7
1 ဒီးလၢယူဒၤအစီၤပၤစီၤဧူးစံယါအဖိခွါ, စီၤယိၤသၣ် အဖိခွါ, စီၤအၤဃးအမုၢ်နံၤတဖၣ်န့ၣ်တၢ်မၤအသးလၢ ပှၤစူၤရံအစီၤပၤရစံၣ်, ဒီးအံၣ်စရ့လးအစီၤပၤစီၤရမါလ ယၤအဖိခွါစီၤပ့ကးန့ၣ် ဟဲထီၣ်ဝဲဆူယရူၤၡလ့ၣ်ဒ်သိး အကဒုးတၢ်ဒီးအီၤ,ဒီးဒုးန့ၢ်ဝဲတသ့ဘၣ်လီၤ.
2 ဒီးပှၤစံးဘၣ်စီၤဒၤဝံး အပှၤဟံၣ်ဖိ,ဒီးစံးဝဲဒၣ်, စူၤရံ သန့ၤအသးလၢအ့ဖရဲၣ်န့ၣ်လီၤ. ဒီးစီၤပၤအသး, ဒီးပှၤ ဂီၢ်မုၢ်အသးန့ၣ် ဝးဝဲဒ်သ့ၣ်လၢပှၢ်လၢ်ကျါလၢကလံၤအ မဲာ်ညါအသိးန့ၣ်လီၤ.
3 ဒီးယွၤစံးဘၣ် စီၤအၤမိာ်အဖိခွါစီၤယၡါယၤ, လဲၤသ ဂၢၢ်စီၤအၤဃး, နဲဒၣ်ဒီးနဖိခွါစီၤၡယၤရှူာ်ဖဲနိၣ်လၢထးခီ တပူၤအထံကျိၤအကတၢၢ်, ဖဲပှၤစုၣ်တၢ်ကံးညာ်အဟီၣ် ခိၣ်အကဝီၤအကျဲမုၢ်တက့ၢ်.
4 ဒီးစံးဘၣ်အီၤ,ပလီၢ်နသး, ဒီးအိၣ်ဃိကလာ်တက့ၢ်. ပျံၤတၢ်တဂ့ၤ. ဒီးသုတပာ်စၢ်လီၤနသးလၢမ့ၣ်အူခံလၢ အခုၣ်ထီၣ်အမဲၢ်ခံဘိန့ၣ်လၢစီၤရစံၣ်, ဒီးပှၤစူၤရံဖိ, စီၤရ မါလယၤအဖိခွါအသးကဲၤထီၣ်အဃိန့ၣ်တဂ့ၤ.
5 မ့ၢ်ပှၤ စူၤရံဖိကူၣ်ထီၣ်တၢ်အၢထီဒါနၤ, အ့ဖရဲၣ်, ဒီးစီၤရမါလ ယၤအဖိခွါစ့ၢ်ကီး, ဒီးစံးဝဲဒၣ်,
6 လဲၤထီဒါသကိးယူဒၤ, ဒီးမၤအၢအီၤ, ဒီးမၤနီၤဖးန့ၢ်အီၤလၢပဂီၢ်ဒၣ်ပဝဲ, ဒီးပာ် စီၤပၤတဂၤလၢအသးကံၢ်ပူၤ, စီၤတၤဘအ့လးအဖိခွါ န့ၣ်တက့ၢ်န့ၣ်ဒီး,
7 ကစၢ်ယွၤစံးဒ်အံၤ, တအိၣ်ဂၢၢ်ဆိး ကျၢၤဘၣ်, တမၤဘၣ်အသးဘၣ်.
8 အဂ့ၢ်ဒ်အံၤ,စူၤရံအခိၣ်မ့ၢ်ဒၤမ့ၤစ့း, ဒီးဒၤမ့ၤစ့းအခိၣ်မ့ၢ်စီၤရစံၣ်,ဒီးလၢဃုဆံယဲၢ်နံၣ်အတီၢ်ပူၤန့ၣ်အ့ဖရဲၣ်ကလီၤကၢ်ဝဲ,ဒီးတကဲလၢၤဘၣ်ပှၤတကလုာ်ဘၣ်.-
9 အဂ့ၢ်ဒ်အံၤ, အ့ဖရဲၣ်အခိၣ်မ့ၢ်ၡၤမရံ, ဒီးၡၤမရံအခိၣ်မ့ၢ် စီၤရမါလယၤအဖိခွါလီၤ. သုမ့ၢ်တနာ်ဘၣ်ဒီး, သုတ အိၣ်ဂၢၢ်ဆိးကျၢၤဘၣ်.
10 ဒီးယွၤကတိၤတၢ်ဒီးစီၤအၤဃး, ဒီးစံးဝဲဒၣ်,
11 ဃ့ တၢ်ပနီၣ်တမံၤလၢယွၤနကစၢ်လၢနဂီၢ်ဒၣ်နဲတက့ၢ်.လၢ တၢ်ယိာ်ပူၤမ့ၢ်ဂ့ၤ,လၢတၢ်ထီၣ်ထီလၢထးခီမ့ၢ်ဂ့ၤ,ဃ့အီၤ တက့ၢ်.
12 ဒီးစီၤအၤဃး စံးဝဲဒၣ်ယတဃ့ဘၣ်, ဒီးယတလ့ပစီ ယွၤဘၣ်.
13 ဒီးစံးဝဲဒၣ်, ခဲကနံၣ်အံၤကနၣ်တက့ၢ် စီၤဒၤဝံးအပှၤ ဟံၣ်ဖိသ့ၣ်ဧၢ, မၤတံာ်တာ်ပှၤကညီန့ၣ်မ့ၢ်တၢ်အဆံးတ မံၤသတးဒီး, သုကမၤတံာ်တာ်ယကစၢ်စ့ၢ်ကီးဧါ.
14 မၤ သးဒ်န့ၣ်ဒီး, ယွၤအကစၢ်ဒၣ်ဝဲကဟ့ၣ်လီၤသုလၢ တၢ် အပနီၣ်တမံၤ,ကွၢ်ကွၢ်,ပမုၣ်ကနီၤတဂၤကဒၢထီၣ်ဝဲ,ဒီး ဆံးစၢ်န့ၢ်အဖိခွါ,ဒီးယုၢ်ဝဲအမံၤလၢဧ့းမၤနူၤအ့လးလီၤ.
15 တၢ်နုၢ်ထံလီၤသကၤ, ဒီးကနဲစီန့ၣ်ကအီၣ်ဝဲတုၤအ သ့ၣ်ညါညိကွံာ်တၢ်အၢ, ဒီးဃုထၢတၢ်ဂ့ၤလီၤ.
16 အဂ့ၢ်ဒ် အံၤ,တချုးအသ့ၣ်ညါညိကွံာ်တၢ်အၢ, ဒီးဃုထၢတၢ်ဂ့ၤ န့ၣ်ဒီး, ကီၢ်တဘ့ၣ်လၢနပျံၤအစီၤပၤခံဂၤန့ၣ်ကအိၣ်သ ယုၢ်ဝဲလီၤ.
17 ဘၣ်ဆၣ်ဒီးယွၤကဒုးဘၣ်နၤ, ဒီးနပှၤဂီၢ်မုၢ်, ဒီးနပၢ် အပှၤဟံၣ်ဖိန့ၣ်လၢမုၢ်နံၤတဖၣ်လၢအတဟဲဘၣ်လၢအ့ ဖရဲၣ်ဟးဖးဒီးယူဒၤလံၤလံၤ, ဒ်ပစံးတၢ်အသိး,အၤရှူၢ်အ စီၤပၤလီၤ.
18 ဒီးလၢမုၢ်တနံၤန့ၣ် တၢ်ကမၤအသးလၢယွၤကညိၣ် န့ၢ်သၣ်ဘုလါလၢအအိၣ်လၢအဲၤကူပတူးအထံမိၢ်ပှၤအ နံၤတဖၣ်,ဒီးကွဲဧိၤကနဲဧိၤလၢအအိၣ်ဝဲလၢအၤရှူၢ်အကီၢ် ပူၤလီၤ.
19 ဒီးကဟဲဝဲ, ဒီးစီၢ်လီၤဝဲခဲလၢာ်လၢအကစၢၢ်က ဆူးအိၣ်သယုၢ်အပူၤ,ဒီးလၢလၢၢ်ကဆူးပူၤ,ဒီးလၢအက ရၢတၤဆှုၣ်ခဲလၢာ်အကျါ, ဒီးလၢကယဲၢ်တၢ်အီၣ်ဆၣ် အလီၢ်ခဲလၢာ်အပူၤလီၤ.
20 တၢ်လၢမုၢ်တနံၤန့ၣ်ယွၤကလူၤတၢ်ခိၣ်သူ, ဒီးခီၣ်အ ဆူၣ်လၢဒီလူၤတၢ်လၢအဒိးလဲအသးတဘ့ၣ်, လၢတၢ် အိၣ်လၢထံမိၢ်ပှၢ်ဝၢ်ဘးခီ,လၢအၤရှူၢ်အစီၤပၤ, ဒီးကမၤ လၢာ်ကွံာ်ဝဲအခၣ်ဆူၣ်စ့ၢ်ကီးလီၤ.
21 ဒီးလၢမုၢ်တနံၤန့ၣ် တၢ်ကမၤအသးလၢပှၤတဂၤက ဘုၣ်ဂီၤဖံးမိၢ်တဒု,ဒီးသိခံဒုလီၤ.
22 ဒီးတၢ်ကမၤအသး လၢအကအီၣ်နုၢ်ထံလီၤသကၤလၢ တၢ်နုၢ်ထံအါလၢအ ကဟ့ၣ်ဝဲအဃိလီၤ.အဂ့ၢ်ဒ်အံၤ, ပှၤလၢအအိၣ်လီၤတဲာ် လၢကီၢ်ပူၤန့ၣ်ကအီၣ်တၢ်နုၢ်ထံလီၤသကၤ, ဒီးကနဲစီ ကိးဂၤဒဲးလီၤ.
23 ဒီးလၢမုၢ်တနံၤန့ၣ်တၢ်ကမၤအသးလၢဖဲအလီၢ်လၢစ ပံးမုၢ်တကထိကြၢးဒီးစ့တကထိတပူၤလၢ်လၢ်န့ၣ်, က ကဲထီၣ်တၤဆှုၣ်တၤမဲအလီၢ်လီၤ.
24 ပှၤကဟဲဖဲန့ၣ်ဒီးပျၢ်ဒီးချံၣ်လီၤ. အဂ့ၢ်ဒ်အံၤ, ကီၢ်ဒီ ဘ့ၣ်ညါန့ၣ်ကအိၣ်ဒီးတၤဆှုၣ်တၤမဲလီၤ.
25 ဒီးကယဲၢ်ကစၢၢ်ကလိလၢပှၤခူၣ်အီၤဒီးတပူာ်န့ၣ်နတ လဲၤဘၣ်လၢအလိၤလၢတၢ်ပျံၤတၢ်ဆှုၣ်တၤမဲအဃိလီၤ. ဒီးကကဲထီၣ်ဂီၤဖံးလဲၤတၢ်အလီၢ်, ဒီးသိယီၢ်တၢ်အလီၢ် လီၤ.