26
1 လၢမုၢ်တနံၤန့ၣ် ပှၤကသးဝံၣ်တၢ်သးဝံၣ်အံၤလၢကီၢ် ယူဒၤအပူၤ, ပအိၣ်ဒီးဝ့ၢ်ခၢၣ်သနၢၢ်တဖျၢၣ်လီၤ.အဝဲဒၣ် ကပာ်တၢ်အုၣ်က့ၤခီၣ်က့ၤလၢအခိၣ်ဒူ, ဒီးအခိၣ်ဒူလၢခိ န့ၣ်လီၤ.
2 အိးထီၣ်ပဲတရီ, ဒီးဒုးလဲၤနုာ်ပှၤအတီအလိၤ တက လုာ်လၢအတိၢ်န့ၢ်တၢ်မ့ၢ်တၢ်တီန့ၣ်တက့ၢ်.
3 ပှၤအသးလၢ အသန့ၤအသးလၢနၤန့ၣ် နကပၢၤအီၤ လၢတၢ်ဃူတၢ်ဖိးအလၢအပှဲၤန့ၣ်လီၤ. အဂ့ၢ်ဒ်အံၤ, သ န့ၤအသးလၢနၤလီၤ.
4 သန့ၤသုသးလၢယွၤလီၤစိၤလီၤထီတက့ၢ်. အဂ့ၢ်ဒ် အံၤ, လၢကစၢ်ယွၤအပူၤန့ၣ်လၢၢ်အထူအယိာ်အိၣ်ဝဲတ ဖျၢၣ်လီၤ.
5 အဂ့ၢ်ဒ်အံၤ, ဆီၣ်လီၤပှၤအိၣ်ဝဲဆိးဝဲ လၢအလီၢ်ထီၣ် ထီ,ဝ့ၢ်အိၣ်ထီၣ်ထီတဖျၢၣ်မၤလီၤပှီၢ်,မၤလီၤဃူဝဲဒီးဟီၣ် ခိၣ်, ဆီၣ်လီၤအီၤပၢၢ်လၢဟီၣ်ခိၣ်အကမူၣ်လီၤ.
6 ပှၤအ ခီၣ်ကယီၢ်လီၤအီၤ, ပှၤဘၣ်ဖှီၣ်ဘၣ်နးအခီၣ်, ပှၤဂံၢ်စၢ် ဘါစၢ်အခီၣ်လီၤ.
7 ပှၤတီအကျဲန့ၣ်လိၤဝဲလီၤ.တၢ်တီတၢ်လိၤတဂၤန့ၣ်က မၤဃူပှၤတီအကျဲလီၤ.
8 လၢနစံၣ်ညီၣ်တၢ်အကျဲန့ၣ်ပကွၢ်လၢ်တ့ၢ်စ့ၢ်ကီးနကျဲ လီၤ,ယွၤဧၢ.ပသးဆၢန့ၢ်နမံၤ,ဒီးတၢ်သ့ၣ်နီၣ်ထီၣ်က့ၤနၤ လီၤ.
9 ယဆၢန့ၢ်တ့ၢ်နၤလၢယသးလၢမုၢ်နၤ, မ့ၢ်မးယကဃု နၤလၢယသးလၢယပူၤဂီၤဂီၤလီၤ.အဂ့ၢ်ဒ်အံၤ, တုၤနတၢ် စံၣ်ညီၣ်အိၣ်လၢဟီၣ်ခိၣ်ချၢဒီး, ပှၤဟီၣ်ခိၣ်ဖိကမၤလိ တၢ်တီတၢ်လိၤလီၤ.
10 ပှၤတတီတလိၤဘၣ်ဘျုးဘၣ်ဖှိၣ်ဘၣ်ဆၣ်ဒီး, တမၤ လိဘၣ်တၢ်တီတၢ်လိၤဘၣ်. လၢတၢ်လိၤအကီၢ်ပူၤန့ၣ် ကမၤတၢ်ဒၢက့ၣ်ဒၢကူ, ဒီးတထံၣ်ဘၣ်ယွၤအကဟုက ညီၢ်ဘၣ်.
11 ယွၤဧၢ, နစုအိၣ်ထီၣ်ထီအဝဲသ့ၣ်ထံၣ်ဝဲန့ၣ်အသးတ အိၣ်ဘၣ်. ကထံၣ်ဘၣ်ဝဲ,ဒီးအမဲာ်ကဆှး,နသးဆူၣ်လၢ နပှၤဂီၢ်မုၢ်အဂီၢ်,မ့ၢ်မးနဒုၣ်နဒါအမ့ၣ်အူကအီၣ်ကွံာ်အီၤ လီၤ.
12 ယွၤဧၢ,နကဟ့ၣ်ပှၤလၢတၢ်ဃူတၢ်ဖိးလီၤ.အဂ့ၢ်ဒ်အံၤ ကယဲၢ်ပမၤတၢ်န့ၣ်ဒၣ်လဲာ်နမၤလၢပဂီၢ်လီၤ.
13 ယွၤပကစၢ်ဧၢ,ကစၢ်အဂၤတဖၣ်ပၢတ့ၢ်ပှၤလီၤ.နဲဒၣ်, နမံၤဒၣ်လဲာ်ပကဒုးသ့ၣ်နီၣ်ထီၣ်က့ၤအီၤလီၤ.
14 အဝဲသ့ၣ်န့ၣ်သံလံ, ဒီးတမူဘၣ်ဝဲဘၣ်.မ့ၢ်ပှၤလီၤတဲာ် ဖိ,ဒီးတဂဲၤဆၢထၢၣ်ဘၣ်. မၤသးဒ်န့ၣ်ဒီးနအိၣ်သကိး တ့ၢ်ဒီးမၤဟးဂီၤလံအီၤ, ဒီးနမၤဟးဂီၤလံကယဲၢ်တၢ်ဒုး သ့ၣ်နီၣ်ထီၣ်အီၤလံ.
15 နမၤအါထီၣ်လံပှၤတကလုာ်လံ,ယွၤဧၢ,နမၤအါထီၣ် လံပှၤတကလုာ်လံ, နမၤလၤကပီၤနသးလံ, နပာ်ယံၤ ထီၣ်လံထံသနၢၣ်ကီၢ်သနၢၣ်ခဲလၢာ်လံ.
16 ယွၤဧၢ, လၢအဘၣ်တၢ်ကိၢ်တၢ်ဂီၤန့ၣ်အိၣ်သကိးနၤ လီၤ, ကတိၤဝဲကသွံဒံဖဲနတၢ်သိၣ်ဃီၣ်အိၣ်ဝဲလၢအလိၤ လီၤ.
17 ဒ်ပှၤဒၢတၢ်အမုၢ်အလါ ဘၣ်ဘူးတ့ၢ်လၢအကဆံးစၢ် တၢ်,ဒီးအဟုးဆါ, ဒီးလၢအဘၣ်တၢ်ဆိးကဲးန့ၣ်ကိးပ သူထီၣ်အသိးန့ၣ် ပအိၣ်တ့ၢ်ပဝဲလၢနမဲာ်ညါဒ်န့ၣ်သိး ယွၤဧၢ.
18 ပဒၢထီၣ်လံ, ပဘၣ်တၢ်ဟုးဆါလံ,တၢ်မၤအသးဒ်ပ ဆံးစၢ်ကလံၤအသိးန့ၣ်လီၤ.ပအုၣ်က့ၤခီၣ်က့ၤထံဧိၤကီၢ် ဧိၤတသ့ဘၣ်, ဒီးပမၤလီၤဃံၤပှၤဟီၣ်ခိၣ်ဖိတသ့ဘၣ် လီၤ.
19 နပှၤသံန့ၣ်ကမူထီၣ်, ယပှၤအစိၣ်တဖၣ် ကဂဲၤဆၢ ထၢၣ်လီၤ.ဖုသံနီၣ်ထီၣ်ဒီးသးဝံၣ်တၢ်, ပှၤလၢအအိၣ်အ ဆိးလၢဟီၣ်ခိၣ်အကမူၣ်ကျါသ့ၣ်ဧၢ. အဂ့ၢ်ဒ်အံၤ,ဒ်နီၣ် ဧိၤမံၤဧိၤအပစီၤထံအသိးန့ၣ်မ့ၢ်နပစီၤထံ, ဒီးဟီၣ်ခိၣ်က ဟ့ၣ်ထီၣ်က့ၤပှၤသံတဖၣ်လီၤ.
20 ဟဲ, ယပှၤဂီၢ်မုၢ်သ့ၣ်ဧၢ, လဲၤနုာ်လၢနဒၢးပူၤ,ဒီးကး တံာ်ဃာ်တြဲၤလၢနလီၢ်ခံတက့ၢ်. ပာ်ခူသူၣ်နသးတစိၢ်ဖိ တုၤတၢ်သးကဲၤထီၣ်လဲၤပူၤကွံာ်န့ၣ်တက့ၢ်.
21 အဂ့ၢ်ဒ်အံၤ, ကွၢ်ကွၢ်, ယွၤဟဲဝဲလၢအလီၢ်ပူၤဒ်သိးအ ကဒုးအိၣ်သကိး ပှၤဟီၣ်ခိၣ်ဖိအတၢ်ဒဲးဘးလၢအလိၤ, ဒီးဟီၣ်ခိၣ်ကလီၣ်ဖျါထီၣ်အသွံၣ်, ဒီးတကျၢၢ်ဘၢလၢၤ ဘၣ်အပှၤဘၣ်တၢ်မၤသံအီၤဘၣ်.