40
မၤမုာ်ထီၣ်က့ၤ, မၤမုာ် ထီၣ်က့ၤယပှၤဂီၢ်မုၢ်တက့ၢ်, သုကစၢ်စံးဝဲဒၣ်. ကတိၤတၢ်မုာ်တၢ်ပၢၤဒီးပှၤယရူၤၡ လ့ၣ်ဖိတက့ၢ်.ဒီးစံးဘၣ်အီၤလၢအဒုးတၢ်ယၤတၢ်ဝံၤလံ, လၢအတၢ်ဒဲးဘးပျၢ်လံ, လၢအဘၣ်လံတၢ်ခံစးလၢအ တၢ်ဒဲးဘးအဃိလၢယွၤအစုပူၤလံ.
တၢ်အကလုၢ်သီၣ်ထီၣ်လၢပှၢ်မုၢ်ကနၢန့ၣ်,ကတဲာ်က တီၤယွၤအကျဲ, လၢမံၤခိၣ်သိၣ်လာ်န့ၣ်မၤလိၤကျဲမုၢ်တ ဘိလၢပကစၢ်အဂီၢ်န့ၣ်တက့ၢ်. ကယဲၢ်ကစၢၢ်ကဆူး တၢ်ကမၤထီၣ်ထီဝဲ, ဒီးကယဲၢ်ကစၢၢ်ကလိဒီးတၢ်စိခိၣ် န့ၣ်တၢ်ကမၤလီၤပၢၤ,ဒီးတၢ်အက့ၣ်ကမၤဘျၢထီၣ်က့ၤ, ဒီးအလီၢ်ထီၣ်စိလီၤနုာ်တဖၣ် ကဘၣ်ဃူလိာ်အသး,-
ဒီးယွၤအလၤကပီၤကအိၣ်ဖျါထီၣ်, ဒီးကယဲၢ်တၢ်ညၣ်ခဲ လၢာ်ကထံၣ်ဘၣ်ဝဲတပူၤဃီလီၤ. အဂ့ၢ်ဒ်အံၤ, ယွၤအ ထးခိၣ်ကတိၤတၢ်လီၤ.
တၢ်ကလုၢ်န့ၣ်စံး, ကိးထီၣ်တက့ၢ်. ဒီးပှၤစံး,ယဘၣ် ကိးထီၣ်လၢမနုၤတမံၤလဲၣ်. ကယဲၢ်တၢ်ဖံးတၢ်ညၣ်န့ၣ် မ့ၢ်နီၣ်ဧိၤမံၤဧိၤခဲလၢာ်, ဒီးကယဲၢ်အဘျုးအဖှိၣ်ဒ်ပျီပူၤအ သံၣ်ဧိၤဖီဧိၤအသိးန့ၣ်ခဲလၢာ်လီၤ. နီၣ်ဧိၤမံၤဧိၤန့ၣ်ဃ့ ထီၣ်ကွံာ်, သံၣ်ဧိၤဖီဧိၤန့ၣ်လီၤညွံးလီၤဘဲဝဲလီၤ.အဂ့ၢ်ဒ် အံၤ,ယွၤအသါအူထီၣ်ဘၣ်အီၤလီၤ, မ့ၢ်မးပှၤဂီၢ်မုၢ်မ့ၢ်နီၣ် ဧိၤမံၤဧိၤလီၤ.
နီၣ်ဧိၤမံၤဧိၤန့ၣ်ဃ့ထီၣ်ကွံာ်, သံၣ်ဧိၤဖီဧိၤန့ၣ်လီၤညွံး လီၤဘဲဝဲလီၤ. မ့မ့ၢ်ပကစၢ်အကလုၢ်ကထါန့ၣ်ကအိၣ် ဝဲကဆိးဝဲလီၤစိၤလီၤထီလီၤ.
ပှၤလၢအဟဲစိာ်တၢ်သးခုအကစီၣ်ဆူစံယိၣ်တဂၤဧၢ. လဲၤထီၣ်ဆူကစၢၢ်ထီအဒီခိၣ်, ထုထီၣ်နကလုၢ်ဒီးတၢ် အဂံၢ်အဘါ, ပှၤလၢအဟဲစိာ်တၢ်သးခုအကစီၣ်ဆူယ ရူၤၡလ့ၣ်တဂၤဧၢ, ထုထီၣ်အီၤတက့ၢ်.ပျံၤတၢ်တဂ့ၤ.စံး လၢယူဒၤအဝ့ၢ်တဖၣ်,ကွၢ်ကွၢ်,သုကစၢ်န့ၣ်တက့ၢ်.
10 ကွၢ်ကွၢ်,ယွၤကဟဲဒီးအစိအကမီၤ, ဒီးအစုဒုၣ်ကပၢ တၢ်လၢအဂီၢ်ဒၣ်ဝဲလီၤ. ကွၢ်ကွၢ်, အဘူးအလဲအိၣ်ဒီး အီၤ,ဒီးအဘူးအလဲအိၣ်ဝဲလၢအမဲာ်ညါလီၤ.
11 ကအံးကကွၢ်အသိတဖုဒ်ပှၤကွၢ်သိတဂၤအသိး, ဒီး ကထၢဖှိၣ်သိဖိတဖၣ်လၢအစု, ဒီးကစိာ်အီၤလၢအသး နါပှၢ်အပူၤ, ဒီးကဆှၢကယီကယီသိမိၢ်ပှၢ်လၢအဒုးအီၣ် နုၢ်တၢ်လီၤ.
12 ပှၤလၢအဃီၣ်ထံလၢအစုညါသးအပူၤ, ဒီးထိၣ်မူခိၣ် လၢအစုထါတထါ, ဒီးပာ်ဖှိၣ်ဟီၣ်ခိၣ်အကမူၣ်လၢနီၣ် ဃီၣ်အပူၤ, ဒီးစီၤကစၢၢ်ကလိလၢစီၤပီၢ်ပူၤ,ဒီးတၢ်စိခိၣ် တဖၣ်န့ၣ်လၢစီၤပီၢ်စီၤရွဲၤပူၤန့ၣ်မ့ၢ်မတၤတဂၤလဲၣ်.
13 မ့ၢ်မတၤထိၣ်ယွၤအသးတဂၤလဲၣ်. ဒီးမ့ၢ်မတၤကဲပှၤ ကူၣ်လိာ်အသးဒီးအီၤသတးဒီးကသိၣ်လိအီၤတဂၤလဲၣ်.
14 ကူၣ်လိာ်အသးဒီးပှၤတဂၤ, ဒီးအတၢ်သိၣ်လိအီၤ,ဒီး နဲၣ်လိအီၤလၢတၢ်စံၣ်ညီၣ်အကျဲ, ဒီးဘိးဘၣ်သ့ၣ်ညါ အီၤလၢတၢ်သ့ၣ်ညါန့ၣ်မ့ၢ်မတၤတဂၤလဲၣ်. ဒီးမ့ၢ်မတၤ ကနဲၣ်လိအီၤလၢ တၢ်သူၣ်ဆးသးဆး အကျဲန့ၣ်တဂၤ လဲၣ်.
15 ကွၢ်ကွၢ်, ပှၤကလုာ်တဖၣ်မၤသးဒ်ထံလီၤစီၤတဖျၢၣ် လၢထံစဲၤ, ဒီးတၢ်ပာ်အီၤဒ်တၢ်ကမှံၤလၢစီၤပီၢ်အပူၤအ သိးန့ၣ်လီၤ. ကွၢ်ကွၢ်,ကီးတဖၣ်န့ၣ်ဒ်ဟီၣ်ခိၣ်အကမူၣ် တဖျၢၣ်အသိးန့ၣ်ထၢထီၣ်ဝဲလီၤ.
16 ဒီးလဘၤနိၣ်လၢ တၢ်ဆိၣ်ကဲၤမ့ၣ်အူအဂီၢ်န့ၣ်တအါ ဘၣ်, ဒီးအဆၣ်ဖိကီၢ်ဖိလၢတၢ်လုၢ်မ့ၣ်အူအဂီၢ်န့ၣ်တ အါဘၣ်လီၤ.
17 ကယဲၢ်ပှၤကလုာ်ခဲလၢာ်န့ၣ် မၤသးဒ်တၢ်နီတမံၤလၢ အမဲာ်ညါအသိးန့ၣ်လီၤ. ပာ်ဝဲဒ်တၢ်ဆံးန့ၢ်တၢ်နီတမံၤ, ဒီးဒ်တၢ်တမ့ၢ်ဘၣ်တၢ်ဘၣ်အသိးန့ၣ်လီၤ.
18 ဒီးသုကဒိလီၤယွၤဒီးမတၤတဂၤလဲၣ်, ဒီးသုကဒိလီၤ အီၤဒီးတၢ်အဒိအတဲာ်လၢမနုၤတမံၤလဲၣ်.
19 တၢ်ဂီၤတၢ်ဖီၣ်န့ၣ်ပှၤမၤတၢ်သ့န့ၣ်တ့ဝဲ, ဒီးပှၤပိာ်ထူ န့ၣ်ပီၤဝဲလၢထူ,ဒီးကသိန့ၢ်စ့သွဲလၢအဂီၢ်လီၤ.
20 ပှၤလၢအဖှီၣ်ဝဲ တုၤအမၤဘူၣ်တၢ်အပှ့ၤဒိၣ်တသ့ဘၣ် န့ၣ်ဃုထၢသ့ၣ်လၢအတအုၣ်တကျၣ်ဘၣ်.ဃုပှၤမၤတၢ် သ့လၢအကူၣ်သ့တၢ်တဂၤလၢအဂီၢ်, ဒ်သိးအကက တဲာ်ကတီၤတၢ်ဂီၤ စိးပျၤအသးတဖျၢၣ်လၢအတဟူးတ ဝးဘၣ်န့ၣ်လီၤ.
21 သုတသ့ၣ်ညါဘၣ်ဧါ.သုတနၢ်ဟူဘၣ်ဧါ. လၢအခီၣ် ထံးလံၤလံၤန့ၣ်တၢ်တစံးဘၣ်သုဘၣ်ဧါ. လၢဟီၣ်ခိၣ်အ ခီၣ်ထံးတဖၣ်အိၣ်ထီၣ်လံၤလံၤန့ၣ်သုနၢ်တပၢၢ်ဘၣ်ဧါ.
22 မ့ၢ်ပှၤလၢအဆ့ၣ်နီၤလၢ ဟီၣ်ထံးမူထံးအကဝီၤအဖီ ခိၣ်,ဒီးပှၤအိၣ်ဝဲဆိးဝဲတဖၣ်န့ၣ် မၤသးဒ်ဒွဲၣ်ဧိၤတြၤဧိၤအ သိး, ပှၤလၢအသလၣ်ထီၣ်မူခိၣ်ဒ်ယၣ်သဒၢတၢ်အသိး, ဒီးစၢၢ်ထီၣ်အီၤ ဒ်ဒဲလၢပှၤကအိၣ်ကဆိးလၢအပူၤအသိး န့ၣ်, 23 ပှၤလၢအပာ်ပဒိၣ်ဖးဒိၣ်တဖၣ်လၢတၢ်နီတမံၤ, ဟီၣ်ခိၣ်အပှၤစံၣ်ညီၣ်ကွီၢ်န့ၣ် လၢတၢ်ကလီကလီန့ၣ် လီၤ.
24 မ့ၢ်မးတသူၣ်ဘၣ်အသးဘၣ်, မ့ၢ်မးတဖှံဘၣ်အသး ဘၣ်, မ့ၢ်မးအထူၣ်အဂံၢ် တစဲၤလီၤအသးလၢဟီၣ်ခိၣ် လာ်ဘၣ်. ဒီးထဲယွၤအူဘၣ်အီၤ,ဒီးလီၤညွံး,ဒီးကလံၤသ ဝံးကစိာ်ထီၣ်ကွံာ်အီၤဒ်ဖ့ဧိၤဃာ်ဧိၤအသိးန့ၣ်လီၤ.
25 ဒီးသုကဒိလီၤယၤဒီးမတၤတဂၤလဲၣ်. ဒီးယကဒ်သိး ဒီးမတၤတဂၤလဲၣ်. တၢ်စီဆှံတဂၤစံးဝဲဒၣ်.
26 ကျ့ထီၣ်သုမဲာ်ဆူတၢ်ထီၣ်ထီ,ဒီးမ့ၢ်မတၤမတၤတ့တၢ် တဖၣ်အံၤန့ၣ်ကွၢ်တက့ၢ်. ပှၤလၢအဆှၢထီၣ်အသုးမုၢ်ဂီၢ် မုၢ်, ဒ်အတၢ်ဂံၢ်အသိးန့ၣ်မ့ၢ်မတၤတဂၤလဲၣ်. ကိးအီၤ လၢအမံၤခဲလၢာ်လီၤ. မ့ၢ်လၢအဂံၢ်ဆူၣ်အဘါဆူၣ်, ဒီး အစိဒိၣ်အကမီၤထီသတးဒီး, တဟါမၢ်ဘၣ်နီတမံၤဘၣ်.
27 နဲဒၣ်နစံး,ယၤကိာ်ဧၢ, ဒီးနကတိၤတၢ်,အံၣ်စရ့လး ဧၢ,ယကျဲအိၣ်တဒၢလၢယွၤ, ဒီးယတၢ်စံၣ်ညီၣ်လဲၤပူၤ ကွံာ်လၢယကစၢ်န့ၣ်မ့ၢ်အဘၣ်မနုၤလဲၣ်. 28 နတသ့ၣ်ညါ ဘၣ်ဧါ, နတနၢ်ဟူဘၣ်ဧါ. ယွၤမ့ၢ်ကစၢ်အထူအယိာ်, တၢ်တ့လီၤဟီၣ်ခိၣ် အကတၢၢ်တဖၣ်န့ၣ်တလီၤဘှါဘၣ် ဒီးတၢ်တဘှံးဘၣ်အသးဘၣ်. အသူၣ်ဆးအသးဆးန့ၣ် ပှၤဃုတဘၣ်ဘၣ်.
29 ပှၤလၢအလီၤဘှါန့ၣ် ယွၤဟ့ၣ်ဝဲလၢအဂံၢ်အဘါလီၤ. ဒီးပှၤလၢအဂံၢ်အဘါတအိၣ်ဘၣ်န့ၣ် ဒုးဆူၣ်ထီၣ်ဝဲအ ဂံၢ်အဘါလီၤ.
30 ဒီးပှၤဖိၣ်သၣ်ခွါန့ၣ်ကလီၤဘှါ, ဒီးတၢ်ကဘှံးအသး, ဒီးပှၤဃုထၢဖိန့ၣ်အဂံၢ်အဘါကစၢ်လီၤ, ကစၢ်လီၤဝဲ လီၤ. 31 မ့မ့ၢ်ပှၤလၢအမုၢ်လၢ်တၢ်လၢယွၤန့ၣ်အဂံၢ်အဘါ ကဆူၣ်ထီၣ်လီၤ. ကယူာ်ထီၣ်အဒံးဆ့ဒ်လံာ်ဧိၤတြၤဧိၤ အသိး,ကဃ့ၢ်ဝဲဒီးတၢ်တဘှံးဘၣ်အသးဘၣ်,ဒီးကလဲၤ တၢ်ဒီးတလီၤဘှံးလီၤတီၤဘၣ်လီၤ.