32
1 ကွၢ်ကွၢ်,စီၤပၤတဂၤကပၢတၢ်လၢ တၢ်တီတၢ်လိၤအ ဂီၢ်,ဒီးပဒိၣ်တဂၤကစံၣ်ညီၣ်တၢ်လၢတၢ်တီအဂီၢ်လီၤ.
2 ဒီးပှၤတဂၤကမၤသးဒ် တၢ်အိၣ်တဒၢအလီၢ်လၢ က လံၤအမဲာ်ညါ, ဒီးတၢ်တဒီအလီၢ် လၢတၢ်ဟဲစူၤအမဲာ် ညါအသိး, ဒ်ထံကျိလၢအလီၢ်ဃ့အသိး, ဒ်လၢၢ်ဒိၣ်အ ကဒုလၢတၢ်ဘှံးသးအကီၢ်ပူၤအသိးန့ၣ်လီၤ.
3 ဒီးပှၤလၢအထံၣ်တၢ်တဖၣ် အမဲာ်တခံးဘၣ်, ဒီးပှၤ လၢအနၢ်ဟူတၢ်တဖၣ်အနၢ်ကနၢ်ဟူတၢ်လီၤ.
4 ဒီးပှၤ လၢအတဒိးတိၢ်ဘၣ်အသးတဖၣ် အနၢ်ကပၢၢ်တၢ်သ့ၣ် ညါ, ဒီးပှၤလၢအကတိၤတၢ်အုးအးတဖၣ်အပျ့ၤကက တိၤတၢ်ကျါလီၤ.
5 ပှၤဟးဂီၤဖိန့ၣ် ပှၤတကိးလၢၤဘၣ်အီၤလၢပှၤအဒိၣ် ဘၣ်,ဒီးပှၤအပံာ်န့ၣ်ပှၤတစံးလၢၤလၢအဂ့ၢ်,ပှၤအချီဘၣ်.
6 အဂ့ၢ်ဒ်အံၤ, ပှၤဟးဂီၤဖိကကတိၤတၢ်ဟးဂီၤ, ဒီးအ သးကမၤအၢတၢ်, ဒ်သိးအကမၤတၢ်အၢ, ဒီးကတိၤက မၣ်ဘၣ်ယွၤ, ဒီးဒ်သိးကဒုးအိၣ်ကလီ ပှၤတၢ်သၣ်ဝံၤအ သးန့ၣ်အသး, ဒီးဒုးလၢာ်ကွံာ်ပှၤတၢ်သူအသးလၢထံ အတၢ်အီလီၤ.
7 ပှၤအပံာ်အစုကဝဲၤန့ၣ် မ့ၢ်တၢ်အအၢလီၤ. ကူၣ်ထီၣ် တၢ်ကူၣ်အၢဒ်သိးအကမၤဟးဂီၤပှၤလၢ အဖှီၣ်အယာ် လၢတၢ်ကတိၤကဘျံးကဘျၣ်, ဖဲပှၤဖှီၣ်ဖိယာ်ဖိကတိၤ တၢ်တီန့ၣ်လီၤ.
8 မ့မ့ၢ်ပှၤအချီန့ၣ်ကူၣ်ထီၣ်တၢ်အချီတဖၣ်, ဒီးဆၢထၢၣ် ဝဲလၢတၢ်အချီတဖၣ်အဃိလီၤ.
9 ပှၤလၢအတပလီၢ်ဘၣ်အသးဘၣ်ပိာ်မုၣ်သ့ၣ်ဧၢ, ဂဲၤ ဆၢထၢၣ်, ကနၣ်ယကလုၢ်တက့ၢ်. ဖိမုၣ်လၢအသူၣ်မံ သးမံလၢတၢ်သ့ၣ်ဧၢ,ဒိကနၣ်ယတၢ်ကတိၤတက့ၢ်.
10 နံၤတဖၣ်လၢ တနံၣ်အဖီခိၣ်သုကကနိး, ပိာ်မုၣ်လၢ တပလီၢ်အသးသ့ၣ်ဧၢ, အဂ့ၢ်ဒ်အံၤ,တၢ်ထၢဖှိၣ်စပံးသၣ် တအိၣ်ဘၣ်,တၢ်ဂၢ်ဖှိၣ်အကတီၢ်တဟဲဘၣ်.
11 ကနိး, ပှၤတပလီၢ်ဘၣ်အသးပိာ်မုၣ်သ့ၣ်ဧၢ,ကနိးက စုာ်, ပှၤလၢအသူၣ်မံသးမံလၢတၢ်သ့ၣ်ဧၢ, ဘ့ၣ်ကွံာ်ဆ့ ဒီးအိၣ်ဘ့ၣ်ဆ့,ဒီးကံၢ်တူာ်တၢ်လၢသုယီၢ်ဒ့န့ၣ်တက့ၢ်.
12 ပှၤကဒဲလီၤအသးနါပှၢ်လၢဟီၣ်ခိၣ်အကဝီၤမုာ်အဃိ, လၢစပံးမုၢ်လၢအသၣ်ထီၣ်တၢ်အဃိလီၤ.
13 လၢယပှၤဂီၢ်မုၢ်အကီၢ်ပူၤန့ၣ် တၤဆှုၣ်တၤမဲကမဲထီၣ် လီၤ. မ့ၢ်မးလၢကယဲၢ်တၢ်သူၣ်ဖှံသးညီအဟံၣ်အဖီခိၣ်, လၢတၢ်သးပိၢ်အဝ့ၢ်ပူၤန့ၣ်လီၤ.
14 အဂ့ၢ်ဒ်အံၤ, တၢ်လဲၤသဒၣ်လံနူၢ်, ဝ့ၢ်အပှၤဂီၢ်မုၢ်န့ၣ် ပှၤလဲၤသဒၣ်လံအီၤလံ. တၢ်စိခိၣ်,ဒီးတၢးခိးတၢ်ကဲထီၣ် တၢ်အိပူၤလီၤထူလီၤယိာ်,ကသ့ၣ်ယီၤမံၤအတဝၢမုာ်,ဒီး ဆၣ်ဖိကီၢ်ဖိအဖုတဖၣ် အအီၣ်ဆၣ်အလီၢ်,
15 တုၤလီၤ လၢတၢ်လူလီၤဂၢ်လီၤသးလၢထးန့ၣ်လၢပလိၤ,ဒီးပှၢ်မုၢ် ကနၢကဲထီၣ်ဟီၣ်ခိၣ်အကဝီၤလၢအသၣ်ထီၣ်တၢ်, ဒီး တၢ်ပာ်ဟီၣ်ခိၣ်အကဝီၤလၢ အသၣ်ထီၣ်တၢ်န့ၣ်လၢပှၢ် ဒိၣ်လာ်လီၤ.
16 ဒီးတၢ်စံၣ်ညီၣ်တီကအိၣ်လၢပှၢ်မုၢ်ကနၢ, ဒီးတၢ်တီ တၢ်လိၤကအိၣ်ကဆိးလၢ ဟီၣ်ခိၣ်အကဝီၤလၢအသၣ် ထီၣ်တၢ်အပူၤလီၤ.
17 ဒီးတၢ်တီတၢ်လိၤအမၤတၢ်န့ၣ်က မ့ၢ်တၢ်မုာ်တၢ်ဖိး, ဒီးတၢ်တီတၢ်လိၤအတၢ်ကဲထီၣ်န့ၣ် ကမ့ၢ်တၢ်အိၣ်ဘှံးဒီး တၢ်သူၣ်မံသးမံ လီၤထူလီၤယိာ် လီၤ.
18 ဒီးယပှၤတကလုာ်ကအိၣ်လၢတၢ်အလီၢ်လီၤစံာ်မုာ်, လၢတၢ်အိၣ်တၢ်ဆိးအလီၢ်ကျၢၤ, ဒီးလၢတၢ်အိၣ်ဘှံးအ လီၢ်မုာ်ယုာ်အပူၤလီၤ.
19 ဒီးတၢ်ကဟဲစူၤလၢသူၣ် တုၤသ့ၣ်ကလီၤကၢ်လၢ ပှၢ် ဒိၣ်လာ်, ဒီးဝ့ၢ်န့ၣ် ကဘၣ်တၢ်ဆီၣ်လီၤအီၤသပှၢ်တၢၢ် လီၤ.
20 ပှၤလၢအဖှံတၢ်လၢထံခဲလၢာ်အနံၤ, လၢအမၢလီၤဂီၤ ဖံးဒီးကသ့ၣ်ယီၤအခီၣ်တဖၣ်န့ၣ်ဘၣ်ဆိၣ်ဂ့ၤဝဲလီၤ.