45
ယွၤစံးလၢ အပှၤဒိးဖှူအသးစီၤကိရ့ၣ်ဒ်အံၤ, ယဟံး ဃာ်အီၤလၢယစုထွဲဒ်သိး အကယီၢ်လီၤတံၢ်ပှၤကလုာ် တဖၣ်လၢအမဲာ်ညါ, ဒီးယကဃ့ၣ်လီၤစီၤပၤတဖၣ်အ ယီၢ်တကိး, ဒီးအိးထီၣ်တြဲၤခံဘ့ၣ်လၢအမဲာ်ညါ,ဒီးတြဲၤ တဖၣ်တကးတံာ်ဃၣ်ဘၣ်အသးဘၣ်. ယကလဲၤလၢ နမဲာ်ညါ,ဒီးမၤဃူလိာ်တၢ်ထီၣ်စိလီၤနုာ်, ဒီးယကမၤ ကၢ်ကွံာ်တြဲၤတိၢ်ဘီတဖၣ်, ဒီးယကကူးတဲာ်အနီၣ်ဘိ ထးလီၤ. ဒီးယကဟ့ၣ်လီၤနၤလၢတၢ်လုၢ်ဒိၣ်ပှ့ၤဒိၣ်လၢ တၢ်ခံးကျါ, ဒီးတၢ်အစုလီၢ်အခီၣ်ခိၣ်အိၣ်ဘံၣ်အသး လၢအလီၢ်အိၣ်ခူသူၣ်တဖၣ်, ဒ်သိးနကသ့ၣ်ညါလၢယၤ ပှၤလၢအကိးထီၣ်နၤလၢနမံၤ, မ့ၢ်ယွၤအံၣ်စရ့လးအက စၢ်လီၤ.
လၢယခ့ယပှၤယၤကိာ်အဂီၢ်, ဒီးလၢပှၤလၢယဃုထၢ အီၤအံၣ်စရ့လးအဂီၢ်,ယကိးနၤလၢနမံၤ, ယကိးက့ၤနၤ လၢနမံၤသီ,ဒီးနတသ့ၣ်ညါဘၣ်ယၤဘၣ်လီၤ.
ယဲဒၣ်အံၤယမ့ၢ်ယွၤလီၤ. ဒီးအဂၤတအိၣ်ဘၣ်. လၢ ယၤအမဲာ်ညါကစၢ်တအိၣ်ဘၣ်.ယကကံၢ်တူာ်နယီၢ်ဒ့, ဒီးနတသ့ၣ်ညါဘၣ်ယၤဘၣ်, ဒ်သိးပှၤကသ့ၣ်ညါလၢ မုၢ်ထီၣ်ပၢၢ်လၢမုၢ်နုာ်န့ၣ် လၢယၤအမဲာ်ညါတၢ်တအိၣ် ဘၣ်,ယမ့ၢ်ယွၤ,ဒီးအဂၤတအိၣ်ဘၣ်, ယတ့တၢ်ကပီၤ ဒီးယမၤတၢ်ခံး, ယဒုးအိၣ်ထီၣ်တၢ်ဃူတၢ်ဖိး,ဒီးယတ့ တၢ်အၢလီၤ. ယဲဒၣ်ယွၤအံၤယမၤတၢ်တဖၣ်န့ၣ်ခဲလၢာ် လီၤ.
မူခိၣ်ဧၢ,ဒုးလီၤစီၤတၢ်လၢထးန့ၣ်တက့ၢ်. မ်တၢ်အၢၣ် ဂၢ်လီၤတၢ်တီတၢ်လိၤတက့ၢ်.မ်ဟီၣ်ခိၣ်အိးထီၣ်,ဒီးမ်အ ဒုးအိၣ်ထီၣ်တၢ်အုၣ်က့ၤခီၣ်က့ၤတက့ၢ်. ဒီးတၢ်တီတၢ် လိၤန့ၣ်,မ်အဒုးမဲထီၣ်ဝဲတပူၤဃီတက့ၢ်. ယဲဒၣ်ယွၤအံၤ တ့လီၤလံအီၤလံ.
ပှၤလၢအဂ့ၢ်လိာ်ဘှီလိာ်ဒီး ပှၤလၢအတ့လီၤအီၤ,သ ပၢၤအက့လၢသပၢၤဟီၣ်ခိၣ် အက့အကျါန့ၣ်ဘၣ်အဖှီၣ် လီၤ.ကပံာ်ဟီၣ်ခိၣ်ကစံးဘၣ်ပှၤလၢအတ့အီၤ,နတ့မနုၤ လဲၣ်န့ၣ်စ့ၢ်ကီးဧါ.ဒီးနမၤတၢ်ဒ်န့ၣ်,အစုတအိၣ်ဘၣ်န့ၣ် ဧါ.
10 ပှၤလၢအစံးဘၣ်အပၢ် နထီၣ်ဖိမနုၤလဲၣ်, ဒီးအမိၢ်,န ဆံးစၢ်မနုၤလဲၣ်န့ၣ်ဘၣ်အဖှီၣ်လီၤ.
11 ယွၤအံၣ်စရ့လးအပှၤစီဆှံ, ဒီးပှၤတ့လီၤအီၤန့ၣ်စံးဒ် အံၤ, တၢ်လၢအကမၤအသးလၢယဖိခွါတဖၣ်အဂ့ၢ်အ ကျိၤန့ၣ်သံကွၢ်ယၤ, ဒီးတၢ်မၤလၢယစုအဂ့ၢ်အကျိၤန့ၣ် မၤလိာ်ဘၣ်ယၤတက့ၢ်လီၤ.
12 ယတ့လီၤဟီၣ်ခိၣ်, ဒီးပှၤကညီအိၣ်လၢအဖီခိၣ်န့ၣ်ယ တ့လီၤအီၤလီၤ. ယဲဒၣ်ယစုသလၣ်ထီၣ်မူခိၣ်,ဒီးအသုး မုၢ်ဂီၢ်မုၢ်ခဲလၢာ်န့ၣ်ယမၤလိာ်လီၤ.
13 ယဒုးအိၣ်ထီၣ်အီၤလၢတၢ်တီတၢ်လိၤ, ဒီးယကမၤ ဃူအကျဲခဲလၢာ်လီၤ.အဝဲဒၣ်ကမၤက့ၤယဝ့ၢ်တဖျၢၣ်,ဒီး မၤထူၣ်ဖျဲးယပှၤဘၣ်တၢ်မၢကဲကုၢ်အီၤလီၤ. လၢတၢ်အ ပှ့ၤအဂီၢ်, လၢတၢ်အဘူးအလဲအဂီၢ်တမ့ၢ်ဘၣ်,တၢ်သုး မုၢ်ဂီၢ်မုၢ်အယွၤစံးဝဲဒၣ်လီၤ.
14 ယွၤစံးဝဲဒ်အံၤ,အဲၤကူပတူးအမၤတၢ်ဖံးတၢ်,ဒီးကူၤၡး ဒီးပှၤစဘၤဖိလၢအနီၢ်ဒိၣ်တဖၣ် အန့ၢ်တၢ်န့ၣ်ကဟဲဆူ နအိၣ်, ဒီးကဲထီၣ်နတၢ်လီၤ. ကပိာ်နခံ,ကဟဲဘၣ်စၢ ဃာ်လၢထးသွဲ,ကဘူၣ်ထီၣ်ဘါထီၣ်နၤ, ကဘါထုက ဖၣ်နၤဒီးစံး,ကစၢ်အိၣ်ထဲလၢနပူၤ,ဒီးကစၢ်အဂၤတအိၣ် ဘၣ်.
15 မ့ၢ်မးနမ့ၢ်ကစၢ်လၢအပာ်တဒၢနသး, ပှၤအုၣ်က့ၤခီၣ် က့ၤတၢ်.အံၣ်စရ့လးအကစၢ်ဧၢ.
16 အဝဲသ့ၣ်တဖၣ်န့ၣ်အမဲာ်ကဆှး, ဒီးပာ်ဆှးအမဲာ်ခဲ လၢာ်တပူၤဃီ, ပှၤလၢအတ့တၢ်ဂီၤန့ၣ်ကလဲၤနုာ်ဆူတၢ် မဲာ်ဆှးတပူၤဃီလီၤ.
17 အံၣ်စရ့လးကတုၤလၢ တၢ်အုၣ်က့ၤခီၣ်က့ၤအီၤအထူ အယိာ်လၢယွၤအပူၤလီၤ. သုမဲာ်တဆှး,ဒီးသုတပာ်ဆှး ဘၣ်သုမဲာ်အစိၤစိၤအဃၣ်ဃၣ်ဘၣ်လီၤ.
18 အဂ့ၢ်ဒ်အံၤ,ယွၤလၢအတ့လီၤမူခိၣ်စံးဒ်အံၤ, အဝဲဒၣ် မ့ၢ်ယွၤလၢအတ့လီၤဟီၣ်ခိၣ်ဒီးမၤအီၤ, အဝဲဒၣ်ဒုးအိၣ် ကျၢၤအီၤလီၤ. တမ့ၢ်ဘၣ်ဒ်သိးအကအိၣ်ကလီဒီးတ့ လီၤဝဲဘၣ်. မ့ၢ်ဒ်သိးအကအိၣ်ဒီးပှၤအိၣ်ဝဲဆိးဝဲလၢအ ဖီခိၣ်လီၤ. 19 ယဲဒၣ်အံၤယမ့ၢ်ယွၤ,ဒီးအဂၤတအိၣ်ဘၣ်.-တမ့ၢ်ဘၣ်ယကတိၤတၢ်အိၣ်ခူသူၣ်လၢ ဟီၣ်ခိၣ်တၢ် ခံးအလီၢ်ပူၤန့ၣ်ဘၣ်. ဃုန့ၢ်ယၤတက့ၢ်န့ၣ်တမ့ၢ်ဘၣ် ယစံးလၢစီၤယၤကိာ်အစၢၤအသွဲၣ်ကလီကလီဘၣ်.ယဲ ဒၣ်အံၤ,ယမ့ၢ်ယွၤလၢအကတိၤတၢ်တီတီလီၤ. ယဒုး နဲၣ်တၢ်လၢ အတီအလိၤလီၤ.
20 အိၣ်ဖှိၣ်ရိဖှိၣ်, ဒီးဟဲတက့ၢ်. သုးဘူးသုသး တပူၤ ဃီ, ပှၤလၢအပူၤဖျဲးလၢ ပှၤကလုာ်တဖၣ်အကျါသ့ၣ် ဧၢ. ပှၤလၢအစိာ်ထီၣ်သ့ၣ်ဧိၤဝၣ်ဧိၤ,အတၢ်ဂီၤစိးပျၤအ သးန့ၣ်, ဒီးဘါထုကဖၣ်ကစၢ်တဂၤလၢအအုၣ်က့ၤခီၣ် က့ၤတၢ်တသ့ဘၣ်တဖၣ်န့ၣ် တသ့ၣ်ညါဘၣ်တၢ်နီတ မံၤဘၣ်. 21 ဒုးနဲၣ်တၢ်,ဒီးဒုးဟဲဘူးအီၤ, ဒီးမ်အကူၣ်လိာ် အသးတက့ၢ်. မ့ၢ်မတၤဒုးနၢ်ဟူတၢ်အံၤလၢတၢ်န့ၣ်လၢ ပျၢၤတဂၤလဲၣ်. မ့ၢ်မတၤဒုးနဲၣ်ဝဲလၢသီတဂၤလဲၣ်.ယဲ ဒၣ်,တမ့ၢ်ဘၣ်ဧါ. ဒီးလၢယၤအမဲာ်ညါန့ၣ်ကစၢ်တ အိၣ်ဘၣ်. ကစၢ်အတီအလိၤ,ပှၤအုၣ်က့ၤခီၣ်က့ၤတၢ်, ယဲဒၣ်အမဲာ်ညါန့ၣ်တၢ်တအိၣ်ဘၣ်.
22 ကွၢ်ထီၣ်ဆူယအိၣ်, ဒီးတုၤလၢတၢ်အုၣ်က့ၤခီၣ်က့ၤ သုတက့ၢ်,ဟီၣ်ခိၣ် အကတၢၢ်ခဲလၢာ်သ့ၣ်ဧၢ. အဂ့ၢ်ဒ် အံၤ, ယမ့ၢ်ကစၢ်, ဒီးအဂၤတအိၣ်ဘၣ်.
23 ယဆိၣ်လီၤယသးလၢယကစၢ်ဒၣ်ယဲအမဲာ်ညါ, တၢ် ကတိၤထီၣ်ဖျဲးလၢတၢ်တီအထးခိၣ်လံ. တက့ၤကဒါ က့ၤဘၣ်. ကယဲၢ်ပှၤကချံးလီၤအခီၣ်လ့ၢ်ခိၣ်လၢယမဲာ် ညါ,ကယဲၢ်ပှၤအပျ့ၤကဆိၣ်တၢ်လၢယမဲာ်ညါလီၤ.
24 ပှၤကစံး, ထဲလၢယွၤအပူၤ ယအိၣ်ဒီးတၢ်တီတၢ်လိၤ ဒီးတၢ်အဂံၢ်အဘါလီၤ. ပှၤကဟဲဆူအအိၣ်, ဒီးကယဲၢ် ပှၤလၢအသးထီၣ်ဘၣ်အီၤန့ၣ်အမဲာ်ကဆှးခဲလၢာ်လီၤ.
25 ကယဲၢ်ပှၤအံၣ်စရ့လးဖိ အချံအသၣ်ခဲလၢာ်န့ၣ်တၢ်က ပာ်တီပာ်လိၤအီၤလၢယွၤအပူၤ, ဒီးကပာ်ကဖိအသး လၢအပူၤလီၤ.