3
ကွၢ်တက့ၢ်, ပၢ်ဟ့ၣ်လံပှၤလၢတၢ်အဲၣ်တၢ်ကွံဒ်လဲၣ် ဒ်လဲၣ်, လၢတၢ်ကကိးပှၤလၢယွၤအဖိန့ၣ်လီၤ.ဒီးပမ့ၢ် တၢ်အဝဲန့ၣ်လီၤ. မၤသးဒ်န့ၣ်ဒီး, ဟီၣ်ခိၣ်တသ့ၣ်ညါ ဘၣ်ပှၤဘၣ်.အဂ့ၢ်ဒ်အံၤ,တသ့ၣ်ညါဘၣ်အီၤဘၣ်. ပှၤ လၢတၢ်အဲၣ်အီၤသ့ၣ်ဧၢ, ခဲကနံၣ်အံၤပမ့ၢ်ယွၤအဖိ,ဒီး ပကကဲထီၣ်ပှၤဒ်လဲၣ်ဒ်လဲၣ်န့ၣ်,တအိၣ်ဖျါဒံးဘၣ်. ဘၣ် ဆၣ်ဒီးပသ့ၣ်ညါလၢအမ့ၢ်အိၣ်ဖျါထီၣ်ဒီး, ပကလီၤဂာ် ဒီးအီၤလီၤ. အဂ့ၢ်ဒ်အံၤ, ပကထံၣ်အီၤဒ်အအိၣ်ဝဲအသိး န့ၣ်လီၤ. ဒီးကယဲၢ်ပှၤလၢအအိၣ်ဒီးတၢ်မုၢ်လၢ်အံၤလၢ အပူၤတဂၤလၢ်လၢ်န့ၣ်မၤစီဆှံထီၣ်အသး, ဒ်အဝဲဒၣ်စီ ဆှံအသိးန့ၣ်လီၤ. ကယဲၢ်ပှၤလၢအမၤတၢ်ဒဲးဘးတဂၤ လၢ်လၢ်န့ၣ်, လုၣ်သ့ၣ်ခါပတာ်တၢ်သိၣ်တၢ်သီစ့ၢ်ကီး, ဒီးတၢ်ဒဲးဘး မ့ၢ်တၢ်လုၣ်သ့ၣ်ခါပတာ်တၢ်သိၣ်တၢ်သီ လီၤ. ဒီးသုသ့ၣ်ညါလၢအဝဲဒၣ်အိၣ်ဖျါတ့ၢ်ဝဲ, ဒ်သိးအ ကမၤပူၤဖျဲးပတၢ်ဒဲးဘး, ဒီးတၢ်ဒဲးဘးတအိၣ်ဘၣ်လၢ အဝဲဒၣ်အပူၤဘၣ်. ကယဲၢ်ပှၤအိၣ်ဝဲဆိးဝဲလၢအပူၤတ ဂၤလၢ်လၢ်န့ၣ်, တမၤဘၣ်တၢ်ဒဲးဘးဘၣ်.ကယဲၢ်ပှၤလၢ အမၤတၢ်ဒဲးဘးတဂၤလၢ်လၢ်န့ၣ်, တထံၣ်တ့ၢ်ဘၣ်အီၤ ဘၣ်,ဒီးတသ့ၣ်ညါတ့ၢ်ဘၣ်အီၤဘၣ်.
ဖိဆံးသ့ၣ်ဧၢ, သုတဒိးလီန့ၢ်သုသးလၢပှၤနီတဂၤတ ဂ့ၤ. ပှၤလၢအမၤတၢ်တီတၢ်လိၤန့ၣ်,မ့ၢ်အတီအလိၤ,ဒ် အဝဲဒၣ်တီဝဲလိၤဝဲအသိးလီၤ. ပှၤလၢအမၤတၢ်ဒဲးဘး န့ၣ်,ဘၣ်ဃးဒီးမုၣ်ကီၤလံၢ်လီၤ. အဂ့ၢ်ဒ်အံၤ, မုၣ်ကီၤ လံၢ်မၤတၢ်ဒဲးဘးလၢအခီၣ်ထံးလံၤလံၤန့ၣ်လီၤ.ယွၤအဖိ ခွါအိၣ်ဖျါတ့ၢ်ဝဲလၢတၢ်အံၤအဂ့ၢ် ဒ်သိးအကမၤဟးဂီၤ ကွံာ်မုၣ်ကီၤလံၢ်အတၢ်မၤတဖၣ်လီၤ. ကယဲၢ်ပှၤအိၣ် ဖျဲၣ်လၢယွၤန့ၣ်,တမၤဘၣ်တၢ်ဒဲးဘးဘၣ်. အဂ့ၢ်ဒ်အံၤ, အချံအိၣ်လၢအပူၤလီၤ.မၤတၢ်ဒဲးဘးတကဲဘၣ်. အဂ့ၢ်ဒ် အံၤ,အိၣ်ဖျဲၣ်လၢယွၤလီၤ. 10 လၢတၢ်အံၤအဃိဒီး,ယွၤအ ဖိ,ဒီးမုၣ်ကီၤလံၢ်အဖိအိၣ်ဖျါဝဲလီၤ. ကယဲၢ်ပှၤလၢအတ မၤဘၣ်တၢ်တီတၢ်လိၤ, ဒီးပှၤလၢအတအဲၣ်ဘၣ်အဒီပုၢ် ဝဲၢ်န့ၣ်,တဘၣ်ဃးဘၣ်ဒီးယွၤဘၣ်. 11 အဂ့ၢ်ဒ်အံၤ, တၢ် စံၣ်တဲၤတဲလီၤလၢပနၢ်ဟူလၢအခီၣ်ထံးလံၤလံၤန့ၣ်, မ့ၢ် အအံၤ, ဒ်သိးပကအဲၣ်လိာ်ကွံလိာ်ပသးလီၤ. 12 တမ့ၢ် ဘၣ်ဒ်စီၤကၤယံၣ်လၢအဘၣ်ဃးဒီးပှၤအၢတဂၤ, ဒီးမၤ သံအဒီပုၢ်ဝဲၢ်အသိးန့ၣ်ဘၣ်. ဒီးမၤသံအီၤမ့ၢ်အဘၣ်မနုၤ လဲၣ်.အဂ့ၢ်ဒ်အံၤ, အတၢ်မၤဒၣ်ဝဲမ့ၢ်အအၢအသီ,ဒီးအ ဒီပုၢ်ဝဲၢ်အတၢ်မၤန့ၣ်မ့ၢ်အတီအလိၤလီၤ. 13 ယဒီပုၢ်ဝဲၢ် သ့ၣ်ဧၢ,ဟီၣ်ခိၣ်မ့ၢ်သးဟ့သုဒီး,ကမၢကမၣ်တဂ့ၤ.
14 ပဝဲဒၣ်အံၤပသ့ၣ်ညါလၢပခီဂာ်လၢ တၢ်သံပၢၢ်လၢ တၢ်မူလံ. အဂ့ၢ်ဒ်အံၤ,ပအဲၣ်ပဒီပုၢ်ဝဲၢ်လီၤ.ပှၤလၢအတ အဲၣ်ဘၣ်အဒီပုၢ်ဝဲၢ်န့ၣ်, အိၣ်ဝဲဆိးဝဲလၢတၢ်သံအပူၤ လီၤ. 15 ကယဲၢ်ပှၤလၢအသးဟ့အဒီပုၢ်ဝဲၢ်ကိးဂၤဒဲးန့ၣ်, မ့ၢ်ပှၤမၤသံပှၤကညီလီၤ. ဒ်သုသ့ၣ်ညါလၢပှၤမၤသံပှၤ ကညီန့ၣ်,တၢ်မူအထူအယိာ်တအိၣ်ဘၣ်လၢအပူၤနီတ ဂၤဘၣ်လီၤ. 16 မ့ၢ်အဝဲဒၣ်ပာ်လီၤကွံာ်အသးသမူလၢပဂီၢ် သတးဒီး, ပသ့ၣ်ညါလံတၢ်အဲၣ်တၢ်ကွံန့ၣ်လီၤ. ဒီးပဝဲ ဒၣ်အံၤ,ဂ့ၤပပာ်လီၤကွံာ်ပသးသမူလၢပဒီပုၢ်ဝဲၢ်အဂီၢ်စ့ၢ် ကီးလီၤ. 17 ပှၤလၢအီၣ်ကုးအီပှဲၤ,ဒီးထံၣ်အဒီပုၢ်ဝဲၢ်န့ၢ်တၢ် အလီၢ်အိၣ်, ဒီးတသးကညီၤဘၣ်အီၤဘၣ်န့ၣ်, ယွၤအ တၢ်အဲၣ်အိၣ်ဝဲဆိးဝဲလၢအပူၤဒ်လဲၣ်. 18 ယဖိဆံးသ့ၣ်ဧၢ, အဲၣ်တၢ်ထဲလၢတၢ်ကတိၤဒီးပျ့ၤဧိၤန့ၣ်တဂ့ၤ.မ့မ့ၢ်လၢတၢ်မၤ,ဒီးလၢတၢ်မ့ၢ်တၢ်တီတက့ၢ်. 19 ဒီးလၢတၢ်အံၤအဃိ ပသ့ၣ်ညါလၢပဘၣ်ဃးဒီးတၢ်မ့ၢ် တၢ်တီ,ဒီးပကပာ်မံပာ်ကျၢၤပသးလၢအမဲာ်ညါလီၤ.-
20 အဂ့ၢ်ဒ်အံၤ,ပသးမ့ၢ်ပာ်တၢ်ကမၣ်လၢပလိၤဒီး, ယွၤဒိၣ် န့ၢ်ပသး, ဒီးသ့ၣ်ညါတၢ်ခဲလၢာ်လီၤ. 21 ပှၤလၢတၢ်အဲၣ် အီၤသ့ၣ်ဧၢ, ပသးမ့ၢ်တပာ်ဘၣ်တၢ်ကမၣ်လၢပလိၤဘၣ် ဒီး,ပကအိၣ်ဒီးပသးခူတလ့ၢ်လၢယွၤအမဲာ်ညါလီၤ.-
22 ဒီးဖဲဒၣ်ပဃ့တၢ်တမံၤလၢ်လၢ်န့ၣ်,ပဒိးန့ၢ်လၢအီၤလီၤ. အဂ့ၢ်ဒ်အံၤ, ပတိၢ်န့ၢ်အတၢ်မၤလိာ်,ဒီးပမၤဖဲတၢ်ဘၣ် အသးလီၤ. 23 ဒီးအတၢ်မၤလိာ်မ့ၢ်အအံၤ, ဒ်သိးပကစူၢ် က့ၤနာ်က့ၤအဖိခွါ ယ့ၣ်ရှူးခရံာ်အမံၤ, ဒီးအဲၣ်လိာ်ကွံ လိာ်ပသးဒ်အဟ့ၣ်ပတၢ်မၤလိာ်အသိးန့ၣ်လီၤ. 24 ဒီးပှၤ လၢအတိၢ်န့ၢ်တၢ်မၤလိာ်န့ၣ်, အိၣ်ဝဲဆိးဝဲလၢအပူၤ,ဒီး အဝဲဒၣ်အိၣ်ဝဲဆိးဝဲလၢအပူၤလီၤ. ဒီးလၢတၢ်အံၤအဃိ, ပသ့ၣ်ညါလၢ အအိၣ်ဝဲဆိးဝဲလၢပပူၤလၢ သးလၢအ ဟ့ၣ်လီၤပှၤအဃိလီၤ.