10
1 ပှၤလၢအမၤလိာ်တၢ်မၤလိာ်အအၢ,ဒီးပှၤကွဲးလံာ်လၢ အကွဲးတၢ်မၤအၢလၢအစံၣ်ညီၣ်ဝဲန့ၣ်,
2 ဒ်သိးအကဘိး ဃၣ်ကပၤပှၤဖှီၣ်ဖိလၢတၢ်စံၣ်ညီၣ်, ဒီးဒ်သိးအကမၤန့ၢ် ဆူၣ်ယပှၤဂီၢ်မုၢ်အပှၤ ဘၣ်ဖှီၣ်ဘၣ်ယာ်အကွီၢ်ဒ်သိးပှၤ မုၣ်ကမဲကကဲထီၣ်လၢအတၢ်ဂုာ်န့ၢ်, ဒီးဒ်သိးအကမၤ န့ၢ်ဆူၣ်ပှၤဖိၣ်ဃဲအတၢ်န့ၣ်ဘၣ်အဖှီၣ်လီၤ.
3 ဒီးလၢတၢ်အိၣ်သကိးအမုၢ်တနံၤန့ၣ်, ဒီးလၢတၢ်မၤ သယုၢ်တၢ်လၢအကဟဲလၢအယံၤန့ၣ် သုကမၤဒ်လဲၣ်. သုကဃ့ၢ်လၢ တၢ်မၤစၢၤအဂီၢ်ဆူ မတၤတဂၤအအိၣ် လဲၣ်.သုကပာ်လီၤတဲာ်သုလၤကပီၤန့ၣ်ဖဲလဲၣ်ပူၤလဲၣ်.
4 ယၤတအိၣ်ဘၣ်ဒီး, ကကိာ်လီၤဝဲလၢပှၤဘၣ်စၢဃာ် အဖီလာ်, ဒီးကလီၤဃံၤလၢပှၤဘၣ်တၢ်မၤသံအီၤအဖီ လာ်လီၤ. လၢတၢ်ခဲလၢာ်အဃိန့ၣ် အသးထီၣ်တစၢ် လီၤဘၣ်,ဒီးအစုယၤထီၣ်ဒံးအသးလီၤ.
5 အၣ်ဟါ, ပှၤအၤရှူၢ်ဖိ, ယသးထီၣ်အနီၣ်တီၢ်, ဒီးနီၣ် ထိးလၢအစုန့ၣ်မ့ၢ်ယသးကဲၤထီၣ်,
6 ယကမၢလီၤအီၤဆူ ပှၤလီတၢ်တကလုာ်,ဒီးယကမၤလိာ်အီၤလၢယတၢ်သး ထီၣ်အပှၤတကလုာ်အဂ့ၢ်အကျိၤန့ၣ်, ဒ်သိးအကဂုာ်န့ၢ် တၢ်ဂုာ်ဆူၣ်, ဒီးဂုာ်န့ၢ်အတၢ်,ဒီးဒ်သိးအကယီၢ်တံၢ်အီၤ ဒ်ကပံာ်လၢကျဲပူၤအသိးန့ၣ်လီၤ.
7 ဘၣ်ဆၣ်ဒီးအဝဲဒၣ်န့ၣ်တတိာ်ဘၣ်ဒ်န့ၣ်ဘၣ်. ဒီးတ ဆိကမိၣ်လၢအသးဒ်န့ၣ်ဘၣ်.မ့မ့ၢ်တၢ်အိၣ်ဝဲလၢအသး လၢအကမၤဟးဂီၤတၢ်, ဒီးလၢအကဒီၣ်တဲာ်ကွံာ်ပှၤက လုာ်တစှၤဘၣ်လီၤ.
8 အဂ့ၢ်ဒ်အံၤ,စံးဝဲ, ယပဒိၣ်ဖးဒိၣ်တဖၣ်န့ၣ်မ့ၢ်စီၤပၤသ ပှၢ်တၢၢ်,တမ့ၢ်ဘၣ်ဧါ.
9 ကးလနိၤန့ၣ်မၤသးဒ်ကၢ်ကမံၣ် အသိး, တမ့ၢ်ဘၣ်ဧါ. ဃမါသးန့ၣ်မၤသးဒ်အၢ်ပးအ သိး, တမ့ၢ်ဘၣ်ဧါ. ၡၤမရံန့ၣ်မၤသးဒ်ဒၤမ့ၤစ့းအသိး, တမ့ၢ်ဘၣ်ဧါ.
10 ဒ်ယစုမၤန့ၢ်တၢ်ဂီၤတၢ်ဖီၣ် အဘီမုၢ်ဒီးအတၢ်ဂီၢ်တၢ် ဖီၣ်လၢအအါန့ၢ်ယရူၤၡလ့ၣ် ဒီးၡၤမရံအတၢ်တက့ၢ်အ သိးန့ၣ်,
11 ဒ်ယမၤၡၤမရံဒီးအတၢ်ဂီၤအသိးန့ၣ်, ယကမၤ ယရူၤၡလ့ၣ်ဒီးအတၢ်ဂီၤဒ်န့ၣ်အသိး,တမ့ၢ်ဘၣ်ဧါ.
12 မၤသးဒ်န့ၣ်ဒီးတၢ်ကမၤအသးလၢ တုၤယွၤမၤဝံၤအ တၢ်မၤခဲလၢာ်လၢကစၢၢ်စံယိၣ်အလိၤ, ဒီးလၢယရူၤၡ လ့ၣ်အပူၤဒီး,ယကဒုးအိၣ်သကိးတၢ်လၢအၤရှူၢ်အစီၤပၤ အပာ်ကဖိအသးဒီး အမဲာ်ထီၣ်ထီအတၤသၣ်အလိၤန့ၣ် လီၤ.
13 အဂ့ၢ်ဒ်အံၤ, စံးဝဲဒၣ်, ယမၤတၢ်အံၤလၢယစုဆူၣ်, ဒီးလၢယတၢ်ကူၣ်သ့လီၤ. အဂ့ၢ်ဒ်အံၤ, ယကူၣ်သ့ကူၣ် ဘၣ်လီၤ. ယသုးပှၤကလုာ်တဖၣ်အပနီၣ်လၢအဃၢၤ, ယမၤန့ၢ်ဆူၣ်အတၢ်ပာ်ဖှိၣ်, ယဆီၣ်လီၤပှၤကီၢ်ဖိတဖၣ် ဒ်ပှၤအဂံၢ်ဆူၣ်တဂၤအသိးန့ၣ်,
14 ဒီးယစုထံၣ်န့ၢ်လံပှၤ ဂီၢ်မုၢ်အစုလီၢ်အခီၣ်ခိၣ်, ဒ်ထိၣ်အသွံအသိး, ဒီးဒ်ပှၤ ထၢဖှိၣ်ထိၣ်ဒံၣ်လၢအအိၣ်လီၤတဲာ်အသိးန့ၣ်, ယထၢ ဖှိၣ်လံဟီၣ်ခိၣ်အတၢ်ခဲလၢာ်, ဒီးတၢ်ဝၢ်အဒံးဆ့မ့ၢ်ဂ့ၤ, အဲးထီၣ်အထးခိၣ်မ့ၢ်ဂ့ၤ,ပံးပံးမ့ၢ်ဂ့ၤ,တအိၣ်ဘၣ်.
15 ကွါကပာ်ကဖိအသးလၢ ပှၤလၢအကူာ်တၢ်ဒီးအီၤအ ဖီခိၣ်န့ၣ်စ့ၢ်ကီးဧါ. လွးကပာ်ဒိၣ်အသးလၢ ပှၤလၢအ ဘူးအီၤအဖီခိၣ်န့ၣ်စ့ၢ်ကီးဧါ. မၤသးဒ်နီၣ်တီၢ်ယၤထီၣ် ပှၤလၢအယၤထီၣ်အီၤအသိးန့ၣ်, မၤသးဒ်နီၣ်ထိးယူာ် ထီၣ်ပှၤလၢတၢ်တမ့ၢ်ဘၣ်သ့ၣ်အသိးန့ၣ်လီၤ.
16 မၤသးဒ်န့ၣ်ဒီး, ကစၢ်, တၢ်သုးမုၢ်ဂီၢ်မုၢ်အယွၤ, ကမၢ လီၤတၢ်ဃဲၤသူဃဲၤလါလၢ အပှၤအဘီၣ်တဖၣ်အလိၤ, ဒီးလၢအလၤကပီၤအဖီလာ်တၢ်ကဆိၣ်ကဲၤတၢ်ဒ်မ့ၣ်အူ အီၣ်တၢ်အသိးန့ၣ်လီၤ.
17 ဒီးအံၣ်စရ့လးအတၢ်ကပီၤကအိၣ်လၢ မ့ၣ်အူအဂီၢ်, ဒီးအတၢ်စီဆှံလၢမ့ၣ်လၣ်အဂီၢ်, ဒီးကဆူးထီၣ်ဒီးအီၣ် ကွံာ်အတၤဆှုၣ်တၤမဲလၢမုၢ်တနံၤဃီလီၤ.
18 ဒီးအသ့ၣ်ဧိၤဝၣ်ဧိၤတဖု, ဒီးအဟီၣ်ခိၣ်အကဝီၤလၢ အသၣ်ထီၣ်တဖၣ် အလၤအကပီၤလၢအသးပၢၢ်လၢအ ညၣ်န့ၣ်ကလၢာ်ကွံာ်ဝဲ, ဒီးကမၤသးဒ်ပှၤစိာ်သုးအလၣ် လီၤဘှါအသိးန့ၣ်လီၤ.
19 တၢ်အိၣ်လီၤတဲာ်လၢအသ့ၣ်ဧိၤ ဝၣ်ဧိၤတဖုကအိၣ်စှၤထံး,ဒီးဖိသၣ်တဂၤကကွဲးအီၤလီၤ.
20 ဒီးတၢ်လၢမုၢ်တနံၤန့ၣ် တၢ်ကမၤအသးလၢပှၤအိၣ် လီၤတဲာ်လၢအံၣ်စရ့လး ဒီးယၤကိာ်အပှၤဟံၣ်ဖိလၢအ ပူၤဖျဲးတၢ်တဖၣ်န့ၣ် တသန့ၤလၢၤဘၣ်အသးလၢပှၤလၢ အတီၢ်အီၤဘၣ်. မ့မၢ်အကသန့ၤအသးလၢယွၤအံၣ်စရ့ လးအတၢ်စီဆှံတဂၤန့ၣ်နီၢ်နီၢ်လီၤ.
21 တၢ်အိၣ်လီၤတဲာ်ကဟဲက့ၤ. ယၤကိာ်အတၢ်အိၣ်လီၤ တဲာ်ဆူတၢ်ဆူၣ်ကစၢ်တဂၤအအိၣ်လီၤ.
22 အဂ့ၢ်ဒ်အံၤ,အံၣ်စရ့လးဧၢ, နပှၤဂီၢ်မုၢ်မ့ၢ်မၤသးဒ်ပီၣ် လဲၣ်အမဲးအဟီၣ်အသိးန့ၣ်ဘၣ်ဆၣ်ဒီး,ထဲတၢ်အိၣ်လီၤ တဲာ်ကဟဲက့ၤလီၤ. တၢ်မၤလၢာ်ဝဲန့ၣ်စံၣ်ညီၣ်လံအသး လံ.လုၣ်ဘၢဝဲလၢတၢ်တီတၢ်လိၤလီၤ.
23 အဂ့ၢ်ဒ်အံၤ, တၢ်မၤလၢာ်ဝဲလၢ အစံၣ်ညီၣ်လံအသး လံန့ၣ်ကစၢ်, တၢ်သုးမုၢ်ဂီၢ်မုၢ်အယွၤ, ကမၤဝဲလၢကီၢ်ဒီ ဘ့ၣ်ညါအသးကံၢ်ပူၤလီၤ.
24 မၤသးဒ်န့ၣ်ဒီးကစၢ်, တၢ်သုးမုၢ်ဂီၢ်မုၢ်အယွၤစံးဝဲဒၣ်, ယပှၤဂီၢ်မုၢ်အိၣ်ဝဲလၢစံယိၣ်အလိၤသ့ၣ်ဧၢ, ပျံၤပှၤအၤရှူၢ်ဖိတဂ့ၤ, ကတီၢ်နၤလၢနီၣ်တီၢ်,ဒီးကယၤထီၣ်နီၣ်ထိးထီ ဒါနၤဒ်အဲၤကူပတူးအသိးန့ၣ်လီၤ.
25 အဂ့ၢ်ဒ်အံၤ, အိၣ်ဒံးတစိၢ်ဖိ, ဒီးတၢ်သူၣ်ဒိၣ်သးဟ့က လၢာ်, ဒီးယသးထီၣ်လၢအဝဲသ့ၣ်ကလၢာ်ဝဲအဂ့ၢ်န့ၣ် လီၤ.
26 ဒီးတၢ်သုးမုၢ်ဂီၢ်မုၢ်အယွၤ ကဒုးအိၣ်ထီၣ်နီၣ်တီၢ်တ ဘိလၢအဂီၢ်, ဒ်တၢ်တီၢ်မံးဒယၣ်ဖဲလၢၢ်ဧိရ့ာ်အသိးန့ၣ် ဒီးဒ်အနီၣ်တီၢ်အိၣ်ဝဲလၢပီၣ်လဲၣ်အဖီခိၣ်အသိးန့ၣ်, က ယၤထီၣ်အီၤဒ်လၢအဲၤကူပတူးအလိၤအသိးန့ၣ်လီၤ.
27 ဒီးလၢမုၢ်တနံၤန့ၣ် တၢ်ကမၤအသးလၢတၢ်ကစိာ် ကွံာ်အတၢ်ဝံတၢ်ယိးလၢနဖံဘၣ်ခိၣ်အဖီခိၣ်, ဒီးအနီၣ် ယိးဘိလၢနကိာ်လိၤ ကကၢ်လီၤကွံာ်လၢတၢ်ဖှူလၢသိ အဃိလီၤ.
28 ဟဲတုၤလံလၢဧၤယံး,လဲၤပူၤကွံာ်လံဆူမံးကြိၣ်,လၢမံး ကမၣ်န့ၣ်ပာ်ဖှိၣ်လံအတၢ်ဖိတၢ်လံၤ,
29 ပူၤကွံာ်လံတၢ် ကဆူးလံ,အိၣ်ဝဲလၢမုၢ်နၤလၢက့ဘၤအပူၤလီၤ.ရၤမါက နိးကစုာ်ဝဲ, ကံးဘဧၤစီလူးဃ့ၢ်ဝဲလီၤ.
30 ကးလံၣ်အဖိမုၣ် ဧၢ, ထုထီၣ်နကလုၢ်, လ့ရှ့ၣ်ဧၢ, ကနၣ်တက့ၢ်.ဧၤနသိး လၢအဘၣ်နးဘၣ်ဖှီၣ်ဧၢ.
31 မၤဒမ့ၤနၤဟးဝဲ,ပှၤက့ဘံၣ်ဖိ ဃ့ၢ်ဝဲဒီးအတၢ်ဖိအတၢ်လံၤလီၤ.
32 ဘၣ်ဆၣ်ဒီးတၢ်လၢ မုၢ်တနံၤအံၤအိၣ်ဝဲလၢနိၤဘးအပူၤလီၤ. ကဝၢ်အစုဆူစံ ယိၣ်အဖိမုၣ်အကစၢၢ်,ယရူၤၡလ့ၣ်အတၢ်စိခိၣ်န့ၣ်လီၤ.
33 ကွၢ်ကွၢ်, ကစၢ်, တၢ်သုးမုၢ်ဂီၢ်မုၢ်အယွၤ,ပဲာ်တဲာ်တၢ် အဒ့န့ၣ်လၢတၢ်ပျံၤတၢ်ဖုး, ဒီးသ့ၣ်အထီန့ၣ်ကဘၣ်တၢ် ကူာ်လီၤကွံာ်အီၤ, ဒီးတၢ်အထီတဖၣ်န့ၣ် ကဘၣ်တၢ် ဆီၣ်လီၤအီၤလီၤ.
34 ဒီးကကူာ်လီၤကွံာ် သ့ၣ်ဧိၤဝၣ်ဧိၤအဖုတီၣ်တဖၣ်လၢ ထး,ဒီးလဘၤနိၣ်အံၤကလီၤဒါဝဲလၢပှၤအဆူၣ်န့ၣ်လီၤ.