11
1 ဒီးတုၤဃါစိၢ်အစီၤပၤယၤဘံၣ် နၢ်ဟူတၢ်ဒီး, တၢ်မၤ အသးလၢအမၢလီၤတၢ်ဆူမၤဒိၣ်အစီၤပၤယိဘာ်, ဒီးၡံး မရိၣ်အစီၤပၤ, ဒီးအးကၡးအစီၤပၤ,
2 ဒီးစီၤပၤအိၣ်လၢ ကစၢၢ်ကလိလၢကလံၤစိးတခီ, ဒီးလၢတၢ်ပၢၤခိၣ်လၢ ကံးန့ၤရ့သး အကလံၤထံးတခီ, ဒီးအိၣ်လၢကစၢၢ်က ဆူး, ဒီးလၢဒိၢ်အဃၢၤလၢမုၢ်နုာ်တခီ,
3 ဒီးပှၤကနၤဧၣ် ဖိလၢမုၢ်ထီၣ်ဒီးလၢမုၢ်နုာ်, ဒီးပှၤအမိၢ်ဖိ, ဒီးပှၤဃ့ၤသး ဖိ, ဒီးပှၤပရးစၤဖိ, ဒီးပှၤယဘူၣ်ဖိလၢကစၢၢ်အလိၤ, ဒီး ပှၤဃံၤဝံဖိလၢဃ့ရမိၣ်အခီၣ်ထံး လၢကီၢ်မံးစပၤအပူၤ န့ၣ်လီၤ.
4 ဒီးဟးထီၣ်ဝဲ, အဝဲသ့ၣ် ဒီးအသုးမုၢ်ခဲလၢာ်အိၣ်ဒီး အီၤ, ပှၤဂီၢ်မုၢ်အါအါကလဲာ်, အါဝဲဒ်မဲးအိၣ်ဝဲလၢပီၣ် လဲၣ်နံၤအသိးန့ၣ်, အိၣ်ဒီးကသ့ၣ်တဖၣ်, ဒီးလ့ၣ်က ဟၣ်အါဆိလီၤ.
5 ဒီးတုၤစီၤပၤခဲလၢာ်န့ၣ် အိၣ်ဖှိၣ်ရိ ဖှိၣ်လၢအသ့ၣ်နံၤဖးသီအကတီၢ်ဒီး, ဟဲသူၣ်ဒဲတပူၤဃီ လၢမ့ၤရိၣ်အထံနံၤဒ်သိးအကဒုးတၢ်ဒီးအံၣ်စရ့လးလီၤ.
6 ဒီးယွၤစံးဘၣ်စီၤယိၤရှူ, ဘၣ်ယိၣ်တၢ်လၢအဃိန့ၣ် တဂ့ၤ. အဂ့ၢ်ဒ်အံၤ,ခဲဂီၤကိာ်ဆၢအလီၢ်အံၤဃၣ်ဃၣ်န့ၣ် ယကဟ့ၣ်လီၤအဘၣ်တၢ်မၤသံအီၤခဲလၢာ် လၢအံၣ်စရ့ လးအမဲာ်ညါလီၤ. ဒီးနဘၣ်ပဲာ်တဲာ်အကသ့ၣ်အခီၣ် အထူၣ်, ဒီးဆူးထီၣ်ကွံာ်အလ့ၣ်ကဟၣ်လၢမ့ၣ်အူလီၤ.
7 ဒီးစီၤယိၤရှူလဲၤဝဲ, ဒီးပှၤသုးဖိခဲလၢာ်အိၣ်ဒီးအီၤထီ ဒါအီၤသတူၢ်ကလာ်, ဒီးကျီကွံာ်အီၤလီၤ.
8 ဒီးယွၤဟ့ၣ် လီၤကွံာ်အီၤဆူ အံၣ်စရ့လးအစုပူၤဒီး အဝဲသ့ၣ်ကျီ ကွံာ်အီၤ, ဒီးလူၤအီၤပၢၢ်လၢစံဒိၣ်ဖးဒိၣ်, ဒီးပၢၢ်လၢ မံးစြဖိးမၤယံၣ်,ဒီးပၢၢ်လၢကစၢၢ်ကဆူး မံးစပၤလၢမုၢ် ထီၣ်တခီ, ဒီးကျီကွံာ်အီၤတုၤအတပာ်လီၤတဲာ်ဘၣ်နီ တဂၤဘၣ်.
9 ဒီးစီၤယိၤရှူမၤဘၣ်အီၤ ဒ်ယွၤမၤလိာ်အီၤအသိးန့ၣ် လီၤ.ပဲာ်တဲာ်အကသ့ၣ်အခီၣ်အထူၣ်, ဒီးဆူးထီၣ်ကွံာ် လ့ၣ်ကဟၣ်လၢမ့ၣ်အူလီၤ.
10 ဒီးအကတီၢ်ဖဲန့ၣ်စီၤယိၤရှူက့ၤကဒါက့ၤ, ဒီးမၤန့ၢ်ဃါ စိၢ်ဒီးကျီကွံာ်အစီၤပၤလၢနးလီၤ. အဂ့ၢ်ဒ်အံၤ, လၢအ ခီၣ်ထံးန့ၣ် ဃါစိၢ်မ့ၢ်ဘီမုၢ်ခဲလၢာ်န့ၣ်အခိၣ်လီၤ.
11 ဒီး ကျီကွံာ်ကယဲၢ်ပှၤအိၣ်လၢအပူၤ လၢနးအကနၣ်ခဲလၢာ် ဒီး မၤဟးဂူာ်ဟးဂီၤကွံာ်အီၤလီၤ. ပှၤလၢအသါဝဲန့ၣ် တအိၣ်လီၤတဲာ်ဘၣ်နီတဂၤဘၣ်, ဒီးဆူးထီၣ်ကွံာ်ဃါ စိၢ်လၢမ့ၣ်အူလီၤ.
12 ဒီးစီၤပၤတဖၣ်န့ၣ်အဝ့ၢ်ခဲလၢာ်, ဒီးအစီၤပၤခဲလၢာ် န့ၣ်စီၤယိၤရှူမၤန့ၢ်ဝဲ, ဒီးကျီကွံာ်အီၤလၢ နးအကနၣ် လီၤ. မၤဟးဂူာ်ဟးဂီၤကွံာ်အီၤ, ဒ်ယွၤအခ့အပှၤစီၤမိၤ ရှ့မၤလိာ်ဝဲအသိးန့ၣ်လီၤ.
13 မ့မ့ၢ်ဝ့ၢ်လၢအဆၢထၢၣ်လၢ တၢ်စိခိၣ်တဖၣ်န့ၣ်အံၣ် စရ့လးတဆူးထီၣ်ကွံာ်အီၤဘၣ်. ဆူးထီၣ်ကွံာ်ထဲဃါ စိၢ်တဝ့ၢ်ဧိၤလီၤ. အဝဲန့ၣ်စီၤယိၤရှူဆူးထီၣ်ကွံာ်ဝဲလီၤ.
14 ဒီးဝ့ၢ်တဖၣ်အတၢ်ဖိတၢ်လံၤခဲလၢာ်, ဒီးအဆၣ်ဖိကီၢ် ဖိန့ၣ် ပှၤအံၣ်စရ့လးဖိဟံးန့ၢ်ဝဲလၢတၢ်ဂုာ်န့ၢ်လၢအဂီၢ် ဒၣ်ဝဲလီၤ. မ့မ့ၢ်ပှၤကညီန့ၣ် ကျီကွံာ်ဝဲလၢနးအကနၣ် တုၤအမၤဟးဂီၤအီၤ ကိးဂၤဒဲးန့ၣ်လီၤ. တပာ်လီၤတဲာ် ဘၣ်ပှၤလၢအသါဝဲနီတဂၤဘၣ်.
15 ဒ်ယွၤမၤလိာ်အခ့အပှၤစီၤမိၤရှ့အသိးန့ၣ်, စီၤမိၤရှ့မၤ လိာ်စီၤယိၤရှူဒ်န့ၣ်အသိး, ဒီးစီၤယိၤရှူမၤဝဲဒ်န့ၣ်အသိး လီၤ. တၢ်လၢယွၤမၤလိာ် စီၤမိၤရှ့ခဲလၢာ်န့ၣ်တပာ်လီၤ တဲာ်ဘၣ်နီတမံၤဘၣ်.
16 ဒီးစီၤယိၤရှူမၤန့ၢ်ကီၢ်ဒီဘ့ၣ်ညါ, ကစၢၢ်ကလိ, ဒီးကီၢ် လၢကလံၤထံးဒီကီၢ်ညါ, ဒီးကိၡၣ်ဒီကီၢ်ညါ, ဒီးက စၢၢ်ကဆူး,ဒီးတၢ်ပၢၤခိၣ်,ဒီးအံၣ်စရ့လးအကစၢၢ်ကလိ ဒီးအကစၢၢ်ကဆူးန့ၣ်,
17 လၢကစၢၢ်ဃၤလးလၢအလဲၤ ထီၣ်ဆူစ့ဧၢ်ပၢၢ်လၢဘဧၤလးကးလၢ လဘၤနိၣ် အကစၢၢ်ကဆူးပူၤ, လၢကစၢၢ်ဃ့ရမိၣ်အခီၣ်ထံးလီၤ. ဒီးမၤ န့ၢ်အစီၤပၤခဲလၢာ်, ဒီးကျီကွံာ်အီၤ, ဒီးမၤသံအီၤလီၤ. စီၤယိၤရှူဒုးသုးဒီးစီၤပၤခဲလၢာ်န့ၣ်အါနံၤအါသီလီၤ.
18 18
19 ဒီးဝ့ၢ်လၢအမၤဃူမၤဖိးလိာ်အသးဒီး ပှၤအံၣ်စရ့လးဖိ တအိၣ်ဘၣ်နီတဝ့ၢ်ဘၣ်. အိၣ်ထဲဃံၤဝံဖိ,ပှၤအိၣ်ဝဲဆိးဝဲ လၢကံးဘိၣ်အပူၤန့ၣ်လီၤ. ဒုးသုးဒီး မၤန့ၢ်အီၤခဲလၢာ် လီၤ.
20 အဂ့ၢ်ဒ်အံၤ, ဟဲဝဲလၢယွၤ, လၢအဝဲသ့ၣ်အသးက ဆူၣ်ထီၣ် ဒ်သိးအကဟဲသဂၢၢ် အံၣ်စရ့လးလၢတၢ်ဒုး သုးပူၤ, ဒ်သိးအကမၤဟးဂူာ်ဟးဂီာ်ကွံာ်အီၤ, ဒ်သိးအ သုတဘၣ်ဘျုးဘၣ်ဖှိၣ်တဂ့ၤ. ဒ်သိးအကမၤဟးဂီၤကွံာ် အီၤ, ဒ်ယွၤမၤလိာ်စီးမိၤရှ့အသိးန့ၣ်လီၤ.
21 ဒီးတၢ်လၢ အကတီၢ်န့ၣ် စီၤယိၤရှူဟဲဒီၣ်တဲာ်ကွံာ် ပှၤဧနးဖိလၢကစၢၢ်ကလိ, လၢဃ့ဘြိၣ်, လၢဒဘံၢ်, လၢ ဧနာ်, ဒီးလၢကစၢၢ်ယူဒၤခဲလၢာ်, ဒီးလၢကစၢၢ်အံၣ်စရ့ လးခဲလၢာ်လီၤ. စီၤယိၤရှူမၤဟးဂီၤကွံာ်အီၤဒီးအဝ့ၢ်တ ဖၣ်န့ၣ်လီၤ.
22 ဒီးပှၤဧနးဖိတအိၣ်လီၤတဲာ်ဘၣ်လၢ ပှၤအံၣ်စရ့လးဖိ အကျါဘၣ်. အိၣ်ထဲလၢဂါစၤအပူၤ, လၢကၤသးအပူၤ, ဒီး လၢအၤစဒိာ်အပူၤလီၤ. အိၣ်လီၤတဲာ်ဝဲဖဲန့ၣ်လီၤ.
23 ဒီးစီၤယိၤရှူ မၤန့ၢ်ကီၢ်ဒီဘ့ၣ်ညါ, ဒ်ကယဲၢ်တၢ်လၢ ယွၤစံးဘၣ်စီၤမိၤရှ့အသိးန့ၣ်, ဒီးစီၤယိၤရှူဟ့ၣ်လီၤအီၤ လၢအံၣ်စရ့လး လၢတၢ်န့ၢ်သါအလီၢ် ဒ်တၢ်နီၤဖးတပူ တပူအသိး, ဒ်အဒူၣ်တဖၣ်အသိးန့ၣ်လီၤ. ဒီးထံဧိၤ ကီၢ်ဧိၤန့ၣ်အိၣ်ဘှံးဝဲလၢဒုးတၢ်လီၤ.