46
1 ဘ့လးကိာ်လီၤ,နဘိသကူးအသး, အတၢ်ဂီၤတၢ်ဖီၣ် န့ၣ်ဘၣ်တၢ်ပာ်အီၤလၢ ဆၣ်ဖိကီၢ်ဖိအလိၤ, ဒီးဆၣ်ဖိ ကီၢ်ဖိအဒၢအလိၤလီၤ. သုတၢ်ဝံတၢ်ယိးကတဲာ်ကတီၤ လံ, တၢ်ပဒၢးလၢဆၣ်ဖိကီၢ်ဖိလၢတၢ်ဘှံးအသးအဂီၢ် လီၤ.
2 သကူးအသး,ကိာ်လီၤဝဲတပူၤဃီလီၤ. မၤပူၤဖျဲးတၢ် ပဒၢးတသ့ဘၣ်. လဲၤဝဲဆူတၢ်မၢကဲကုၢ်အပူၤ အကစၢ် ဒၣ်ဝဲလီၤ.
3 ကနၣ်ယကလုၢ်တက့ၢ်,ယၤကိာ်အပှၤဟံၣ်ဖိ, ဒီးက ယဲၢ်ပှၤလၢ အအိၣ်လီၤတဲာ်လၢအံၣ်စရ့လးအပှၤဟံၣ်ဖိ ခဲလၢာ်, ပှၤလၢယစိာ်အီၤလၢပှၤအဟၢဖၢပူၤလံၤလံၤ, လၢအဘၣ်တၢ်စိာ်အီၤလၢအမိၢ်ဒၢလီၢ်လံၤလံၤသ့ၣ်ဧၢ.
4 -ဒီးယမ့ၢ်အဝဲဒၣ်တုၤလီၤသုသးပှၢ်, ဒီးတုၤသုခိၣ်ဝါ,ယ ကစိာ်သုလီၤ.ယဲဒၣ်ယမၤတ့ၢ်, ဒီးယကစိာ်တၢ်,မ့ၢ်မး ယကဝံတၢ်ယိးတၢ်,ဒီးယကမၤပူၤဖျဲးတၢ်လီၤ.
5 သုကဒိလီၤယၤ, ဒီးပာ်ဒ်သိးသိးဒီးယၤ,ဒီးပာ်သတြီၤ ယၤဒီးမတၤတဂၤ,ဒ်သိးပကလီၤဂာ်လိာ်ပသးန့ၣ်လဲၣ်.
6 ပှၤလၢအတသးလီဘၣ်ထူလၢထၢၣ်ပူၤ, ဒီးစီၤစ့လၢ စီၤပီၢ်စီၤရွဲၤ, အဝဲသ့ၣ်ငါပှၤပိာ်ထူ, ဒီးအဝဲဒၣ်တ့ကစၢ် လၢအီၤလီၤ. တီၤလီၤဝဲ, မ့ၢ်မးဘူၣ်ထီၣ်ဘါထီၣ်အီၤ လီၤ.
7 ယိးဝဲလၢအဖံဘၣ်ခိၣ်,ဒီးစိာ်အီၤ, ပာ်အီၤလၢအ လီၢ်ဒၣ်ဝဲ, ဒီးအိၣ်ထူၣ်ကလာ်ဖဲန့ၣ်လီၤ. တသုးဘၣ် အသးလၢအလီၢ်ဘၣ်. ဒီးပှၤကိးထီၣ်ဆူအအိၣ်, ဘၣ် ဆၣ်ဒီးတစံးဆၢဘၣ်, ဒီးတအုၣ်က့ၤခီၣ်က့ၤအီၤလၢအ တၢ်ကိၢ်တၢ်ဂီၤအပူၤဘၣ်လီၤ.
8 သ့ၣ်နီၣ်ထီၣ်က့ၤတၢ်န့ၣ်, ဒီးဒုးနဲၣ်သုသးလၢသ့မ့ၢ် ပှၤကညီန့ၣ်တက့ၢ်.တိၢ်န့ၢ်လၢသုသး, ပှၤလၢအသးဟး ဂီၤသ့ၣ်ဧၢ.
9 သ့ၣ်နီၣ်ထီၣ်က့ၤ တၢ်လၢအခီၣ်ထံးလၢပျၢၤန့ၣ်တ က့ၢ်. အဂ့ၢ်ဒ်အံၤ, ယမ့ၢ်ကစၢ်, ဒီးအဂၤတအိၣ်ဘၣ်, ယွၤ, ဒီးတၢ်လီၤဂာ်လၢယၤတအိၣ်ဘၣ်.
10 လၢအခီၣ် ထံးယဒုးနဲၣ်တၢ်တုၤအကတၢၢ်, ဒီးလၢပျၢၤလံၤလံၤ န့ၣ်တၢ်လၢအတမၤဒံးဘၣ်အသးဘၣ်, ဒီးယစံး, တၢ် လၢယတိာ်န့ၣ်ကအိၣ်ကျၢၤဝဲ,ဒီးကယဲၢ်တၢ်ဘၣ်ယသး န့ၣ်ယကမၤခဲလၢာ်လီၤ.
11 ယကိးလံာ်ဖးဒိၣ်တဘ့ၣ်လၢ မုၢ်ထီၣ်တခီ, ဒီးပှၤလၢအမၤယကူၣ်ထီၣ်တၢ်တဂၤန့ၣ် လၢထံယံၤကီၢ်ယံၤလီၤ. ယကတိၤတ့ၢ်, မ့ၢ်မးယက မၤအိၣ်ထီၣ်, ယတိာ်တၢ်, မ့ၢ်မး ယကဒုးမၤအသး လီၤ.
12 ကနၣ်ယကလုၢ်တက့ၢ်, ပှၤလၢအသးကီလၢအအိၣ် ယံၤဒီးတၢ်တီတၢ်လိၤသ့ၣ်ဧၢ,
13 ယဒုးဟဲဘူးယတၢ်တီ တၢ်လိၤ,တအိၣ်ဘၣ်လၢအယံၤဘၣ်, ဒီးယတၢ်အုၣ်က့ၤ ခီၣ်က့ၤတၢ်န့ၣ်တသုးနံၤသုးသီဘၣ်. ဒီးယကပာ်လီၤ ယတၢ်အုၣ်က့ၤခီၣ်က့ၤလၢစံယိၣ်အပူၤ, ယလၤကပီၤ လၢအံၣ်စရ့လးအလိၤလီၤ.