14
1 အဂ့ၢ်ဒ်အံၤ, ယွၤကသးကညီၤယၤကိာ်, ဒီးဃုထၢဒံး အံၣ်စရ့လး, ဒီးကဒုးအိၣ်ဘှံးအီၤလၢအကီၢ်ဒၣ်ဝဲအပူၤ, ဒီးတခီဘီမုၢ်ဖိကရ့လိာ်အသးဒီးအီၤ, ဒီးကစဲဘူးဒီးယၤ ကိာ်အဟံၣ်လီၤ.
2 ဒီးပှၤကလုာ်တဖၣ်န့ၣ်ကဟံးန့ၢ်အီၤ, ဒီးဟဲစိာ်အီၤဆူ အလီၢ်ဒၣ်ဝဲ, ဒီးအံၣ်စရ့လးအဟံၣ်ဖိကမၤန့ၢ်အီၤလၢ ယွၤအကီၢ်ပူၤလၢအကုၢ်အပှၤပိာ်ခွါအဂီၢ်, ဒီးလၢအကုၢ် အပှၤပိာ်မုၣ်အဂီၢ်, ဒီးကပၢပှၤလၢအမၤဆူၣ်မၤစိးအီၤ လီၤ.
3 ဒီးတၢ်ကမၤအသးလၢမုၢ်တနံၤလၢယွၤဒုးအိၣ်ဘှံးနၤ လၢနတၢ်သူၣ်အုးသးအုး, ဒီးနတၢ်ကိၢ်တၢ်ဂီၤ, ဒီးနမၤ တၢ်ကီလၢတၢ်ဒုးမၤနၤဒီး,
4 နကစံၣ်ဃဲၤတၢ်ကတိၤဒိအံၤ လၢဘၤဘူၤလိၣ်အစီၤပၤအဂ့ၢ်အကျိၤ, ဒီးနကစံး, ပှၤမၤ အၢတၢ်န့ၣ်လၢာ်ကွံာ်ဒ်လဲၣ်, ဝ့ၢ်ထူန့ၣ်လၢာ်ကွံာ်ဒ်လဲၣ်.
5 ယွၤမၤကၢ်လံပှၤအၢဖိအနီၣ်တီၢ်, ပှၤပၢတၢ်အနီၣ် ထိး,
6 ပှၤလၢအတီၢ်ပှၤကလုာ်တဖၣ်လၢအသးထီၣ်,ဒီး တအိၣ်ကတီၢ်ဘၣ်. ဒီးပၢဝဲပှၤကလုာ်တဖၣ်လၢအသး ကဲၤထီၣ်,ဒီးတၢ်တြီအီၤတအိၣ်ဘၣ်.
7 ပှၤဟီၣ်ခိၣ်ဖိအိၣ်ဘှံး, ဒီးအိၣ်ဃိကလံာ်ခဲလၢာ်လီၤ. သးဝံၣ်သံကျံထီၣ်တၢ်လီၤ.
8 သ့ၣ်ဆှိသးခုစ့ၢ်ကီးလၢနဖီ ခိၣ်,လဘၤနိၣ်အသ့ၣ်ဆှိအ့ရ့းစံးဝဲ, လၢနတကူၢ်အလီၢ် ခံန့ၣ်ပှၤကူာ်လီၤတၢ်တဟဲထီၣ်ထီဒါပှၤဘၣ်.
9 ပျုၤပူၤလၢလာ်ခီဟူးဝးဝဲလၢနဂ့ၢ်နကျိၤ ဒ်သိးတုၤန ဟဲဒီး,အကသဂၢၢ်နၤလီၤ.ထိၣ်ဂဲၤဝဲပှၤနီၢ်ဒိၣ်ဖိလၢနဂီၢ်, ကယဲၢ်ဟီၣ်ခိၣ်အဒိၣ်ခဲလၢာ်, ဒုးဂဲၤဆၢထၢၣ်ပှၤကလုာ် အစီၤပၤခဲလၢာ်လၢအလီၢ်ပစိာ်န့ၣ်လီၤ.
10 အဝဲသ့ၣ်ခဲလၢာ်ကကတိၤတၢ်ဒီးစံးဘၣ်နၤ, နဲဒၣ်, န လီၤစၢ်စ့ၢ်ကီးဒ်ပဝဲအသိးန့ၣ်ဧါ, နကဲထီၣ်တၢ်ဒ်ပဝဲအ သိးန့ၣ်စ့ၢ်ကီးဧါ.
11 နတၢ်ထီၣ်ထီန့ၣ်ဘၣ်တၢ်ဒုးလဲၤလီၤ အီၤဆူပျုၤပူၤ, ဒီးနတနၢ်အသီၣ်လီၤ.လၢၣ်ဧိၤဆှးဧိၤဒါ လီၤအသးလၢနဖီလာ်, ဒီးတၢ်ကျၢၢ်ဘၢနၤန့ၣ်မ့ၢ်လၢၣ် ဧိၤဆှးဧိၤလီၤ.
12 နလီၤတဲာ်လၢမူခိၣ်ဒ်လဲၣ်, ဆၣ်တူၢ်ဂီၤ, မုၢ်ဆ့ၣ်အဖိ ဧၢ, နဘၣ်တၢ်ကူာ်လီၤတ့ၢ်လၢဟီၣ်ခိၣ်အဖီခိၣ်ဒ်လဲၣ်, ပှၤလၢအမၤဃၣ်ပှၤကလုာ်တဖၣ်န့ၣ်နဲဧၢ.
13 အဂ့ၢ်ဒ်အံၤ, နစံးလၢနသးကံၢ်ပူၤ, ယကထီၣ်ဘးဆူ မူခိၣ်, ယကပာ်ယလီၢ်ပစိာ်လၢကစၢ်အဆၣ်ဧိၤဖီဧိၤအ ဖီခိၣ်, ယကဆ့ၣ်နီၤလၢတၢ်အိၣ်ဖှိၣ်အကစၢၢ်ကလိလၢ ကလံၤစိးကတၢၢ်လီၤ.
14 ယကထီၣ်ဘးတၢ်အၢၣ်အတၢ် ထီအဖီခိၣ်, ယကပာ်ယသးဒ်တၢ်ထီကတၢၢ်တဂၤအ သိးန့ၣ်လီၤ.
15 ဘၣ်ဆၣ်ဒီး တၢ်ကဒုးလဲၤလီၤနၤဆူပျုၤပူၤ, ဆူတၢ် ယိာ်ပူၤအခံဒးလီၤ.
16 ပှၤလၢအထံၣ်ဘၣ်နၤကကွၢ်ထံနၤ, ဒီးကွၢ်ဆိကမိၣ် နၤ, ဒီးစံး,ပှၤလၢအမၤဟီၣ်ခိၣ်ဆှဲးဆှိး,လၢအမၤဟူးဝး ဘီမုၢ်တဖၣ်မ့ၢ်ပှၤတဂၤအံၤဧါ.
17 ဒုးကဲထီၣ်ဟီၣ်ခိၣ်ဒ်ပှၢ် မုၢ်ကနၢအသိး,မၤဟးဂီၤအခူအဝ့ၢ်,ဒီးတပျၢ်ဘၣ်ပှၤလၢ အဖီၣ်န့ၢ်ဝဲ,ဆူအဟံၣ်ဘၣ်.
18 ပှၤကလုာ်တဖၣ်အစီၤပၤခဲလၢာ်,အဝဲသ့ၣ်ခဲလၢာ်န့ၣ် မံလီၤလၢတၢ်လၤကပီၤအပူၤ, တဂၤလၢအဟံၣ်ဒၣ်ဝဲအ ပူၤ,တဂၤလၢအဟံၣ်ဒၣ်ဝဲအပူၤလီၤ.
19 မ့မ့ၢ်နဲဒၣ်နဘၣ်တၢ်ကွံာ်ထီၣ်ကွံာ်လၢနသွၣ်ခိၣ်အပူၤ ဒ်တၢ်အဒ့အဖီလၢ တၢ်တပးကဲဘၣ်အီၤအသိး, ဒ်ပှၤ ဘၣ်တၢ်မၤသံအီၤအကူအသိးဆဲးဖျိလၢနး, လဲၤလီၤဆူ တၢ်ပူၤအလၢၢ်အမဲးအကျါအသိး, ဒ်တၢ်အစိၣ်လၢပှၤ ယီၢ်တံၢ်အီၤလၢအခီၣ်ဖီလာ်အသိးန့ၣ်လီၤ.
20 နတဘၣ်ပာ်ဖှိၣ်ဃုာ်ဒီးအီၤလၢတၢ်ခူၣ်လီၤကွံာ်ဘၣ်. အဂ့ၢ်ဒ်အံၤ, နမၤဟးဂီၤနထံနကီၢ်,နပှၤဂီၢ်မုၢ်န့ၣ်နမၤသံ ကွံာ်အီၤလီၤ. ပှၤမၤတၢ်အၢအချံအသၣ်န့ၣ်တဘၣ်တၢ် ပှ့ၤဘၣ်အမံၤလီၤထူလီၤယိာ်ဘၣ်.
21 ကတဲာ်ကတီၤတၢ်မၤသံလၢ အဖိတဖၣ်အဂီၢ်လၢအ ပၢ်တဖၣ်အတၢ်အၢအဃိန့ၣ်တက့ၢ်. မ်အသုတဂဲၤဆၢ ထၢၣ်ဒီးန့ၢ်သါကီၢ်န့ၣ်, ဒီးမၤပှဲၤဟီၣ်ခိၣ်လၢခူဧိၤဝ့ၢ်ဧိၤ တဂ့ၤ.
22 ဒီးယဲဒၣ်ယကဂဲၤဆၢထၢၣ်ထီဒါအီၤ, တၢ်သုးမုၢ်ဂီၢ် မုၢ်အယွၤစံးဝဲဒၣ်, ဒီးယကဒီၣ်တဲာ်ဘၤဘူၤလိၣ်အမံၤ, ဒီးတၢ်အိၣ်လီၤတဲာ်, ဒီးအဖိအလံၤ, ဒီးအစၢၤအသွဲၣ်, ယွၤစံးဝဲဒၣ်လီၤ.
23 ဒီးယကပာ်အီၤလၢသူၣ်ဧိၤဘါဧိၤအ လီၢ်,ဒီးနိၣ်ဧိၤအီဧိၤ, ဒီးယကခွဲသိၣ်အီၤဒီးနီၣ်ခွဲသိၣ်မၤ ဟးဂီၤတၢ်လီၤ.တၢ်သုးမုၢ်ဂီၢ်မုၢ်အယွၤစံးဝဲဒၣ်လီၤ.
24 တၢ်သုးမုၢ်ဂီၢ်မုၢ်အယွၤဆိၣ်တၢ်ဒီးစံးဝဲဒၣ်, မ့ၢ်မးဒ် ယဆိကမိၣ်တၢ်အသိးန့ၣ် တၢ်ကမၤအသးဒ်န့ၣ်, ဒီးဒ် ယကူၣ်တၢ်အသိးန့ၣ်ကအိၣ်ဂၢၢ်ဆိးကျၢၤလီၤ.
25 ယက မၤကၢ်လီၤပှၤအၤရှူၢ်ဖိလၢယကီၢ်ပူၤ, ဒီးလၢယကစၢၢ် လိၤယကယီၢ်တံၢ်အီၤ, ဒီးအနီၣ်ယိးဘိကဟးထီၣ်ကွံာ် လၢအဖီခိၣ်, ဒီးအတၢ်ဝံတၢ်ယိးကဟးထီၣ်ကွံာ်လၢအ ဖံဘၣ်ခိၣ်လီၤ.
26 အအံၤမ့ၢ်တၢ်တိာ်လၢ တၢ်တိာ်ဝဲလၢဟီၣ်ခိၣ်ဒီဘ့ၣ် ညါအဂ့ၢ်, ဒီးအအံၤမ့ၢ်တၢ်အစုလၢအယူာ်ထီၣ်အသး လၢပှၤကိးကလုာ်ဒဲးအဖီခိၣ်လီၤ.
27 အဂ့ၢ်ဒ်အံၤ, တၢ်သုးမုၢ်ဂီၢ်မုၢ်အယွၤတိာ်ဝဲလံ, ဒီးမ့ၢ်မ တၤကမၤအီၤ ကလီကလီတဂၤလဲၣ်. ဒီးအစုယူာ်ထီၣ် အသးလံ,ဒီးမ့ၢ်မတၤကဒုးထုးလီၤက့ၤအီၤတဂၤလဲၣ်.
28 တၢ်လၢမုၢ်တနံၤလၢ စီၤအၤဃးသံဝဲဒၣ်, တၢ်အက လုၢ်လီၤဒ်အံၤ,
29 မ့ၢ်ပှၤလၢအတီၢ်နၤအနီၣ်တီၢ်ကၢ်သတးဒီး, သးခုတ ဂ့ၤ, ဖလ့ၡသးခဲလၢာ်နၤဧၢ.အဂ့ၢ်ဒ်အံၤ,လၢဂုၢ်ဧိၤဒးဧိၤ အဂံၢ်န့ၣ်ဂုာ်မိာ်အိးတဘိကဟဲလီၤ,ဒီးအတၤသၣ်ကမ့ၢ် ဂုၢ်မ့ၣ်လၢအယူၤဝဲတဘိလီၤ.
30 ဒီးပှၤဖှီၣ်ဖိအဖိဝဲၢ်ကိကအီၣ်တၢ်, ဒီးပှၤဘၣ်ဖှီၣ်ဘၣ် ယာ်ကမံလီၤအိၣ်ခၢၣ်သနၢၢ်လီၤ. ဒီးယကမၤသံနဂံၢ် လၢတၢ်သၣ်ဝံၤလီၤဒိ, ဒီးတၢ်အိၣ်လီၤတဲာ်လၢနၤန့ၣ်က ဘၣ်တၢ်မၤသံအီၤလီၤ.
31 ဟီၣ်ပသူထီၣ်,ပဲတရီဧၢ,ကိးပသူထီၣ်ဝ့ၢ်ဧၢ,နပှံၢ်ကွံာ် လံတုၤအလၢာ်, ဖလ့ၡသးဧၢ. အဂ့ၢ်ဒ်အံၤ,မ့ၣ်အူခုၣ်ဟဲ ထီၣ်လၢကလံၤစိး, ဒီးပှၤလီၤမုၢ်လီၤဖးလၢအပှၤသုးမုၢ် အကျါတအိၣ်ဘၣ်နီတဂၤဘၣ်.
32 ဒီးပှၤကစံးဆၢပှၤတကလုာ်အကလူးဒ်လဲၣ်. လၢယွၤ ပာ်လီၤလံစံယိၣ်အခီၣ်ထံး, ဒီးပှၤဘၣ်နးဘၣ်ဖှီၣ်လၢအ ပှၤဂီၢ်မုၢ်အကျါန့ၣ်ကဃ့ၢ်ဆူအအိၣ်လီၤ.