2
ဒီးလၢမုၢ်သၢနံၤတနံၤန့ၣ် တလးမူးအမူး အိၣ်ဝဲတ မူးလၢကၤနါ ဘၣ်ဃးဒီးကၤလံၤလါ, ဒီးယ့ၣ်ရှူးအမိၢ် အိၣ်ဝဲဖဲန့ၣ်လီၤ. ဒီးယ့ၣ်ရှူးဒီးအပျဲၢ်အဘီၣ်ဘၣ်တၢ်ကိး အီၤဆူမူးပူၤန့ၣ်လီၤ. ဒီးတုၤစပံးထံလၢာ်ဝဲဒီး, ယ့ၣ်ရှူး အမိၢ်စံးဘၣ်အီၤ, အဝဲသ့ၣ်အစပံးထံတအိၣ်လၢၤဘၣ်.-
ဒီးယ့ၣ်ရှူးစံးဘၣ်အီၤ, ပိာ်မုၣ်ဧၢ, တၢ်ဘၣ်ဃးဒီးယၤဒီးနၤ အံၤ, မ့ၢ်မနုၤတမံၤလဲၣ်. ယနၣ်ရံၣ်တဘၣ်ဒံးဘၣ်. ဒီး အမိၢ် စံးဘၣ်အခ့အပှၤ, ဖဲဒၣ်အစံးဘၣ်သုဒီး, မၤတ က့ၢ် ဒီးဒ်ပှၤယူဒၤဖိမၤကဆှီတၢ်အလုၢ်အလၢ်အိၣ်ဝဲအ သိးန့ၣ်, သပၢၤလၢၢ်လၢအတြီၢ်ခံဘၤသး, သၢဘၤသး အိၣ်ဝဲဖဲန့ၣ်ဃုဖျၢၣ်လီၤ. ဒီးယ့ၣ်ရှူးစံးဘၣ်အီၤ, မၤပှဲၤ သပၢၤလၢထံတက့ၢ်. ဒီးအဝဲသ့ၣ်မၤပှဲၤပၢၢ်လၢအခိၣ်ဒူ လီၤ. ဒီးစံးဘၣ်အီၤ, ခဲကနံၣ်အံၤဘျၢၣ်န့ၢ်ဒီးလဲၤစိာ်ဆူ မူးခိၣ်တဂၤန့ၣ်တက့ၢ်. ဒီးလဲၤစိာ်ဝဲလီၤ. ဒီးမူးခိၣ်တဂၤ လ့ၣ်ကွၢ်ထံလၢ အကဲထီၣ်စပံးထံန့ၣ်, ဒီးမ့ၢ်အဟဲလၢ လဲၣ်လၢလဲၣ်န့ၣ်တသ့ၣ်ညါဘၣ်ဝဲဘၣ်. မ့မ့ၢ်အခ့အပှၤ လၢအဘျၢၣ်ထံတဖၣ်န့ၣ်သ့ၣ်ညါဝဲလီၤ. ဒီးမူးခိၣ်တဂၤ ကိးတလးမူးပိာ်ခွါ, 10 ဒီးစံးဘၣ်အီၤ, ပှၤခဲလၢာ်ပာ်လီၤ ဆိစပံးထံလၢအဂ့ၤ, ဒီးတုၤပှၤအီဘျဲးအီဝဲဒီးလၢအဘျါ တမံၤလီၤ. မ့မ့ၢ်နဲဒၣ်အံၤ, နပာ်ပာ်စပံးထံလၢအဂ့ၤတုၤ ခဲကနံၣ်အံၤလံ. 11 ယ့ၣ်ရှူးမၤတၢ်လီၤလးအခီၣ်ထံးအံၤ, လၢကၤနါဘၣ်ဃးဒီးကၤလံၤလါ, ဒီးလီၣ်ဖျါထီၣ်အလၤ အကပီၤ, ဒီးအပျဲၢ်အဘီၣ်နာ်အီၤလီၤ.
12 လၢခံက့ၤဒီးလဲၤလီၤဝဲဆူကပ့းရနီၣ်, အကစၢ်ဒၣ်ဝဲဒီး အမိၢ်ဒီးအဒီပုၢ်ဝဲၢ်တဖၣ် ဒီးအပျဲၢ်အဘီၣ်တဖၣ်, ဒီးတ အိၣ်ဘၣ်ဖဲန့ၣ်အါနံၤအါသီဘၣ်.
13 ဒီးပှၤယူဒၤဖိ အဘူၣ်လဲၤကပာ်ဘူးထီၣ်, ဒီးယ့ၣ်ရှူး လဲၤထီၣ်ဆူယရူၤၡလ့ၣ်လီၤ. 14 ဒီးထံၣ်န့ၢ်ပှၤဆါဂီၤဖံး, ဒီး သိဒီးထိၣ်လွံၢ်, ဒီးပှၤတိာ်လီၤစ့သ့ၣ်တဖၣ်ဆ့ၣ်နီၤဝဲလၢ တၢ်လုၢ်ဟံၣ်အပူၤလီၤ. 15 ဒီးမၤနီၣ်ဖျ့လၢပျံၤဖိဒီးဟီထီၣ် ကွံာ်ပှၤခဲလၢာ်, ဒီးသိ, ဒီးဂီၤဖံးလီၤ. ဒီးဂၢ်လီၤကွံာ်ပှၤ တိာ်လီၤစ့တဖၣ်အစ့, ဒီးမၤကဒါကွံာ်အစ့အလီၢ်, 16 ဒီး စံးဘၣ်ပှၤလၢအဆါထိၣ်လွံၢ်န့ၣ်, က့ၤစိာ်ကွံာ်တၢ်တဖၣ် အံၤတက့ၢ်. ယပၢ်အဟံၣ်န့ၣ်, သုသုတမၤအီၤလၢပနံာ် တၢ်ကၤအဟံၣ်တဂ့ၤ. 17 ဒီးအပျဲၢ်အဘီၣ်သ့ၣ်နီၣ်ထီၣ်က့ၤ လၢတၢ်ကွဲးအသး, ယသးဆူၣ်လၢနဟံၣ်အဂီၢ်န့ၣ်အီၣ် ကွံာ်လံယၤလံ.Ref 2.17 စံး. ၆၉း၉
18 မၤသးဒ်န့ၣ်ဒီး ပှၤယူဒၤဖိကတိၤဆၢတၢ် ဒီးစံးဘၣ် အီၤ, မ့ၢ်နမၤတၢ်တဖၣ်န့ၣ်ဒီး, နဒုးနဲၣ်ပှၤလၢတၢ်ပနီၣ် လီၤလးမနုၤတမံၤလဲၣ်. 19 ယ့ၣ်ရှူးကတိၤဆၢတၢ်ဒီး စံး ဘၣ်အီၤ, ဃီၢ်လီၤကွံာ်တၢ်လုၢ်အဟံၣ်အံၤတက့ၢ်. ဒီး လၢသၢနံၤအတီၢ်ပူၤန့ၣ်, ယကဒုးဂဲၤဆၢထၢၣ်က့ၤအီၤ လီၤ. 20 မၤသးဒ်န့ၣ်ဒီး, ပှၤယူဒၤဖိစံးဝဲဒၣ်, တၢ်လုၢ်အ ဟံၣ်အံၤ, ပှၤသူၣ်ဝဲလွံၢ်ဆံဃုနံၣ်ညါ, ဒီးလၢသၢနံၤအတီၢ် ပူၤန့ၣ်, နကဒုးဂဲၤဆၢထၢၣ်က့ၤအီၤဧါ. 21 ဘၣ်ဆၣ်ဒီးအ ဝဲဒၣ်ကတိၤတၢ်လၢတၢ်လုၢ်အဟံၣ်ဘၣ်ဃးဒီးအနီၢ်ခိအ ဂ့ၢ်လီၤ. 22 မၤသးဒ်န့ၣ်ဒီးတုၤအဂဲၤဆၢထၢၣ်က့ၤလၢတၢ် သံန့ၣ်ဒီး, အပျဲၢ်အဘီၣ်သ့ၣ်နီၣ်ထီၣ်က့ၤ လၢအစံးတၢ် န့ၣ်, ဒီးနာ်က့ၤတၢ်ကွဲးအသးဒီးယ့ၣ်ရှူးအကလုၢ်လၢအ စံးတၢ်န့ၣ်လီၤ.
23 ဒီးဖဲယ့ၣ်ရှူးအိၣ်လၢယရူၤၡလ့ၣ် လၢဘူၣ်လဲၤကပာ် အဖၢမုၢ်န့ၣ်, ပှၤထံၣ်အတၢ်လီၤလးလၢအမၤဝဲ, ဒီးပှၤ အါဂၤစူၢ်က့ၤနာ်က့ၤအမံၤလီၤ. 24 ဘၣ်ဆၣ်ဒီးယ့ၣ်ရှူးတ သန့ၤအသးလၢအီၤဘၣ်. အဂ့ၢ်ဒ်အံၤ, သ့ၣ်ညါတၢ်ခဲ လၢာ်, 25 ဒီးပှၤအုၣ်အသးလၢပှၤကညီအဂ့ၢ်အကျိၤအလီၢ် တအိၣ်ဘၣ်. အဂ့ၢ်ဒ်အံၤ, တၢ်အိၣ်လၢပှၤကညီအပူၤန့ၣ် သ့ၣ်ညါဒၣ်ဝဲလီၤ.