43
1 ဒီးခဲကနံၣ်အံၤ, ယွၤလၢအတ့လီၤနၤ,ယၤကိာ်ဧၢ,ဒီး မၤနၤ,အံၣ်စရ့လးဧၢ,စံးဒ်အံၤ,ပျံၤတၢ်တဂ့ၤ.အဂ့ၢ်ဒ်အံၤ, ယပှ့ၤက့ၤလံနၤလီၤ. ယကိးလံနၤလၢနမံၤလီၤ,နမ့ၢ်ယ တၢ်လီၤ.
2 တုၤနခီဂာ်ထံန့ၣ်ဒီး, ယကအိၣ်ဒီးနၤ, ဒီးတုၤနခီဂာ် ထံမိၢ်ပှၢ်ဒီး,တလုၣ်ဘၢဘၣ်နၤဘၣ်. တုၤနခီတူာ်မ့ၣ်အူ ဒီး, မ့ၣ်အူတအီၣ်ဘၣ်နၤဘၣ်, ဒီးမ့ၣ်လၣ်တကိၢ်ဃံၣ် ကိၢ်ဃိာ်ဘၣ်နၤဘၣ်.
3 အဂ့ၢ်ဒ်အံၤ, ယဲဒၣ်ယွၤ,နကစၢ်,အံၣ်စရ့လးအတၢ်စီ ဆှံ, တၢ်ပှ့ၤက့ၤနၤတဂၤအံၤ, ယဟ့ၣ်လီၤအဲၤကူပတူး, ကူၤၡး,ဒီးစဘၤလၢနပှ့ၤလီၤ.
4 မ့ၢ်နမ့ၢ်တၢ်လုၢ်ဒိၣ်ပှ့ၤဒိၣ်လၢယမဲာ်ညါ,ဒီးနဘၣ်တၢ် လၤကပီၤ, ဒီးယအဲၣ်နၤသတးဒီး, ယကဟ့ၣ်လီၤပှၤသ ပျၢၤပှၤကညီလၢနဂီၢ်, ဒီးပှၤကလုာ်တဖၣ်လၢနသးအ ဂီၢ်လီၤ.
5 ပျံၤတၢ်တဂ့ၤ,အဂ့ၢ်ဒ်အံၤ,ယအိၣ်ဒီးနၤလီၤ. ယကဒုး ဟဲနချံနသၣ်လၢမုၢ်ထီၣ်တခီ, ဒီးလၢမုၢ်နုာ်တခီန့ၣ်ယ ကထၢဖှိၣ်နၤလီၤ.
6 ယကစံးဘၣ်ကလံၤစိးတခီန့ၣ်,ဟ့ၣ် ထီၣ်အီၤတက့ၢ်.ကလံၤထံးတခီန့ၣ်,တြီအီၤတဂ့ၤ.ဒုးဟဲ ထီၣ်ယဖိခွါလၢအယံၤ, ဒီးယဖိမုၣ်လၢဟီၣ်ခိၣ်အက တၢၢ်န့ၣ်တက့ၢ်.
7 ကယဲၢ်ပှၤလၢတၢ်ကိးယမံၤလၢအ လိၤ, ဒီးလၢယတ့လီၤအီၤလၢယလၤကပီၤအဂီၢ်,မ့ၢ်မး ယတ့အီၤ,ဒီးယမၤအီၤလီၤ.
8 ဒုးဟဲထီၣ်ပှၤမဲာ်ဘျီၣ်, ဒီးအမဲာ်အိၣ်,ဒီးပှၤနၢ်တအၢ, ဒီးအနၢ်အိၣ်န့ၣ်တက့ၢ်.
9 မ်ပှၤကလုာ်ခဲလၢာ်န့ၣ်အိၣ်ဖှိၣ်ရိဖှိၣ်, ဒီးမ်တၢ်ဒုးအိၣ် ဖှိၣ်ပှၤဂီၢ်မုၢ်တက့ၢ်.မ့ၢ်မတၤလၢအကျါန့ၣ်ကဒုးနဲၣ်တၢ် အံၤတဂၤလဲၣ်. ဒုးနၢ်ဟူပှၤလၢတၢ်လၢအခီၣ်ထံးတဖၣ် န့ၣ်တက့ၢ်. မ်အပာ်လီၤအတၢ်အုၣ်အသး, ဒီးဒိးတၢ် ပာ်တီအီၤတက့ၢ်. မ့တမ့ၢ်ဘၣ်ဒီး,မ်အကနၣ်တၢ်ဒီးစံး, မ့ၢ်ဝဲတီဝဲလီၤန့ၣ်တက့ၢ်.
10 သုဝဲဒၣ်အံၤသုမ့ၢ်ယတၢ်အုၣ်အသး, ယွၤစံးဝဲဒၣ်,ဒီး ယခ့ယပှၤလၢယဃုထၢအီၤ, ဒ်သိးသုကသ့ၣ်ညါ,ဒီး နာ်က့ၤယွၤ,ဒီးနၢ်ပၢၢ်လၢယမ့ၢ်အဝဲဒၣ်လီၤ. လၢယဂံၢ် ခိၣ်န့ၣ်ကစၢ်တဒိးတ့ဘၣ်အသးနီတဂၤဘၣ်, ဒီးလၢယ လီၢ်ခံန့ၣ်တအိၣ်ဘၣ်လီၤ.
11 ယဲဒၣ်အံၤ, ယမ့ၢ်ယွၤလီၤ. ဒီးလၢယၤအမဲာ်ညါန့ၣ် တၢ်အုၣ်က့ၤခီၣ်က့ၤတအိၣ်ဘၣ်.
12 ယဒုးနဲၣ်တၢ်, ဒီးယအုၣ်က့ၤခီၣ်က့ၤတၢ်,ဒီးယဒုးနၢ် ဟူတၢ်, ဒီးပှၤတခီဘီမုၢ်ဖိတအိၣ်ဘၣ်လၢသုကျါဘၣ်, ဒီးသုမ့ၢ်ယတၢ်အုၣ်အသး, ယွၤစံးဝဲဒၣ်, ဒီးယဲဒၣ်အံၤ, ယမ့ၢ်ယွၤလီၤ.
13 ဒီးလၢမုၢ်နံၤတချုးအိၣ်ဒံးဘၣ်ဒီး, ယအိၣ်ယဲလီၤ.ဒီး တၢ်ထူၣ်ဖျဲးလၢယစုပူၤတအိၣ်ဘၣ်. ယကမၤယဲဒီးမ့ၢ်မ တၤကမၤကဒါက့ၤတဂၤလဲၣ်.
14 ယွၤတၢ်ပှ့ၤက့ၤသု, အံၣ်စရ့လးအတၢ်စီဆှံတဂၤစံးဒ် အံၤ, လၢသုဂီၢ်န့ၣ်ယမၢလီၤတၢ်ဆူဘၤဘူၤလိၣ်,ဒီးဒုး လဲၤလီၤပှၤဟးဝ့ၤဝီၤတၢ်ခဲလၢာ်, ဒီးပှၤက့ၤစ့းဖိအကိးပ သူထီၣ်လၢအကဘီပူၤလီၤ.
15 ယဲဒၣ်အံၤ ယမ့ၢ်ယွၤသုတၢ်စီဆှံတဂၤ, တၢ်တ့လီၤ အံၣ်စရ့လး,သုစီၤပၤလီၤ.
16 ယွၤစံးဒ်အံၤ, ပှၤလၢအမၤကျဲမုၢ်လၢပီၣ်လဲၣ်ပူၤ, ဒီး ကျဲဖိလၢထံဆူၣ်အပူၤ,
17 ပှၤလၢအဒုးဟဲထီၣ်လ့ၣ်က ဟၣ်ဒီးကသ့ၣ်, တၢ်သုးမုၢ်ဒီးတၢ်အစိအကမီၤ,စံးဒ်အံၤ ကမံလီၤဝဲတပူၤဃီ, တဂဲၤဆၢထၢၣ်လၢၤဘၣ်, လီၤမၢ် ကွံာ်လံ. လီၤပံာ်လံဒ်မ့ၣ်အူဒၢ အပှံာ်အသိးန့ၣ်လီၤ.-
18 တၢ်လၢအခီၣ်ထံးတဖၣ်, သ့ၣ်နီၣ်ထီၣ်က့ၤအီၤတဂ့ၤ,ဒီးတၢ်လၢပျၢၤလၢသီတဖၣ်, ဆိကမိၣ်လၢအဂ့ၢ်တဂ့ၤ.-
19 ကွၢ်ကွၢ်, ယမၤတၢ်အသီတမံၤလီၤ. ခဲကနံၣ်အံၤကမဲ ထီၣ်လီၤ. သုတသ့ၣ်ညါဘၣ်ဧါ, မ့ၢ်မးယကပာ်ကျဲလၢ ပှၢ်မုၢ်ကနၢ,ဒီးထံကျိတဖၣ်လၢမံၤခိၣ်သိၣ်လာ်လီၤ.
20 ပှၢ်လၢ်ကျါအဆၣ်ဖိကီၢ်ဖိကမၤလၤကပီၤယၤ, ထွံၣ် ဟီၣ်ခိၣ်ဒီးထိၣ်ကီၤလၤအူးလီၤ. အဂ့ၢ်ဒ်အံၤ, ယပာ်လီၤ ထံလၢပှၢ်မုၢ်ကနၢ, ဒီးထံကျိလၢမံၤခိၣ်သိၣ်လာ် ဒ်သိး ယကဟ့ၣ်တၢ်အီလၢ ယပှၤဂီၢ်မုၢ်, ပှၤလၢယဃုထၢ အီၤန့ၣ်လီၤ.
21 ပှၤတကလုာ်အံၤ ယတ့လီၤလၢယဂီၢ်ဒၣ်ယဲ, ကစံၣ် တဲၤတဲလီၤယတၢ်စံးထီၣ်ပတြၢၤလီၤ.
22 ဘၣ်ဆၣ်ဒီးနတကိးထီၣ်ဘၣ်ယၤ, ယၤကိာ်ဧၢ.အဂ့ၢ် ဒ်အံၤ,တၢ်ဘှံးနသးလၢယဃိ,အံၣ်စရ့လးဧၢ.
23 နတဟဲ စိာ်ဘၣ်တၢ်လုၢ်မ့ၣ်အူအသိဆူယအိၣ်ဘၣ်, ဒီးနတမၤ လၤကပီၤဘၣ်ယၤလၢနတၢ်လုၢ်ဘၣ်,ယတဒုးမၤနၤလၢ တၢ်မၤဘူၣ်, ဒီးယတဒုးဘှံးနသးလၢတၢ်ဆိၣ်ကဲၤနၢမူ ဘၣ်.
24 နတပှ့ၤန့ၢ်ဘၣ်ယၤလၢလီၢ်ဟ့ၣ်လၢစ့ဘၣ်,ဒီးန တဒုးဘျဲးအီၣ်ဘၣ်ယၤလၢနတၢ်လုၢ်အသိအချါဘၣ်.မ့ မ့ၢ်နပာ်တၢ်မၤလၢယလိၤလၢနတၢ်ဒဲးဘး, ဒီးနမၤဘှံး ယသးလၢနတၢ်ကမၣ်လီၤ.
25 ယဲဒၣ်အံၤယတြူာ်ကွံာ် နတၢ်သရူးတၢ်ကမၣ်လၢယ ဂီၢ်ဒၣ်ယဲလီၤ. ယတသ့ၣ်နီၣ်ထီၣ်က့ၤဘၣ်နတၢ်ဒဲးဘး ဘၣ်.
26 ဒုးသ့ၣ်နီၣ်ထီၣ်က့ၤယၤတက့ၢ်.လိာ်ကွီၢ်လိာ်ပသးတ က့ၢ်.ကတိၤတၢ်, ဒ်သိးနကဘၣ်တၢ်ပာ်တီပာ်လိၤနၤတ က့ၢ်.
27 နပၢ်အခီၣ်ထံးတဂၤန့ၣ်မၤတၢ်ဒဲးဘး, ဒီးနသရၣ်သ့ၣ် တဖၣ်န့ၣ်မၤကမၣ်ဘၣ်ယၤလီၤ.
28 မၤသးဒ်န့ၣ်ဒီး, ယကမၤဘၣ်အၢတၢ်အလီၢ်စီဆှံအ ပဒိၣ်ဖးဒိၣ်တဖၣ်, ဒီးဟ့ၣ်လီၤကွံာ်စီၤယၤကိာ်ဆူတၢ် ဆိၣ်အၢ,ဒီးအံၣ်စရ့လးန့ၣ်ဆူတၢ်ဒုၣ်ဒွဲၣ်လီၤ.