5
1 လၢတၢ်တဖၣ်န့ၣ်အလီၢ်ခံဒီး, ဘၣ်လၢပှၤယူဒၤဖိအ ဘူၣ်တဘူၣ်, ဒီးယ့ၣ်ရှူးလဲၤထီၣ်ဆူယရူၤၡလ့ၣ်လီၤ.
2 ဒီး နိၣ်လၢယရူၤၡလ့ၣ်အပူၤ, လၢပဲတရီတၤသိအဃၢၤ, ကိး ဝဲအမံၤလၢဧ့ၤဘြံၤအကျိာ်, လၢဘ့ၤသ့းစဒါ, အိၣ်ဒီးတၢ် ခိၣ်ဒုးထီၣ်အသးယဲၢ်ဖျၢၣ်အိၣ်ဝဲတနိၣ်လီၤ.
3 ဒီးပှၤလၢ တၢ်ဆူးတၢ်ဆါအီၤ, ပှၤမဲာ်ဘျီၣ်, ပှၤခီၣ်ဟးဂီၤ, ပှၤဃ့စိၢ် ဃ့ထီ, ဂီၢ်မုၢ်ဖးဒိၣ်အိၣ်လၢအပူၤ, ဒီးကွၢ်လၢ်ထံကဝး ထီၣ်အကျဲလီၤ.
4 (အဂ့ၢ်ဒ်အံၤ, ဘၣ်အမုၢ်အလါဒီး, က လူးတဂၤဟဲလီၤဆူနိၣ်ပူၤ, ဒီးမၤဝးထီၣ်ထံလီၤ. မၤသးဒ် န့ၣ်ဒီးထံဝးထီၣ်အလီၢ်ခံန့ၣ်, ပှၤလၢအလဲၤလီၤဆိတဂၤ န့ၣ်) ဖဲဒၣ်တၢ်ဆါလၢအလိၤတမံၤမံၤန့ၣ်, ဘျါက့ၤဝဲ လီၤ.
5 ဒီးပှၤလၢတၢ်ဆါတ့ၢ်အီၤသၢဆံဃိးနံၣ်, အိၣ်ဝဲဖဲ န့ၣ်တဂၤလီၤ.
6 ယ့ၣ်ရှူးထံၣ်လၢအမံလီၤဝဲ, ဒီးသ့ၣ်ညါ လၢတၢ်ဆါအီၤယံာ်တ့ၢ်ဒီးစံးဘၣ်အီၤ, တၢ်မိၣ်ဘျါက့ၤ နသးဧါ.
7 ပှၤဆါတဂၤကတိၤဆၢအီၤ, ကစၢ်ဧၢ, တုၤထံ ဝးထီၣ်ဒီး, ပှၤလၢအကပာ်လီၤယၤလၢနိၣ်ပူၤတအိၣ်ဘၣ် ဒီးယၤဘၣ်, ဒီးယလဲၤလီၤအဖၢမုၢ်ဒီး, ပှၤဂၤလဲၤလီၤဆိဝဲ လၢယမဲာ်ညါလီၤ.
8 ယ့ၣ်ရှူးစံးဘၣ်အီၤ, ဂဲၤဆၢထၢၣ် ဟံးန့ၢ်နလီၢ်မံ, ဒီးဟးထီၣ်တက့ၢ်.
9 ဒီးဘျါက့ၤဝဲတကီၢ် ခါ, ဒီးဟံးန့ၢ်အလီၢ်မံ, ဒီးဟးထီၣ်ဝဲလီၤ.
10 ဒီးတၢ်လၢမုၢ်တနံၤန့ၣ်, မ့ၢ်မုၢ်အိၣ်ဘှံးအနံၤလီၤ. မၤ သးဒ်န့ၣ်ဒီးပှၤယူဒၤဖိတဖၣ် စံးဘၣ်ပှၤလၢအဘျါက့ၤတ ဂၤန့ၣ်, မ့ၢ်အိၣ်ဘှံးအနံၤ, ဒီးတဂ့ၤနစိာ်နလီၢ်မံဘၣ်.
11 ဒီး စံးဆၢအီၤ, ပှၤလၢအမၤဘျါက့ၤယၤတဂၤန့ၣ်, အဝဲဒၣ် စံးဘၣ်ယၤ, ဟံးန့ၢ်နလီၢ်မံ, ဒီးဟးထီၣ်တက့ၢ်.
12 ဒီးအ ဝဲသ့ၣ်သံကွၢ်အီၤ, ပှၤလၢအစံးဘၣ်နၤ, ဟံးန့ၢ်နလီၢ်မံ ဒီးဟးထီၣ်တက့ၢ်န့ၣ်, မ့ၢ်မတၤတဂၤလဲၣ်.
13 ဒီးမ့ၢ်မတၤ မတၤန့ၣ်, ပှၤလၢအဘျါက့ၤတဂၤန့ၣ်တသ့ၣ်ညါဘၣ်ဝဲ ဘၣ်. အဂ့ၢ်ဒ်အံၤ, ပှၤဂီၢ်မုၢ်အိၣ်ဖဲန့ၣ်, ဒီးယ့ၣ်ရှူးဟးထီၣ် ဝဲတဖျါဘၣ်လီၤ.
14 လၢတၢ်တဖၣ်န့ၣ်အလီၢ်ခံဒီး, ယ့ၣ်ရှူးထံၣ်န့ၢ်အီၤလၢ တၢ်လုၢ်အဟံၣ်ပူၤဒီးစံးဘၣ်အီၤ, ကွၢ်ကွၢ်, နအိၣ်ဆူၣ် အိၣ်ချ့လီၤ. ဒ်သိးတၢ်နးန့ၢ်အလီၢ်သုတဘၣ်နၤတဂ့ၤဒီး, သုတမၤလၢၤတၢ်ဒဲးဘးတဂ့ၤ.
15 ပှၤတဂၤန့ၣ်လဲၤစံးဘၣ် တဲဘၣ်ပှၤယူဒၤဖိ, လၢပှၤမၤဘျါက့ၤအီၤတဂၤန့ၣ်, မ့ၢ် ယ့ၣ်ရှူးလီၤ.
16 မၤသးဒ်န့ၣ်ဒီး, ပှၤယူဒၤဖိမၤအၢမၤသီ ယ့ၣ်ရှူး, အဂ့ၢ်ဒ်အံၤ, မၤတၢ်န့ၣ်လၢမုၢ်အိၣ်ဘှံးအနံၤလီၤ.-
17 ဒီးယ့ၣ်ရှူးစံးဆၢအီၤ, ယပၢ်မၤတၢ်တုၤခဲကနံၣ်အံၤ, ဒီး ယမၤစ့ၢ်ကီးယဲဒၣ်လီၤ.
18 မၤသးဒ်န့ၣ်ဒီးယ့ၣ်ရှူးလုၣ်သ့ၣ် ခါပတာ်မုၢ်အိၣ်ဘှံးအနံၤ, အခိၣ်တလိာ်, စံးဝဲလၢယွၤ မ့ၢ်အပၢ်ဒၣ်ဝဲဒီးပာ်အသးထဲသိးဒီးယွၤသတးဒီး, ပှၤယူ ဒၤဖိဃုမၤသံအီၤနးန့ၢ်အလီၢ်တက့ၢ်လီၤ.
19 မၤသးဒ်န့ၣ်ဒီး, ယ့ၣ်ရှူးကတိၤဆၢတၢ်ဒီးစံးဘၣ်အီၤ, ယစံးဘၣ်တဲဘၣ်သုတီတီလိၤလိၤ, ဖိခွါမၤဒၣ်တၢ်တသ့ ဘၣ်နီတမံၤဘၣ်. မၤဝဲသ့ထဲတၢ်လၢအထံၣ်လၢပၢ်မၤန့ၣ် လီၤ. အဂ့ၢ်ဒ်အံၤ, ဖဲဒၣ်ပၢ်မၤတၢ်တမံၤလၢ်လၢ်န့ၣ်, ဖိခွါ မၤစ့ၢ်ကီးဝဲလီၤ.
20 အဂ့ၢ်ဒ်အံၤ, ပၢ်အဲၣ်ဖိခွါ, ဒီးကယဲၢ် အမၤတၢ်ခဲလၢာ်န့ၣ်, ဒုးနဲၣ်ဝဲလၢအီၤလီၤ. ဒီးကဒုးနဲၣ် အီၤလၢတၢ်မၤဒိၣ်န့ၢ်အအံၤတက့ၢ်, ဒ်သိးသုကကမၢက မၣ်လီၤ.
21 အဂ့ၢ်ဒ်အံၤ, ဒ်ပၢ်မၤဂဲၤဆၢထၢၣ်က့ၤဒီးမၤမူ ထီၣ်ပှၤသံအသိးန့ၣ်, ဖိခွါဒ်န့ၣ်အသိးမၤမူထီၣ်ပှၤဖဲဒၣ် အသးစ့ၢ်ကီးလီၤ.
22 အဂ့ၢ်ဒ်အံၤ, ပၢ်တစံၣ်ညီၣ်ဘၣ်ပှၤနီ တဂၤဘၣ်. မ့ၢ်အဟ့ၣ်လီၤကယဲၢ်တၢ်စံၣ်ညီၣ်ခဲလၢာ်လၢ ဖိခွါအစုပူၤ,
23 ဒ်သိးပှၤခဲလၢာ်ကယူးကယီၣ်ဖိခွါဒ်အယူး အယီၣ်ပၢ်အသိးန့ၣ်လီၤ. ပှၤလၢအတယူးတယီၣ်ဘၣ်ဖိ ခွါန့ၣ်, တယူးတယီၣ်ဘၣ်ပၢ်လၢအမၢလီၤအီၤန့ၣ်လီၤ.
24 ယစံးဘၣ်တဲဘၣ်သုတီတီလိၤလိၤ, ပှၤလၢအနၢ်ဟူယ ကလုၢ်ယကထါ, ဒီးစူၢ်က့ၤနာ်က့ၤပှၤလၢအမၢလီၤယၤ န့ၣ်, အိၣ်ဒီးတၢ်မူလီၤထူလီၤယိာ်, ဒီးတဘၣ်ဘၣ်တၢ် စံၣ်ညီၣ်ဃၣ်ဘၣ်. မ့ၢ်အခီဂာ်ဝဲလၢတၢ်သံဆူတၢ်မူအပူၤ လီၤ.
25 ယစံးဘၣ်သုတီတီလိၤလိၤလၢအဆၢအကတီၢ် ကဘၣ်ဝဲ, ဒီးဘၣ်လံခဲကနံၣ်အံၤ, လၢပှၤအသံကနၢ်ဟူ ယွၤအဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်, ကမူ ထီၣ်ဝဲလီၤ.
26 အဂ့ၢ်ဒ်အံၤ, ဒ်ပၢ်အိၣ်ဒီးတၢ်မူလၢအပူၤဒၣ် ဝဲအသိးန့ၣ်, ဟ့ၣ်ဖိခွါစ့ၢ်ကီးအိၣ်ဒီးတၢ်မူလၢအပူၤဒၣ်ဝဲ ဒ်န့ၣ်အသိးလီၤ.
27 ဒီးမ့ၢ်ဝဲပှၤကညီဖိခွါအဃိဒီး, ဟ့ၣ်လီၤ စ့ၢ်ကီးအီၤလၢတၢ်အစိအကမီၤ, ဒ်သိးအကစံၣ်ညီၣ်တၢ် လီၤ.
28 သုတကမၢကမၣ်လၢတၢ်အံၤအဃိတဂ့ၤ. အဂ့ၢ် ဒ်အံၤ, အဆၢအကတီၢ်ဟဲဝဲ, လၢကယဲၢ်ပှၤအိၣ်လၢတၢ် သွၣ်ခိၣ်အပူၤခဲလၢာ်န့ၣ်, ကနၢ်ဟူအကလုၢ်သီၣ်,
29 ဒီး ကဟဲက့ၤထီၣ်ဝဲ, ပှၤလၢအမၤတၢ်ဂ့ၤတဖၣ်န့ၣ်, ဆူတၢ် မူအတၢ်ဂဲၤဆၢထၢၣ်, ဒီးပှၤလၢအမၤတၢ်အၢတဖၣ်န့ၣ်, ဆူတၢ်စံၣ်ညီၣ်ဃၣ်အတၢ်ဂဲၤဆၢထၢၣ်န့ၣ်လီၤ.
30 ယမၤဒၣ်တၢ်တသ့ဘၣ်နီတမံၤဘၣ်. ဒ်ယနၢ်ဟူတၢ် အသိးန့ၣ်, ယစံၣ်ညီၣ်တၢ်, ဒီးယတၢ်စံၣ်ညီၣ်န့ၣ်, မ့ၢ်အ တီအလိၤလီၤ. အဂ့ၢ်ဒ်အံၤ, ယဃုမၤဖဲဒၣ်ယသးဒၣ်ယဲ တမ့ၢ်ဘၣ်,မ့ၢ်ဖဲဒၣ်ပှၤလၢအမၢလီၤယၤတဂၤအသးလီၤ.
31 ယမ့ၢ်အုၣ်ယသးလၢယဂ့ၢ်ယကျိၤဒၣ်ယဲဒီး, ယတၢ်
32 အုၣ်ယသးန့ၣ်တတီဘၣ်. ပှၤဂၤအုၣ်အသး လၢယဂ့ၢ် ယကျိၤအိၣ်တဂၤ, ဒီးယသ့ၣ်ညါလၢအတၢ်အုၣ်အသး, လၢအအုၣ်အသးလၢ ယဂ့ၢ်ယကျိၤန့ၣ်, မ့ၢ်အမ့ၢ်အတီ လီၤ.
33 သုမၢပှၤလဲၤဆူစီၤယိၤဟၣ်အအိၣ်, ဒီးအဝဲဒၣ် အုၣ်အသးလၢတၢ်မ့ၢ်တၢ်တီအဂ့ၢ်လီၤ.
34 ဘၣ်ဆၣ်ဒီးပှၤ ကညီအတၢ်အုၣ်အသးန့ၣ်, ယတဟံးန့ၢ်ဘၣ်ယဲဘၣ်. မ့မ့ၢ်ဒ်သိးသုကတုၤလၢတၢ်အုၣ်က့ၤခီၣ်က့ၤသုဒီး, ယက တိၤတၢ်တဖၣ်အံၤလီၤ.
35 အဝဲဒၣ်န့ၣ်မ့ၢ်မ့ၣ်အူဒၢလၢအ ကဲၤဝဲ, ဒီးကပီၤထီၣ်, ဒီးသုသးအိၣ်တစိၢ်လၢသုကသူၣ် ဖှံသးညီလၢအတၢ်ကပီၤအပူၤလီၤ.
36 ဘၣ်ဆၣ်ဒီးယအိၣ် ဒီးတၢ်အုၣ်အသးဒိၣ်န့ၢ် စီၤယိၤဟၣ်အတၢ်အုၣ်အသး တက့ၢ်လီၤ. အဂ့ၢ်ဒ်အံၤ, တၢ်မၤလၢပၢ်ဟ့ၣ်လီၤယၤဒ်သိး ယကမၤတုၤအဝံၤ, တၢ်မၤတဖၣ်အံၤလၢယမၤန့ၣ်, အုၣ် အသးလၢယဂ့ၢ်, လၢပၢ်မၢလီၤယၤလီၤ.
37 ဒီးပၢ်လၢအ မၢလီၤယၤန့ၣ်, အဝဲဒၣ်အုၣ်လံအသးလၢယဂ့ၢ်ယပီၢ်လံ. အကလုၢ်သီၣ်န့ၣ်သုတနၢ်ဟူဘၣ်, ဒီးအက့ၢ်အဂီၤန့ၣ်, သုတထံၣ်ဘၣ်နီတခီၣ်ဘၣ်.
38 ဒီးအကလုၢ်အကထါန့ၣ် တအိၣ်တဆိးဘၣ်လၢသုပူၤဘၣ်. အဂ့ၢ်ဒ်အံၤ, ပှၤလၢ အမၢလီၤဝဲတဂၤန့ၣ်သုတနာ်ဘၣ်အီၤဘၣ်.
39 သုဃုကွၢ်ထံ တၢ်ကွဲးအသးတဖၣ်လီၤ. အဂ့ၢ်ဒ်အံၤ, သုဆိကမိၣ်လၢသုကန့ၢ်ဘၣ် တၢ်မူအထူအယိာ်လၢအ ပူၤလီၤ. ဒီးအဝဲသ့ၣ်န့ၣ်မ့ၢ်တၢ်လၢအအုၣ်အသးလၢယ ဂ့ၢ်ယကျိၤလီၤ.
40 ဒီးသုဟဲဆူယအိၣ်ဒ်သိးသုကန့ၢ်ဘၣ် တၢ်မူန့ၣ်, သုသးတအိၣ်ဘၣ်.
41 ယတဟံးန့ၢ်ဘၣ်တၢ် လၤကပီၤလၢပှၤကညီဘၣ်.
42 မ့မ့ၢ်ယသ့ၣ်ညါသုလၢသု တၢ်အဲၣ်ယွၤတအိၣ်ဘၣ်လၢသုပူၤဘၣ်.
43 ယဲဒၣ်အံၤ, ယ ဟဲလၢယပၢ်အမံၤ, ဒီးသုတတူၢ်လိာ်ဘၣ်ယၤဘၣ်. ပှၤဂၤ မ့ၢ်ဟဲလၢအမံၤဒၣ်ဝဲဒီး, သုကတူၢ်လိာ်အီၤလီၤ.
44 သုဒိးန့ၢ် တၢ်ပာ်လၤကပီၤလိာ်သုသးသကိးသကိး, ဒီးတဃုဘၣ် တၢ်လၤကပီၤဟဲလၢယွၤတဂၤဧိၤန့ၣ်ဒီး, သုနာ်တၢ်က သ့ဒ်လဲၣ်.
45 သုတဆိကမိၣ်လၢယကပာ်တၢ်ကမၣ်လၢ သုလိၤလၢပၢ်အမဲာ်ညါန့ၣ်တဂ့ၤ. ပှၤလၢအပာ်တၢ်က မၣ်လၢသုလိၤအိၣ်ဝဲတဂၤ, ပှၤလၢသုသန့ၤသုသးလၢ အီၤ,စီၤမိၤရှ့န့ၣ်လီၤ.
46 အဂ့ၢ်ဒ်အံၤ,သုမ့ၢ်နာ်စီၤမိၤရှ့န့ၣ်ဒီး, သုကနာ်စ့ၢ်ကီးယၤလီၤ. အဂ့ၢ်ဒ်အံၤ, အဝဲဒၣ်ကွဲးတၢ်လၢ ယဂ့ၢ်ယကျိၤလီၤ.
47 မ့မ့ၢ်သုမ့ၢ်တနာ်ဘၣ်အဝဲဒၣ်အတၢ် ကွဲးတဖၣ်ဒီး, သုကနာ်ယတၢ်ကတိၤတဖၣ်န့ၣ်ဒ်လဲၣ်.