8
1 ဒီးယွၤစံးဘၣ်ယၤ, ဟံးန့ၢ်တၢ်ဘ့ၣ်ဘၣ်ဖးဒိၣ်တဘ့ၣ် လၢနဂီၢ်, ဒီးကွဲးမဟၢ်ၡလးဃၤၡဘးလၢအလိၤလၢပှၤ ကညီအထိၣ်ဒံးတက့ၢ်.
2 ဒီးယကဟံးန့ၢ်လၢ ယဂီၢ်ပှၤ အုၣ်အသးအမ့ၢ်အတီ, ပှၤလုၢ်တၢ်အဒိၣ်စီၤအူၤရံၤယၤ, ဒီးစီၤယဘ့းရ့ကယၤ အဖိခွါစီၤစကၤရယါဒ်သိးအက အုၣ်အသးလီၤ.
3 ဒီးယသုးဘူးယသးဆူဝံပိာ်မုၣ်အအိၣ်, ဒီးဒၢထီၣ်ဝဲ, ဒီးဆံးစၢ်န့ၢ်အဖိခွါတဂၤလီၤ. ဒီးယွၤစံးဘၣ်ယၤ,ယုၢ်အ မံၤလၢမဟၢ်ၡလးဃၤၡဘးန့ၣ်တက့ၢ်.
4 အဂ့ၢ်ဒ်အံၤ, ဖိ သၣ်တချုးသ့ၣ်ညါကိးယပၢ်ဒီးယမိၢ်န့ၣ်ဒီး, ပှၤကစိာ် ထီၣ်ကွံာ်ဒၤမ့ၤစ့းအစုလီၢ်အခီၣ်ခိၣ်, ဒီးၡၤမရံအတၢ်ဂုာ် န့ၢ်လၢအၤရှူၢ်အစီၤပၤအမဲာ်ညါလီၤ.ဒီးယွၤကတိၤ ကဒီးတၢ်ဒီးယၤဒီးစံးဝဲဒၣ်,
5-6 မ့ၢ်လၢ ပှၤဂီၢ်မုၢ်အံၤညိကွံာ်ၡံလိၤအထံတဖၣ် လၢအယွၤကယီ ကယီ,ဒီးသးခုဝဲလၢစီၤရစံၣ်,ဒီးစီၤရမါလယၤအဖိခွါအ ဂ့ၢ်ဒီး,
7 ကွၢ်ကွၢ်, ယွၤကဒုးဟဲလၢအဖီခိၣ်လၢထံမိၢ်ပှၢ် အထံဆူၣ်ဒီးအါ, ဒ်ပစံးတၢ်အသိး,အၤရှူၢ်အစီၤပၤ,ဒီးအ ကဟုကညီၢ်ခဲလၢာ်, ဒီးကထီၣ်လၢအကျိၤခဲလၢာ်အဖီ ခိၣ်,ဒီးလုၣ်ဘၢအနံၤခဲလၢာ်လီၤ.
8 ဒီးကခီဂာ်တၢ်ဆူယူ ဒၤ,ကလုၣ်ဘၢတၢ်, ဒီးလဲၤတၢ်လၢအဖီခိၣ်လီၤ.ကထီၣ် ဘးပှၤပၢၢ်လၢအကိာ်,ဒီးအယၤထီၣ်အဒံးဆ့န့ၣ်ကပှဲၤန ကီၢ်,ဧံးမၤနူၤအ့လးဧၢ.
9 ကအၢဒၣ်သုဝဲတက့ၢ်,ပှၤဂီၢ်မုၢ်သ့ၣ်ဧၢ, ဒီးလီၤကၢ်တ က့ၢ်,ပှၤအိၣ်လၢကီၢ်ယံၤသ့ၣ်ဧၢ,ကနၣ်တက့ၢ်. ကံၢ်တူာ် သုယီၢ်ဒ့, ဒီးလီၤကၢ်တက့ၢ်. ကံၢ်တူာ်သုယီၢ်ဒ့, ဒီးလီၤ ကၢ်တက့ၢ်.
10 ကူၣ်လိာ်တၢ်တက့ၢ်. ဒီးကကဲထီၣ်တၢ် ကလီကလီလီၤ. ကတိၤတၢ်ကတိၤတက့ၢ်. ဒီးတအိၣ် ဂၢၢ်ဆိးကျၢၤဘၣ်. အဂ့ၢ်ဒ်အံၤ, ယွၤအိၣ်ဒီးပှၤလီၤ.
11 အဂ့ၢ်ဒ်အံၤ, ယွၤစံးဘၣ်ယၤဒ်အံၤလၢအစုဆူၣ်န့ၣ်ဒီး သိၣ်က့ၤယၤ ဒ်သိးယသုတပိာ် ပှၤဂီၢ်မုၢ်အံၤအကျဲတ ဂ့ၤ,
12 ဒီးစံးဝဲဒၣ်, စံးလၢတၢ်ကရၢထီၣ်အၢလၢကယဲၢ် တၢ်လၢပှၤဂီၢ်မုၢ်စံးလၢ တၢ်ကရၢထီၣ်အၢအဂ့ၢ်န့ၣ်တ ဂ့ၤ. ဒီးပျံၤအတၢ်ပျံၤအလီၢ်န့ၣ်တဂ့ၤ. ဒီးဘၣ်ယိၣ်တၢ်တ ဂ့ၤ.
13 တၢ်သုးမုၢ်ဂီၢ်မုၢ်အယွၤန့ၣ် ပာ်စီဆှံအီၤတက့ၢ်.ဒီးမ် အဝဲဒၣ်ကဲထီၣ်သုပျံၤတၢ်အလီၢ်, ဒီးသုဘၣ်ယိၣ်တၢ်အ လီၢ်တက့ၢ်.
14 ဒီးအဝဲဒၣ်ကကဲထီၣ်တၢ်စီဆှံအလီၢ်, ဒီး လၢၢ်ဘၣ်တိၢ်ဘၣ်ထံးအလီၢ်ဒီးလၢလၢၢ်လီၤဃံၤအလီၢ် လၢအံၣ်စရ့လးခံဟံၣ်အဂီၢ်, လၢပှာ်ဧိၤစၤဧိၤ, ဒီးပျံၤသ ကွီၤအလီၢ်လၢပှၤယရူၤၡလ့ၣ်ဖိအဂီၢ်လီၤ.
15 ဒီးပှၤအါဂၤလၢအကျါန့ၣ် ကဘၣ်တိၢ်ဘၣ်ထံး, ဒီး ကလီၤဃံၤ, ဒီးကလီၤကၢ်ကွံာ်, ဒီးကဘၣ်ပျံၤသကွီၤ, ဒီး တၢ်ကဖီၣ်န့ၢ်အီၤလီၤ.
16 ထူထီၣ်တၢ်အုၣ်အသး, စဲဃာ်ပနီၣ်တၢ်သိၣ်တၢ်သီ လၢယပျဲၢ်ယဘီၣ်အကျါတက့ၢ်.
17 ဒီးယကအိၣ်ခီးယွၤ လၢအပာ်တဒၢအမဲာ်ဒီး စီၤယၤကိာ်အပှၤဟံၣ်ဖိ,ဒီးယ ကကွၢ်လၢ်အကျဲလီၤ.
18 ကွၢ်ကွၢ်, ယဲဒၣ်ဒီးယဖိတဖၣ်, လၢယွၤဟ့ၣ်လီၤယၤ အံၤ, မ့ၢ်လၢတၢ်ပနီၣ်လီၤလး, ဒီးတၢ်လီၤလိၢ်လီၤလးအ ဂီၢ်လၢအံၣ်စရ့လးအကျါ, လၢတၢ်သုးမုၢ်ဂီၢ်မုၢ်အယွၤ အအိၣ်,လၢအအိၣ်ဝဲလၢကစၢၢ်စံယိၣ်အလိၤလီၤ.
19 ဒီးတုၤပှၤစံးဘၣ်သု, ဃုတၢ်လၢပှၤအိၣ်ဒီးပှၤသံအက လၤ, ဒီးပှၤလၢအမဲာ်ထံၣ်ဝံ,ပှၤလၢအပံးပံး,ဒီးပှၤကတိၤ တၢ်ကသွံဒံဒီး,စံးသုဝဲ,ပှၤဂီၢ်မုၢ်ကဃုဘၣ်တၢ်လၢအက စၢ်အအိၣ်န့ၣ်တမ့ၢ်ဘၣ်ဧါ. တၢ်ဘၣ်ဃးဒီးပှၤမူန့ၣ်က ဃုဘၣ်တၢ်လၢပှၤသံအအိၣ်ဧါ.
20 ဃုတၢ်လၢတၢ်သိၣ်တၢ်သီအအိၣ်န့ၣ်တက့ၢ်. မ့ၢ်တ ကတိၤဘၣ်ဒ်တၢ်ကတိၤန့ၣ်အသိးဘၣ်ဒီး, မ့ၢ်လၢမုၢ် ဆ့ၣ်အတၢ်ကပီၤတအိၣ်ဘၣ်လၢအပူၤဘၣ်လီၤ.
21 ဒီးကခီဂာ်ဝဲဘၣ်တၢ်ကီတၢ်ခဲဒီးတၢ်သၣ်ဝံၤလီၤဒိ,ဒီး တၢ်ကမၤအသးလၢတုၤတၢ်သၣ်ဝံၤအသးဒီး,ကမၤကိၢ် ထီၣ်အသး, ကဆိၣ်အၢအစီၤပၤဒီးအကစၢ်, ဒီးကကွၢ် တၢ်ဆူတၢ်ထီၣ်ထီ,
22 ဒီးဆူဟီၣ်ခိၣ်န့ၣ်ကကွၢ်တၢ်, ဒီး ကွၢ်ကွၢ်, တၢ်ကိၢ်တၢ်ဂီၤဒီးတၢ်ခံးတၢ်နၤ, တၢ်သူၣ်ကိၢ် သးဂီၤအတၢ်ခံး, ဒီးကဘၣ်တၢ်ဟီထီၣ်ကွံာ်အီၤဆူတၢ် ခံးသူလီၤ.