64
1 အိ,မ်နမၤသ့ၣ်ဖးမူခိၣ်,ဒီးဟဲလီၤဒ်သိးကစၢၢ်ကလိက ဟူးဝးလၢနမဲာ်ညါ,
2 ဒ်မ့ၣ်အူဆိၣ်ကဲၤသ့ၣ်မုၣ်ဃ့အသိး ဒ်မ့ၣ်အူဒုးကလာ်ထီၣ်ထံအသိးန့ၣ်, ဒ်သိးနကဒုးသ့ၣ် ညါနဒုၣ်နဒါလၢနမံၤ, ဒ်သိးပှၤကလုာ်တဖၣ်ကကနိး လၢနမဲာ်ညါတက့ၢ်.
3 တုၤနမၤတၢ်မၤပျံၤအလီၢ် လၢပတကွၢ်လၢ်အကျဲဘၣ် န့ၣ်နဟဲလီၤ,ဒီးကစၢၢ်ကလိဟူးဝးဝဲလၢနမဲာ်ညါလီၤ.
4 ဒီးလၢကစၢၤကစၢၤလံၤလံၤန့ၣ် ပှၤကညီတနၢ်ဟူ ဘၣ်, တသ့ၣ်ညါဘၣ်လၢအနၢ်ဘၣ်,ဒီးအမဲာ်တထံၣ် ဘၣ်ကစၢ်လၢနဖီခိၣ်လၢ အမၤတၢ်ဒ်န့ၣ်လၢပှၤလၢအ ကွၢ်လၢ်အကျဲအဂီၢ်န့ၣ်ဘၣ်လီၤ.
5 နသဂၢၢ်ပှၤလၢအသူၣ်ဖှံသးညီ, ပှၤလၢအမၤတၢ်တီ တၢ်လိၤ, ပှၤလၢအသ့ၣ်နီၣ်ထီၣ်က့ၤနၤလၢနကျဲနကပူၤ လီၤ. ကွၢ်ကွၢ်, နသးကဲၤထီၣ်လံ.ဒီးပမၤလံတၢ်ဒဲးဘး လံ, အိၣ်ဝဲတထံၣ်ဃီလၢအပူၤ,ဒီးပကတုၤလၢတၢ်အုၣ် က့ၤခီၣ်က့ၤပှၤလီၤ.
6 ပဝဲဒၣ်ခဲလၢာ်အံၤပမၤပသးဒ်တၢ်တကဆှီဘၣ်အသိး န့ၣ်လီၤ. ဒီးပတၢ်တီတၢ်လိၤခဲလၢာ်န့ၣ်မၤအသးဒ်တၢ် အကူအသိးဘၣ်အၢအသိးန့ၣ်လီၤ. ဒီးပလီၤညွံးပဝဲဒၣ် ခဲလၢာ်ဒ်သ့ၣ်လၣ်အူအသိးန့ၣ်, ဒီးပတၢ်ဒဲးဘးကစိာ် ထီၣ်ကွံာ်ပှၤဒ်ကလံၤအူကွံာ်တၢ်အသိးန့ၣ်လီၤ.
7 ဒီးပှၤကိးထီၣ်နမံၤတအိၣ်ဘၣ်, ပှၤထိၣ်ဂဲၤအသးဒ် သိးအကဟံးဃာ်နၤတအိၣ်ဘၣ်. အဂ့ၢ်ဒ်အံၤ, နပာ်တ ဒၢနမဲာ်လၢပှၤ, ဒီးနမၤပှံၢ်လီၤကွံာ်ပှၤလၢပတၢ်ဒဲးဘးအ ဃိလီၤ.
8 ဘၣ်ဆၣ်ဒီးယွၤဧၢ,နမ့ၢ်ပပၢ်လီၤ. ပဝဲဒၣ်အံၤပမ့ၢ်က ပံာ်ဟီၣ်ခိၣ်,ဒီးနဲဒၣ်နမ့ၢ်ပှၤတ့သပၢၤလီၤ. ဒီးပမ့ၢ်တၢ် လၢနမၤလၢနစုန့ၣ်ခဲလၢာ်လီၤ.
9 သးထီၣ်ပှၤဆူၣ်ဆူၣ်ကလဲာ်တဂ့ၤ, ယွၤဧၢ.ဒီးသ့ၣ်နီၣ် ထီၣ်က့ၤပတၢ်ဒဲးဘးလီၤထူလီၤယိာ်တဂ့ၤ.ကွၢ်ကွၢ်,ကွၢ် စာ်တက့ၢ်. ပမ့ၢ်နပှၤဂီၢ်မုၢ်ခဲလၢာ်လီၤ.
10 နဝ့ၢ်စီဆှံတဖၣ်န့ၣ်ကဲထီၣ်ပှၢ်မုၢ်ကနၢ, စံယိၣ်မ့ၢ်မံၤ ခိၣ်သိၣ်လာ်,ယရူၤၡလ့ၣ်မ့ၢ်တၢ်အိၣ်သယုၢ်လီၤ.
11 ပဟံၣ်စီဆှံအိၣ်ဒီးအဃံအလၤ ဖဲပပၢ်တဖၣ်စံးထီၣ်ပ တြၢၤနၤလၢအပူၤန့ၣ်မ့ၣ်အူအီၣ်ကွံာ်လံအီၤလံ. ဒီးက ယဲၢ်တၢ်အလီၢ်လၢအဘၣ်ပသးခဲလၢာ် ကဲထီၣ်တၢ်အိၣ် သယုၢ်လံလီၤ.
12 လၢတၢ်တဖၣ်န့ၣ်အဃိနကအိၣ်ဒၣ်နတၢ်, ယွၤဧၢ,န ကအိၣ်ဃိကလာ်, ဒီးမၤနးမၤဖှီၣ်ပှၤနးနးကလဲာ်စ့ၢ်ကီး ဧါ.