လံာ်ယၡါယၤ
1
စီၤအၤမိာ်အဖိခွါစီၤယၡါယၤအတၢ်ထံၣ် တၢ်လၢအ ထံၣ်ဘၣ်လၢယူဒၤဒီးယရူၤၡလ့ၣ် အဂ့ၢ်အကျိၤ,လၢယူ ဒၤအစီၤပၤစီၤဧူးစံယါ, ဒီးစီၤယိၤသၣ်, စီၤအၤဃး, စီၤ ဃံးစကံယၤအမုၢ်နံၤတဖၣ်အတီၢ်ပူၤလီၤ.
ကနၣ်တက့ၢ်,မူခိၣ်ဧၢ,ဒိကနၣ်တက့ၢ်,ဟီၣ်ခိၣ်ဧၢ,အ ဂ့ၢ်ဒ်အံၤ, ယွၤကတိၤတၢ်လီၤ.ယလုၢ်ဒီးဒုးဒိၣ်ထီၣ်ဖိတ ဖၣ်,ဒီးအဝဲသ့ၣ်ပူထီၣ်ယၤလီၤ.
ဂီၤဘုၣ်ဂီၤဖံးသ့ၣ်ညါအကစၢ်, ဒီးကသ့ၣ်ယီၤအက စၢ်ဒုးအီၣ်ဆၣ်အကျိးလီၤ. အံၣ်စရ့လးတသ့ၣ်ညါဘၣ်, ယပှၤဂီၢ်မုၢ်တဆိကမိၣ်ဘၣ်ဝဲဘၣ်.
အၣ်လါ, ပှၤတၢ်ဒဲးဘးဖိတကလုာ်သ့ၣ်ဧၢ, ပှၤဝံဃၢ ဝဲဒီးတၢ်အၢအၢ်သီ, ပှၤမၤတၢ်အၢဖိအချံအသၣ်,ဖိတဖၣ် လၢအမၤဘၣ်အၢလီၤအသးလီၤ. လဲၤသဒၣ်လံယွၤလံ. မၤတရီတပါလံအံၣ်စရ့လးအတၢ်စီဆှံတဂၤလံ. ပာ်လံ အသးလၢပှၤတခီဘီမုၢ်ဖိလံ.
သုကပူထီၣ်ဒံး, ဒီးဘၣ်တၢ်တီၢ်ဒံးသုဘၣ်မနုၤလဲၣ်. အခိၣ်န့ၣ်ဆါဝဲဒီဖျၢၣ်ညါ, ဒီးအသးန့ၣ်လီၤဘှါဝဲဒီဖျၢၣ် ညါလီၤ. လၢအခီၣ်ညါသးပၢၢ်လၢအခိၣ်န့ၣ် တၢ်အ လီၢ်ဆးတအိၣ်ဘၣ်လၢအပူၤဘၣ်. မ့ၢ်တၢ်ဘၣ်ဆဲးအ လီၢ်, တၢ်ပူၤလီၢ်, ဒီးတၢ်တီၢ်အလီၢ်လီၤ. တဘၣ်တၢ်စံၢ် အီၤဘၣ်, ဒီးတဘၣ်တၢ်ဘိၣ်ထီၣ်အီၤဘၣ်, ဒီးတဘၣ် တၢ်မၤစၢ်ဘၣ်အီၤဒီးသိဒီးချါဘၣ်.
သုကီၢ်အိၣ်သယုၢ်, သုဝ့ၢ်ဘၣ်တၢ်အီၣ်ကွံာ်အီၤလၢ မ့ၣ်အူ, သုဟီၣ်ခိၣ်န့ၣ်ပှၤတခီဘီမုၢ်ဖိအီၣ်ကွံာ်ဝဲလၢသု မဲာ်ညါ,ဒီးအိၣ်သယုၢ်ဒ်ပှၤတခီဘီမုၢ်ဖိမၤလူၤတၢ်အသိး န့ၣ်, ဒီးစံယိၣ်အဖိမုၣ်အိၣ်လီၤတဲာ် ဒ်တကူးတဖျၢၣ် လၢစပံးအလီၢ်ပူၤအသိး, ဒ်ဒဲတဖျၢၣ်လၢဒံအလီၢ်ပူၤအ သိး,ဒ်ဝ့ၢ်လၢအဘၣ်တၢ်ကဝီၤဃာ်အီၤအသိးန့ၣ်လီၤ.
ယွၤမ့ၢ်တပာ်လီၤတဲာ်န့ၢ်ပှၤလၢ တၢ်အိၣ်လီၤတဲာ်တ စဲးဘၣ်ဒီး, ပကမၤပသးဒ်စဒိၣ်, ပကလီၤဂာ်လၢဂမိရၤ လီၤ.
10 ကနၣ်ယွၤအကလုၢ်ကထါတက့ၢ်, စဒိၣ်အပဒိၣ်သ့ၣ် ဧၢ,ဒိကနၣ်သုကစၢ်အတၢ်သိၣ်တၢ်သီတက့ၢ်,ဂမိရၤအ ပှၤဂီၢ်မုၢ်သ့ၣ်ဧၢ.
11 သုလုၢ်ယၤလၢတၢ်အါအါကလဲာ်န့ၣ် မ့ၢ်အဘၣ်မနုၤ လဲၣ်,ယွၤစံးဝဲဒၣ်. ယဘျဲးအီၣ်ဒီးသိဖါအတၢ်လုၢ်မ့ၣ်အူ, ဒီးဆၣ်ဖိကီၢ်ဖိအဘီၣ်အသိလီၤ. ဒီးတဘၣ်ယသးလၢ ဂီၤဖံး,ဒီးသိဖိ,ဒီးမဲာ်တဲးလဲးဖါအသွံၣ်ဘၣ်. 12 တုၤသုဟဲ အိၣ်ဖျါလၢယမဲာ်ညါဒီး, မ့ၢ်မတၤဃ့တၢ်န့ၣ်တမံၤလၢ သုစုပူၤဒ်သိးသုကယီၢ်ယဂၢၤပူၤတဖၣ်န့ၣ်လဲၣ်.
13 ဟဲစိာ်လၢၤ တၢ်မၤဘူၣ်ကလီကလီတဂ့ၤ. တၢ်ဆိၣ် ကဲၤတၢ်နၢမူန့ၣ်မ့ၢ်တၢ်သးဘၣ်အၢဒီးယၤလီၤ. လါထီၣ် သီအနံၤ, ဒီးအိၣ်ဘှံးအနံၤ, ဒီးကိးဖှိၣ်တၢ်န့ၣ်ဒ်န့ၣ်သိး လီၤ. သုတၢ်အိၣ်ဖှိၣ်ဘူၣ်တၢ်ဘါတၢ်ဒၣ်လဲာ်မ့ၢ်တၢ်အၢ တၢ်သီလီၤ.
14 သုလါထီၣ်သီအနံၤ, ဒီးသုတၢ်သ့ၣ်ပာ်အဘူၣ်န့ၣ်ယ သးဟ့အီၤလီၤ. ကဲထီၣ်တၢ်တံာ်တာ်လၢယလိၤလံ, ယ ဝံယယိးအီၤန့ၣ်, တၢ်ဘှံးယသးလံ.
15 ဒီးတုၤသုယူာ်ထီၣ်သုစုဒီး, ယကပာ်တဒၢယမဲာ်ဒီး သု, ဒီးတုၤသုမၤအါထီၣ်သုတၢ်ထုကဖၣ်ဒီး,ယတဒိက နၣ်ဘၣ်တၢ်ဘၣ်. သုစုပှဲၤဝဲဒီးတၢ်သွံၣ်လီၤ.
16 သ့စီကွံာ်သုသး, မၤကဆှီထီၣ်သုသး, သုးကွံာ်တၢ် အၢလၢသုမၤတၢ်န့ၣ်လၢယမဲာ်ညါတက့ၢ်. မၤလၢၤတၢ် အၢတဂ့ၤ. 17 မၤလိမၤတၢ်ဂ့ၤတက့ၢ်. ဃုတၢ်စံၣ်ညီၣ်တီ, မၤတၢ်လိၤလၢပှၤလၢအဘၣ်တၢ်မၤအၢအီၤ, စံၣ်ညီၣ်ပှၤ ဖှိၣ်ဃဲ,မၤစၢၤပှၤမုၣ်ကမဲတက့ၢ်.
18 ဟဲမီၣ်, ယွၤစံးဝဲဒၣ်, စံးကတိၤလိာ်သကိးပသးတ က့ၢ်.သုတၢ်ဒဲးဘးမ့ၢ်ဒ်တၢ်ဂီၤကယဲၢ်အသိးဘၣ်ဆၣ်ဒီး, ကဝါထီၣ်ဝဲဒ်မူခိၣ်ဖီအသိးလီၤ. မ့ၢ်ဂီၤဒ်တၢ်ဂီၤဆှုၣ်က လာ်အသိးဘၣ်ဆၣ်ဒီး, ကမၤသးဒ်သိအဆူၣ်အသိးလီၤ.
19 သုသးမ့ၢ်အၢၣ်လီၤအီလီၤ, ဒီးသုမ့ၢ်ဒိကနၣ်တၢ်ဒီး, သုကအီၣ်ထံဧိၤကီၢ်ဧိၤန့ၣ်အတၢ်ဂ့ၤလီၤ. 20 မ့မ့ၢ်သုမ့ၢ်ဂ့ၢ် လိာ်,ဒီးပူထီၣ်ဒီး,နးဧိၤဘီဧိၤကအီၣ်ကွံာ်သုလီၤ. အဂ့ၢ်ဒ် အံၤ,ယွၤအထးခိၣ်န့ၣ်ကတိၤတၢ်န့ၣ်လီၤ.
21 ဝ့ၢ်လၢအကလုၢ်တီန့ၣ် ကဲထီၣ်လံ ပှၤဃဲသဲမုၣ်မး လဲၣ်. ပှဲၤက့ၢ်ဝဲဒီးတၢ်စံၣ်ညီၣ်တီ, တၢ်တီတၢ်လိၤအိၣ်ဝဲ ဆိးဝဲလၢအပူၤလီၤ. မ့မ့ၢ်ခဲကနံၣ်အံၤပှၤမၤသံပှၤကညီ တဖၣ်လီၤ.
22 နကျိၣ်ဧိၤစ့ဧိၤ ကဲထီၣ်အအ့ၣ်, နစပံးထံန့ၣ်ဃါဃုာ် ဒီးထံလီၤ. 23 နပဒိၣ်ဖးဒိၣ်တဖၣ်မ့ၢ်ပှၤလၢအပူထီၣ်တၢ်, ဒီးဒီတံၤဒီသကိးဒီးပှၤဟုၣ်တၢ်ဘျၣ်တၢ်လီၤ. အဲၣ်ဒိးခိၣ် ဖးကိးအဂၤဒဲး,ဒီးဃုတၢ်ဟ့ၣ်လီၤ. တစံၣ်ညီၣ်န့ၢ်ပှၤဖိၣ် ဃဲအကွီၢ်ဘၣ်. ဒီးပှၤမုၣ်ကမဲအတၢ်လိာ်ကွီၢ်န့ၣ် တဟဲ ဘၣ်ဆူအအိၣ်ဘၣ်.
24 မၤသးဒ်န့ၣ်ဒီးကစၢ်, တၢ်သုးမုၢ်ဂီၢ်မုၢ်အယွၤ, အံၣ်စရ့ လးအတၢ်ဒိၣ်တၢ်ဆူၣ်တဂၤစံးဝဲဒၣ်, အၣ်လါ,ယကမၤ မုာ်ထီၣ်က့ၤယသးဒီးပှၤထီဒါယၤ, ဒီးယကမၤဆၢတၢ် အၢလၢယဒုၣ်ယဒါတဖၣ်န့ၣ်လီၤ.
25 ယကဃၣ်ယစုဆူနအိၣ်, ဒီးယကပှံၢ်ထီၣ်ကွံာ်နစ့အ အ့ၣ်,ဒီးဟံးထီၣ်ကွံာ်နပှာ်ဧိၤတြၤဧိၤခဲလၢာ်, 26 ဒီးယက ဒုးအိၣ်ထီၣ်က့ၤ နပှၤစံၣ်ညီၣ်ကွီၢ်ဒ်လၢအဂံၢ်ခိၣ်အသိး န့ၣ်, ဒီးနပှၤကူၣ်လိာ်အသးဒ်လၢအခီၣ်ထံးအသိးန့ၣ် လီၤ. လၢတၢ်န့ၣ်အလီၢ်ခံတၢ်ကကိးနၤလၢတၢ်တီတၢ် လိၤအခူအဝ့ၢ်, ဝ့ၢ်လၢအကလုၢ်တီလီၤ.
27 တၢ်ကပှ့ၤက့ၤစံယိၣ်လၢတၢ်စံၣ်ညီၣ်, အပှၤလၢအဟဲ က့ၤတဖၣ်လၢတၢ်တီတၢ်လိၤလီၤ.
28 ပှၤမၤကမၣ်တၢ်ဖိ, ဒီးပှၤတၢ်ဒဲးဘးဖိန့ၣ် ကတုၤလၢ တၢ်ဟးဂီၤတပူၤဃီ, ဒီးပှၤလၢအလဲၤသဒၣ်ယွၤန့ၣ် က လၢာ်ဝဲလီၤ.
29 အဂ့ၢ်ဒ်အံၤ, အမဲာ်ကဆှးလၢသ့ထိးဖၣ် လၢအဘၣ် သုသးတဖၣ်အဃိ, ဒီးသုကပာ်ဆှးသုမဲာ် လၢတၤသၣ် အလီၢ်လၢသုဃုထၢအီၤအဃိန့ၣ်လီၤ.
30 အဂ့ၢ်ဒ်အံၤ, သုကမၤသးဒ်သ့ထိးဖၣ်တထံး လၢအ လၣ်လီၤညွံးအသိး, ဒီးဒ်တၤသၣ်အလီၢ်လၢထံတအိၣ် လၢအပူၤဘၣ်အသိးန့ၣ်လီၤ.
31 ဒီးပှၤအဂံၢ်ဆူၣ်န့ၣ် ကကဲထီၣ်ဒ်လုၣ်ခီမၤအအ့ၣ်အ သိး,ဒီးအမၤတၢ်ဒ်မ့ၣ်ဖီအသိး, ဒီးမ့ၣ်အူကအီၣ်ကွံာ်အီၤ တပူၤဃီ,ဒီးတၢ်တမၤလီၤပံာ်ဘၣ်ဝဲဘၣ်လီၤ.