17
1 တၢ်တဖၣ်န့ၣ်ယ့ၣ်ရှူးကတိၤဝဲဒီး ကျ့ထီၣ်အမဲာ်ဆူမူ ခိၣ်ဒီးစံးဝဲဒၣ်, ပၢ်ဧၢ, တၢ်အနၣ်ရံၣ်ဘၣ်လံ, မၤလၤမၤက ပီၤနဖိခွါ, ဒ်သိးနဖိခွါကမၤလၤမၤကပီၤနၤတက့ၢ်.
2 ဒ်န ဟ့ၣ်လီၤအီၤလၢတၢ်အစိအကမီၤ လၢတၢ်ညၣ်ခဲလၢာ် အဖီခိၣ်အသိးန့ၣ် ဒ်သိးအဝဲဒၣ်ကဟ့ၣ်ပှၤလၢနဟ့ၣ်လီၤ အီၤကိးဂၤဒဲးလၢတၢ်မူအထူအယိာ်န့ၣ်လီၤ.
3 ဒီးတၢ်မူ အထူအယိာ်န့ၣ်မ့ၢ်တၢ်သ့ၣ်ညါနၤ, ယွၤနီၢ်နီၢ်တဂၤဃီ, ဒီးယ့ၣ်ရှူးခရံာ်လၢနမၢလီၤအီၤန့ၣ်လီၤ.
4 ယလီၣ်ဖျါလံ နလၤနကပီၤလၢဟီၣ်ခိၣ်ချၢလံ. တၢ်မၤလၢနဟ့ၣ်ယၤ လၢယကမၤန့ၣ်, ယမၤဝံၤလံ.
5 ဒီးခဲကနံၣ်အံၤ, ပၢ်ဧၢ, ဒုးလၤဒုးကပီၤယၤလၢနကစၢ်ဒၣ်နဲ, လၢတၢ်လၤတၢ်က ပီၤလၢအအိၣ်ဒီးယၤ, လၢယအိၣ်ဒီးနၤလၢဟီၣ်ခိၣ်တချုး ကဲထီၣ်ဒံးဘၣ်န့ၣ်တက့ၢ်.
6 ပှၤလၢနဟ့ၣ်ယၤလၢဟီၣ် ခိၣ်ဖိအကျါန့ၣ်, ယလီၣ်ဖျါလံနမံၤလၢအီၤလံ. အဝဲသ့ၣ် တဖၣ်န့ၣ်မ့ၢ်နတၢ်, ဒီးနဟ့ၣ်လီၤအီၤလၢယၤ, ဒီးအဝဲသ့ၣ် တိၢ်န့ၢ်လံနကလုၢ်နကထါလံ.
7 ခဲကနံၣ်အံၤ, အဝဲသ့ၣ် သ့ၣ်ညါလၢဖဲဒၣ်တၢ်လၢနဟ့ၣ်ယၤခဲလၢာ်န့ၣ်, မ့ၢ်အ ဟဲလၢနအိၣ်လီၤ.
8 အဂ့ၢ်ဒ်အံၤ, တၢ်ကတိၤလၢနဟ့ၣ် ယၤတဖၣ်န့ၣ်, ယဟ့ၣ်က့ၤလၢအီၤ, ဒီးအဝဲသ့ၣ်ဟံးန့ၢ် ဝဲ, ဒီးသ့ၣ်ညါနီၢ်နီၢ်လၢယဟဲလၢနအိၣ်, ဒီးနာ်ဝဲလၢန မၢလီၤယၤလီၤ.
9 ယဃ့တၢ်လၢအဂီၢ်လီၤ. ယတဃ့ဘၣ် တၢ်လၢဟီၣ်ခိၣ်အဂီၢ်ဘၣ်, မ့ၢ်လၢပှၤလၢနဟ့ၣ်ယၤတ ဖၣ်အဂီၢ်လီၤ. အဂ့ၢ်ဒ်အံၤ, မ့ၢ်နတၢ်လီၤ.
10 ဒီးကယဲၢ် ယတၢ်ခဲလၢာ်န့ၣ်မ့ၢ်နတၢ်, ဒီးနတၢ်မ့ၢ်ယတၢ်, ဒီးယဒိး တၢ်လၤကပီၤလၢအဝဲသ့ၣ်အပူၤလီၤ.
11 ဒီးယတအိၣ်လၢၤဘၣ်လၢဟီၣ်ခိၣ်အချၢဘၣ်. မ့မ့ၢ်အ ဝဲသ့ၣ်တဖၣ်အံၤ, အိၣ်ဝဲလၢဟီၣ်ခိၣ်အချၢ, ဒီးယဲဒၣ်အံၤ, ယက့ၤထီၣ်ဆူနအိၣ်လီၤ. ပၢ်စီဆှံဧၢ, ပှၤလၢနဟ့ၣ်လီၤ ယၤတဖၣ်န့ၣ်, ဒ်သိးအကကဲထီၣ်တၢ်တမံၤဃီ, ဒ်နၤဒီး ယၤအသိးဒီး, အံးက့ၤကွၢ်က့ၤအီၤ လၢနမံၤအပူၤတ က့ၢ်.
12 ဖဲယအိၣ်ဒီးအီၤလၢဟီၣ်ခိၣ်ချၢန့ၣ်, ယအံးက့ၤ ကွၢ်က့ၤအီၤလၢနမံၤအပူၤလီၤ. ပှၤလၢနဟ့ၣ်လီၤယၤတ ဖၣ်န့ၣ်, ယပၢၤလံအီၤလံ, ဒီးမ့တမ့ၢ်ဘၣ်တၢ်ဟးဂီၤအ ဖိခွါတဂၤ, ဒ်သိးလံာ်ကလၢထီၣ်ပှဲၤထီၣ်ဒီး, တဟါမၢ် ဘၣ်နီတဂၤဘၣ်.
13 ဒီးခဲကနံၣ်အံၤ, ယဟဲဆူနအိၣ်ဒီး ယကတိၤတၢ်အံၤတဖၣ်လၢဟီၣ်ခိၣ်ချၢ,
14 ဒ်သိးအဝဲသ့ၣ် ကအိၣ်ဒီး ယတၢ်သးခုလၢထီၣ်ပှဲၤထီၣ် လၢအပူၤဒၣ်ဝဲ လီၤ. ယဟ့ၣ်လီၤလံအီၤလၢနကလုၢ်နကထါလံ, ဒီးဟီၣ် ခိၣ်သးဟ့အီၤလီၤ. အဂ့ၢ်ဒ်အံၤ, အဝဲသ့ၣ်တဘၣ်ဃးဘၣ် ဒီးဟီၣ်ခိၣ် ဒ်ယတဘၣ်ဃးဘၣ်ဒီးဟီၣ်ခိၣ်အသိး န့ၣ် လီၤ.
15 ဒ်သိးနကဟံးထီၣ်ကွံာ်အီၤလၢဟီၣ်ခိၣ်န့ၣ်, ယ တဃ့ဘၣ်. မ့ၢ်လၢနကအံးက့ၤကွၢ်က့ၤအီၤ, ဒ်သိးတၢ် အၢတၢ်သီ သုတဘၣ်အီၤတဂ့ၤန့ၣ်လီၤ.
16 အဝဲသ့ၣ်တ ဘၣ်ဃးဘၣ်ဒီးဟီၣ်ခိၣ်, ဒ်ယတဘၣ်ဃးဘၣ်ဒီးဟီၣ်ခိၣ် အသိးန့ၣ်လီၤ.
17 မၤစီဆှံအီၤလၢနတၢ်မ့ၢ်တၢ်တီတက့ၢ်. နကလုၢ်နကထါန့ၣ်မ့ၢ်တၢ်မ့ၢ်တၢ်တီလီၤ.
18 ဒ်နမၢလီၤ ယၤဆူဟီၣ်ခိၣ်အသိးန့ၣ်, ယမၢလီၤစ့ၢ်ကီးအီၤဆူဟီၣ် ခိၣ်လီၤ.
19 ဒီးဒ်သိးအဝဲသ့ၣ်ကစီဆှံထီၣ်လၢ တၢ်မ့ၢ်တၢ် တီအပူၤဒီး, ယမၤစီဆှံထီၣ်ယသးလၢအဃိလီၤ.
20 ယတ ဃ့ဘၣ်ထဲအဝဲသ့ၣ်အဂီၢ်ဧိၤဘၣ်, မ့ၢ်ပှၤလၢအစူၢ်က့ၤနာ် က့ၤယၤလၢ အဝဲသ့ၣ်အကလုၢ်အကထါအဃိစ့ၢ်ကီး,-
21 ဒ်သိးအဝဲသ့ၣ်ခဲလၢာ်ကမ့ၢ်တၢ်တမံၤဃီ, ပၢ်ဧၢ, ဒ်နအိၣ် လၢယပူၤ, ဒီးယအိၣ်လၢနပူၤအသိး, ဒ်သိးအဝဲသ့ၣ်က မ့ၢ်တၢ်တမံၤဃီလၢပပူၤ, ဒ်သိးဟီၣ်ခိၣ်ကစူၢ်က့ၤနာ်က့ၤ လၢနမၢလီၤယၤလီၤ.
22 ဒီးတၢ်လၤကပီၤလၢနဟ့ၣ်ယၤ န့ၣ်, ယဟ့ၣ်လၢအီၤ, ဒ်သိးအဝဲသ့ၣ်ကမ့ၢ်တၢ်တမံၤဃီ, ဒ်ပမ့ၢ်တၢ်တမံၤဃီအသိးန့ၣ်လီၤ.
23 ယအိၣ်လၢအဝဲသ့ၣ် အပူၤ, ဒီးနအိၣ်လၢယပူၤ, ဒ်သိးအဝဲသ့ၣ်ကလၢထီၣ်ပှဲၤ ထီၣ်လၢတၢ်တမံၤဃီ, ဒ်သိးဟီၣ်ခိၣ်ကသ့ၣ်ညါလၢနမၢ လီၤယၤ, ဒီးနအဲၣ်အီၤဒ်နအဲၣ်ယၤအသိးန့ၣ်လီၤ.
24 ပၢ်ဧၢ, ဒ်သိးပှၤလၢနဟ့ၣ်လီၤယၤကထံၣ်ဘၣ်ယလၤ ယကပီၤလၢနဟ့ၣ်ယၤန့ၣ်ဒီး, ယသးအိၣ်လၢအဝဲသ့ၣ် ကအိၣ်ဒီးယၤစ့ၢ်ကီးဖဲ ယအိၣ်အလီၢ်လီၤ. အဂ့ၢ်ဒ်အံၤ, ဟီၣ်ခိၣ်အခီၣ်ထံး တချုးကဲထီၣ်ဒံးဘၣ်ဒီး, နအဲၣ်ယၤ လီၤ.
25 တၢ်တီတၢ်လိၤပၢ်ဧၢ, ဟီၣ်ခိၣ်တသ့ၣ်ညါဘၣ် နၤဘၣ်. မ့မ့ၢ်ယဲဒၣ်အံၤ, ယသ့ၣ်ညါနၤဒီးအဝဲသ့ၣ်တ ဖၣ်အံၤ, သ့ၣ်ညါလၢနမၢလီၤယၤလီၤ.
26 ဒီးဒ်သိးတၢ် အဲၣ်လၢနအဲၣ်ယၤအံၤ, ကအိၣ်လၢအပူၤဒီးယကအိၣ် လၢအပူၤဒီး, ယဘိးဘၣ်သ့ၣ်ညါလံအီၤလၢနမံၤ, ဒီး ယကဘိးဘၣ်သ့ၣ်ညါလီၤ.