအီၤလၢစီၤပၤလၢအံၣ်စရ့လး အဖီခိၣ်ဖဲန့ၣ်တက့ၢ်. ဒီးအူကွဲၤ,ဒီးစံး,မ်စီၤပၤၡလိၤမိၤမူ ဝဲတက့ၢ်. 35 ဒီးသုဘၣ်ဟဲထီၣ်လၢအလီၢ်ခံ ဒ်သိးအက ဟဲဆ့ၣ်နီၤလၢယလီၢ်ပစိာ်လီၤ. ဒီးအဝဲဒၣ်ကကဲထီၣ်စီၤပၤလၢယလီၢ်, ဒီးယမၤလိာ်ယဲဒ်သိးအကကဲထီၣ် လၢအံၣ်စရ့လး,ဒီးယူဒၤအခိၣ်လီၤ.
36 ဒီးစီၤယဟိၤယဒါအဖိခွါစီၤဘနါယၤ စံးဆၢစီၤပၤဒီး စံးဝဲဒၣ်,အၤမ့ၣ်,ယကစၢ်စီၤပၤအကစၢ်ယွၤန့ၣ် မ်အစံး ဒ်န့ၣ်အသိးတက့ၢ်. 37 ဒ်ယွၤအိၣ်တ့ၢ်ဝဲဒီးယကစၢ်စီၤပၤ အသိးန့ၣ် မ်အအိၣ်ဒီးစီၤၡလိၤမိၤဒ်န့ၣ်အသိးတက့ၢ်.ဒီး မ်အမၤအလီၢ်ပစိာ်ဒိၣ်န့ၢ် ယကစၢ်စီၤပၤအလီၢ်ပစိာ်န့ၣ် တက့ၢ်.
38 ဒီးပှၤလုၢ်တၢ်အဒိၣ်စီၤစၤဒိး, ဒီးဝံနၤသၣ်,ဒီးစီၤယဟိၤ ယဒါအဖိခွါစီၤဘနါယၤ, ဒီးပှၤကရံသးဖိ,ဒီးပှၤပလ့ သးဖိလဲၤလီၤဝဲ, ဒီးဒုးဒိးစီၤၡလိၤမိၤလၢစီၤဒၤဝံးအက သ့ၣ်လၤ,ဒီးဟဲစိာ်အီၤဆူကံဃိၣ်လီၤ.
39 ဒီးပှၤလုၢ်တၢ်အဒိၣ်စီၤစၤဒိးဟံးန့ၢ် သိအနၢၤတကျီ လၢဒဲပူၤ, ဒီးဖှူစီၤၡလိၤမိၤ, ဒီးပှၤအူကွဲၤ, ဒီးပှၤဂီၢ်မုၢ်ခဲ လၢာ်စံးဝဲဒၣ်,မ်စီၤပၤစီၤၡလိၤမိၤမူဝဲတက့ၢ်. 40 ဒီးပှၤဂီၢ် မုၢ်ခဲလၢာ်ဟဲပိာ်ထီၣ်အခံ, ဒီးပှၤဂီၢ်မုၢ်အူပံ,ဒီးသးခုလၢ တၢ်သးခုဖးဒိၣ်, ဒီးဟီၣ်ခိၣ်တသြီထီၣ်လၢအသီၣ်လီၤ.
41 ဒီးစီၤအဒိနံယၤ, ဒီးကယဲၢ်ပှၤလၢအဒိးကိးအသးခဲ လၢာ်လၢအအိၣ်ဒီးအီၤန့ၣ်နၢ်ဟူဝဲဖဲအအီၣ်တၢ်ဝံၤဝဲ, ဒီး စီၤယိၤအာ်နၢ်ဟူကွဲၤအသီၣ်,ဒီးစံးဝဲဒၣ်, ဝ့ၢ်တၢထီၣ်တၢ လီၤအသီၣ်န့ၣ်မ့ၢ်မနုၤလဲၣ်.
42 ဒီးကတိၤတၢ်အဖၢမုၢ်ဒီး,ကွၢ်ကွၢ်, ပှၤလုၢ်တၢ်အဒိၣ် စီၤအ့ဘယၤသၢ်အဖိခွါစီၤယိနၤသၣ်ဟဲဝဲ, ဒီးစီၤအဒိနံၤ ယၤစံးဘၣ်အီၤ, ဟဲနုာ်တက့ၢ်. အဂ့ၢ်ဒ်အံၤ,နမ့ၢ်ပှၤအ ဝ့ၤ,ဒီးစိာ်တၢ်အကစီၣ်အဂ့ၤလီၤ.
43 ဒီးစီၤယိနၤသၣ်စံးဆၢတၢ် ဒီးစံးဘၣ်စီၤအဒိနံၤယၤ, မ့ၢ်မးပကစၢ်စီၤပၤဒၤဝံး ပာ်လံစီၤၡလိၤမိၤလၢစီၤပၤ လီၤ. 44 ဒီးစီၤပၤမၢလီၤဒီးအီၤလၢ ပှၤလုၢ်တၢ်အဒိၣ်စီၤ စၤဒိး,ဒီးဝံနၤသၣ်, ဒီးစီၤယဟိၤယဒါအဖိခွါစီၤဘနါ ယၤ,ဒီးပှၤကရံသးဖိ,ဒီးပှၤပလ့သးဖိ, ဒီးအဝဲသ့ၣ်တဖၣ် န့ၣ်ဒုးဒိးအီၤလၢစီၤပၤအကသ့ၣ်လၤန့ၣ်, 45 ဒီးပှၤလုၢ် တၢ်အဒိၣ်စီၤစၤဒိး, ဒီးဝံနၤသၣ်န့ၣ်ဖှူအီၤလၢစီၤပၤလၢ ကံဃိၣ်အပူၤ, ဒီးဟဲက့ၤထီၣ်ဖဲန့ၣ်လၢ အသူၣ်ခုသးခု, ဒီးဝ့ၢ်တသြီထီၣ်လီၤ. အန့ၣ်မ့ၢ်တၢ်သီၣ်လၢသုနၢ်ဟူ လီၤ.
46 ဒီးစီၤၡလိၤမိၤဆ့ၣ်နီၤလၢ ဘီဧိၤမုၢ်ဧိၤအလီၢ်ပစိာ်စ့ၢ် ကီးလီၤ. 47 ဒီးစီၤပၤအခ့အပှၤဟဲစံးထီၣ်ပတြၢၤပကစၢ်စီၤပၤဒၤဝံး, ဒီးစံးဝဲဒၣ်, မ်နကစၢ်မၤစီၤၡလိၤမိၤအမံၤဂ့ၤန့ၢ်နမံၤ, ဒီးမၤအလီၢ်ပစိာ်ဒိၣ်န့ၢ်နလီၢ်ပစိာ်န့ၣ်တက့ၢ်. ဒီးစီၤပၤဘူၣ်ထီၣ်ဘါထီၣ်လၢအလီၢ်မံပူၤလီၤ. 48 ဒီးစီၤ ပၤစံးစ့ၢ်ကီးဒ်အံၤ, ယွၤအံၣ်စရ့လးအကစၢ်လၢအပာ်ပှၤ တဂၤဆ့ၣ်နီၤလၢယလီၢ်ပစိာ်လၢ မုၢ်မဆါတနံၤအံၤ,ဒီး ယမဲာ်ထံၣ်ဘၣ်ဝဲန့ၣ်, မ်အဘၣ်တၢ်စံးထီၣ်ပတြၢၤအီၤ တက့ၢ်.
49 ဒီးပှၤလၢအဒိးကိးအသးလၢ အအိၣ်ဝဲဒီးစီၤအဒိနံၤယၤ ခဲလၢာ်န့ၣ်ပျံၤတၢ်, ဒီးဂဲၤဆၢထၢၣ်,ဒီးလဲၤတၢ်တဂၤအ ကျဲဒၣ်ဝဲ, တဂၤအကျဲဒၣ်ဝဲန့ၣ်လီၤ.
50 ဒီးစီၤအဒိနံၤယၤပျံၤတၢ် လၢစီၤၡလိၤမိၤအဃိ, ဒီးဂဲၤ ဆၢထၢၣ်, ဒီးလဲၤတၢ်,ဒီးဟံးဃာ်တၢ်လုၢ်လီၢ်အနၢၤတ ဖၣ်န့ၣ်လီၤ.
51 ဒီးပှၤဒုးနဲၣ်စီၤၡလိၤမိၤဒီးစံးဝဲဒၣ်, ကွၢ်ကွၢ်,စီၤအဒိနံၤ ယၤပျံၤစီၤၡလိၤမိၤဒီးကွၢ်ကွၢ်, ဟံးဃာ်ဝဲလၢတၢ်လုၢ် လီၢ်အနၢၤတဖၣ်,ဒီးစံးဝဲဒၣ်, မ်စီၤၡလိၤမိၤဆိၣ်တၢ်ဒီး ယၤလၢမုၢ်မဆါတနံၤအံၤလၢအတမၤသံဘၣ်အခ့အပှၤ လၢနးဘၣ်န့ၣ်တက့ၢ်.
52 ဒီးစီၤၡလိၤမိၤစံးဝဲဒၣ်, မ့ၢ်ကဲထီၣ်ပှၤအဂ့ၤအဘၣ်ဒီး အခိၣ်သူတဘိဧိၤတလီၤတဲာ်ဘၣ်ဆူဟီၣ်ခိၣ်ဘၣ်. မ့မ့ၢ် တၢ်အၢမ့ၢ်အိၣ်လၢအပူၤဒီး, ကဘၣ်သံလီၤ.
53 ဒီးစီၤၡလိၤမိၤမၢလီၤတၢ်, ဒီးပှၤဟဲစိာ်လီၤအီၤလၢတၢ် လုၢ်လီၢ်,ဒီးဟဲဝဲ, ဒီးတီၤလီၤကဒွံကျိာ်လၢစီၤၡလိၤမိၤ အမဲာ်ညါ, ဒီးစီၤၡလိၤမိၤစံးဘၣ်အီၤ, လဲၤဆူနဟံၣ်တက့ၢ်.