5
တုၤပှၤအမိၢ်ဖိ အစီၤပၤခဲလၢာ်လၢ အအိၣ်လၢယၢ် ဒ့ၣ်လၢမုၢ်နုာ်တခီ, ဒီးပှၤကနၤဧၣ်ဖိလၢ အအိၣ်လၢ ပီၣ်လဲၣ်နံၤခဲလၢာ်န့ၣ် နၢ်ဟူဝဲလၢ ယွၤမၤလီၤသံးကွံာ် ယၢ်ဒ့ၣ်အထံလၢ ပှၤအံၣ်စရ့လးဖိအမဲာ်ညါတုၤအခီဂာ် ကွံာ်တၢ်ဒီး, တၢ်မၤအသးလၢ အသးပှံၢ်လီၤကွံာ်ဝဲ, ဒီးအသးတဆၢထၢၣ်လၢၤဘၣ်လၢအပူၤလၢ ပှၤအံၣ်စရ့ လးဖိအဃိန့ၣ်လီၤ.
အကတီၢ်ဖဲန့ၣ်ယွၤစံးဘၣ် စီၤယိၤရှူ, တ့ဒီလၢၢ်တ ဖၣ်လၢနဂီၢ်, ဒီးကူးတရံးပှၤအံၣ်စရ့လးဖိခံဘျီတဘျီ န့ၣ်တက့ၢ်.
ဒီးစီၤယိၤရှူတ့ဒီလၢၢ်လၢအဂီၢ်, ဒီးကူးတရံးပှၤအံၣ် စရ့လးဖိလၢတၢ်စိခိၣ်ဧၤရလိးလီၤ.
ဒီးစီၤယိၤရှူကူးတရံးတၢ်, အဂ့ၢ်ဒ်အံၤ, ကယဲၢ်ပှၤဂီၢ် မုၢ်ပိာ်ခွါလၢအဟဲထီၣ်လၢ အဲၤကူပတူးပှၤသုးဖိခဲလၢာ် သံဝဲလၢပှၢ်မုၢ်ကနၢလၢကျဲပူၤ, လၢအဟးထီၣ်လၢအဲၤ ကူပတူးအလီၢ်ခံန့ၣ်လီၤ. ဒီးကယဲၢ်ပှၤလၢ အဟဲ ထီၣ်ခဲလၢာ်န့ၣ် ဒိးတၢ်ကူးတရံးလီၤ. မ့မ့ၢ်ပှၤလၢအ အိၣ်ဖျဲၣ်လၢ ပှၤမုၢ်ကနၢကျဲပူၤ, လၢအဟးထီၣ်ကွံာ် လၢအဲၤကူပတူးအလီၢ်ခံန့ၣ်တဒိးဘၣ် တၢ်ကူးတရံးနီတဂၤဘၣ်.
အဂ့ၢ်ဒ်အံၤ, ပှၤအံၣ်စရ့လးဖိလဲၤတၢ် အနံၣ်လွံၢ်ဆံ လၢပှၢ်မုၢ်ကနၢတုၤကယဲၢ် ပှၤသုးဖိလၢ အဟးထီၣ် ကွံာ်လၢ အဲၤကူပတူးလၢာ်ဝဲလီၤ. အဂ့ၢ်ဒ်အံၤ, တဒိ ကနၣ်ဘၣ်ယွၤအကလုၢ်ကထါဘၣ်. မ့ၢ်ပှၤလၢ ယွၤ ဆိၣ်လီၤအသးဒီးအီၤလၢ အတဒုးနဲၣ်ဘၣ်အီၤလၢကီၢ် တဘ့ၣ်လၢ ယွၤဆိၣ်တၢ်ဒီး အပၢ်တဖၣ်လၢ အက ဟ့ၣ်လီၤပှၤ, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီး ကနဲစီလီၤ.
ဒီးအဖိတဖၣ်လၢ အဒုးဂဲၤဆၢထၢၣ်လၢ အလီၢ် န့ၣ်စီၤယိၤရှူကူးတရံးအီၤလၢ အတဒိးဒံးဘၣ်တၢ်ကူး တရံးအဃိန့ၣ်လီၤ. အဂ့ၢ်ဒ်အံၤ, တဒိးဘၣ်တၢ်ကူး တရံးလၢကျဲပူၤဘၣ်.
ဒီးတုၤအကူးတရံးပှၤဂီၢ်မုၢ်ခဲလၢာ်ဝံၤဒီး, တၢ်မၤအ သးလၢအအိၣ်ဝဲလၢအလီၢ်ဒၣ်ဝဲလၢ ပှၤသူၣ်ဒဲအလီၢ် ပူၤန့ၣ်တုၤအဘျါက့ၤဝဲလီၤ.
ဒီးယွၤစံးဘၣ်စီၤယိၤရှူ, တၢ်လၢမုၢ်မဆါတနံၤအံၤ, ယသလ့ၣ်ထီၣ်ကွံာ်ပှၤအဲၤကူပတူးအတၢ်ဒုၣ်ဒွဲၣ်လၢသု လိၤလီၤ. ဒီးတၢ်အလီၢ်တပူၤအမံၤန့ၣ် မ့ၢ်ကံးလကၤ လးတုၤမုၢ်မဆါတနံၤအံၤလီၤ.
10 ဒီးပှၤအံၣ်စရ့လးဖိသူၣ်ဒဲလၢ ကံးလကၤလးအပူၤ, ဒီးမၤဘူၣ်လဲၤကပာ်လၢ လါထီၣ်တဆံလွံၢ်နံၤလၢမုၢ် ဟါ,လၢယရံၤဃိအပျီန့ၣ်လီၤ.
11 ဒီးအီၣ်ဝဲလၢကီၢ်အဘုလီၢ်လံၤလၢ မုၢ်ဆ့ၣ်ထီၣ်တ နံၤလၢ ဘူၣ်လဲၤကပာ်အလီၢ်ခံန့ၣ်, ကိၣ်တအိၣ်ဘၣ် ဒီးကိၣ်မံၣ်ဘ့ၣ်ဘၣ်တဖၣ်, ဒီးဘုဝဲာ်အသးန့ၣ်လၢမုၢ် တနံၤဃီလီၤ.
12 ဒီးအီၣ်ဝဲလၢကီၢ်အဘုလီၢ်လံၤအလီၢ်ခံ, လၢမုၢ်ဆ့ၣ် ထီၣ်တနံၤန့ၣ်မၤနၤအိၣ်ကတီၢ်ဝဲလီၤ. ဒီးပှၤအံၣ်စရ့လး ဖိတန့ၢ်လၢၤဘၣ်မၤနၤဘၣ်. မ့မ့ၢ်အအီၣ်ကီၢ်ကနၤဧၣ်အ တၤသၣ်လၢတနံၣ်န့ၣ်လီၤ.
13 ဒီးတုၤစီၤယိၤရှူအိၣ်ဝဲလၢယရံၤဃိန့ၣ် တၢ်မၤအသး လၢအကျ့ထီၣ်အမဲာ်, ဒီးကွၢ်တၢ်, ဒီးကွၢ်ကွၢ်, ပှၤ ဆၢထၢၣ်လၢ အမဲာ်ညါအိၣ်ဒီး အနးဘ့ၣ်ထီၣ်အသး လၢအစုပူၤ, ဒီးစီၤယိၤရှူလဲၤထီၣ်ဆူအအိၣ်, ဒီးစံးလၢ အီၤ, နအိၣ်လၢပဂီၢ်, နအိၣ်လၢပဒုၣ်ပဒါအဂီၢ်လဲၣ်.
14 ဒီးစံးဝဲဒၣ်, တမ့ၢ်ဘၣ်. မ့ၢ်ယဟဲခဲကနံၣ်အံၤဒ်ယွၤ အတၢ်သုးမုၢ်အခိၣ်လီၤ. ဒီးစီၤယိၤရှူထိၣ်လီၤပှီၤအသး လၢဟီၣ်ခိၣ်, ဒီးဘါထီၣ်, ဒီးစံးလၢအီၤ, ယကစၢ် ကစံးဘၣ်အခ့အပှၤဒ်လဲၣ်.
15 ဒီးယွၤအသုးမုၢ်အခိၣ်တဂၤန့ၣ် စံးဘၣ် စီၤယိၤရှူ, ဃ့ၣ်လီၤကွံာ်နခီၣ်ဖံးလၢ နခီၣ်တက့ၢ်, အဂ့ၢ်ဒ်အံၤ, တၢ်အလီၢ်ဖဲနဆၢထၢၣ်န့ၣ် စီဆှံဝဲလီၤ. စီၤယိၤရှူမၤဝဲ ဒ်န့ၣ်လီၤ.