57
ပှၤအတီအလိၤဟါမၢ်, ဒီးပှၤတတိၢ်န့ၢ်ဘၣ်လၢအ သးနီတဂၤဘၣ်, ဒီးပှၤမၤဂ့ၤတၢ်န့ၣ်ဘၣ်တၢ်ထုးထီၣ် ကွံာ်ဝဲ, ဒီးပှၤတဆိကမိၣ်လၢပှၤတီပှၤလိၤဘၣ်တၢ်ထုး ထီၣ်ကွံာ်အီၤလၢတၢ်အၢအပူၤဘၣ်.
ကလဲၤနုာ်လၢတၢ်ဃူတၢ်ဖိးအပူၤလီၤ. ပှၤလၢအလဲၤ တၢ်စၢၢ်ဆၢလၢအမဲာ်ညါန့ၣ် ကအိၣ်ဘှံးလၢအလီၢ်မံ ပူၤလီၤ.
ဒီးသုဝဲသ့ၣ်အံၤ သုးဘူးသုသးဖဲအံၤ, ပှၤမၤကဒါပ မဲာ်အဖိခွါတဖၣ်,ပှၤမၤကမၣ်ပဖိပမါ,ဒီးပှၤဃဲသဲမုၣ်အ ချံအသၣ်သ့ၣ်ဧၢ. သုမၤတရီတပါမတၤတဂၤလဲၣ်,သု အဲးထီၣ်ဖးလဲၢ်သုထးခိၣ်, သုဆဲးထီၣ်သုပျ့ၤလၢမတၤ အလိၤလဲၣ်. သုမ့ၢ်ပှၤမၤကမၣ်တၢ်အဖိ, ပှၤလီတၢ်အ ချံအသၣ်န့ၣ်တမ့ၢ်ဘၣ်ဧါ. သုသးဆူၣ်ထီၣ်လၢဃီမုၢ် ပျဲၢ်အကျါ,လၢသ့ၣ်သံကစဲာ်ကိးထူၣ်ဒဲးအဖီလာ်, သုမၤ သံဖိသၣ်တဖၣ်လၢကစၢၢ်ကဆူးအပူၤ, လၢလၢၢ်အိပူၤ န့ၣ်တမ့ၢ်ဘၣ်ဧါ.
လၢကစၢၢ်ကဆူးအလၢၢ်ဘျ့အကျါန့ၣ်နဂီၢ်အိၣ်လီၤ. အဝဲသ့ၣ်တဖၣ်,အဝဲသ့ၣ်န့ၣ် မ့ၢ်တၢ်နီၤဖးန့ၢ်လၢနဂီၢ် လီၤ. နလူလီၤနတၢ်လုၢ်အီလၢအဂီၢ်, နဟဲစိာ်တၢ်မၤ ဘူၣ်ကိၣ်လီၤ. ယသူၣ်ကမံ ယသးကမံလၢတၢ်န့ၣ်တ ဖၣ်အဃိစ့ၢ်ကီးဧါ.
နပာ်နလီၢ်မံလၢကစၢၢ်ဖးထီတဖျၢၣ်, ဒီးဖဲန့ၣ်ဒၣ်လဲာ် နလဲၤထီၣ်လုၢ်တၢ်လီၤ.
ဒီးလၢတြဲၤဒီးကျဲစၢၤအချၢဃံန့ၣ် နပာ်ထီၣ်နတၢ်ဒုး သ့ၣ်နီၣ်ထီၣ်က့ၤတၢ်လီၤ. အဂ့ၢ်ဒ်အံၤ, နလီၣ်ဖျါနသး အိၣ်တဒၢလၢအမဲာ်ညါလီၤ. ဒီးနလဲၤထီၣ်, ဒီးမၤလဲၢ် ထီၣ်နလီၢ်မံ, နအၢၣ်လီၤအီလီၤတၢ်ဒီးအီၤ, နအဲၣ်ဒိးအ လီၢ်မံ,နကတဲာ်ကတီၤအလီၢ်လၢအဂီၢ်လီၤ.
နလဲၤဆူစီၤပၤအအိၣ်, အီၣ်ဒီးသိဖှူတၢ်, ဒီးမၤအါ ထီၣ်နသိနၢမူ, ဒီးနမၢလီၤနကလူးတဖၣ်ဆူတၢ်အယံၤ, ဒီးနမၤလီၤရၢၢ်နသးဆူပျုၤပူၤလီၤ.
10 နကျဲယံၤ,ဒီးနကျဲစၢးမၤတၢ်ဘၣ်ဆၣ်ဒီး, နတစံးဘၣ်, မုၢ်လၢ်တၢ်တအိၣ်ဘၣ်န့ၣ်ဘၣ်. နထံၣ်န့ၢ်ဘၣ်နစုအသး သမူလီၤ. မၤသးဒ်န့ၣ်ဒီးနတသူၣ်အုးသးအုးဘၣ်.
11 ဒီးလၢနကတိၤတၢ်ကဘျံးကဘျၣ်, ဒီးတသ့ၣ်နီၣ်ထီၣ် က့ၤဘၣ်ယၤ, ဒီးတတိၢ်န့ၢ်ဘၣ်လၢနသးဘၣ်န့ၣ်မ့ၢ်န ဘၣ်ယိၣ်တၢ်ဒီး နပျံၤမတၤတဂၤလဲၣ်. မ့ၢ်ယအိၣ်ဘှီၣ် ကလာ်လၢပျၢၤလံၤလံၤန့ၣ်ဒီး, နတပျံၤဘၣ်ယၤ,တမ့ၢ် ဘၣ်ဧါ.
12 ယကဒုးနဲၣ်နတၢ်တီတၢ်လိၤ, ဒီးနမၤတၢ်န့ၣ်,ဒီးတ ဒုးအိၣ်ထီၣ်နဘျုးနဖှိၣ်ဘၣ်.
13 တုၤနကိးထီၣ်တၢ်ဒီး, မ်တၢ်လၢနပာ်ဖှိၣ်အီၤမၤပူၤ မၤဖျဲးနၤတက့ၢ်. ဘၣ်ဆၣ်ဒီးကလံၤကအူဒံကွံာ်အီၤခဲ လၢာ်,ဒီးတၢ်အသါတဘျီကစိာ်ထီၣ်ကွံာ်အီၤလီၤ. မ့မ့ၢ် ပှၤလၢအသန့ၤအသးလၢယၤန့ၣ် ကန့ၢ်သါထံဧိၤကီၢ် ဧိၤန့ၣ်,ဒီးမၤန့ၢ်ယကစၢၢ်စီဆှံလီၤ.
14 ဒီးတၢ်ကစံး, မၤထီၣ်,မၤထီၣ်, ကတဲာ်ကတီၤကျဲဧိၤ ကပူၤဧိၤ,ထၢထီၣ်ကွံာ်ကယဲၢ်ခီၣ်ဘၣ်တိၢ်အလီၢ်လၢယ ပှၤဂီၢ်မုၢ်အကျဲပူၤန့ၣ်တက့ၢ်.
15 အဂ့ၢ်ဒ်အံၤ, ပှၤလၢအထီၣ်ထီ,ဒီးအိၣ်ဝဲထီၣ်ထီ,လၢ အအိၣ်ဝဲဆိးဝဲလၢတၢ်အထူအယိာ်ပူၤ, ဒီးအမံၤမ့ၢ်တၢ် စီဆှံတဂၤစံးဝဲဒ်အံၤ,ယအိၣ်ယဆိးလၢတၢ်ထီၣ်ထီ,လၢ တၢ်စီဆှံအလီၢ်, ဒီးယအိၣ်စ့ၢ်ကီးလၢပှၤအသူၣ်ကၢ်အ သးလီၤဒီးပှၤဆီၣ်လီၤအသးအသိး,ဒ်သိးယကမၤမူထီၣ် ပှၤဆီၣ်လီၤအသးတဖၣ်အသးဒီး ဒ်သိးယကမၤမူထီၣ် ပှၤလၢအသူၣ်ကၢ်အသးလီၤတဖၣ်အသးလီၤ.
16 အဂ့ၢ်ဒ်အံၤ,ယတဂ့ၢ်လိာ်ဘှီလိာ်လီၤထူလီၤယိာ်ဘၣ်, ယသးတထီၣ်ဘၣ်လီၤစိၤလီၤထီဘၣ်. အဂ့ၢ်ဒ်အံၤ, မ့မ့ၢ် ဒ်န့ၣ်ဒီးပှၤအသးကလီၤဘှါလၢယမဲာ်ညါ,ပှၤလၢယတ့ လီၤအီၤလီၤ.
17 လၢအသးကွံတၢ်အတၢ်ဒဲးဘးအဃိ, ယသးထီၣ်,ဒီး ယတီၢ်အီၤ,ဒီးပာ်တဒၢယသး, ဒီးယသးကဲၤထီၣ်လီၤ. အဂ့ၢ်ဒ်အံၤ,လဲၤကပၤကပၤဖဲကျဲလၢအဘၣ်အသးလီၤ.
18 အကျဲဧိၤကပူၤဧိၤန့ၣ်ယထံၣ်လံ, ဒီးယကမၤဘျါက့ၤ အီၤ,ဒီးယကဆှၢထီၣ်အီၤ, ဒီးယကမၤမုာ်ထီၣ်က့ၤအီၤ, ဒီးအပှၤလၢအသူၣ်အုးအသးအုးဒီးအီၤတဖၣ်လီၤ.
19 ယတ့လီၤပှၤအပျုၤအတၤသၣ်လီၤ. တၢ်ဃူတၢ်ဖိး, တၢ်ဃူတၢ်ဖိး, မ်အအိၣ်ဒီးပှၤလၢအယံၤ,ဒီးအိၣ်ဒီးပှၤ လၢအဘူးန့ၣ်တက့ၢ်. ယွၤစံးဝဲဒၣ်, ဒီးယကမၤဘျါ က့ၤအီၤလီၤ.
20 မ့မ့ၢ်ပှၤတၢ်ဒဲးဘးဖိတဖၣ်န့ၣ် မၤသးဒ်ပီၣ်လဲၣ်လၢအ ဟူးဝးအသိးန့ၣ်လီၤ. အဂ့ၢ်ဒ်အံၤ,အိၣ်ဘှံးဝဲတသ့ဘၣ်. အထံစံၣ်ပီပုဒုးဟဲထီၣ်ကပံာ်ကပာ်, ဒီးကပံာ်ဟီၣ်ချါ လီၤ. 21 တၢ်ဃူတၢ်ဖိးတအိၣ်ဘၣ်ဒီးပှၤတတီတလိၤဘၣ် န့ၣ်,ယကစၢ်စံးဝဲဒၣ်.