22
1 တၢ်အကလုၢ်လီၤလၢ တၢ်ထံၣ်တၢ်အကစၢၢ်ကဆူး အဂ့ၢ်အကျိၤ.တၢ်ဘၣ်နၤလၢနလဲၤထီၣ်ဆူဟံၣ်ခိၣ်ခဲလၢာ်ခဲဆ့န့ၣ် လၢမနုၤတမံၤလဲၣ်.
2 ပှဲၤဒီးတၢ်တၢထီၣ်တၢလီၤ,ဝ့ၢ်လၢအသီၣ်တၢ်တဖျၢၣ်, ဝ့ၢ်လၢအသးခုတၢ်တဖျၢၣ်ဧၢ, နပှၤလၢအဘၣ်တၢ်မၤသံ အီၤတဖၣ်တဘၣ်တၢ်မၤသံအီၤလၢနးဘၣ်. တမ့ၢ်ဘၣ် အသံဝဲလၢဒုးတၢ်အပူၤဘၣ်.
3 နပဒိၣ်ဃ့ၢ်ဝဲတပူၤဃီလၢချံၣ်ဧိၤပျၢ်ဧိၤအမဲာ်ညါ, ဘၣ် တၢ်စၢဃာ်ဝဲ, ကယဲၢ်ပှၤလၢတၢ်ထံၣ်န့ၢ်အီၤလၢနပူၤန့ၣ် ဘၣ်တၢ်စၢဃာ်အီၤတပူၤဃီ,ဃ့ၢ်တၢ်လၢအယံၤလီၤ.
4 မၤသးဒ်န့ၣ်ဒီးယစံး, ကွၢ်ကပာ်ယၤတက့ၢ်. ဒုးဟီၣ် ယၤနးနးကလဲာ်တက့ၢ်. ဂုာ်မၤမုာ်ထီၣ်က့ၤယၤလၢယ ပှၤဂီၢ်မုၢ်အဖိမုၣ်အတၢ်အိၣ်သယုၢ်အဃိန့ၣ်တဂ့ၤ.
5 အဂ့ၢ်ဒ်အံၤ, တၢ်ကိၢ်တၢ်ဂီၤ, ဒီးတၢ်ယီၢ်တံၢ်လီၤ, ဒီး တၢ်သးဒ့ဒီအမုၢ်တနံၤ အိၣ်ဒီးတၢ်သုးမုၢ်ဂီၢ်မုၢ်အယွၤ, လၢတၢ်ထံၣ်တၢ်အကစၢၢ်ကဆူးအပူၤန့ၣ်လီၤ. မၤလီၤ ပှီၢ်ကွံာ်တၢ်အခိၣ်ဒူ, ဒီးတၢ်ကိးထီၣ်ဆူကစၢၢ်ကလိန့ၣ် လီၤ.
6 ဧ့ၤလၣ်စိာ်လၢပီၤ, အိၣ်ဒီးလ့ၣ်ကဟၣ်, ပှၤခီၣ်သုးဖိ, ဒီးပှၤဒိးကသ့ၣ်လီၤ. ဒီးကံၢ်န့ၣ်ဘ့ၣ်ထီၣ်ကွံာ်ကတီၤ လီၤ.
7 ဒီးတၢ်မၤအသးလၢနကစၢၢ်ကဆူးလၢအဘၣ်တၢ်ဃု ထၢအီၤန့ၣ်ပှဲၤဝဲဒီးလ့ၣ်ကဟၣ်, ဒီးပှၤဒိးကသ့ၣ်န့ၣ်ပာ် လီၤအသးဖဲပဲတရီန့ၣ်လီၤ.
8 ဒီးတၢ်ထုးထီၣ်ကွံာ်တၢ်ကျၢၢ်ဘၢယူဒၤ,ဒီးတၢ်လၢမုၢ်တနံၤန့ၣ်,နကွၢ်ဆူပှၢ်လၢ်ကျါအဟံၣ်အစုကဝဲၤလီၤ.-
9 ဒီးတၢ်လီၤပှီၢ်အလီၢ် လၢစီၤဒၤဝံးအဝ့ၢ်ပူၤန့ၣ် သုထံၣ် ဘၣ်ဝဲလၢအအိၣ်အါပူၤလီၤ. ဒီးသုဒုးအိၣ်ဖှိၣ် နိၣ်လၢ လာ်ခီတပူၤအထံလီၤ.
10 ဒီးဟံၣ်အိၣ်ဝဲလၢယရူၤၡလ့ၣ် အပူၤသုဂံၢ်ဝဲ, ဒီးသုရူၢ်လီၤကွံာ်ဟံၣ်တဖၣ် ဒ်သိးသုက မၤက့ၤအခိၣ်ဒူလီၤ.
11 ဒီးသုမၤကမါတပူၤလၢခိၣ်ဒူခံတီၤ အဘၢၣ်စၢၤလၢ နိၣ်လီၢ်လံၤအထံအဂီၢ်လီၤ. ဒီးပှၤလၢအတ့ဝဲတဂၤန့ၣ် သုတကွၢ်ဆူအအိၣ်ဘၣ်, ဒီးပှၤလၢအမၤအီၤတဂၤန့ၣ် သုတထံၣ်ဘၣ်အီၤဘၣ်.
12 ဒီးတၢ်လၢမုၢ်တနံၤန့ၣ် တၢ်သုးမုၢ်ဂီၢ်မုၢ်အကစၢ်ယွၤ မၤလိာ်တၢ်ဟီၣ်တၢ်ယၢၤ, ဒီးတၢ်သူၣ်အုးသးအုး,ဒီးခိၣ်ကျၤနၢ်ကျၤ, ဒီးတၢ်ကံၢ်တူာ်တၢ်ယီၢ်ဒ့ဒီးထၢၣ်အတၢ် ကံးညာ်လီၤ.
13 ဒီးကွၢ်ကွၢ်,တၢ်သူၣ်ဖှံသးညီ, ဒီးတၢ်သူၣ်ခုသးခု,တၢ် မၤသံဂီၤဖံး,ဒီးတၢ်ကျီသံသိ,တၢ်အီၣ်တၢ်ညၣ်,ဒီးတၢ်အီ စပံးထံလီၤ.အီၣ်သကိး,ဒီးအီသကိးတက့ၢ်.အဂ့ၢ်ဒ်အံၤ, ခဲဂီၤကိာ်ပကသံလီၤ.
14 ဒီးတၢ်သုးမုၢ်ဂီၢ်မုၢ်အယွၤ လီၣ်ဖျါထီၣ်အသးလၢယ နၢ်ပူၤ, တၢ်အၢအံၤတၢ်တမၤပူၤမၤဖျဲးဘၣ်တုၤသုသံန့ၣ် လ့ၤတက့ၤဘၣ်,ကစၢ်, တၢ်သုးမုၢ်ဂီၢ်မုၢ်အယွၤစံးဝဲဒၣ် လီၤ.
15 ကစၢ်, တၢ်သုးမုၢ်ဂီၢ်မုၢ် အယွၤစံးဝဲဒ်အံၤ,လဲၤတၢ်, လဲၤနုာ်ဆူပှၤပၢၤတၢ်ပာ်ဖှိၣ်,စီၤၡၤဘနၤ, လၢအအိၣ်လၢ ဟံၣ်အဖီခိၣ်တဂၤအအိၣ်န့ၣ်တက့ၢ်.
16 နတၢ်အိၣ်ဖဲအံၤ မ့ၢ်မနုၤတမံၤလဲၣ်. ပှၤအိၣ်ဒီးနၤဖဲအံၤလၢနစိးတၢ်သွၣ် ခိၣ်တပူၤလၢနဂီၢ်မ့ၢ်မတၤတဂၤလဲၣ်. စိးအသွၣ်ခိၣ်ပူၤ လၢအလီၢ်ထီၣ်ထီ,ဘၢၣ်အအိၣ်အလီၢ်လၢလၢၢ်ပူၤလီၤ.
17 ကွၢ်ကွၢ်,ယွၤကွံာ်တ့ၢ်ကွံာ်နၤလၢတၢ်ကွံာ်တ့ၢ်, ပှၤက ညီဧၢ,ဒီးလုၣ်ဘၢနၤလၢတၢ်လုၣ်ဘၢလီၤ.
18 တလ့ၣ်ဒီး ကတလ့ၣ်နၤ, ဒ်တၢ်ဖျၢၣ်သလၢၣ်တဖျၢၣ်ဆူကီၢ်ဖးလဲၢ် အပူၤအသိးန့ၣ်လီၤ. ဖဲန့ၣ်နကသံ,ဒီးဖဲန့ၣ်နလ့ၣ်ကဟၣ် အိၣ်ဒီးအလၤကပီၤလီၤ.နကစၢ်အဟံၣ်ကမဲာ်ဆှးလီၤ.
19 ဒီးယကဟီထီၣ်ကွံာ်နၤလၢနအိၣ်အလီၢ်န့ၣ်, ဒီးလၢ နမၤတၢ်အလီၢ်န့ၣ်ကထုးလီၤကွံာ်နၤလီၤ.
20 ဒီးလၢမုၢ်တ နံၤန့ၣ်တၢ်ကမၤအသးလၢ ယကကိးန့ၢ်ယခ့ယပှၤ စီၤ ဃံးလကံယၤအဖိခွါစီၤအ့ၤလယါကံၣ်,
21 ဒီးယကဒုးသိး အီၤလၢနဆ့, ဒီးယကဒုးဆူၣ်ထီၣ်အီၤလၢနယီၢ်တကိး န့ၣ်, ဒီးနစိနကမီၤယကဟ့ၣ်လီၤလၢအစုပူၤ, ဒီးကကဲ ထီၣ်ပှၤအိၣ်ဝဲဆိးဝဲလၢယရူၤၡလ့ၣ်အပူၤ, ဒီးယူဒၤအပှၤ ဟံၣ်ဖိအပၢ်လီၤ.
22 ဒီးယကပာ်စီၤဒၤဝံး အဟံၣ်အသိးလၢအဖံဘၣ်ခိၣ် လီၤ.ကအိးထီၣ်တၢ်, ဒီးတၢ်ကးတံာ်ဃာ်န့ၣ် တအိၣ် ဘၣ်, ဒီးကကးတံာ်ဃာ်တၢ်, ဒီးတၢ်အိးထီၣ်တၢ်န့ၣ်တ အိၣ်ဘၣ်.
23 ဒီးယကမၤကျၢၤအီၤဒ်ပနဲာ်လၢအလီၢ်ခၢၣ် သနၢၢ်အသိး, ဒီးကကဲထီၣ်လီၢ်ပစိာ်အိၣ်ဒီးအလၤက ပီၤလၢအပၢ်အဟံၣ်အဂီၢ်လီၤ.
24 ဒီးပှၤကဘျးထီၣ်အပၢ် အဟံၣ်အလၤကပီၤခဲလၢာ် လၢအလိၤ, တၢ်ဟဲထီၣ်ဒီးတၢ်လီၤစၢၤ, ကယဲၢ်သလၢ ဖိ,လၢသလၢအဖျၢၣ်ပၢၢ်လၢပလီကိးကလုာ်ဒဲးလီၤ.
25 တၢ်သုးမုၢ်ဂီၢ်မုၢ်အယွၤစံးဝဲဒၣ်, တၢ်လၢမုၢ်တနံၤန့ၣ် ပနဲာ်အိၣ်ကျၢၤလၢအလီၢ်ခၢၣ်သနၢၢ် တဘိကဘၣ်တၢ် ထုးကွံာ်အီၤ, ဒီးတၢ်ကပဲာ်ကွံာ်အီၤ, ဒီးအတၢ်ကလီၤ တဲာ်, ဒီးတၢ်အဃၢလၢအအိၣ်ဝဲလၢအလိၤန့ၣ်ကဘၣ် တၢ်ဒီၣ်တဲာ်ကွံာ်အီၤလီၤ. အဂ့ၢ်ဒ်အံၤ, ယွၤကတိၤတၢ် လီၤ.