6
1 လၢစီၤပၤဧူးစံယါသံဝဲတနံၣ်န့ၣ် ယထံၣ်ကစၢ်ဆ့ၣ်နီၤ ဝဲလၢလီၢ်ပစိာ်ထီဒီး ပာ်ထီၣ်ထီအဖီခိၣ်, ဒီးအဆ့ဖးထီ အခီၣ်ထံးန့ၣ်ပှဲၤနူၢ်ဧိၤစီၤဧိၤလီၤ.
2 စ့ရၤဖးတဖၣ်ဆၢထၢၣ်လၢအဖီခိၣ်လီၤ. တဂၤအိၣ်ဒီး အဒံးဆ့ဃုဘ့ၣ်, တဂၤအိၣ်ဒီးအဒံးဆ့ဃုဘ့ၣ်လီၤ. မၤ ဘၢအမဲာ်လၢခံဘ့ၣ်, မၤဘၢအခီၣ်လၢခံဘ့ၣ်, ဒီးယူၤဝဲ လၢခံဘ့ၣ်လီၤ.
3 ဒီးအဝဲတဂၤအံၤ ကိးဝဲဆူအဝဲတဂၤန့ၣ် ဒီးစံးဝဲဒၣ်, စီဆှံ, စီဆှံ, စီဆှံမ့ၢ်တၢ်သုးမုၢ်ဂီၢ်မုၢ်အယွၤ, ဟီၣ်ခိၣ်ဒီ ဘ့ၣ်ညါပှဲၤဝဲဒီးအလၤကပီၤလီၤ.
4 ဒီးကျဲစၢၤအကျိၤထံး ဟူးဝးဝဲလၢပှၤလၢအကိးထီၣ် အသီၣ်အဃိ, ဒီးဟံၣ်ပှဲၤဝဲဒီးမ့ၣ်အူခုၣ်လီၤ.
5 ဒီးယစံး, ယဘၣ်အဖှီၣ်လီၤ. အဂ့ၢ်ဒ်အံၤ,ယဘၣ်တၢ် မၤဟးဂီၤယၤလီၤ. အဂ့ၢ်ဒ်အံၤ ယမ့ၢ်ပှၤလၢအပျုၤတ ကဆှီဘၣ်တဂၤ, ဒီးယအိၣ်ယဆိးလၢပှၤလၢအပျုၤတ ကဆှီဘၣ်တကလုာ်အကျါန့ၣ်လီၤ.အဂ့ၢ်ဒ်အံၤ, ယမဲာ် ထံၣ်ဘၣ်လံစီၤပၤတဂၤ, တၢ်သုးမုၢ်ဂီၢ်မုၢ်အယွၤလံ.
6 ဒီးစ့ရၤဖးတဂၤယူၤဝဲဆူယအိၣ်, ဒီးမ့ၣ်အူကဖးအိၣ် ဝဲလၢအစုပူၤလၢအဟံးန့ၢ် လၢတၢ်လုၢ်လီၢ်အဖီခိၣ်ဒီး နီၣ်တံာ်,
7 ဒီးဒုးထိးအီၤလၢယထးခိၣ်, ဒီးစံးဝဲဒၣ်, ကွၢ် ကွၢ်, တၢ်အံၤထိးလံနပျုၤလံ. ဒီးတၢ်ပျၢ်လံနတၢ်ကမၣ် လံ. ဒီးနတၢ်ဒဲးဘးကပူၤဖျဲးလီၤ.
8 ဒီးယနၢ်ဟူယွၤအကလုၢ်စံးဝဲဒၣ်, ယကမၢလီၤမတၤ တဂၤလဲၣ်. ဒီးမ့ၢ်မတၤကလဲၤလၢပဂီၢ်လဲၣ်. ဒီးယစံး, ကွၢ်ကွၢ်, ယၤလီၤ. မၢလီၤယၤတက့ၢ်.
9 ဒီးစံးဝဲဒၣ်, လဲၤ, ဒီးစံးဘၣ်ပှၤဂီၢ်မုၢ်အံၤ, နၢ်ဟူတၢ်ဒီး နၢ်ဟူတၢ်,ဘၣ်ဆၣ်ဒီးနၢ်သုတပၢၢ်တဂ့ၤ.ဒီးထံၣ်တၢ်ဒီး ထံၣ်တၢ်, ဘၣ်ဆၣ်ဒီးသုတသ့ၣ်ညါတဂ့ၤ.
10 မၤပှၤဂီၢ်မုၢ် အံၤအသးဘီၣ်သိ,မၤဃၢအနၢ်, ဒီးမၤဘံၣ်အမဲာ်တက့ၢ်. ကထံၣ်ဘၣ်ဖုး လၢအမဲာ်, ဒီးနၢ်ဟူဘၣ်ဖုးလၢအနၢ်, ဒီးနၢ်ပၢၢ်ဘၣ်ဖုးလၢအသး, ဒီးဃၣ်လိၤဘၣ်ဖုးအသး, ဒီးဘျိၣ်က့ၤဘျါက့ၤဝဲလီၤ.
11 ဒီးယစံး, ဆံးယံာ်လဲၣ်, ကစၢ်ဧၢ,ဒီးစံးဝဲဒၣ်,တုၤလီၤ ခူဧိၤဝ့ၢ်ဧိၤကအိၣ်သယုၢ် လၢပှၤအိၣ်ဝဲဆိးဝဲတအိၣ်ဘၣ် အဃိ, ဒီးဟံၣ်ဧိၤဃီဧိၤကအိၣ်သယုၢ် လၢပှၤကညီတ အိၣ်ဘၣ်အဃိ, ဒီးထံဧိၤကီၢ်ဧိၤ ကအိၣ်သယုၢ်အိၣ်သ ညိ,
12 ဒီးတုၤယွၤကပာ်ကွံာ်ပှၤကညီလၢအယံၤ, ဒီးတၢ် လဲၤသဒၣ်ဖးဒိၣ်ကအိၣ်လၢကီၢ်အသးကံၢ်ပူၤန့ၣ်လီၤ.
13 ဘၣ်ဆၣ်ဒီးဆံဆဲၣ်ပူတပူ ကအိၣ်လီၤတဲာ်လၢအပူၤ လီၤ. ဒီးအဝဲန့ၣ်ကဟဲက့ၤဒီး တၢ်ကမၤလၢာ်အီၤလီၤ. ဘၣ်ဆၣ်ဒီးဒ်ဃီမုၢ်ပျဲၢ်, ဒီးဒ်သ့ထိးဖၣ်လၢအကၢ်လီၤဝဲ, ဒီးအခိၣ်ဆၢၣ်အိၣ်လီၤတဲာ်အသိးန့ၣ် တၢ်အချံစီဆှံက အိၣ်ဒံးဝဲဒ်န့ၣ်သိးလီၤ.